|
المسلم.. الغانم يقال انك حبيب ربيع او هو حبيبك اشاعات كالعادة خصوصا ان الاشاعات تلاحق المشاهير:D ولكن انتظر تعليقك على هذه الصورة علما انها قديمة ولكن اتمنى ربطها باليوم شكرا لكل اثرياء العالم!! شكرا لكل حكام العالم!! القلب الازرق.. متى بيمديك تحل هالأسئلة ! اقووووووووول امرررررررررررررح بس انت abu3ziz.. ترى اللي فوقي متعقد من اسئله ولد الجوف الله يقويه الله لا يلومه :( وردة الهلال او بالاصح شوكة الهلال.. شف لو انك مرخص لي مو أحسن من أسئلة هلالي الجوف نطلع من حفرة نطب في دحديرة!! حوبتي عليك ما عدتك أبدددددد حسبي الله ونعم الوكيل لوكنت تسوق سيارتك بظلام والسماء تمطر والموقف موحش وفجأة تعطل مسجل السيارة وش تسوي ؟!!! اشغل الراديو ( وراء كل رجل عظيم أمرأة) ما رأيك في هذه المقولة ؟ مهوب دايم خصوصا مع بنات هاليومين :D ماهو رأيك في مفهوم الآباء لتربية الأبناء في مجتمعنا ؟ هل تعتقد أن الطريقة المثلى لذلك هو الضرب ؟ ام الحرمان ؟ ام الكبت ؟ ام لديك حلول اخرى ؟ ولماذا ؟ اعتقد ان مبدأ الاقناع والتناقش احسن طريقة لتجهيز جيل واعي واثق يعتمد عليه في المستقبل.. في بعض الدول العربية .. يعتمدون كلياً على المنتجات المحلية اي التي يصنعونها لديهم .. ويعتبرون البضائع الأجنبية تهريب ويعاقب عليه القانون .. هل هو تفكير سليم ؟ اطمع في بعض الايضاح اذا كانت لديهم القدرة على توفير بديل محلي للمنتجات الخارجيه فهذا هو المطلوب والافضل.. اجمل هدف شاهدته للذيب سامي؟ امام الشباب على نهائي الدوري 3-2 اجمل فاصل مهاري للسام سته حتى دون ان يسجل؟ امام النصر وراوغ اكثر من لاعب وسدد الكره في العارضة :( احسن فلم شفتيه؟ ARMAGDON لبروس ويلس ماذا تعني لك الكلمات التاليه الحب: متى ما كان صادقا فهو اسمى ما في الوجود. الصداقه: تتضح معالمها اثناء الشدائد. الشعر: بدأ مرحلة التشويه! الوحده: قد تكون الوحدة افضل في بعض الاوقات الاخلاق: الوقود الفعلي للانسان. ماهي اجمل مرحلة دراسية مرت عليك وتتمنى عودتها المرحلة المتوسطه أكلتك المفضلة # حيوانك المفضل # لونك المفضل غير الأزرق اكلتي المفضله قلناها المطازيز.. الحيوان المفضل الضب لوني المفضل بعد الازرق هو الابيض اكثر حاجه تحبها ؟؟اكثر كلمه تكرهها احب التعارف اكرة المشاكل ماهي الجريدة التي تستحوذ على الغانم الجزيرة والرياض وش رايك بالسياحة الداخلية .. وهل تفضل السياحة الخارجية السياحة الداخليه تحتاج الى امور كثيرة لتصبح لدينا سياحه!! في الوقت الحالي نعم. فيم ترى الجمال ؟ بالنسبة للمرأة في دينها وعقلها أين تقضي إجازتك السنويه دائماً في ربوع سدير الخضراء ماهو العام الذي تتمنى لو تعود عجلة الزمان اليه ؟ ولماذا 1986 لكي اشاهد كأس العالم واشاهد معجزتها مارادونا ماهو البيت الذي ترى وكأنه يتحدث عنك ؟ أقصد بيت الشعر لا يحضرني شيء حاليا مشهد شفته واحزنك حيييييييييييييييل؟ خريج جامعي بتقدير جيد جدا ولا يجد وظيفة!! لو حصلك هالموقف وش بتسوي الشكوى لله انت راكب طياره مسافر في امان الله فجاه الطيار جته جلطه وانت اول واحد قاعد قبالهم على اول كرسي وقالولك تعال امسك الطاره ابقول لهم ما معي رخصه :) شخص له تاثير في حياتك؟ الوالد رحمه الله لو فجاه اخترعت انت اختراع رووووووووعه وشي ومحد عطاك وجه وجاك واحد امريكي والا غربي وقالك خذ مليون واشتري اختراعك وش بتسوي؟ المليون مهيب شينه ترى ;) السن المناسب للزواج بالنسبه للرجل والمرأه للرجل 25 وللمرأة 20 مواضيع في المنتدى تتمنى الاعضاء يتطرقون لها ويكون نقاش فيها مشاكل الشباب وهمومهم. اخيرا خلصنا :( |
يووووووه فاتني الموضوع :( 60 رد ولا ولا ادري عن هالموضوع !!! عموماً بدلاً من الأسئلة أرسل باقة ورد ملؤها الحب والتقدير للعزيز الغانم .. جعلك تغنم الجنة ومن يقرأ ومن يسمع .. :) |
ابو منار.. هلا والله ومليااار غلا.. والله مدري وش اقول.. لكن الف الف شكر على ردك يالغالي.. وعساك سالم اليوم ودووم |
بصراحه هل عمرك غشيت باختبار وانكفشت من المراقب ؟ :D |
تراودني نفسي اسألك كم سؤال بعد لأنك ماجاوبت على كل الأسئلة :upset: لكن بمهلك شوي .. واذا ماجاوبت على معاني الاشكال .. ترى يجيك ثلاث درزنين من الأسئلة اللي يحبها قلب القلب البردقاني :bluesky: [c]:D:D:D:D:D:D:D:D:D:D[/c] |
ايمن.. اصلا عمري ما غشيت :) هلالي الجوف.. اقوووول امررررح طال عمرك وخلك باللجنه الاخباريه احسن لك :D اقول يالبارق شف شغلك وانا خوك ;) |
هلا بالغانم حبيب العالم كان ودي اني مسنتر من بداية اللقاء لكن هذا من قرادة حظي :sad: المهم ماعندي إلا سؤالين وثقيلة طينه لكن تحملنا ,, تعرف ( شياب ) :upset: 1- عطني بيت من الشعر توصف فيه ( الغريب ) واهم شي آخر البيت ينتهي بـ ( يخ ) !!! 2- أحلى فلاش شفته من غير تصميمك !!! إختيار موفق لك ياضيف المجلس وبالتوفيق لك ولبقية الزعماء ;) |
اقول يا ابوذكرى.. جاي متأخر الله يهديك! اسمحلي وقع تحت الخط الاحمر.. واسئلتك ما راح اجاوب عليها :D كانك مصر على انك تسمع الاجابات فاتصل علي واعلمك ;) وكانك تونس ان مالها سنع فبراحتك :D تحياتي لك يا احلى ابوذكرى.. |
طيب دامك ماعمرك غشيت وش نوع عطرك اللي تستخدمه الحين :) معليش شفت غيري اكثر من مره يسأل قلت خلني اسأل انا بعد :) |
اخوي ايمكن.. بس انا ما تطيبت الحين :D تحياتي |
إقتباس:
بدينا بشغل الاستهبال;) شكلك مروق على هالصبح :cool: لكن تصدق حلوه ايمكن :D اقول اقصد وش نووووووع عطرك اللي تستخدمه مهوب لازم الحين يمكن امس او قبله لاتقولي ماتعطرت بعد امس :bluesky: :) |
اذا الله رزقك بولد انشالله وش راح تسميه .. واذا بنت وش تسميها ؟ : متعب اما بنت: الجوهرة ليش مختار هالاسمين وش عاجبك فيهم |
اخوي ((ايمن)).. :dead: إقتباس:
واذا منت مصدق رح لاي محل عطورات قزاز مثلا وقول له: " ابي احسن عطر نزل" وبتصدقني وقتها :D:D:D:D الداوود.. إقتباس:
|
S1/ اخوي الغانم منت مسوي لك موقع حلو |
ان شاء الله في القريب.. |
| الوقت المعتمد في المنتدى بتوقيت جرينتش +3.
الوقت الان » 02:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd