السلام عليكم



’’



بخصوص آخر موضوع لي

انا كنت بالملعب وكلمت واحد من الإخوان بديرة ثانية وقلت له ادخل بإسمي واكتب موضوع
قال ليش قلت عشان الجماهير تتابع شبكة الزعيم ويشوفون الموضوع ويجون النشاما ونقهويهم
هذي صورتي آخر واحد على يسار الصورة لابس توب أسود ومكشكش من ورا خخخ وواضح اني اكلم خويي



ذهبت للملعب الساعة 4 وربع بالضبط انا موجود’’ سألنا العسكري قال الساعة 5 يتحدد كل شي
فرينا فرينا واحد الشباب الداجين غرز بالزفلت لان كان تراب بسيط , المهم انا ماساعدته
كمان فر ووقفنا عند البوابة 5
فجأة ومن دون سابق إنذار قالو ادخلوو
دخلنا وشرينا التذاكر فتشونا دخلنا انا من الأوائل وإسمي طلع بالجريدة
دخلنا ونظفنا الكراسي ماقصرنا يعني اللي يجي بكرا ان شاءالله بيلقاه نظيف << عطوه المقسوم خخخ
جلسنا وانا قطعت الجزء الباقي من التذكرة كالعادة لان غاسل يدي اني اربح او يطلع لي حظ
ومن بعيد اشوف شي يلمع يوم قرب طلع ابو لما واللي تلمع صلعته
والله ياهو يتعب ويشتغل شغل ماهو طبيعي
نشيط وخدوم وبشوش ويساعد الجميع عافاه الله وسدد على الخير خطاه
هو والطلاسي الله يحفظهم
وفعلاً بدا الجمهور بالتواجد وكان الوضع كويس والجو بدأ يخف الغبار منه
والإعلام تواجد العضيبي والدحيم وشلتهم ومصورين وحمادة البثر
يعلق الشالات والحكام نزلو لأرضية الملعب وصفقنالهم وفي ناس قالو اوووو مادري ليش اووو
يعني الحكم بيدج اذا قلنا اووو !!!

وردني إستفسار بخصوص الرابطة والمكرفونات

بخصوص المايكات


كانت موجودة والأجهزة موجودة وكانو يركبونها
طبعا بالواجهة
لكن الغاء المباراة ماخلاهم يكملون التجهيزات



المهم ان الجو بدأ بالتحسن لكن وش نقول بالداجين

شرينا حَب ومالقينا حُب وصليت المغرب بعدها رجعت للكرسي الدوار ودقيقتين الا المذيع الداخلي يقول
الشباب اللي بالملعب ياليت تفارقونا لان الجو غبار وانتم ضد الأتربة والغبار خخخ
طبعاً قالها بإسلوب مهذب لانه خايف مني << ابو عرااادة ,, وين الشاهي وين الماهي خخخ

المهم انقلعنا راضين وقال المذيع الداخلي اللي دخل يحتفظ بالتذكرة
واخوكم بالله قطع التذكرة تهي تهي

لكن عشان الهلال وعشان جماهير الهلال بأشتكي لوزارة التجارة والفيفا خخ

ان شاءلله بكرا بشتري تذكرة جديدة واخش من جد وجديد لعيون الهلال << اليوم استلم الراتب اللي يبي سلف

حضرت بغبار ماني عاجز احضر والجو صافي وان شاءالله الفوز للهلال


عاد ياجمهور الهلال
بكرا ربوع واجازة وفلة دوبليكس هع هع
والحضور لازم فللللللل يعني فللللل

مالكم حجة ابد

اليوم غالبية الردود قالو مانبي نحضر بهالجو

وان شاءالله بكرا الجو حلووو والهلال أول مشوار آسيوي ومحتاج لنا
ولازم الجمهور يكون متواجد بكثافة لأن المباراة الساعة 6 واربعين دقيقة وينتهي الشوط الأول الساعة 7وخمس وثلاثين دقيقة ويصلون العشاء ويبدأ الشوط الثاني

ويمديكم على أوربا لان المباراة بتنتهي الساعة 8 ونص واوربا 10 وخمس واربعين دقيقة

يعني بلاش تصريف وكلام ماله داعي

رئيسنا يستاهل من يوقف معه ويسانده ونبي نبين للجميع ان جماهير الهلال مع الهلال ومافي احد يقدر يمنعنا عن الهلال .


وآسف على الإطالة لكن هالله هالله بالحضور يازعمااااااااء