شي ماشفتوه بالملعب + الحضور الجماهيري لمباراة الغد
 

السلام عليكم



’’



بخصوص آخر موضوع لي

انا كنت بالملعب وكلمت واحد من الإخوان بديرة ثانية وقلت له ادخل بإسمي واكتب موضوع
قال ليش قلت عشان الجماهير تتابع شبكة الزعيم ويشوفون الموضوع ويجون النشاما ونقهويهم :d
هذي صورتي آخر واحد على يسار الصورة لابس توب أسود ومكشكش من ورا خخخ وواضح اني اكلم خويي
http://upload.alhilal.com/img/017/SA...1;800x600].JPG


ذهبت للملعب الساعة 4 وربع بالضبط انا موجود’’ سألنا العسكري قال الساعة 5 يتحدد كل شي
فرينا فرينا واحد الشباب الداجين غرز بالزفلت :d لان كان تراب بسيط , المهم انا ماساعدته :bx:
كمان فر ووقفنا عند البوابة 5
فجأة ومن دون سابق إنذار قالو ادخلوو
دخلنا وشرينا التذاكر فتشونا دخلنا انا من الأوائل وإسمي طلع بالجريدة :d
دخلنا ونظفنا الكراسي ماقصرنا يعني اللي يجي بكرا ان شاءالله بيلقاه نظيف << عطوه المقسوم خخخ
جلسنا وانا قطعت الجزء الباقي من التذكرة كالعادة لان غاسل يدي اني اربح او يطلع لي حظ :bx:
ومن بعيد اشوف شي يلمع يوم قرب طلع ابو لما واللي تلمع صلعته:smilie47::smilie47::smilie47:
والله ياهو يتعب ويشتغل شغل ماهو طبيعي
نشيط وخدوم وبشوش ويساعد الجميع عافاه الله وسدد على الخير خطاه
هو والطلاسي الله يحفظهم
وفعلاً بدا الجمهور بالتواجد وكان الوضع كويس والجو بدأ يخف الغبار منه
والإعلام تواجد العضيبي والدحيم وشلتهم ومصورين وحمادة البثر :d
يعلق الشالات والحكام نزلو لأرضية الملعب وصفقنالهم وفي ناس قالو اوووو مادري ليش اووو
يعني الحكم بيدج اذا قلنا اووو !!!

وردني إستفسار بخصوص الرابطة والمكرفونات

بخصوص المايكات


كانت موجودة والأجهزة موجودة وكانو يركبونها
طبعا بالواجهة
لكن الغاء المباراة ماخلاهم يكملون التجهيزات



المهم ان الجو بدأ بالتحسن لكن وش نقول بالداجين

شرينا حَب ومالقينا حُب :smilie47: وصليت المغرب بعدها رجعت للكرسي الدوار ودقيقتين الا المذيع الداخلي يقول
الشباب اللي بالملعب ياليت تفارقونا لان الجو غبار وانتم ضد الأتربة والغبار خخخ
طبعاً قالها بإسلوب مهذب لانه خايف مني << ابو عرااادة ,, وين الشاهي وين الماهي خخخ

المهم انقلعنا راضين وقال المذيع الداخلي اللي دخل يحتفظ بالتذكرة :cry::cry:
واخوكم بالله قطع التذكرة تهي تهي

لكن عشان:cry: الهلال وعشان جماهير الهلال بأشتكي لوزارة التجارة والفيفا خخ

ان شاءلله بكرا بشتري تذكرة جديدة واخش من جد وجديد لعيون الهلال << اليوم استلم الراتب اللي يبي سلف :d

حضرت بغبار ماني عاجز احضر والجو صافي وان شاءالله الفوز للهلال


عاد ياجمهور الهلال
بكرا ربوع واجازة وفلة دوبليكس هع هع
والحضور لازم فللللللل يعني فللللل

مالكم حجة ابد

اليوم غالبية الردود قالو مانبي نحضر بهالجو

وان شاءالله بكرا الجو حلووو والهلال أول مشوار آسيوي ومحتاج لنا
ولازم الجمهور يكون متواجد بكثافة لأن المباراة الساعة 6 واربعين دقيقة وينتهي الشوط الأول الساعة 7وخمس وثلاثين دقيقة ويصلون العشاء ويبدأ الشوط الثاني

ويمديكم على أوربا لان المباراة بتنتهي الساعة 8 ونص واوربا 10 وخمس واربعين دقيقة

يعني بلاش تصريف وكلام ماله داعي

رئيسنا يستاهل من يوقف معه ويسانده ونبي نبين للجميع ان جماهير الهلال مع الهلال ومافي احد يقدر يمنعنا عن الهلال .


وآسف على الإطالة لكن هالله هالله بالحضور يازعمااااااااء

الله الله يالزعماء بيضوا وجيهنا بكره تكفون تكفون الحضور ثم الحضور
اخوانكم المغتربين معكم قلبا وقالبا
منصور يالزعيم بأذن الله

كفيت ووفيت كاتب قصتك حياتك يالذيب

يصير خير







:)

اوقسم بالله اني مقهور

بعد ماحضرت وشفت الجماهير وربي احمدو ربكم انها اتاجلت ولا كان انفضحنا باوروبا

والله فضيحه جماهير تعدهم باليد

ولله انك كفوووو


وقسم حسستني اني معك


يعطيك العافيه على النقل


وبكره نشوفكم باذن الله معبين الملعب


شكل الغبار جاي عندنا :( بدا يغبر الجو عندنا


يالله عسا يجي عندنا بس يروح عنكم وتحضرون وتملون الملعب


<<< يدرس بالشرقيه

طيب كان قلت ميد العسكري عطني ورقه اكتب فيها كان معه تذكره وبكره جبه :D

ياخوفي اللي حضروا اليوم كلهم شقوها

بعدي يا حمد الهلالي .. جهد خراااااافي هالايام ..
لكن الله يهديك .. تذكرتــك الي قطعتها تحسب علـى المتواجدين غداً .. لان عدد التذاكر المطبوعـة محددة بعدد معين ..
<< ما يعرف ينتقد .. نا اقصدك انت اقصد كل الي حضرووا اليوم ..

شدوو الهمه ياجماهير الزعيم ... ولاتردون اخائبين

ان شاء الله الفوز هلالي

ويبيضون الوجه بالحضور

ولي على آمتي

وش هالكلام

ان شاءالله بكرا بدخل لو بدال الدعيع مالي شغل والله

ان شاء الله الرقم الصعب بالموعد ...


وان شاء الله ما يخيب الظن ..


ومشكووور يا حمد على التغطيه يا بطل ...


وان شاء الله ابجي من القصيم ابستأذن من الدوااام (( الصبح بدري ))...

لعيون الزعيم ....


الله لا يهينك ياحمد كم ارقام الكراسي الي مسحتهن على شان نجلس بهن . ان وثلاثه من اخوياي <<< هههه استتلكع

يعطيك العافيه


والوعد باتسر ان شاء الله


وتذكرت باتسر على حسابي بعد