|
[c]كلاكيت مره ثانيه ,, أعذرنا على الازعاج لكن سؤال مهم جدا ؟ هل تلعب في البلاي ستيشن ؟ اذا كان الجواب نعم ,, فكم مره كسرت راس ( ابوعابد ) القلب البردقاني ؟ لانه مسوي فيها ومزعجني من كم يوم ,,, يعني يقول كل اللي اعرفهم شلخت وجيههم ( ولا ادري يقصدك ولا لا :) ) وبالنسبه للسؤال اللي مافهمته ,, أقصد عضو تعرفه قبل ماتسجل في المنتديات يعني تعرفه خارج الشبكه ( ليس عن طريقها ) وتحياتي لك ياغالي اخوك / abu3ziz[/c] |
اخوي ابو عزيز.. حقيقه انا ما اعرف الا الياباني رقم 3 مدري عاد كم سنته!!! ولا لعبت مع الداج القلب البردقاني الى الحين!؟!؟ بس لايهمك ترى كلامه واجد ;) وبالنسبه لسؤالك.. هناك الاعصار عرفته قبل دخول النت السعوديه ولكن انقطعت اخبارة حتى تقابلنا هنا.. تحياتي وشكرا لك |
هلا الغانم رجعت لك ثانية الاسئله الجديده 1/ وش رايك بنادي النصر 2/ وش تقول للجمهور الهلالي لمؤازرة الهلال باياب السوبر 3/ ليش تحب الفلاش |
نسيت هالسؤال 4 وش ناوي تتوظف |
هلا وغلا بالغانم :) صباح الخير والاحساس والطيبة <<- كسر يابخت البيوت اللي تكسرها :D:D قبل اسئلك احب اقول لك كلمتين اي لوف يو خخخخخخخ <<-- خدوده صارت حمراء :D:D بالنسبة للفلاش ... طريقتك تختلف عن طريقتي تماما يعني انا اتبع نظام الكروت وانت مادري وش نظامك:D مع العلم اني كنت مثلك اول يعني اعتمد على سيناريو معين واسوي عليه الفلاش وحسب الاغنية ... سؤالي الحين اعصب راسك بس ههههههه وليه مانتبادل ثقافات فلاشية انا وانت :D وبعدين ماتحس ان الفلاش صار ممل وش رايك ندور شي غيرة ولا نتوقف فترة ===== وش تحب فلاش ولا سويش ومن تعتمد عليه اكثر ==== وش رايك بالصورة هذي بس لاتنقهرررر:D:D http://www.yousif15.com/tiger/yousif1/yousif7.jpg ==== وين اختفيت فترة كاس العالم ؟؟؟؟ ومن كنت تشجع ==== مارايك بالعضو اللي رد على 40 موضوع خلال ساعه ;) ذكرته هههههه سي يو مجودي :D |
يقولون والعهده على اللي يقولون ان لك ميول نصراويه منذ الصغر :eek: :eek: ( با العربي ابيك تحش فيهم ):D :D :D ولك تحياتي ... |
معليش صيفت عليك بس والله إني مشغول هاليومين http://www.jalajil.com.sa/images/w11.jpg 8 8 8 ##كم مرة رقيتا أم عنيق:D ## وش رايك في بقالة صحاري ما تحس إنها معلم حضاري:D :D |
أهلين أخوي غانم ولد ابو غانم .. احس من هالكلام اني خليتك اكبر اخوانك :( عاد هو صحيح انت اكبر اخوانك والا اصغرهم :D نبدأ بالأسئلة :D وش توقعك لمباراة الجمعه ؟ بما انك من اعضاء اللجنة الاستشارية بالزعيم .. وش رايك باللجنة ؟ وش رايك بأعضائها ؟ برأيك تشوف انها سوت شي للشبكة والا ماسوت ؟ لو خيروك بين الاستمرار بعضوية اللجنة الاستشارية والاشراف .. وش تختار ؟ لو قالولك عطنا ثلاث اسماء علشان نضمها للجنة الاستشارية من تختار ؟ وين يشوف الغانم نفسه بمنتديات الشبكة ؟ يعني اي منتدى ترتاح فيه اكثر ؟ لأني اشوفك بكل منتديات الشبكة مشالله عليك وعيني عليك بارده :) نفس السؤال اللي فوق لكن بصيغة ثانية .. رتب المنتديات التالية حسب الأفضلية لديك : منتدى المجلس العام - العالمية - الجمهور - المنتخب - اللجنة الاستشارية - الكمبيوتر والانترنت - الثقافة الاسلامية . وين تشوف نفسك بلجان كاس العالم لو تم اختيارك لعضوية اللجنة الاخبارية لكأس العالم يعني .. بالاخبارية والا بالتحليل والتقديم والا بنقل المباريات . ماذا تقول لكل واحد من : ابوسليمان - البارق - حبي تيماوي - الغريب - مخاوي البطولات - العوام - القلب الأزرق - الشاشة - الموهوب - الهــــ وردة ــــلال - المملكة - نجمة الابداع - الاعصار - هلالي الجوف - جمجمة الهلال - الحبحر الحار الهلالي - الأسير الهلالي . متى تحس بالراحه .. وانت وحداني والا وانت مع الأهل والا وانت مع اخوياك ؟ وليه ؟ وشو افضل مكان تحبه وتزوره دايم بالشرقية ؟ وش رايك بجزيرة تاروت ودارين والعوامية والقديح وام الحمام والجارودية ؟ ياترى صرت تقول دلاغ وطوفه وزهيوي والا لهالحين ؟ أمنيتك بالحياة ؟ اذا الله رزقك بولد انشالله وش راح تسميه .. واذا بنت وش تسميها ؟ مثلك الأعلى بالحياة ؟ وشي الدولة اللي تتمنى زيارتها ؟ تحس بالراحه وانت تشتغل على النت وعندك أحد ؟ والا تنقهر زيي ؟ ليش ماتعلم بعمرك ؟ هذا وانت صغير .. اجل حنا وش نقول ههههههه سمعت اني صرت علك باثاميكم وانتم رايحين لعرس عارف !! فمنهو اكثر واحد حشني ؟ وياترى ابدع والا لا ؟ :D اكيد القلب البردقاني طلب منك توصف شكلي لأنك مقابلني .. فوش قلتله بصراحه من دون زيادة او نقصان . بصراحه تخيلت شكلي مثل ماشفتني والا لا ؟ انا بصراحه ماتخيلتك زي ماشفتك :D وش أحلى ذكرياتك عن حفل تكريم شبكة الزعيم للهلال ؟ وش اكثر شي اعجبك بنفس الحفل ؟ وش ضايقك بنفس الحفل ؟ ومنهو العضو بالمنتدى اللي تمنيت شوفته بالحفل وشفته ؟ ومنهو العضو اللي تمنيت شوفته بالحفل ولا شفته ؟ وش هواياتك غير البلوت والأنترنت ؟ ووش أكلتك المفضلة ؟ ووشو مشروبك المفضل ؟ منهو : قلب الشبكة النابض ؟ ملح منتدى المجلس العام ؟ ملحة :D منتدى المجلس العام ؟ أنشط عضو بالمنتديات ؟ عضو اختفى عن الشبكة ؟ وعضو تتوقع انه راح يختفي عن الشبكة زي غيره ؟ عضو تتابع مواضيعه بمنتدى الجمهور ؟ عضو تتابع مواضيعه بمنتدى المجلس ؟ وشو السؤال اللي انتظرته وماجا لهالحين ؟ ومنهو العضو اللي توقعت تشوف اسئلته وماسألك لهالحين ؟ ومن تتوقع ضيف المجلس القادم ؟ ومنهو اللي تتمنى انه يجي بعدك ؟ وليه ؟ وش نظرتك المستقبلية لشبكة الزعيم ؟ ووش نظرتك المستقبلية للنت بالمملكة عموماً ؟ وش تفسيرك لمعاني الأشكال التالية : :bluesky: :) :( :o :D ;) :p :cool: :rolleyes: :mad: :eek: :confused: :cry: :dead: :sad: :sleep: :yes: :bigeek: :bigrazz: :blueroll: :embarrass :laugh: :no: :none: :razz: :shy: :sigh: :smilewink :uhoh: :upset: تقبل تحياتي :) |
الغانم يقال انك حبيب ربيع او هو حبيبك ولكن انتظر تعليقك على هذه الصورة علما انها قديمة ولكن اتمنى ربطها باليوم ملاحظة اتمنى الاجابة باسلوب غير اسلوب ربيع الغامض http://www.oboody.net/accident/images/33----01.jpg |
متى بيمديك تحل هالأسئلة :D:D [هذا مو سؤال] يعني طنش لا تجاوب:D |
يالغانم ,,, ترى اللي فوقي متعقد من اسئله ولد الجوف الله يقويه :D كيف الحال يا أبوعبدالرحمن ;) |
جايه اتشمت وطالعه شف لو انك مرخص لي مو أحسن من أسئلة هلالي الجوف:D كان جبت لك أسئلة عسسسسسل;) وخفييفة مرة:D لكن اقولها لك [gl]حوبتي عليك ما عدتك أبدددددد[/gl] :D :D لكن وين جاية بهجوم خامس وأشوف أنا ولا هلالي الجوف وأمرررررررح:D |
هجوووووم خامس ما احد قالك :D علشان ثاني مرة ما تقول خلاص لا تسألين ما فيه هلالي الجوف مو أحسن مني خخخخخخ:D وننتظر نانو بعد يجي يهجم:D بسم الله جهز جلدك :D هذا سؤال لاطشينه من الغريب ;) :D - .... لوكنت تسوق سيارتك بظلام والسماء تمطر والموقف موحش وفجأة تعطل مسجل السيارة ..... وش تسوي ؟!!! ما ادري أسألك أياه ولا لأ:D ( وراء كل رجل عظيم أمرأة) ما رأيك في هذه المقولة ؟ ;) ماهو رأيك في مفهوم الآباء لتربية الأبناء في مجتمعنا ؟ هل تعتقد أن الطريقة المثلى لذلك هو الضرب ؟ ام الحرمان ؟ ام الكبت ؟ ام لديك حلول اخرى ؟ ولماذا ؟ في بعض الدول العربية .. يعتمدون كلياً على المنتجات المحلية اي التي يصنعونها لديهم .. ويعتبرون البضائع الأجنبية تهريب ويعاقب عليه القانون .. هل هو تفكير سليم ؟ اطمع في بعض الايضاح .. اجمل هدف شاهدته للذيب سامي؟ اجمل فاصل مهاري للسام سته حتى دون ان يسجل؟ احسن فلم شفتيه؟ [gl]ماذا تعني لك الكلمات التاليه [/gl] الحب الصداقه الشعر الوحده الاخلاق ماهي اجمل مرحلة دراسية مرت عليك وتتمنى عودتها أكلتك المفضلة # حيوانك المفضل # لونك المفضل غير الأزرق :D :D :D اكثر حاجه تحبها ؟؟اكثر كلمه تكرهها ماهي الجريدة التي تستحوذ على الغانم وش رايك بالسياحة الداخلية .. وهل تفضل السياحة الخارجية - فيم ترى الجمال ؟ بالنسبة للمرأة :rolleyes: أين تقضي إجازتك السنويه دائماً ماهو العام الذي تتمنى لو تعود عجلة الزمان اليه ؟ ولماذا ماهو البيت الذي ترى وكأنه يتحدث عنك ؟ أقصد بيت الشعر :D مشهد شفته واحزنك حيييييييييييييييل؟ لو حصلك هالموقف وش بتسوي انت راكب طياره مسافر في امان الله فجاه الطيار جته جلطه وانت اول واحد قاعد قبالهم على اول كرسي وقالولك تعال امسك الطاره [gl]شخص له تاثير في حياتك؟ [/gl] لو فجاه اخترعت انت اختراع رووووووووعه وشي ومحد عطاك وجه وجاك واحد امريكي والا غربي وقالك خذ مليون واشتري اختراعك وش بتسوي؟ السن المناسب للزواج بالنسبه للرجل والمرأه مواضيع في المنتدى تتمنى الاعضاء يتطرقون لها ويكون نقاش فيها [gl]ونكتفي بهذا الهجوم واذا رجعوا وأسألوك عدنا مرة أخرى والله يعينك علي[/gl] تراني فااااااااضيه على الآخر :D :D :D تحياتي لك ولسعة صدرك وتحملك لنا الكرز |
الداوود.. 1/ وش رايك بنادي النصر نادي في الرياض يعتبر ه البعض منافسا للهلال :) 2/ وش تقول للجمهور الهلالي لمؤازرة الهلال باياب السوبر هذي بطولتكم وانتم اللي بتجيبونها بعد الله هذا اذا ودكم طبعا :mad: 3/ ليش تحب الفلاش لانه قد يختصر الكثير من الكلام! 4 وش ناوي تتوظف مدرب كرة قدم في نادي مرخ :D شكرا لك عاشق الثنيان.. اي لوف يو خخخخخخخ آي هيت يو :D يعني انا اتبع نظام الكروت وانت مادري وش نظامك مع العلم اني كنت مثلك اول يعني اعتمد على سيناريو معين واسوي عليه الفلاش وحسب الاغنية ... اقول لا تسب :mad: <== ناوي يتهاوش اليوم :) وليه مانتبادل ثقافات فلاشية انا وانت انا ما عندي مانع بس انت ينطبق عليك المثل: "فاقد الشيء لا يعطيه" بخخخخ وبعدين ماتحس ان الفلاش صار ممل وش رايك ندور شي غيرة ولا نتوقف فترة انا متوقف منذ مبطي بس نزلت واحد عشان ما تزعل علينا بس ;) وش رايك بالصورة هذي بس لاتنقهرررر اموت واعرف ابويعقوب وش قاعد يفكر فيه!!!! وين اختفيت فترة كاس العالم ؟؟؟؟ ومن كنت تشجع والله ابد مرتز عند واحد من العيال مشترك في قناة الاواخر!! كنت اشجع اسبانيا والبرتغال بالاضافة لعشقي الارجنتيني والايطالي مارايك بالعضو اللي رد على 40 موضوع خلال ساعه اقول امررررررررح الله يستر عليك :D سي يو تو.. wise444.. يقولون والعهده على اللي يقولون ان لك ميول نصراويه منذ الصغر ابشرك ما انفكت هالميول الا قبل اسبوع :D ( با العربي ابيك تحش فيهم ) الضرب في الميت حراااام ;) عاصوووووووف الغائب.. ##كم مرة رقيتا أم عنيق اقول لا تطلع الفضايح :D:D:D:D ## وش رايك في بقالة صحاري ما تحس إنها معلم حضاري لا تهمك الحين طلعت الزاويه احسن منها الف مرة!! <=== ما يقرب له راعي الباقله ابد :D على العموم لي حديث ثاني معك ;) |
حسبي الله ونعم الوكيل هلالي الجوف.. عاد هو صحيح انت اكبر اخوانك والا اصغرهم خير الامور الوسط ;) وش توقعك لمباراة الجمعه اذا شفت الجمهور الحاضر للمباراة راح اجاوبك :) بما انك من اعضاء اللجنة الاستشارية بالزعيم .. وش رايك باللجنة ؟ وش رايك بأعضائها ؟ صدقني صعب جدا اقول لك رائي لاني احد اعضائها!! برأيك تشوف انها سوت شي للشبكة والا ماسوت ؟ نعم بالتأكيد لو خيروك بين الاستمرار بعضوية اللجنة الاستشارية والاشراف .. وش تختار ؟ لو خيروني بين ان ابقى عضو او مشرف راح ابقى عضو :) لان الاشراف قلق :D وين يشوف الغانم نفسه بمنتديات الشبكة ؟ يعني اي منتدى ترتاح فيه اكثر ؟ لأني اشوفك بكل منتديات الشبكة مشالله عليك وعيني عليك بارده كل منتدى له طعم خاص ونكهه خاصه فأرتاح فيهن كلهن والحمد لله.. رتب المنتديات التالية حسب الأفضلية لديك : منتدى المجلس العام - العالمية - الجمهور - اللجنة الاستشارية هذي لازم امرها يوميا الكمبيوتر والانترنت - المنتخب - الثقافة الاسلامية . اقل من المنتديات السابقة. وين تشوف نفسك بلجان كاس العالم لو تم اختيارك لعضوية اللجنة الاخبارية لكأس العالم يعني .. بالاخبارية والا بالتحليل والتقديم والا بنقل المباريات كانكم بتسون لجنه خاضة بالتصفيق اثناء المباراة فحطني فيها :D ماذا تقول لكل واحد من : ابوسليمان: يا حبنيلك والله البارق : يا كثر ما يطلع لي هالاسم!!!!! حبي تيماوي: صديقي العزيز الغريب: وش صار على مخططنا! مخاوي البطولات: مدري وش بلاه غايب هاليومين!! العوام: الكبير كبيررررر القلب الأزرق: بدون تعليق :) الشاشة: حقيقه ما حصل لي شرف التعرف على الشاشه الموهوب: بدون تعليق دبل :) الهــــ وردة ــــلال: حسبنا الله ونعم الوكيل المملكة: المبدعة نجمة الابداع: نجم الزعيم للابداع الاعصار: ماتورانا الشبكة الله لا يحرمنا منه. هلالي الجوف: ربنا على كل ظالم!! جمجمة الهلال: يالله ارجع كفايه..بصرحه فقدناك الحبحر الحار الهلالي: وينهم احباب قلبي وينهم الأسير الهلالي : حقيقه ما حصل لي شرف التعرف عليه متى تحس بالراحه .. وانت وحداني والا وانت مع الأهل والا وانت مع اخوياك ؟ وليه ؟ مع الاهل او وانا اتسكع بين مواقع الانترنت :) وشو افضل مكان تحبه وتزوره دايم بالشرقية ؟ بيتنا :D وش رايك بجزيرة تاروت ودارين والعوامية والقديح وام الحمام والجارودية هما بيقيبوا الاسامي دي منين!!!! ياترى صرت تقول دلاغ وطوفه وزهيوي والا لهالحين ؟ خل اعرف معانيهن اول وبعدها اسئلني!! أمنيتك بالحياة ؟ احتفظ بها لنفسي :) اذا الله رزقك بولد انشالله وش راح تسميه .. واذا بنت وش تسميها ؟ ولد: متعب اما بنت: الجوهرة مثلك الأعلى بالحياة ؟ الوالد الله يرحمه.. وشي الدولة اللي تتمنى زيارتها ؟ اسبانيا تحس بالراحه وانت تشتغل على النت وعندك أحد ؟ والا تنقهر زيي ؟ اصلا من القهر ما ادخل النت وعندي احد!! ليش ماتعلم بعمرك ؟ هذا وانت صغير .. اجل حنا وش نقول ههههههه كانك بتزوجني فقلته لك وانا اخوك :D سمعت اني صرت علك باثاميكم وانتم رايحين لعرس عارف !! فمنهو اكثر واحد حشني ؟ وياترى ابدع والا لا ؟ الموهوب ما خلا شيء ما قاله حقيقه انا استحيت وغمضت عيني عشان ما اسمع الباقي :) اكيد القلب البردقاني طلب منك توصف شكلي لأنك مقابلني .. فوش قلتله بصراحه من دون زيادة او نقصان قلت له: شخص طويل ممشوق القوام وشعره ناعم كالحرير ورموشه طويله بخخخخخخخخخخخ بصراحه تخيلت شكلي مثل ماشفتني والا لا ؟ انا بصراحه ماتخيلتك زي ماشفتك انا كل الحفل وانا ادور عن العكازه :D وش أحلى ذكرياتك عن حفل تكريم شبكة الزعيم للهلال ؟ اجتماعنا بالامير بندر بن ثامر بعد الحفل حقيقة تركت انطباع خاص في نفسي الله لا يحرمنا منه.. وش اكثر شي اعجبك بنفس الحفل ؟ كل شيء فيه كان رائع والشباب فعلا ما قصروا.. وش ضايقك بنفس الحفل ؟ يمكن الصوت شوي.. ومنهو العضو بالمنتدى اللي تمنيت شوفته بالحفل وشفته ؟. ياقاهرهم يا سامي وهو يعرف ليه !! ومنهو العضو اللي تمنيت شوفته بالحفل ولا شفته ؟ شاهين وللاسف الشديد لم اتشرف بمقابلته!! وش هواياتك غير البلوت والأنترنت ؟ متابعة مباريات كرة القدم. ووش أكلتك المفضلة ؟ ووشو مشروبك المفضل ؟ اكلتي المفضله المطازيز :) ومشروبي ريد بول لانه بيعطيك جوانييييييييييييييييييييح منهو : قلب الشبكة النابض: الامير بندر بن ثامر ملح منتدى المجلس العام: عارف الهلالي ملحة منتدى المجلس العام: وردة الهلال :( أنشط عضو بالمنتديات: الوليد ما شاء الله عليه عضو اختفى عن الشبكة: جمجمة الهلال وعاصوف بس الاخير كنه رجع :) وعضو تتوقع انه راح يختفي عن الشبكة زي غيره: الغريب تعرف عريس المستقبل وLBC عضو تتابع مواضيعه بمنتدى الجمهور:ياقاهرهم ياسامي عضو تتابع مواضيعه بمنتدى المجلس العام: محترف توقعات مع اني مقصر في الردود. وشو السؤال اللي انتظرته وماجا لهالحين ؟ وش حلمت به امس !!!! ومنهو العضو اللي توقعت تشوف اسئلته وماسألك لهالحين ؟ الغريب والصدقي ومن تتوقع ضيف المجلس القادم ؟ العوام ومنهو اللي تتمنى انه يجي بعدك ؟ وليه اتمنى من كل قلبي: وردة الهلال او انت :mad: ابرد الدين بس وش نظرتك المستقبلية لشبكة الزعيم ؟ صعب ان تحدد خصوصا في ظل ما نراه من تميز وبحث عن الجديد.. وش تفسيرك لمعاني الأشكال التالية : اقول انت احد موصيك علي!!! :( |
| الوقت المعتمد في المنتدى بتوقيت جرينتش +3.
الوقت الان » 01:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd