أهلاً و سهلاً بعودتك محامية

و الحمد لله رحتي و معك فلوس هالمرة ماشاء الله مشتريات كثيرة و متنوعة !

أولاً أشكرك على سرد المشتريات .. و أكيد يهمني أعرف

المجموعة الاولى من الكتب - إن كانت لك - هل اشتريتيها لحاجة تعليمية ,, أو رغبة في الإطلاع بس !؟

أما الروايات ,,

هلا و غلا محامية

اهتمام مميز منًك بهذا النوع من الكتب .. و حلو إنك لقيتي اللي يعطيك المعلومات اللي تبحثين عنها

أما فسوق ,, صراحة كانت أسوأ ماقرأت لدرجة إني تخلصت منها ,, كانت فكرتها دنيئة جداً .. لأنها هتكت حُرمة الميت !
لكن كتابات عبده خال بشكل عام ما أتكلم عنها لأني ماقرأت له غيرها ,,
عموماً , أنا سمعت عن رواية الطين و كثير أثنوا عليها .. بأقراها و اشوف

الجنية رائعة جداً جداً .. استمتعي فيها .. و ممكن تخافين شوي .. بس قولي( بسم الله الرحمن الرحيم )

مشكورة محامية على تكرمك بهذا الحضور الجميل للموضوع

أهلاً و سهلاً و مرحباً الماسه الزرقاء

الله يبارك بعمرك .. و يخليك ..

من هنا .. أكرر شكري لكل من تداخل و أثرى الموضوع برأيه .. أو مشترياته

للأسف انتهى المعرض .. و أنا برأيي أن الفترة قصيرة !
فزيارة واحدة لا تكفي .. لأن الكتب كانت بكميات كبيرة جداً .. و دور العرض كثيرة .. و نحن بمدينة مزدحمة بالبشر مثل الرياض !

أما أنتِ ,, حتى لو لم تتوفر لكِ رغباتك .. جيد أنكِ تمكنتي من شراء بعض الكتب .. قياساً على وقتك ..

ألف شكر لكِ .. أسعدني حضورك

انتظر عودتك



........................

إقتباس الرسالة الأصلية كتبت بواسطة رنـــــد . يعطيك العافيه يالمحبره ع هالتغطيه الرائعه , رحت للمعرض اكثر من مره بس مشكلته زحمه مره الواحد ماياخذ راحته شريت كتب كثيره ان شالله اصور الكتب وانزلها بأقرب وقت احلا روايه شريتها وقريتها رواية اوراق طالب سعودي بالخارج مره خيال والباقي الا الحين انقنق عليهن المحبره لك () سي يــا .

هلا و غلا رنـد

الله يعافيك .. و يخليك

الله يعين على الزحمة !! تصدقين بعض الأماكن ماشوف الكتب من العالم اللي بالمحل

رواية اوراق طالب سعودي بالخارج .. ماعرفها ,, عطيني لمحة عنها و مين الكاتب ؟

لاخلصتي نقنقه اعرضي كتبك و خلينا نشوفها

ألف شكر رند .. تسلمين

إقتباس الرسالة الأصلية كتبت بواسطة وجــدان باك > ياكثرتس بهالموضوع لا بس بغيت اقولتس اني نفذت قراري ورحت > الله والقرار من جد اول مره أحس اني مثقفه كذا حتى لو الواحد موب حق كتب وقراءة اذا شاف هالأشياء يتحمس يقرأ كنت متحمسه ابي اشتري اشياء معينة يوم رحت تغيرت كل القائمه اللي خططت عليها : رحت للركن اللي انتي مصورته حق القصيبي طلعت شاريه روايتين منه والقصيبي ماشريت له شيء اممممممم صورت مشترياتي عشان انزلها هنا وأوري فياض اني مثقفه بس مالله أراد خربت الوصله وانحاس كل شيء .,

هلا و غلا وجـدان
الله يحييتس بكل وقت تنورين موضوعي والله

حلوووو نفذتي هالقرار الصعب بداية خير ان شاء الله

هذا كلامي .. حتى لو مافيني أشتري كتب شكلهن و عناوينهن تشهي

بعدين الوصلة مالقت تخرب إلا اللحين بس يالله يكفي أعرف أساميهن

يسعد مساكم

عذراً على العودة لكن استوقفني كلام الهنوف لأن فعلاً كثير يتردد هالسؤال
" ما الفائدة من قراءة رواية "

بنظري الروايات المترجمة قد لا تحظى بلغة مُترفة - و للترجمة دور كبير في هذا مهما كانت الترجمة احترافية لن تكون كما اللغة الأصلية للعمل - لكن بالمقابل هي مادة عظيمة لاستشفاف القدرة الإبداعية
في الوصف و تمثيل الأبعاد البصرية و الحركية خصوصاً , بدقة متناهية . فضلاً عن حبكة التصاعد الدرامي
يعني تصوري شيء كهذا إلى أي مدى سيخدم في الكتابة بأي مجال كان

من جهة أخرى يوجد الكثير من الروايات التي تحمل طابع فكري أو سرد شاعري أكثر من كونها مبنيّة على صناعة حدث
و مثلها لها أثر كبير جداً في قوة الأسلوب و فصاحة المنطق

يعني بكل الأحوال كل هذا الإرث لا يمكن أن يكون مضيعة وقت

و بس : )

عذراً مرة أخرى .. مستمتعة كثيراً بقراءة مداخلات الموضوع

ألف شكر لكِ .. سعيدة بحضورك

شكراً لك