فريق داج ودردعة لا تكذبون على انفسكم .. جماهير الزعيم ...السلاااام لو سمحتم خلونا صريحين بالله هذا مستوى..؟؟؟ وين الهلال اللي نعرفة وين الفريق اللي يلعب للهجوم وليس للدفاع... الهلال اليوم اثبت تخبط الكرة السعودية الهلال اليوم اثبت ان سعود بن تركي قاعد يلعب بالفريق ... لا تزعلون بس وين اللا عب العالمي اللي نسمع فية والا هي نشوة فرح اقول على اقل تقدير كان من الممكن تجديد عقد ادميلسون وتوليو بس الشغلة عناد بين اعضاء الشرف. الهلال صار يخاف من الهجوم وين الفريق المرعب اللي ما يخاف اني ارى ايام سودأ للزعيم .....والله يستر ولا يرينا مكروهاً في الزعيم الزعيم هناك من يريد اسقاطة .... الزعيم يستعد للكاس بمدرب يتمشى بكوريا وبدون لاعبين اجانب:confused: ختاماً تقبلو تحياتي.................. [/FONT] |
مية المية الرئيس بسويسرا وصار النادي مربوط على تحرك اشخاص معينين ونفس السالفة كل سنة يلة جيبوا اثنين محترفين من افريقيا وخذهم من المطار وبعد اسبوعين مانفعوا ودهم يالمديد بليموزين للمطار هذولا ماينفعون وبعدها صك الرياضية والجزيرة بعنوان كبير الهلال يفاوض كريمي وحازم امام .... وبعده مهاجم كوستاريكا ولاوصل المطار طلع مزيف وخذ لك قائمة طويله من لاعبي السنغال وتركيا والاكوادور(اية هين) واخرتها يسمكرون الكاتو ويجيبون برازيلي اسمه ياروبرتو ياكارلوس حولها ومع ثلاث مباريات يسفرونة كالعادة قد خبرتوا ثلاثة محترفين كملوا معنا الموسم وبربسة مالها اول ولاتالي واذكروا كلامي زين........ البربسة شعار هلالي ماركة مسجلة بالتعاقدات مع اللاعبين بسبب ضعف الثقافة الكروية عند الاداريين |
عفوآ البطوله هلاليه |
عفوآ البطوله هلاليه |
لنكن حياديين الحقيقه موضوع الأجانب مشكله في نادي الهلال انضرالى بعض الأنديه الصديقه مع انهم عندهم مشاكل اكثرمن الهلال واقل نجوم الأ انهم ياتون بي اجانب تشيل الفريق ويستفيد منه الأعبين اما في نادي الهلال نجد ان الجانب أقل من مستوى نجوم الهلال وبتالي لا تحصل الفائده المرجوه منهم واتمنى ان يأتو بلاعب على مستوى التطلعات 000ونأسف على الأطاله |
صح لسانك اخوي الهلالي الناقد |
من جد وين الهـــــــــــــــــــلال اول ؟ لما يلعب بس جالسين ننتظر الاهداف والفن الهلالي الراقي. اما الايام هذي طول المباراه نقول الله يستر لايجي علينا هدف فيه مشكله بالفريق وتحتاج الى وقفة صادقه من جميع اعضاء الشرف تحياتي وامنياتي بعودة الهــــــــلال ايام اول |
خلها على ربك يابن الحلال الكرة السعودية في تدهور واضح جدا والهلال يكمل السيناريو (سناريو التخبط واللعب العشوائي ) خلاص غاب سامي إنتهت الدنيا وبالنسبة الصويلح أفضل بكثر من الدوخي الداج اللي ضيعنا والحمد الله شلية قعده في الأحتياط في كأس العالم والدعيع نفسيته زفت الله يكرمكم بعد الدرزن ماله وجه يلعب أبد وطبعا الكاتو أبو كشة مدري ليش الهلال محتفظ فيه يعطونه لأي فريق قطري ببلاش أحسن ويريحونا أحسن يالله عسى الهلال يتوازن وأهم شي إنهم ينسوا المونديال نهائيا لأن ذكراها يرفع الضغط واتمنى من رب العالمين إنه يساعد اللاعبين بإنهم يتعدوا الظروف وفي نقطة هامة الفريق الكوري مهب قوي أبد لكن المعنويات مرتفعة ولعبهم حماس بس يعني لو اللاعبين يركزون شوي والله ليفوزون عليهم بالراحة. وبالنسبة لرئيس النادي مخاوي ومهب فاضي من جد لازم يترك الهلال بأسرع وقت أحسن بشرط لازم يجي واحد أفضل منه بكثير ويدعم الهلال دائما . آخر كلمة الله يوفق الهلال. |
قلبي الزعيم انت في فلك وحنا في فلك وكأن ماحد يحب الزعيم غيرك ياقلبي ابو فروحة و مصعب صح لسانكم هذي الجماهير اللي تعرف كيف تحلل مصعب بالله وش رايك بالأدارة حالياً وتخبطاتها.... هلالي من اصول راديه اقول انت اول واخد في المنتدى يقول كلمة حق وان في ناس غيرنا اضعف منا قاعدين يخططون وحنا يا غافل لك الله انت من جد هلالي حقيقي وليس من جماهير الطواقي اللي يشجعون لاعب وليس نادي ذو الدم الأزرق صح بدنك بس من جد انا منقهر من اللي صاير والناس قاعدة تسولف العتيبي ما قصرت لللأ سف طموحتنا صغرت مع عقولنا ...... اقول ختاماً الزعيم مقبل على ايام سوداء مثل قرن الخروب وتشوفون ................................................................................... |
اهم شي اخواني الاحبه تعدي المبارة الجايه علي خير ويكون بعدها خير ان شاء الله الهلالي الناقد: بالعكس المبارة في نظري انها ناجحه في ضل تفوق الكوريون علي مستوي المنتخب ما نتج عنه انعكاس ممتاز علي الفريق وايضا فريقنا قدم مستوي جيد جدا وهو الغائب عنه ابرز النجوم اخي في الله لا تزعل نفسك ما بعد الضيق الا الفرج اخ منكم ياجماهير الهلال ياحبكم للفوز غيركم يبي بس حتي لو مجامله في اي تصفيات علي مستوي القاره وينهزم عادي اهم شي يجي اسمه انه مثل المملكه وبس الهلالي الناقد: لي ملاحضه بسيطه ولاتزعل علي العنوان في وادي ومحتوي الموضوع في وادي صح والا انا غلطان الله يكون في عون الجماهير الهلاليه في ضل اداره غائبه واعضاء تجمهم البطوله وتفرقهم المسؤليه |
الوقت المعتمد في المنتدى بتوقيت جرينتش +3.
الوقت الان » 03:23 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd