|
فــــائـــدة غـيـر متوقعــه من تاجيل المباراة ( خبر عاجل ) علـى بلاطـة .. يقولون بكرا الساعــة 6 : 40 دقيقة بتبدا المباراة بعد ما تاجلت .. وسمعت عن موجـة ترابيـة اجتاحـت رياضنا الحبيبية اليوم .. وقرأت عن آثـار اتربـة عالقـة في كل مكان .. وشاهدت جمهور حضر اليوم رغـم كل الظروف .. فتمنيـــت غداً موج ازرق يغسـل استاد الملك فهد بتسونـامي مهيل.. تمنيـت مقاعد ممتلئـة من القسم الشمالـي لآخر مقعد من البوابات الجنوبيـة .. تمنيت هديـــر لا يتوقف .. وزلزال لا يكل .. وتشجيع صاخـب .. تمنيت جميـع القنوات الفضائيـة العربيـة والآسيوية تتغزل بـ ( جن الملاعب ) المباراة قبل التأجيل .. ما كان عندي نيـة احضرها .. حتى قبل علمي ( بالعاصفـة الترابيـة ) .. والسبب اني تعبت حضور هالموسـم ( كثر الله خيري ) ولكـن يوم تاجلت الاربعاء جاني شعور نفسي (تهيضـت ) ارووووووووح اداهم الـدرة من الحين .. خصوصاَ مع فضاوة الإجازة .. ومرور العاصفـة الترابيـة على سلام .. عسا الله يستر ويحفظ من راحت له .. بصرااااحـة الحافـز الاكبـر لذهابي للملعب .. هو عدم وجود تذاكر مجانيـة .. حسيــت ان كل الي بيجــون هلاليين صميم .. حسيت كل الي بيجون دافعين 20 ريال من دم قلبهم :d . دائماً اخواننا الصفـر ( جمع اصفر ) يقولون ان سبب ملئنا للملعب مباريات كثيرة ( الوحدة والكويت و النهائيات .... ) هي التذاكـر المجانيـة !! وهم حتى بها ما ملوا نصف الدرة . تخيلت وجيههم بعد المباراة والمدرجات مافيها مغز ابره رغم ان المباراة بتذاكـــــــــــــر .. ابيهم يدورون عذر يحفرون ما يلقووون .. ابي الشيب بروسهم .. خصوصاً جستنيـه وطقـة ابو ظبي حينما وصفوا جمهور الهلال ( بالمجاني ) . ( ابي نادي الاتحاد ينسحب من آخر مباراة بالدوري الي في الرياض اذا شاف هالجمهور نبي قناة ابو ظبي تعتزل نقل المباريات السعوديةةبسبب خوفهم من الغرق بالموج ) :d << اعذروهم شكلهم ما يعرفون جن الملاعب .. وما يعرفون ان هالجمهور ملى الدرة يوم من الايام وكانت التذاكر مدبله اسعارها من نادي النصر المنظم ( مباراة الترجي ) عاد ما نبي حـضـور وبس .. نبي هز المدرجات هز .. نبي زلازل .. نبي بعد المباراة ناخذ لقب اطلق جمهور بآسيا << ( ما اعرف اهيض تراي :d ) .. نبي الفرق الي بتجي بعد هالمباراة تشيل هم الجمهور اكثر من هم المباراة نفسها.. التاجيل جاء خيرة .. والخيره فيما اختاره الله .. نلقاكم بكرا يا زعمــاء .. ملاحظـة لا تنسـون التي شيرت الازرق والشال . وإذا بتجيب علم تسلم اخوي . وغير كذا لا تجي << ( ملعب ابوك :d ) ! الملاحظـة الثانيـة . الامواج المكسيكيـة من الشمال لليمين احلـى . تصدقون تحمست اروح اقوم ارفع العلم من الحين :naughty: فمان الله .. والموعد جنون المدرجات .. وامواج تتلي هالاغبـرة .. تحياتي |
الصراااااحه هيضتني <<< بتخش يابو والله موضوعك حماااسي وجميـــــل اشكرك بعنف |
ان شالله بيكون الملعب فل بس تكفون مانبي ناس متفرجه نبي ناس تهز الملعب هز نبي حماس وتشجيع متواصل وان شالله الزعيم بتكون له كلمته ونفوز بالمباراة مستوى ونتيجه وبتكون خير فاتحه بالاسيويه بأذن الله |
اليوم وحضرت انا ومعي واحد والثالث سحبها نومه(وحسيت انه داعي علينا ) ... المهم أشوا ما نطلت التذكرة ... جمهور اليووم والله ضيق صدري وقلت هذا الحظور من صالح الايرانيين (لأنهم ما يعرفون إذا حضر جمهور الهلال وش يسوي بالخصوم ) بس الحمدلله الحمدلله الحمدلله أنها تأجلت ... يعني 70 ألف ولا شي بكرهـ ... طلاب نبيهم كلهم>>> وموظفين نبيهم كلهم <<< لا تسوون ثقل ... يوم أربعاء ولا فيه دوامات ...وحقين الرياض اللي يحب شي اسمه هــلال أكيد بيحظر ... جمهور الزعيم ( تراها بطولة أســيا ) بطولة ايش << (اســـيــا) يعني كل العالم بتشوفها نبي صوت الجمهور الهلالي يهز قلوبهم هـز ... تكفى بيضوا وجـه ابن مساعد .. ونواف بن سعد ... كل واحد يحمس أخويــاهـ وعلى طول الملعب ... والغداء عند الاستاد ... ((تكفى يا جمهور الزعيم )) ((تكفى يا جمهور الزعيم )) ((تكفى يا جمهور الزعيم )) ((تكفى يا جمهور الزعيم )) نبي الملعب ملياااااااااان ... وانــا والله حضرت اليوم وراح أحضر بكرهـ وأصلي العصر عند الملعب .... بالتوفيق للهلال (ما نبي ناس تتكلم وهي ما راح تحضر ) |
عساها خيرهـ إن شاءالله والله يرحمنا برحمته ياارب وبكرا انا أول الحاضرين إن شاءالله تقبل مروري |
الله يوفقكـ والله الله بالتشجيع المثالي لا تجيني بثوبكـ وشمـاغــكـ تعــال بطيحيني "ههههههههه" قصدي تعال بفانيله زرقاء وشال هلالي وان شاء الله نحتفل سوياً بالفوز باذن الله تعالى |
ان شاء الله راح نحضر من اول العصررررررررررررررررر همتكمممممممم غدا |
الحضور الحضور يالغلااااااااااااااااا ماقصرت اول ونحتاج حضورك وكل الزعماء فكيانهم يحتاجهم شكرا جزيلا |
شدو حيلكم ياجماهير الرياض مانبي ولا كرسي فاضي نبي الفرق اللي تجي تخاف من الجمهور قبل الهلال |
الجو اليوم ماهو مناسب والله ، بس الحمد الله تحسن وان شاء الله نحظر بكره ،، في الملعب موعدنا يـ اهل الريـاض .!! |
يالله نبي جمهووووووووووووووووووور من الحين مشينا ... )) تهيض (( |
الحمد لله عساها خيره من الله عز وجل . |
ان شاء الله التأجيل يكون خير ان شاء الله .... ويفوز الزعيم بكره سواء لعب المغرب او حتى الفجر ... الملعب ملياااان يا جمهور الزعيم |
ياليت يكون موضوعك مطابق لعنوانك ابغى اعرف الخبر العاجل ؟ ,,,,,,,, |
ان شاءلله في كل تأخيره خيــرره ,,, وان شاءلله انهاا خيره في ماختارهاا الله ,, والحضوور ان شاءلله بكرره ,, |
| الوقت المعتمد في المنتدى بتوقيت جرينتش +3.
الوقت الان » 06:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd