الله يكتب اللي فيه خير للزعيم

ههههههههههههههههههههههههههههههه

يا حليلك يا الغافي تبيهم يسمحون بالعصا مره وحدهـ.

ياخي أنا مرهـ سحبو مني "قلم" والله العظيم سحبوهـ مني. وانت جاي هنا تطالب "بعصا".

× لكن للأمانه يمكن العسكري اللي على الباب سحب القلم لأنه معجب بالقلم.
هههههههههههههههه

على ماعتقد في مباراة الهلا وسابا الايراني ,, شاهدنا الجمهور الايراني القليل يحملون الاعلام التي تتكون من العصاا المذكوره ,, !! شئ غريب اعتقد انه مسموح للفرق الاجنبيـه والسعوديه لاا ,,

اشكرك عزيزي (الغافي) على اثاره هذه النقطه

اولا بم اننا لا نملك فرقه خاصه بأمن الملاعب ويكونون متخصصين بالملاعب

فمن الطبيعي منع كل شي حتى لايعرضون انفسهم للمشاكل

لكن فيه اشياء غريبه تمنع مدري

مثلا
1- عصا البلاستيك اللي بالعلم (بصراحه فيه بعض الهمج يدخلون للملعب ومايدورن من اللي يلعب بس عشان يتمسخرون ويسببون المشاكل )

2- الشال الي عليه كلا او ارقام ( ما ادري ليه ممنوع ابي سبب واضح ليه ممنوع )

3- في استاد الملك فهد يمنعون دخول علبه الماء الي بنص ريال (هي علبه صغيره مستحيل يجي منها ضرر يظطر الواحد كل ماعطش يطلع ويشرب ماء ويرجع وداخل طالع تفتيش )

4_ الولاعه ( يعني معقوله واحد بيحرق الملعب بولاعه بالعقل ياخي الواحد بيدخن ممنوع لازم نقعد نتشحذ من فلان وفلان )



انا حظرت قبل سنتين مباراه في ملعب (سنتياجو بيرنابيو ) ملعب ريال مدريد حتى اذكر كانت مباراه الريال واشبيليه وانتهت 3__1 للريال
ياناس والله تخجل تقول انه عندك ملعب مافيه الا تنظيم دخول وخروج وعلى التذكره موجود رقم الكرسي وتجلس على الكرسي المخصص لك وعند كل بوابه يوجد كافتيريا ويسمح بدخول المشروبات والماكولات ويوجد اماكن مخصصه للنفايات (الله يكرمكم) وامن الملاعب متوفرين بكل انحاء الملعب وتقدر تسأله وتستفسر منه اي شي لا ويبتسم في وجهك
( حنا مانبي عساكرنا يبتسمون نبيهم يردون علينا مو يطردونا )
تصور ملعب يشيل اكثر من 70000 متفرج وموجود تقريبا في وسط حاره ومع ذلك مانلقى زحمه لا بالدخول ولا بالخروج (

حنا ملعبنا برا الرياض تقريبا واذا طلعت يجونك هالعساكر ويتأمر على الناس ويصارخ وما يبي احد يسأله عن شي مجرد ماتكلمه صرخ في وجهك
(تقول عليه رتبه لواء مهوب عسكري وداخل العسكريه بواسطه )

والله اتمنى نجد حل لهالمشكله

لأنه من جد ترا احنا نعاني في مسأله حضور المباريات

اسف على الاطاله اخواني الاعزاء

وتقبلوا مروري....

منذ سنوات طويلة منعت العصي البلاستيكية من الدخول للملاعب السعودية وكنا بالماضي نشاهدها ملقات عند نقاط التفتيش المتواجد داخل الملاعب السعودية !!
تماما كما هو حادث حالياَ للشعارات التي تحتوي على كتابات !!

هلا أخوي الغافي

يارجال ليت وليت لكنك للأسف تنفخ في قربة مشقوقة
ربعك مايبون يتطورون ويتعلمون إنك تحاسب المخطيء لوحده
خل العصي البلاستيكية مرحلة متقدمة ويبي لها شغل مستقبلي أبسط مافيه إضافة أعداد كبيرة من رجال الأمن
لكن خلنا نتكلم في أشياء أبسط واقربها اللافتات المكتوبة بخط كبير وواضح واللي كنا نشوفها زمان وتعطي منظر وشكل حلو للملعب
وهالأشياء أصلا تعليقها مايكون الا عن طريق رابطة المشجعين فليش تمنع برغم أن مالك اللافتة معروف واللي بيعلقها برضه معروف؟
ويبقى الأهم بل أهم المهم هو تعامل رجال الأمن مع الجماهير , مابنطلب منهم شي صعب بس نبي نحس إنهم يتعاملون مع أوادم ولا نبي أكثر من كذا

في أمان الله

اقتراح جميل بس صعبة لان
عندك مع الجمهور ناس مندسين
وإذا سمحو بالعصا فسيكون هناك شغب
لتضرر الفريق الهلالي
بالتوفيق لزعيمنا

مشكوووووووووووووووووووورين على الردود

لي عوده