السلام عليكم ورحمة الله وبركاته ..

مسائكم زعامه ,, مساكم أزرق لايليق ألا لأصحاب الذهب والقلوب البيضاء النظيفه ..

مسائوكم قلب أبيض كقلب ( شبية الريح ) ,, مسائوكم بأذن الله بطولات في بطولات ..

( لابطولات في حظرة الزعيم )

أول شي أحب أبينلكم نقطه ..

أنا هلالي صمييم ,, عمري الان قرابت الـ 22 من يوم ماكنت طفل صغير بسادس ابتدائي تقريبا" كان ابوي الله يطول بعمره يخلين أغيب عن المدرسة عشان اتابع مباراة الهلال الساعه 9 الصبح مع فريق ياباني نسيت اسمه بصراحه ..

وكبرت وكل سنة عن سنة حبي للهلال يزيد كحال جمهور الهلال العظيم ,, مع كل قرار ظالم حبنا للهلال يكبر ويكبر ..

كنت أظرب 300 كلم عشان احظر مباراة الهلال بالملعب والحمد لله لأني أشجع الزعيم نادر مأخرج من الملعب خسران ..

أنقطعت عن المنتدى فجأه وصرت أدخل أقرى المواضيع من غير مأشاركـ ,, لأني سافرت لكندا أكمل دراستي فيها ..

والحمد لله قدرت أتعود على الغربه وعلى طبع الغرب والحمد لله بفضل الله ثم دعاء الوالدين أموري كلها حلوه ..

لكن الشي الوحيد اللي مو قادر أتأقلم عليه الين الحين .. هو أني ماني مستوعب أني أنا صرت خلاص مأقدر أحظر مباريات الهلال ..

واللي زاد الطين بله حركت الاحتجاج الاخيره والله دمعت عيني كنت أتمنى أصير بينكم لكن الحمد لله يوم عن يوم جالسين تبينون للعالم انكم جمهور أوربي ..

والله ثم والله انكم في نعمه لاتحسدون عليها ..

آلاف السعوديين يتمنون انهم بالسعودية عشان يحظرون مباراة الثلاثاء القادم وأولهم أنا .. لكن الشكوى لله الظروف منعتنا هالمره

تخيلو ان مباريات الزعيم تلعب الصبح بتوقيت كندا .. أغلب السعوديين مايحضرون كلاساتهم ونجتمع نتابع مباريات الزعيم مع بعض وكله لعنون الزعيم ..

أتمنى من كل قلبي أن جمهور الزعيم ميقصر يوم الثلاثاء القادم انشاء الله ونبغا الملعب 70000 متفرج بأذن الواحد أحد ..


وقفه ..

اللي يشجع كوزمين أقوله كوزمين راح ,, واللي يعشق الـ ( هلال ) اقوله الوعد يوم الثلاثاء بأستاد الملكـ فهد