اللي يقدر يساعدني السلام عليكم ولد اخوي عمرهـ 12 سنه ذهب مع شخص من الحاره اخذ عيال الحارهـ وداهم لنادي النصر لتسجيل و بعد ما شافوهـ تم قبوله من بين عيال الحارهـ لمستواهـ المتميز و طلبو منه يجيب اخوه اللي اكبر منه بسنه عشان يشوفون لعبه اخوه مشاءالله افضل منه بكثير بس هلالي و مايبي النصر و كلمنى يقول ودني لنادي الهلال ابي اسجل بس انا عارف ان مافيه تسجيل في الوقت الحالي و انا بصراحه مابيه يلعب في غير الهلال لانه هلالي اما اخوه نصرواي و بكيفه :d ياريت اللي يقدر يساعدني و يقول متى التسجيل اكون شاكر له |
انا من وجهة نظري وين مايبي لاترده عن رزقه وبالنسبه للتسجيل بالنادي تلفون النادي هو الي راح يفيدك |
هههههههه والله كد رحنا واخذنا شهور واحنا نراجعهم علشان نسجل والمشكله مافيه اي تسجيل بس روحه وجيه كذا لازم واااااااااااااااااسطه قويه لازم تكون اخو ياسر ولا ولدعمه بالعربـــــــي وااااااسطـــــــه بس انا انصحه يروح لنادي الشباب لاني انا رحت واخذت اسبوع مراجعه وقبلوني والحمدلله كل عصر اتدرب بالنادي وهذا كله بتوفيق الله ثم على يد اترام لاعب الشباب سابقا واذا تبي رقم نادي الشباب اعطيك |
قلب الزعيم النابض شكرآ لك ع مرورك و الافاده بالنسبه لنا بالعكس ما وقفنا ضده بالعكس رضينا انه يكون في نادي النصر المشكله ع اخوه استحاله اروح اسجله في نادي النصر و هو هلالي الا اذا شفنا الموضوع صعب في نادي الهلال اكيد راح يكون نادي النصر الخيار الثاني لنا |
القنبلة الهلاليه والله ممكن تكون صادق في كلامك و نادي الشباب بالنسبه لبيتنا اكيد اقرب بكثير من الانديه الثانيه |
والله اني صادق (اخوي حبك حلو ياهلال) والعب بــــمنطقة الوسط بس انا انصحك لايلعب بنادي النصر وبالنسبه لتدريبنا بنادي الشباب 3 ايام بالاسبوع الى 4 ايام والتدريب يبدا من الساعه 5 العصر الى الساعه 9 واوقات ياجلونه الى بعد العشاء وبالتوفيق |
الوقت المعتمد في المنتدى بتوقيت جرينتش +3.
الوقت الان » 12:02 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd