|
مخالفات هدايا !! وقصة استاد الملك فهد :D السلام عليكم ورحمة الله وبركاته مساكم الله بالخير وصباحكم خير هالمرة راح اتكلم عن المرور الله يخلف على بعضهم بس ! << من زين مواضيعك :d وقصة استاد الملك فهد :D والموضوع بدون اي فكرة بس قصتين حصلت لي وبذكرها :yes: قبل فترة ويوم الجمعة بالتحديد صحيت من النوم وتوضيت ورحت للمسجد .. المهم واحد من اخوياي ولي فترة ماقابلته مريته وسلمت عليه وسواليف إلى وصلنا المسجد والامام يخطب الخطبة الاولى , والمواقف زحمة فوقفت في نص الشارع .. وفيه دورية وراي ماقالت لي ولا شئ .. وانا قاعد اسولف مع خويي جاء عندي وقال : الرخصة والاستمارة !! عطيته الرخصة والاستمارة , والرخصة توني مطلعها وفرحان فيها :d وعطاني مخالفة ! قلت ليش ياخوي مخالفة : قال واقف غلط !! قسم بالله ارتفع ظغطي ويقولها بكل برودة :cry: قلت له الله لا يسامحك , مخالفة على مزاجك :cry: وبعدين اكثر السيارات واقفة غلط , وقفت علي انا .. وافتتحنا الرخصة بأول مخالفة :cry: :d .. * أمس كنت مع الوالدة راجع للبيت .. وكان فيه تفتيش للحي اللي احنا فيه ! المهم ماشي والشرطي في سيارته , انا مشيت على حسن نية , وشغل السيارة ولحقني وطاااط وطاااط فضحنا قدام الجيران الله يفضحه :d وقفت ع جنب , قال ليش ماتوقف عند التفتيش :- قلت ياخوي انت راكب سيارتك تبغاني انزل لك واقول امشي ولا لا ؟! :d سكت وماعرف وش يقول بعدين قال انوار الزنون ممنوعة ! انا ضحكت وقلت هههههههههههههههههههههههه :d قلت وش اللي ممنوعة ياخوي , قلت هذي من الشركة , قال ياخوي انا اعرف احسن منك في السيارات وقال انت مركبها ! والانوار من الشركة اصلاً , والله ودي اتكلم عليه بس خايف من التوقيف ونسوي فضيحة عند الجيران .. والله زهقنا من هالعينات ياناس ! :cry: إلى متى طيب ! يعني خلاص اوكي شرطي ومرور , بس لاتعطي الواحد مخالفة لانه قاهرك عطه اذا ارتكب خطأ مثل قطع اشارة او يفحط او يسرع او مظلل كتم * وش شعورك إذا دخلت مكان تشوفه كل يوم في التلفزيون وودك تروحه يوم من الايام وتحقق حلمك ! الحمد لله صادف وجودي في الرياض على وقت مباراة الهلال والنصر :d انا متحمس من قبل المباراة بيومين :razz: وماقصر الاخ ماجد مقبل :d :smilie47: وفر لنا التذاكر مجاناً , بعد مسيرة ساعة وفرفرة في ساحة الملز ههههههههههههه :d .. المهم اول مادخلت الاستاد ماصدقت اني داخل بس سلكت لنفسي اني موجود فيه :razz: دخلت وجلست في مكان مميز بحيث اني اشوف جمهور النصر بوضوح وخيبة املهم :d مع صافرة الحكم صدقت وقتها إني في الاستاد جالس مع الجمهور ! :d ومازال الامن اللي موجودين في الملعب يمارسون عاداتهم السيئة , وقبل المباراة بــ ثلاث ساعات سكروا البوابة ويقولون زحمة ,, والاماكن شاغرة للهلالين :smilie47: بس حقد على الهلاليين الله لا يوفقهم ! والحمد لله وجهي كان وجه خير للهلال :naughty: , وفاز الهلال وتأهل للنهائي والحمد لله :smilie47: والاهم عندي هي مقابلة الغالي ماجد وجهاً لوجه :smilie47: وأيضاً الغالي وهاب :smilie47: :: مسوي كريم :: :d كلمت ماجد على العشاء اني بقابلة .. وقلت له انا عندي عزيمة عند واحد من اخوياي وبكلمك إذا طلعت .. المهم رحنا انا وياه كوفي شوب .. بعدها قال لازم تتعشاء قلت الله يغنيك ولا شئ ,, واهم شئ شوفتك < اقلقتك فيها ماجد خخخ :d يدري اني متعشي ولا في مجال للكرشة بس يحسب اني راح امدحه هنا تبطي عظم ماجد خخخ :d ماجد نمزح معك يالغالي :smilie47: وشوفتك تسوى عندي الشئ الكثير والله :smilie47: ولا يهون وهاب :smilie47: وفي الاخير موضوع بدون اي تنسيق ولا فكرة :yes: فمان الله |
وش قصتكم يا عيال كلكم منزلين مواضيع آخر الليل؟؟:bigeek: أخوي وليد أول شي حياك الله في الرياض و انا اقول وش فيها خاربة نص انوار الرياض ؟؟:clapping: صار البلا نور الزينون حقك الله يهديك ثاني شي ياخي انت موقف غلط و الحكومة ابخص :d و النور حق السيارة زينون و الحكومة ابخص:d الا ان كان لك راي ثاني ؟؟ :to: <----------<< ترى مابي اوهقك ابد:naughty: |
إقتباس:
هلا اخوي منور يالغالي الزنون من الشركة , وش اللي الشرطة ابخص ؟ :razz: وثاني شئ بخصوص الموقف , ياخوي الحين اذا صليت صلاة التراويح في مسجد من مساجد الرياض المشهورة اكيد بتكون المواقف زحمة , وناس واقفين غلط الحين صح كلهم غلط بس مايقدر يعطيهم كلهم مخالفات :d بس حبيت اوضح لك يالغالي منور :smilie47: |
إقتباس:
وراك ما علمتني يالداشر انك بتروح استاد الملك فهد يوم مباراة النصر زين اني رحت وحدي الملعب ترى الصخرة فهد كان هونيك :rose: سلااااااااااام يالداشر:naughty: |
إقتباس:
|
إقتباس:
هلا شبوط :d :smilie47: ياخوي انا ما اتسبح اذا صحيت , ان اتسبح يوم الجمعة قبل الفجر عشان اذا صحيت ما اتأخر عن الصلاة :yes: وبعدين انا رحت مع علي (القيصر رهيب ) وياما ناس كلموني وسحبت عليهم :cry: المرة الجاية ان شاء الله :smilie47: ومنور ياغالي :d :smilie47: ريكيلمي : بلا شتشتة الله لا يهينك :) |
هلا اخوي وليد :smilie47: على طاري المرور ولد جيراننا في عز شبابة يلعب بـ كورته الجميله شاتها بقوة وصارت في حوشنا جاء الولد وطق الباب ليأخذ الكورة مع الأيام هذا الولد صار ضابط ووضع تفتيش جنب بيتهم في راس العاير لأن هذا المكان دائماً فيه دوران مريت وانا راكب مع احد اصدقائي أنا أقوله إيه ماعليك ولد جيراننا يبي يسنعنا < انا دايم أجيب الكوره له :d طبعاً قال على جنب وأخذ بطاقتي وبطاقت خويي ودقائق إلا ذي القسيمه عدم ربط حزام هذي لي وخويي عدم حمل رخصة :bigeek: بيتنا اربع خطوات وادخل حجرتي وأخذ قسيمه :bigeek: مو معقول ! والله شي قهرني قهر مو مشكله القسيمه كلة 100 ريال بس هذا ولد جيراننا الجدار بالجدار :confusedw: لنا 15 سنه جيران كل هذا مانفع معه لكن الشكوى لله وبالنسبة لماجد مقبل :smilie47: جاب الله أحد يشتري لنا تذاكر يوم الثلاثاء :bx: |
بصراحه العسكري اللي لحقك وقال طوووووووط وسكت ! ما عنده بعد نظر وما يميز المشبوهين :) |
إقتباس:
هلا فيك :smilie47: غريبة من خويك والله !بس يمكن رئيسهم شدد عليهم او زي كذا :yes: لكن عساك سددت المخالفة بس :d الله يعينك وبخصوص ماجد مدري عنه والله , ماحضر الهلال والنصر تبغاه يحضر ابطال آسيا :to: :d منور ياغالي :smilie47: |
إقتباس:
ماشاء الله عليك يامشرفنا :) من أفضل إلى افضل إن شاء الله :) |
أفا يا وليد مشاكل مع الحكومة:bigeek: يعني تبي تعلمنا أنك طلعت رخصة:ap: مبروك يعطيك خيرها ويعديك شرها:d ما ودي أحكي في الحكومة من جد أبي أعيش:to: أهم شي أنك دخلت الإستاد عقبال ما أحقق حلمي وأدخل جوا الكعبة:ga:<<ما ادري وش علاقة الموضوع بس شفتها زيارة أماكن صعبة وأحلام تتحقق:d بالحب والإشراق |
إقتباس:
لا مشاكل ولا شئ , لكن مثل ماقلت فوق ومشوار اعيد واكرر :naughty: انتي بنت وماتدرين وش يصير بره :d بإذن الله ان يحقق امنيتك وتدخلين الكعبة يارب منورة ياجدة :ga: |
وعليكم السلام ورحمة الله وبركاته اهلا اخوي وليد .. الله يكون بعونكم مع ذا المخالفات بس اللي ارتكب خطأ لازم يعاقب ولا يمكن بس الهلاليين لهم المخالفات والباقين براءه :razz: .. اما بالنسبه للتفتيش اكره شئ اشوفه بالطريق يسوي زحمات وتأخير ورفعة ضغط .. لو فيد فايده نأيده .. وبالأخير الشرطي يا يتقهوى ولا يسولف مع زميله :upset: .. اما بالنسبة للأستاد قرة عينك والله اني اتمنى ادخله واتمشى فيه ترى ما ابي احضر :d >> بريئه .. بس اكشت فيه :embarrass واشوى ان الزعيم :smilie47: دايم يبيضها .. واكرموك بالفوز هم واخوي ماجد بالعزيمه الله يجزاهم خير .. يعطيك العافيه اخوي وليد على هالمواقف المتنوعه والله يبعد الرادار عنك :razz:.. دمت بخير ..‘‘ |
سبحان الله كان على بالي موضوع زي كذا بحط الحرة هنا :d أمس في الدائري الشرقي .. أمشي ول عندي من الشين طاري دابة سليمة والحمدلله :d شوي الا وقف على جنب .. انا انخرشت صراحة ناظرت الا السرعة 120 ! قلت وش مسوي لهم يوم وقفت قال الرخصة والاستمارة عطيته .. قلت ليش موقفني ؟ قال تفضل الرخصة والاستمارة وتوكل .. قلت طيب ليش موقفني ؟ قال مدري حسيتك بتسرع فوقفتك قبل تسرع !! قسم بالله انه ضرب عندي الضغط صدق .. نعنبوا بليسك موقفني عشانك حسيت اني بسرع .. وش قلة الحيا هذي بغيت أتكلم بس خفت يحجز السيارة ويبهذلني وانا موب ناقص بعد :to: بس فعلاً .. أفراد الشرطة والمرور يفتقدون لأبسط المقومات الي تخولهم انهم يصيرون أفراد أمن .. يعني أهم شيء الي هو الاخلاق م فيه :cry: عموما وليد .. نورت الرياض .. ومرحباً ألف :d يعطيك العافية عالموضوع تحياتي |
الأمن ما ودي أحش فيهم بس عاد وش أسوي الظروف حدتني < نصابه :d بجد هالشرطيين أدج خلق الله مع كل إحترامي لكل شرطي مو داج :ap: يااخي حتى ثقافة ما عندهم دوٍرهم فالمشاكل :to: والغبــــــــــــــــــــــــاء :ga:< أكثر صفه تميزهم عن غيرهم :laugh: والله هالوصف قليل في حقهم أصلا طريقة تعاملهم مع بعض غبية جداً :razz: كل واحد متسلط على اللي أقل منه رتبه < بعدي أبوي :clapping: يا مال اللي ما نيب قايله على كل أمن الدوله يبيلهم تغيير جذري وطاريء مع إنه ما حولك أحد :d وبعدين تعال يا وليد قلنا وليد ما قلنا كل من هب ودب :laugh: ايه لا تسويلي فيها يعنني أنا الشاطر وتسكت ريكملي يقالك ضد الشتشته :to: يااخي سهلها على الناس الله يسهلها عليك :cry: سلام :ap: |
إقتباس:
صح اللي يرتكب غلط يعاقب ما انكرت هالشئ ! بس البرئ مثلي :no: :d ليش يعاقب بحكم ان الشرطي مقهور مني :cry: ! وش هالقلة الحياء اللي عايشينها ! :cry: وبخصوص الملعب , بصراحة لاتحضرين ولاتفكرين تحضرين :razz: لانه تجيه زحمة غير طبيعية , ويالله تخرجين من المواقف :confusedw: منورة ياغالية دمتي بود |
إقتباس:
اذكرك تبي فانيلة روما و تبي الملاهي :naughty: وليد اذا بتجي يوم الثلاثاء تحضر للهلال التذاكر علي :alzaeem: أحب القحاطين لأن ولدهم ياسر القحطاني :clapping: ببدأ بقصة مؤلمة للغاية ::bigeek: كان يا ما كان ....!!:to: كان هناك رجل يعشق فريقه بحب و تفانٍ<< مودري وش دخلها تفانٍ :d <<< مايعرف يؤلف قصص :laugh: السالفه و مافيها اني كان عمري 10 سنوات رحت للأستاد اللي هو بجنب بيتنا اللي هو استاد الملك فهد:bx: اول مرة أدخل ملعب كانت المباراة بين الهلال و الشباب :d جيت و معاي اخواني الكبار و أصدقائهم عددنا 9 كانت الواجهة فل :smilie47: و جينا على النص ساعه الأولى المهم اول مادخلت الملعب جتني دوووخة غير طبيعية بغيت اطيح بالمدرجات اخوي يقول امش :confusedw: انا اقول لا نبي نروح البيت انا دايخ مقدر اتحرك :yes: مودري احد حس مثلي للي يحضرون للمرة الأولى بالملعب :cry: اللي بيحضر للمباراة يبلغني لأن يوم الثلاثاء لن اتواجد على النت من الساعه 3 عصراً و حتى الـ 3 فجراً من اليوم الأخر بسبب الهلال و حبهـ :clapping: الحضور يا فهد الصخرة :alzaeem: |
.. وعليكم السلام ورحمة الله وبركاته هلا ومرحبا وليد :rose:.. مبرووك الرخصة تقطعها بالعافية :yes:.. أجل استفتحتها باول قسيمه .. إن شاء الله الاولى والأخيرة .. المرور وقسايمهم !!!!>< يقولون إن ميزانية السعودية صارت تعتمد على فلوس القسايم أكثر من البترول :yes: ~>يقولون أو أنتِ اللي تقولين ؟:ap: أستغفر الله:smilie47: المرور بصراحة آخذين حسانتنا من كثر مانحش فيهم ومابي أنقص من حسناتي خاصة مرور ديرتنا >< مافي كثرهم بالمملكة يوزع قسايم على الخلق >< يقولون إن.......:razz: ولا بلاش الكذب حتى لو هو مزح حراام :yes::razz: لكن صدق توزيعهم للقسايم يقهر وخاصة انه على أمور تافهه أحيانا يعني وش بيصير لو أنا رايح للبقالة مثلا وناسي رخصتي بالبيت !!>< ماقد حضرت تسليم من اللي أركب معهم أحد قسيمة لأن غالباً ما يوقفونك اذا معك امرأة :smilie47::d.. ~~>>كثرت حكي بهالفقرة وانا مالي دخل , :razz: بس أشوف حالة رجالنا اذا اخذو قسايم وأنغبن ><.. \ / ما شاء الله دخلت درة الملاعب ع البركة عقبال ماتدخل البرتقالة :ap:.. كسب اجركم ماجد , كريم ما شاء الله :rose:. اجتماع مُبارك :rose:.. \ / موضوع خفيف وضريف ,شكراً وليد s13s.. .. |
إقتباس:
اجل حس انك بتسرع فوقفك ههههههههههههههههههههههههه :d طيب ياليت ستخدمون هالذكاء الخارق في اللي يفحطون يمسكونهم قبل مايفحطون :d الرياض منوره بأهلها يالغالي :smilie47: والله يعافيك ودمت بود :smilie47: |
خخخخخخخخخخخخ ذكرتني بموقف :d << قاطة في أحد الصيفيات كنا راجعين من مكة لجدة ويوقفنااااااااا عسكري فاااااااااصل :razz: جلس يقول بحجز على السيارة علشااااان السرعة مع إنووو بابا ماكان متجاوز السرعة القانونية << يالبى قلبها تفهم بالقانوووون << لا يكثرررررررررررر:d الموووووووهيم بابا جلس يقنع فيه مووووب راضي يقتنع العسكري <<مخه مقفل :d كنت شوي بنزل وأتفاهم معه ...بس ربك ستر <<< إيه هين :naughty: والحمد لله رجعنا بالسلامة أما بالنسبة للملعب قرة عينك بدخوووووله .. الفااااااال لي << إنطمي :d وما قصر ماجد جزاه الله خير :clapping: ثاااااااااااااانكس ع الموضووووع الخفيف :rose: |
إقتباس:
تدري شلون .. بعض العساكر مو كويسين بالمرة :d .. |
في حول بيتنا أرض فاضيه ، راعيها ( الله يرزقنا وإياه عنده خير ) ، وش سوا ؟ زفلت الأرض علشان يخليها موقف ( لشاحناته ) ، طبعاً الأرض ما بين الشارع العام والحاره. والعالم كلها توقف فيها علشان حولها المطاعم. أنا جيزي جيز الناس ، وقفت فيها علشان بجيب لأهلي عشاء. وأنا راجع وألقى ( دوريه فيها عسكريين ) موقفين لهم واحد. أول ما شافني بركب سيارتي ناداني وطلب الرخصة والإستمارة وعطيته إياه!!.:confusedw: قال إنه بيعطيني مخالفه لأني واقف غلط !!.:confusedw: سلامات يالطيب ( على أيه أساس ) ، هذا مو شارع ( أخ ) !!.:confusedw: فهمته بسالفه الأرض ، وإنها مو شارع ، وإن صاحبها مزفلتها علشان يوقف فيها سياراته ، لكنه مصمم يعطيني مخالفه!!. قلت له طيب : والسيارات اللي واقفه وش بتسوي فيها !!. قال : بعطيك إنت المخالفة!!.:confusedw: جبتهم يمين - يسار ، بالطيب بالعقل ( بس حمير ما يفهمون ) :confusedw: بالأخير قلت له شوف : أنا ما راح أترجاك ، بتعطيني مخالفه أخلص علي ، وإلا خلني أمشي وجزاك الله خير!!.:confusedw: بعد ما قلت الكلمه ، قال خلاص رح !!!.:confusedw: ____________________ موقف ثاني : لي صديق كان ( عاطل عن العمل وما معه إلا شهاده المتوسطة ) قّدم على العسكرية برتبه ( جندي ) يقول أول ما صفونا أنا والمجموعة سألنا المسؤول عننا من اللي معه شهاده ثانوية الجميع ( صمت ) !!.:confusedw: كرر عليهم السؤال ( من اللي معه الشهادة المتوسطة ) يقول رفعت يدي ( وما فيه إلا أنا ) !!.:confusedw: وكلهم يتلفتون علي !!!. يقول أنا بالنسبه لهم ( معي ماجستير ) يسألونه كيف قّدر يتخرج من المتوسطة !!!. :confusedw: |
إقتباس:
هلا بالقاطعة :rose: كل كلمة كتبتيها صحيحة وقلتي اللي في بالي :yes: من جد ماعندهم احترام للمواطن السعودي , ولا فيه اخلاق سعودية :bx: .. وبخصوص البرايفت , لي ساعة اكتب الموضوع ويجي يشتشت فيه ,, لاني كنت بحط اضافة للموضوع وراحت الافكار :cry: :razz: .. الف شكر ع المرور ياغالية دمتِ بود :ga: |
هلا وليد :rose: يافرحه ماتمت :d اجل اول مخالفه لا وبعد ظلم :no: والمرور ياربيه عليهم حركات مدري وش يبون بالضبط :to: اجل عشانك واقف غلط :confusedw: طيب والسيارات الثانيه مو شايفينهم ليش :bx: الله يعينكم ياللي تسوقون مدام تقابلون هالنماذج الجميله :ap: بالنسبه للأستاد الله يلوم اللي يلومك يومك ماتصدق :d شوف انا ودي اشوفه بس مو بمباراة لالا يوم وهو فاضي كذا ودي اروح اشوفه :ga: والا اقول هونت احس بخاف :no: بجد له هيبه من الشاشه كيف داخل اجل :bx: عموماً يعطيك العافيه وليد :rose: |
هلا بوليد.. هم يتسلطوون اصلا.. يعني اذا كان مروق بيعاملك احسن معامله..واذا كان المزاج لك عليه ابشر بسعدك.. مثلا انا ودي اروح الاستاد ووقف على اللي يحطون الكره ضربة البداية واصرخ بصوت عالي<<احلفي يعني بتصرخين بصوت واطي احلى موضوع اذا جا ع الماشي.. |
وليد ولد قحطان :smilie47: ماشاء الله يا وليد .. المخالفات تسري في وريدك مسرى الدم :d بعلمك شئ يا وليد وارجو ان يتسع صدرك لأخيك .. لا تتبع الآخرين في خطأهم ثم تقول : لماذا انا ؟ :yes: الا على قصة اديبنا الحبيب ماجد :smilie47: .. ما ظهر لي انه ( أصر ) ( أصرارا ) على دعوة العشاء وظهر لي انه اكتفى بدعوتك من باب رفع العتب :naughty: يا عيباه :d يعطيك العافيه يا وليد والله يعطيك خير السيارة ويكفيك شرها .. اللهم آمين |
الف مبروك دخلت الاستاد عقبال احقق حلمي وادخل عش الزوجيه :D . . ياخوي بصراحه ولا يزعلون اخواننا الجحلط حقين الامن انت لما تشوف الشخص فاشل دراسيا و اجتماعيا واخلاقيا مالقى ولا وظيفه وين بيروح .؟؟ |
إقتباس:
ياهلا نور الشمس :rose: الله يبارك فيك وفي أيامك :ga: لاتستغربين ترى ان الميزانية كلها من القسايم .. يعني الشرطي اللي عطاني مخلفة اليوم , بيعطي مخالفة بكرة وبعده او في نفس اليوم لاتستغربين كل شئ جائز :razz: وزين انك ماذكرتي القصة :d وبعدين وشو البرتقالة ؟ لايكون ملعب الأولمبيكو :to: :smilie47: ولا أنا غلطان :cry: .. منورة ياغالية والعفو :ga: دمتِ بود |
:d اصبحنا واصبح الملك لله.:smilie47: أجل أستفتحت بالرخصه بمخآلفة:razz: هي نصيحة عآمة. حآولوآ ماتحطون أنفسكم بمواقف مشبوهه:d افرضوآ الأسوء ..مع ان بعضهم يتسلط عليك.:d ذركتني موقف قاله لي واحد. مآسك خط تآلي الليل ويمسكه واحد مسطل على الآخيرر فآصل مخه. سكرآن:d ساعتين مادري 3 وهو معـه. العسكري حتى جواله خذه منه ماعرف حتى يدق على احد:d مشكلة لتسلط عليك واحد فآصل:d الله يحفظكم ويحفظنا. ولا يولي علينا مثل هؤلآء:smilie47: عشآن كذا .الأذكآر تقال مرتين.بإذن الله تحميك.:smilie47: فيما إذا صآدفك موقف زي هذا. لاتنآقش. اقرا وانفث:d:smilie47: بالنسبة للعشآء ..لو اني من ماجد ما ألزم. هي مرة وحده بس:d واستغلها. خخخخخخخخخخخخخخخخخخخخخخخخخخخخخخخ شكريآ وليد:rose: |
إقتباس:
هلا وغلا اختي قصتك بصراحة منتشرة وماهو جديد على رجال الامن الطبيين جداً :d العفو اختي , ومنورة ياغالية :rose: دمتِ بود |
هلا وغلا وليد :smilie47: مبرووك الرخصة مع انها متاخرة .. :clapping: والله ياحبيبي المرور لهم حسنات مثل مالهم سيئات .. :yes: ولله الحمد ما قد اخذت مخالفة من يوم ما طلعت رخصتي .. :naughty::razz: اذكر مرة كان امشي بسيارتي ورى سيارة اخوي وكلنا متجاوزين السرعة القانونية .. :bx: وطحنا بتفتيش ووقفنا بسبب السرعة واخذ اثباتاتنا وعطى اخوي مخالفة وانا ما عطاني .. اخوي كان يقوول شكلهم نسوا يعطونك اش رايك نروح نسالهم .. !! :bx: اما استاذ الملك فهد الدولي ما دخلته وبس .. الا اكثر من مية مرة قد نزلت ارضيته .. في مناسبات مختلفة .. :naughty::d وماجد مقبل ..:smilie47: الافعال هذي مو غريبة عليه .. يعطيك الف عافية وليد على الموضوع .. :smilie47: |
هلا والله بكـ وليد :rose::rose: وانا اقول وينه مختفى علي ما يفتح ايميله اثاريك ماخذه ومفرفر به شوارع الرياض:d انا اعترض على انه الغلط دايم على العسكري لكن في حالتك 100% عليه :d المشكلة يجيك واحد توه متعين وينافخ مسوي لواء هذا ما لدي تقبل مروري :rose::rose: |
مشكور على الموضوع الرائع وبعدين الشرطي (مزاجي) |
هلا اخوي وليد .. مبروك على أول مخالفة تقطعها بالعافية :razz::razz: إقتباس:
مبروك على روحتك , ودايم تعال في النهائيات عشان نفوز :clapping: يعطيك ربي الف عافية |
هلا وليـد منور :rose: وقرت عينكـ بدخول الدره :smilie47: وعقبـال ماتدخل Stadio Olimpico ومبرووكـ الرخصه ومـشاء الله خير افتاتحيه :d مسوي ميانه الحين :d المهووم بخصوص الدوريـات ياخي ياكرهمـ خاصه لاجكـ واحد فاصله معـه وخذ هالموقف اخوي الصغير معه ربو وانكتم اخر الليل [ الساعه 3 الظاهر ] المهوم واروح اوديه للمستشفى ومدري الا الدوريه وراي وقفـ على جمب ويقعد يتفلسف علي اقوله ياخي معي طفل منكتم بيموت وانت قاعد تبرر يجي بكل برود يقول كلنا بنموت يالله جب الرخصه واركب الدوريه :confusedw: والله بهالحضه بغيت اتهور :d واركب السياره وماتشوف الاغباري ويوم رجعت من المستشفى [ الساعه 8 ونص ] الى الحين الدوريه بمكـانها ينتظر :d شكله محشش :d |
السلام عليكم ورحمة الله وبركاته .. تحيه طيبه لكـ يا وليد .. تحدثت عن موضوع مهم وواقعي .. بقصص قصيره مرت بك .. وأعتقد أن موضوع كهذا لا يتم إثباته إلا بهذه القصص القصيره التي تصادف الشخص أثناء سيره بالشارع .. سبب هذه الظاهره .. هو ماتحدث عنه الأخ مواصل .. حيث ان كثير منهم لا يمتلك شهادة ( متوسط ) ، فكيف تريد من شخص يعجز عن الوصول ( للثانوي ) أو ( المتوسط ) .. أن يحمي المواطنين والمقيمين .. للأسف كثير منهم لا توجد عنده أبسط مقومات أن يكون ( شرطياً ) .. فيصبح شخص لم تكن له أي قيمة أجتماعيه .. وأصبح فجأه شرطياً .. ومن تفكيره وعقليته هو .. يرى أنه أصبحت بيده سُلطة ولو كانت صغيرهـ .. ومن خلال هذه السلطة الصغيره .. سيستمتع ويشعر ( بالقوه ) وهو يرى الأخرين الأبرياء من أي مخالفه .. يترجونه كي يعفو عنهم .. يشعر حينها بأنه ملكـ . وبالطبع هذا يدل على ( نقص ) عنده .. تكون أوراقك الثبوتيه كامله وسليمه .. ولم ترتكب أي خطأ .. ومع ذلك يطلع لك أي شي .. وينوي منذ البداية أنه يعطيك ياه لكن بعد أن تترجاه .. هذا كل مايريده .. والطريق الأمثل للتعامل مع هذه النوعيات .. هو البـرود ثم البـرود ثم البـرود .. علشان ماتفقد أعصابك وتخربها معه .. وهو هذا اللي يبيه علشان يلقى مبرر قوي أنه ياخذك للقسم .. ولا تتـرجاه أنه يمشيكـ علشان ماتخليه يحقق متعته .. خلك هادي وبارد .. وتكلم بدبلوماسيه .. ورح يرجعها لك أخرتها بعد مايعرف أنه مافي أمل أنك تترجاه .. :d إقتباس:
هههههههههههههههههههههههههههههه :d يقاله أنه عنده بعد نظر ويمتلك حاسه سادسه .. وهذه تراه ميزه ..: ( يشمون الجريمه قبل لا تصير ) :d قبل الختام بدي أقول حاجه .. وأنا هنا لا أطرح المقارنه .. ما نراه في الدول العربية عامة .. من موظفي الدوائر الحكوميه .. والشرطه ( التي في خدمة الشعب ) .. يجعلنا نبكي حينما نرى ما يحدث بأوروبا .. في أوروبا كمثال .. لنلقي نظره على تعامل الموظفين هناك مع أصحاب المصالح .. كل احترام .. وكل تقدير .. وإن نظر لك الموظف نظره لا تليق .. فبإمكانك أن ترفع عليه قضيه .. لأنه بنظرهم .. أنه هذه وظيفة الموظف .. وهذه مهمته .. فما يصلح أبدا أنك ترفض وتعامل من يجيك بهذا الشكل .. انظر هناك .. وانظر هنا .. والتعابير الأخرى دعها تسبح في خيالك ولا تخرجها .. يعطيك العافيه أخوي وليـد .. موضوع جميل وبأسلوب سلس .. :rose: ماننحرم منك دمت بأجمل حال |
وليــد ,, شكرآ ع القصص الفـله ,, و الله إنـك تنرحـم .. :Ds45s بـ النسبة لـ سآلفة الوقفة الغلط فـِ صلآة يوم الجمعة ! فـ لو إني منك قلت له ( لا طـاعة لـ مخلوق فـِ معصية الخـالق ) :D و إمـش و خله .. :D ,, و سـآلـفة الزنون ! لو إني مكـآنك لـ آجلده .. :Ds45s حقيقة شئ يرفع الضغـط ! وش الي إنت أبخـص ! الله يعيننـآ عليـهم ! و الله إنهم يدورون ع الأشيـآء التآفهـة و يا كثر ما نلقآهم فيهـآ ! و الأشيآء الكبيـرة دوّر ولا تلـقى أحـد ! ليش ؟؟ مـآ نـدري ! الله يعين بس :( .. |
إقتباس:
انا اقصد مافي فكرة في نقاط الموضوع واتكلم عن ايش واخلي ايش بس فكرة الموضوع موجودة :naughty: ومرة بعض الامن مو طيبيين :d |
مرحبا وليد نورت الرياض ياني مقطع ملاعب الرياض مافيه مباراة للهلال الا وحظرتها ويالينا قمنا بالواجب والله تستاهل كل خير يالغلا..’ اما بالنسبة للعسكر في الملعب .. غاسلآ يدي منهم مااارة أوما بالشارع .. فيهم اللي تحطه على راسك وفيهم اللي تضحك منه انا اول سنه مافيه ولا مخالفه مع اني اسرع ومخالف بكل أمانة لأغلب الأنظمة :) لاكن السنة الثانية يوم ركدت وطلعت رجال :) وصلت مخالفاتي لأكثر من 1000 ريال وبصراحة في مخالفات تجيك ماتدري وين ومن وين وليش بس اذكر قالي واحد ان المخالفات شالوها ومدري ايش المهم نشبلي شيك شيك :) وشيكت ولقيتها وبقدرت قادر زادت كيف مدري ألا أنا بسأل سؤال ..؟ يقولون اذا وقفك العسكري ومن النظام هو اللي ينزل لك وانت ماتنزل ..؟ سويتها وهاوشوني قالو العكس ..! ومره ثانية وقفوني ونزلت وهاوشوني قالوا وش ينزلك ..؟ وطلع الحل .. كلن على مزاجة عاد هذي المخالفات كووم والحوادث وتقريرها كوووم ثاني مايذبحك ويغبنك الا لما احد يصدمك ولا يخطي عليك ويجيك واحد يحط الخطأ عليك ..’ الله يكفينا شر الحوادث والسرعهـ..’ آمين يعطيك العافية وليد ع الموضوع المميز يالغلا ..)تقبل مروري ودمت بخير(.. |
إقتباس:
ياهلا عبدالله سالفتك الاولى تبين مدى حقدهم والتكبر اللي عايشين فيه هالأوادم ! وخلاك تمشي لانه يدري انه غلطان وكان ردك الاخير حلو :naughty: وسالفتك الثانية ؟! متوسطة وكلهم يطالعون فيه !؟ :to: اجل هم مايدرسون ولا وش السالفة ! :d الله يعين بس :cry: لاهنت عبدالله :smilie47: |
إقتباس:
بخصوص الاستاد انه هيبة فهو هيبة والله ! انا مثل ما قلت ماصدقت اني داخل الملعب إلا يوم صفر الحكم بداية الشوط الاول اجل تبغينه تروحينه في يوم فاضي ؟ خخخخخخخخخخخخخخخخخخ :d لا لازم يكون فيه جمهور عشان تحسين صح :d ع العوم نورتي الموضوع ودمتِ بود |
مشكور الله يعطيك العافيه ومزيد من التالق والابداع |
إقتباس:
طيب وش ذنبنا إذا كانوا رايقين او لا ؟ يعطيني مخالفة ع انه مو رايق ؟! ليييييش طيب ؟! وبخصوص الاستاد مافهمت ترى ! :bx: منورة ياغالية |
إقتباس:
المخالفات ماتسري ولا شئ , بس كلهم حاقدين علي :cry: وما اتبعت الاخرين ولا شئ .. بس شئ واضح ياطارق صلاة جمعة اكيد الزحمة موجودة ! لكن ابشر نصيحتك ع راسي وماطلبت شئ :laugh: :smilie47: جزاك الله خير والله يسمع منك منور طارق :smilie47: |
شوووهد الموضووع اخوي المرور لا تعليق هو وامن الطرق بس صيد سرعه وغيره ما فيه شي كرر الزيارة للرياض تقبل خالص احترامي @ |
إقتباس:
الله يبارك فيك يالغالي .. وعقبالك الزواج والله يوفقك :smilie47: ياخوي خلهم يظبطون اخلاقهم اول شئ الله لا يوفقهم والله يعينا عليهم بس منور يالغالي |
إقتباس:
هلا هلا وردة :d يابنت وش اللي مواقف مشبوهة ! :razz: انا ماسويت شئ غلط ويصكني مخالفة ؟ ليييييييييش ؟ ع الاقل انا متخرج وداخل جامعة :naughty: , ولاهو متوسطة و تخب عليه :d منورة ياغالية :ga: |
هههههههههه وهي واقفه بس على المرور النظامي < أمحق :ap: ذولي ينكتب فيهم مجلدات :razz: لكن موقفك يوم تودي الوالده الله يخليها لك غييييييير ،، تخيلت نفسي مكانك ،، قمة الاحراج :d وعاد بعض الجيران مايصدق خبر بس شاف الدوريه تلاحقك خلاص صرت مجرررررم :ap: هذا اذا مانشرها بالحاره وزودها بهااارات يعني تصير علك بحلوقهم :d ايييه نسيت ابارك لك بالرخصه (الله يعطيك خيرها ويكفيك شرها ) واسألك ، سددت المخالفه ولا باقي ؟؟ اذا جوابك لا ؟ قبل ماتسدد اسأل عن نظام المخالفات الجديد لأني قرأته قبل مده وحسب مافهمت ان المخالفه فئات ومن يتأخر لمدة معينه ترتفع القيمه ؟؟ تأكد من هالخبر وسدد حتى ماتبلش مره أخرى؟!! وعذرا ع الآطاله .. :rose: |
إقتباس:
هلا والله فهد :smilie47: وينك ما عاد تنشاف ياخي ؟! :smilie47: الله يبارك فيك :d :smilie47: والله ان الامن سيئاتهم اكثر من سلبياتهم :d وهالشئ واضح يارجل :yes: منور يافهد وبيض الله وجهك ع المرور :smilie47: |
إقتباس:
هلا فيك :smilie47: والله علي دائماً مايقصر معي ! ادق عليه ويوصف لي المكان اللي ابغاه :d وش اللي فرارة بالرياض حرام عليك , ما اعرف إلا طريق الملك عبدالله غرب وشرق وحي عرقة بس :d:d منور ياغالي :smilie47: |
| الوقت المعتمد في المنتدى بتوقيت جرينتش +3.
الوقت الان » 08:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd