08/03/2009, 12:21 AM
|
| زعيــم مميــز | | تاريخ التسجيل: 17/02/2005 المكان: مااادري
مشاركات: 6,135
| |
|
حكايتي مع صاحبي الايراني .. وماقاله عن فريق سابا باتري
السلام عليكم ورحمة الله وبركاته
واسعد الله مسائكم بكل خير وود معاشر الزعماء
بحكم تواجد خارج المملكه حاليا..تعرفت على صديق جديد من ايران
طبعا بحكم ميولي الكرويه اول شي تكلمنا عنه عن الكوره وعن الزعيم...وعن ذكريات الزعيم مع الاستقلال الايراني
وبالصدفه صار صاحبي الايراني استقلالي (بشجع الاستقلال)..وجلس (يهايط) عن جماهيرية الاستقلال
وانه بذيك المباراة أرعبوا لعيبة الهلال...قلت له ارعبتونا لكننا فزنا..قال فزتوا بضربات الحظ الترجيحيه
قلت له المهم اننا فزنا...
ماعلينا من كل هذا...الجزء الاهم من محادثتي معه وقت ماسألته عن فريق سابا باتري
قالي انه قبل فتره طويله كان الفريق له صولات وجولات في الدوري الايراني
اما حاليا وبعد انتقال اغلب لاعبيه المميزين واعتزال الجزء الاخر تغير مستواه بشكل جذري
وسألني عن ملعب المباراة وعن سعة الجمهور فيه..قلت له الاستاد عندنا للاسف يتسع 70 الف متفرج
قال لي ليه للاسف...قلت له لان جمهور الزعيم مشتاق لآسيا بشكل فوق ماتتصور..
واني انا متأكد انه فيه اعداد كبيره تبي تحضر لكن ماراح يلقون أماكن فاضيه
قالي 70 الف ماتخوف الاعبيين الايراانيين وانه وعدكم مباراة الاياب..قلت له ياحبيبي مباراة الاياب
ان شاء الله بتصير تحصيل حاصل...لكن الزعيم حتى في هذا النوع من المباريات يرفض انه يفرط فيه
وانتهى حديثنا ان موعدي معاه يوم الثلاثاء ان شاء الله واننا بنتفرج على المباراة مع بعض
عشان كذا ياجمهور الزعيم لازم نعلم ابناء فارس عن الزعيم...او بالاصح مانعلمهم
نذكرهم بهلال اسيا وزعيم الانديه الاسيويه..لانه صار لنا فتره طويله مالعبنا مع فرق ايرانيه
وماننسى ان الجمهور من اهم الاوراق اللي نحملها..لانه في مباراة الاياب صدقوني ماراح يرحمنا جمهورهم
هذا اللي حبيت اذكره لكم...وموعدنا ان شاء الله مباراة يوم الثلاثاء
خاتمه :
اللهم يارب ياكريم يامجيب الدعوات
انصر الهلال فوق كل ارض...وتحت كل سماء...يارب العالمين
اللهم آآمين
ودمتم بود وزعامه
اخر تعديل كان بواسطة » عطــر الأمــاكن في يوم » 08/03/2009 عند الساعة » 03:48 AM |
الوضع الشجري
