إقتباس الرسالة الأصلية كتبت بواسطة هامور البورصه مبرووك ويتربى بعزكم انا اقول شرايك تغير الاسم وتخليه طارق قسم انه شي هالاسم ولا عليك من بعض الناس اجل تقول سمه هيثم وين ولد مصاريا ولا حاتم ولد سواريا شف يا كنز نواف حاول تسميه اسم دارج مع الناس مهوب شاطح مثل هيثم وطارق والاسامي هذي مره انا جايب با كستاني ببيتنا المهم قالي وش اسمك ؟ قلت طارق استغرب البكستاني وقال طارق اسم بكستاني غريبه سعودي اسمه طارق الله يهديه بس ابوي مدري وش يحسبه يوم سماني طارق

الله يادنيا اللحين صار حاتم اسم سوري
اقول يازينك ساكت بس .. أحسن شيء اسم حاتم نطقه غريب ومميز
حتى هيثم حلوو وموب اسم مصري ولاشيء
اموت وأعرف من حاشي مخك بهالمعلومات المغلوطه
لا ومن زين الأسم يتكلم .. طارق
أمزح ياهلالي من ارض اليمن اسم طارق حلوو بس قهرن ولد البورصة
أجل اسم اجدادي سوري

إقتباس الرسالة الأصلية كتبت بواسطة عقد الياسمين هلا بـ الأب الجديد , مبــروك مبـروك ما جاك يتربى بعزك ان شاءالله , وعقبال بقية الذرية الصالحة .. الله يقر عيونكم فيه يارب .. والله بنظري أسم "الوليد" حلووو , أما جمعان فـ هذا طلعه من القائمة كل ابوها مع أني سمعت أن اسم الوليد ممنوع!!! عاد مدري ! واذا ما يصلح الوليد اقترح "عدي" احصه بطل وان شاءالله تلقون له الأسم الأحلى ..والأنسب ,, ما أنسى أشكرك على إتاحتك فرصة التعرف على ذوق الآخرين في الأسماء , و المساحة الي أتحتها لغيرك حتى يشاركك الإختيار .. و بعد أحترم فيك وفاءك و الذكرى الجميلة اللي حملتها لـ الأصدقاء القدامى , أما... "قاهرة كاسبر سكاي " شي ثااااااااااااااااااني

ياحياك اخوي

خلاص اخوي سميته الوليد
وجمعان مستحيل اسمي فيه بس بتصيرعيارته

شرفتنا اخوي برأيك ومشاركتك الجميلة

إقتباس الرسالة الأصلية كتبت بواسطة هلالي من ارض اليمن اهلا وسهلا اخي ( الكنز نواف ) .. مع كل التقدير والأحترام للرعيل الأول من ابناء الشبكة الف مبروك .. ونسأل الله ان يطرح في ولدك البركه والصلاح ويجعله قرة عين لوالديه لا ادري ماذا اقترح لك .. ولكن شخصيا احب من الاسماء عبدالله و عبدالرحمن وعبدالأله وعبدالملك و محمد الله يرزقني اياهم الخمسة الف الف مبروك

اهلا أخي العزيز
أهلا باأهل العلم والحكمة
وبالمناسبة انت تعد من الرعيل الأول وبمعنى آخر انت من المخضرمين
بالنسبة للاسماء فقد حسم الوضع باسم الوليد

اشكرك أخي العزيز

إقتباس الرسالة الأصلية كتبت بواسطة كان هنا يا هلا وسهلا .. أجل الغبار اللي نـمر فيه كلّــه من يوزرك .. /، مبروك ما جاك ويتربى بعزك والله يطعمك من خيره ويكافيك شره .. اسمع وانا ولدك الصغير .. سمه فيصل .. تيّمنـاً بالملك فيصل " الله يرحمه " بعدين ترا لكـلن من اسمهِ نصيب .. تخيل تسميه ( الوليـد ) ويجلس طول عمره بزير مثل بعض الناس !! بعدين فيصل " يفصل بين الحق والباطل " .. فيصل .. فيصل .. فيصل .. فيصل .. فيصل .. فيصل .. فيصل .. فيصل ..

مو بس من اسمي شف اسماء الاعضاء المغبرين اللي طلعوا من جحورهم

تدري والله حطمتني خصوصا بعد ماسميت انا الوليد

فيصل اسم جميل ومعبر للغاية وهو الاسم القادم للابن القادم باذن الله

صح انا مسميه الوليد بس مو على البزير اللي بالي بالك

إقتباس الرسالة الأصلية كتبت بواسطة M!ss 7up الف الف مبروووووك يتربى بعزك ان شالله اسم فيصل حلوو ولكن اذاا تبي التميز والتكشخ سم الوليد

سمينا على رايك الوليد

لكن التكشخ والتميز هذا بعيده عني

إقتباس الرسالة الأصلية كتبت بواسطة أحلاهم واتحداهم مبروووووووووووووك ماجاك ويتربى بعزك بالنسبة للاسم اشوف واجد اقترحو عليك الوليد بس احس الكنية بتكون ثقيلة ابو الوليد بعدين بيسمونك ابو وليد اخف من الاسماء الثلاثة الي حطيتهم اقترح فيصل واذا من عندي اسم فهد

تبي الجد والله اني اكره اسم وليد
وخايف من الشي هذا

الله يستر ......

والله يبارك في ايامك يااااارب

إقتباس الرسالة الأصلية كتبت بواسطة ابو طـــــلال لك ساعة ( تبربر ) ومقدمة طويلة مالها داعي قل جاني ولد وخلاص >>>> منقهر ماشاف إسمه بينهم خلنا من المقدمات ... ألف الف مبروك .. ويتربى بعزك والله يرزقك بره ويصلحة ويجعله من عباده الصالحين ... وعساه يطلع أبرك من ابوه إسم فيصل حلو بس مستهلك ...... الوليد حلو >> بس أخاف تنطق بالمنصه لاصرت ( أبو الوليد ) جم عان !! لو أدري إنك مسمي هالإسم .. بقطع العلاقه معك >>> ومن متى المعرفة يابوو ياسر حلو .......... ماجد حلووو ....... ثامر حلو ....... ريان ....... وعسى الله يحفظه لك وتشوفه ( باشمهندز ) اااااااد الدووونيا أخوك الصغير ابو طلال

والله يابو طلال العتب على الذاكرة
بس احلى مافيك الصورة الرمزية

بس حلووووة انطق بالمنصة ان شا ء الله اررررروح المنصة اليوم واشجع الشباب

إقتباس الرسالة الأصلية كتبت بواسطة باسكن روبنز مبروك ماجاك ، والله يجعله قرة عين لكما . اسم وليد من أكثر الأسماء المحببة لدي احس انه كشخة وراقي عندك اسم فارس كمان حلوو

بارك الله فيك ورزقك الذرية الصااالحة باذن الله
وابشرك سميته الوليد

إقتباس الرسالة الأصلية كتبت بواسطة بن منيف النهدي مبروووووووووووووكـ واتمنى ان تسميه(الوليـــــد)

بارك الله فيك

وتم تسمية الوليد

شوف. اعطيك اقتراح.بس قبل

ترا جحدر الذآكرة مثلك واردى عطني اليوزر واذكر

هذا عضو داج للغاية واذكر انه حرررج علينا في حراج بن قااااسم
والله اعلم بكم باعك انتي



الاقتراح يقول. قول لها بقانون العوآئل أول أسم للأب.ودامها تبي تسمي اسم هيثم مايصلح لأول طفل
راح تتسمى فيه طول عمرك!

خطة جهنمية
فعلا .. ان كيدهن عظيم

هيثم هذا محذوف من القائمة للأبد


وحط ببالك اسم ماهو موجود عندكم بالعآئلة كا اول اسم للبكر+مايكون عند اخوانك

مع اني ناسيه اسمك بس الوليد انصحك فيه.

ترى الغآلبية العظمى [ الوليد ]

خلاص سميت الوليد
واخذت رايك


ذكرتني بصراعنا مع ابوي يوم جا يسمي آخر العنقود كان بيسميه على الملك عبد الله ذاك الوقت كان جاي الشرقيه
وفي باله فياض رفضنا رفض قاطع كلا الاسمين

ورشحوا اسم أسآمة بإجمآع كلي للعآئلة

عبد الله ارحم من فيااااااااااااض
لو ابوي سماني فياض ياشيخة ما امشي مع النااااااااااااااس


اسامة ررروعة بصراحة بس مشكلتي ولد اخوي الصغير اسمه أسامة على بعض الناس


خلك على الوليد. ويمكن المدام متحديه احد ولا نفسها بالاسم من زمان

فا انت طيب خاطرها بطقم ذهب خفيف بما انه نازل فرصتك

وصدقني بتتنازل

هههههههههه
ماعندنا حررررريم تكسر كلام رجالها

تتنازل غصب عنها


<شريرة مـو؟

صوره لنا عاد. مو تقول لنا بدون صورة ماينفع

خابرك شريرة مايبي لها كلام

بالنسبة للصورة انتي اضمني لي ان جحدر مايشوفها وابشري
عليه عيون ولا زرقاء اليمامة

مشكووووورة اختي على تفاعلك

إقتباس الرسالة الأصلية كتبت بواسطة هلالي ثنياني عالبركة يالكنز وخذ الشور مني إن كان ما اسمك نواف فسمه نواف وإن مابغيت نواف فلا يردك شي عن خالد وسمايتك عندي تثبيت موضوع في قسم التقييم أسأل الله أن يجعله من الصالحين وينفع به دينه وأمته ووطنه وأن يبارك لك فيه ويرزقك بره ويجعله من حفظة كتاب الله الكريم ليلبسك الله به تاجا من نور يوم القيامة

ياحبني لك انت وتوقيعك ياشيخ

وجزاكك الله خير والله يرزقك الذرية الصاااااالحة ياثنياني

إقتباس الرسالة الأصلية كتبت بواسطة ماجد مقبل حياك الله وبياك اخوي الكنز نواف والف مبروك ويتربى في عزك والله يحفظه لك .. وبورك لك في الموهوب وشكرت الواهب ورزقت بره ... ومن ناحية الاسم سمه يوسف ...(قلب) يوسف بن الكنز نواف >>> قمة القوة دمتم بخير ,,,

هلا اخوي ماااجد وتستاهل االاشراااف والله
وبارك الله لك وفيك

إقتباس الرسالة الأصلية كتبت بواسطة سطيح ماشاء الله مبروووووك جعله الله من مواليد السعادهـ ويتربى في عوك ان شاء اللهـ &&& الوليد &&& اسم مميز وحلو

بارك الله فيك والله يرزقك الذرية الصالحة ووالزوجة الودود الولود

وسميناه الوليد

إقتباس الرسالة الأصلية كتبت بواسطة خربوووووط كح كح كح كح كح والله من الغباااار يالكنز هلا وغلا بهالطله ...يالله ان تحيييه مع انك ناسينا .. بس نعذرك فرحة المولود تنسي كل شي والله لو يسمعك صمت العيون وانت تقول له اختنا ليتمردغ ببطنك ويعلمك وشلون تقول له اختنا .. ألف ألف ألف مبرووك ويتربى بعزك .. رزقك الله بر الموهوب وشكر الواهب والله اني دااخل بالصدفه للمنتدى وماحلااهااا من صدفه وبالنسبه للاسم سمه ثااامر والا فهد والتماايم لاتشيل همها اشوفك على خير

مش معقووووووووووووول خربووووووووووووط بيك
الله يجازيني بالخييييييييييير
اللي جمعت كل المغبرين في هالموضوع
ذكرتنا بالمررررردغة ياحبيب الـB

بالعكس والله ماني ناسيك يابعد حيي
واسمك سقط سهوا مثل فتى المدينة بعد وبقية الرااائعين
وذااااكرك زين بس صدقني سخن الدمااااغ عندي من كثر ما حاولت اتذكر
حياك اخوي وياليت تطمنا عليك
مبطين عنك والايام الحلوووووة معاك

مبروووووووووك ويتربى بعزك ..
الله يصلحه لك ويرزقك بره ..

كاني قريت باحد الردود تقول ان اسم فهد مو زين .. !!
بعدين فهد احسن من الاسماء اللي مدري من وين جايبها ..