أسباب عدم مشاركة أحمد خليل وعبدالله شريدة هي ........... [c]بسم الله الرحمن الرحيم [/c] السلام عليكم ورحمة الله وبركاته : قدم الزعيم اليوم مستوى لابأس به رغم الظروف التي أحاطت بالفريق وأن شاء الله يكون الحسم في الرياض لصالح الزعيم . ولكن عندي سؤال هام وهو : ماالسبب الذي منع مشاركة النجمان أحمد خليل وعبدالله شريدة في المباراة وأشراك اللاعب / بندر المطيري قليل الخبرة لولا تغطية اللاعبان / عبدالله سليمان وحسن العتيبي لبعض الكرات الخطرة التي كادت تدخل المرمى . أعتقد أن المحاربة بدأت على النجمان أحمد خليل وعبدالله شريدة وسوف تبعدهم عن الفريق كما أبعدت فيصل أبوثنين وخالد التيماوي وغيرهم . |
يحاربون اللاعبين ام يحاربون الهلال اذا كان ماقلته صحيح فهذه والله ام المهازل وعلى الهلال السلام :( |
يا خوي خفايا مايدري فيها الاربك . |
لا تثير الفتن جزاك الله خير |
أخوي انت هلالي أي فتن الله يسلمك يعني بعقلك ليه يلعب اللاعب بندر المطيري اللي كان يشارك في دوري الحواري العام الماضي والزعيم كان يشارك في مباريات مهمة في الدوري ويكون في الأحتياط نجمان كبيران مثل أحمد خليل وعبدالله شريدة أخوي فكرة زين وراجع حساباتك مضبوط وتعرف بعدين صحة كلامي وأذكرك . |
يجب ان لانلوم ناصر الجوهر على إستبعاده لأحمد خليل. فالهلاليون أسقطوه من تشكيلة ناديه في مباراة مهمه. أسأل الله الصلاح، وأن يحمي الهلال من الأهواء. |
اخوي وعزيزي نقوشي: انا اشوف سبب وهذا راي شخصي مني انا انه بندر المطيري لاعب سريع شوي ويتميز عن احمد خيل وعبد الله شريده بالسرعه ومثل مانت تعلم انه الفريق الكوري فريق يلعب الكوره السريعه. هذا لايقلل من مستواي الاثنين لاكن كل مباراه وظروفها. اتمنى انك تتقبل رائي المتواضع . شكرااااااا. |
نقوشي اذكر الله ومافي داعي للفتن ! وبعدين مين اللي يحاربهم اذا كان الكل غايب ؟ |
أخوي محب أنا الحمدلله أذكر الله دائمآ وأبدآ لكن الشق أكبر من الرقعة . |
أخوي نقوشي .. عمرك شفت فريق يلعب بـ13 لاعب :confused: اكيد لا .. لذلك من الطبيعي ان المدرب يبي يلعب بـ11 لاعب حسب الجاهزية وحسب الخطة اللي وضعها للمباراة وحسب نظرته لوضع الفريق المقابل . ياخي شف منتخب البرازيل بكأس العالم .. سكولاري راكن بجنبه امهر لاعبي كرة القدم ( دينلسون ) ومالعبه بسبع مباريات الا دقائق معدودة ورغم ذلك فاز بكأس العالم بدون اي تعادل أو هزيمة . ومنتخبات كثيرة ما استدعت نجوووووم ومدربين كثير مالعبوا نجوم . المعنى .. ان مايحصل بالمباريات شي عادي .. والمدرب هو الأبخص .. ولو فيه شي بين الادارة واللاعبين اللي ذكرت .. ماكان راحوا لكوريا اصلاً مع البعثة . ولعل عدم ذهاب الشريدة لقطر ببطولة كأس الكؤوس الأخيرة خير شاهد . تقبل تحياتي :) |
أخوي هلالي الجوف الا تعتقد أن في مشاركة أحد اللاعبان أحمد خليل وعبدالله شريدة مكان اللاعب بندر المطيري أفضل خصوصآ أنهم لاعبي خبرة طويلة في ملاعب كرة القدم وفي مثل هذه البطولات المهمة خصوصآ أن الفائز بهذه البطولة يتأهل مباشرة إلى كأس العالم للأندية . |
اخي نقوشي اريد منك التأكد من جاهزية الشريدة وخليل وهل هما في الأحتياط وهل يعقل من ماتورانا ان يبعد نجمين وهو الذي ضحى بمقدم عقده للاعبين قبل المباراة شكرا لطيب قلبك |
تسلم اخوي نقوشي على الموضوع بس يا جماعة الخير العيال اليوم ما قصروا ولعبو مباراة حلوه . وبندر المطيري قدم مباراة حلوه لا تنسون الظروف الي يمر فيها الفريق لا مباريات تجريبيه ولا لاعبين محترفين وفريق كامل ما لعب ومطر . ومع هذا كله قدمو مباراة رائعه . لازم نوقف معهم ولا نحاول نثير الفتن عشاااان الزعييييم وانشاء الله البطوله هلاليه............. |
مساء الورررررررررررررررررررررررررررررررررررررررررد ملاحظة بسيطة ربما غابت عن البعض !! أريد منكم مراجعة شريط المباراة ،، لاحظوا سرعة بندر المطيري !! هذا الاعب أستطاع مجاراة الكوريين رغم سرعتهم الفائقة !! أعتقد أن من أشركه شخص (( عارف للكوريين مظبوط )) فلا أحمد خليل ولا شريدة يجارون بندر في السرعة !! كذلك لاحظوا أرتقائه ،، ممتاز إلا أبعد الحدود !! ناهيك عن مهارة التسديد !! @@ أخواني : لاتنسوا أن الشريدة وخليل لم يبقى لهم الكثير في الملاعب ،، أمنحوا شبابكم الثقة ،، والتشجيع ثم طالبوهم بالنجومية !! |
إقتباس:
بالعكس .. اشوف ان المطيري أدى مباراة رائعة اليوم مع باقي نجوم الزعيم :yes: والهدف جا من غلطة .. وانشالله يتم تعويض هالهدف بثلاث في مباراة الاياب :blueroll: |
أخ نقوشي مشكور على الموضوع ولكل مباراة ظروفها وبندر المطيري ماقصر . |
مشكور يااخ نقوشي على حرصك على مصلحة الزعيم ومايدريك يمكن انهم مشغولين في مهرجان الشرقيه(لك ولعائلتك):D :D |
<center><div style="width:100%;filter:shadow(color=black,strength=20);color:yellow"><BR><font color="#FFFFFF" size="7" face="Amerigo BT"> أخوي نقوشي وينى فيه علشان تقول محاربه أخوي للمدرب نظره ثانيه ويمكن يبغى يخليهم للمباراة الجايه ماتشوف مدربهم مافرح بالفوز ينتظر المبارة الجايه لأنها هي المهمة والله يوفق الزعيم والحين بتبداء همتكم ياشباب بمساندة الأزرق وشكرا لك ،، </font></div style> <BR> <br> |
أكبر خطأ إن الهلال يعتمد على لاعبين دفاع أضغرهم عمره فوق الثلاثين وبعدين يعتزلون فجأة بدون مايكون هناك بديل جاهز لذلك بندر وعزيز والصالح هم مستقبل الهلال بس يحتاجون الصبر والتشجيع وإلا أنا غلطان |
مشكور |
??????????????? !!!!!!!!!!!!!!!!!! |
أخ نقوشي أعتقد أن كلامك هو الصحيح . :blueroll: |
بالتوفيق للأزرق واحنا محتاجين لهذين اللاعبين... |
الله يسترعلى مستقبل الهلال |
إقتباس:
|
اخوي العزيز .. نقوشي لماذا كل شئ نعزوه الى المؤامرة واي مؤامرة اصلا في هذا الموضوع لماذا لا تكون قناعة مدرب فنحن نعرف جيدا من مباريات العام الماضي انه غير مقتنع كثيرا بالشريدة وهذا من حقه كمدرب على العلم اننا نتمنى غير ذلك عموما تواجد المطيري كان رائعا وقدم مستوى يشكر عليه والمستقبل امامه باذن الله متى ماارجعه المدرب لمركزه الاصلي وهو قلب الدفاع وليس الظهير تقبل تحياتي |
يا اخو احمد الله ولاتثير الفتن |
يحاربون من مين ........؟؟؟؟ ياليت توضح من مين... |
أخي العزيز نقوشي .. أنا أعتقد إن مافيه مؤامره ولاشيء .... بعدين ليش كل شيء يحدث نأوله للمأمرة .. يا أخي هذه خطه المدرب لكل مباراة ظروفها بعدين بندر قدم مستوى يشكر عليه .. تحياتي لك لطرح هذا الموضوع رغم إختلافي معك فيه .. |
الشريدة يمكن يطلع من الهلال وخليل من زمان ما شفناه لكن زي ما قال اخوي هلالي الجوف المدرب ابخص |
ما أعتقد أن هناك مؤامرة لكي لايشارك عبدالله شريدة وأحمد خليل بل بالعكس بندر المطيري قدم مستوى رائع مع عبدالله سليمان . |
نعم بندر المطيري قدم المطلوب ولكن يبقى السؤال وين عبدالله الشريدة واحمد خليل ؟ تحياتي |
بندر ما قصر بس ليه غاب الثنائي ؟؟؟ |
التيماوي اعتزل وابوثنين شايف نفسه على الهلال .. يعني لا ابعدو ولا شي .. وخلينا من المشاكل |
أخ نقوشي مشكور على الموضوع ولكل مباراة ظروفها وبندر المطيري ماقصر . |
الي يسمعك الحين يقول ان المطيري هو الي تسبب بهدف الفوز علينا .... ياخي يمكن ماتورانا فيه شي في باله يمكن زي ما قال احد الاخوان للسرعه وزي ماقال احد الاخوان ايضا تجهيز للاياب ويمكن ويمكن ترا مهوب لازم كل شي مؤامره .؟؟؟... نحش في جحا وطلعنا زيه !!؟؟ |
اخوي نقوشي لوكان المدرب غير ماتورانا لايد ت كلامك ومتعود ين على هذه التدخلات في انديتنا ولاكن ماتورانا لا اعتقد بأن يسمح لأحد بالتدخل بعمله يجب الوقوف مع الجميع (لاعبين مدربين أداريين)والابتعادعن أثارةالمشاكل وخاصتآ في هذه الفتره أذاكان خليل جاهز فهو أفضل من يلعب بجانب سليمان بندر المطيري أدى مباراه جيده مع زملائه ويتميز بالسرعه ويعيبه التغطيه اتمنى لهم التوفيق في المباراه القادمه |
ياشباب الشريدة وخليل بعيدين عن اجواء المباريات ولكن المطيري قريب من اجواء المباريات لا نة كان يلعب في دوري الحواري... |
حبيبي نقوشي .. الله يرحم والديك ترى اللي فينا مكفينا .. مشاركة الثنيان والجابر- وهذا الخبر أنت اللي جايبه - وكمان الدعيع أهم .. وبعدين بندر المطيري يملك مواصفات مثل التسديد وتنفيذ الأخطاء .. والرجل ماقصر وأدى مباراة حلوة .. يعني مافي داعي نرجع في معمة فهد المصيبيح والاتهامات اللي لها أول مالها آخر .. لأنني أعتقد أن فهد المصيبيح هو المستقصد .. |
((((((((أعتقد أن المحاربة بدأت على النجمان أحمد خليل وعبدالله شريدة وسوف تبعدهم عن الفريق كما أبعدت فيصل أبوثنين وخالد التيماوي وغيرهم .)))))))).... اقول اخوي بلا تقليب في الماضي واللي فات مات .. والمدرب قالكم من البداية يبي يعتمد على لاعبين شباب.. تحياتي: redheart |
من جد ليش احمد خليل ما لعب ؟؟؟؟؟؟؟؟؟ |
إقتباس:
|
مابقى تقولون الا ليش النعيمة مالعب ياناس ارجعوا لكلام استاذ المنتدى هلالي الجوف وشوفوا تراه عين العقل ياناس ماتورانا ممتاز ولايسمح لاحد يتدخل وبندر ماقصر وكان سريع مع الكوريين وخلونا من الهم وشجعوا من يمثل الهلال في الملعب فقط |
يا خوي المدرب اقرب مني ومنك .. والدفاع لم يكن سيء وكذلك المطيري .. أما ابو اثنين فكلامك صحيح .. والتيماوي حطموه ... شكرا لك ... |
احمد خليل متى عاد الى التدريب وسرعة الكوريين ما يقدر عليها الشريده |
أخوي نقوشي أعتقد أن للمدرب حرية أختيار اللاعب المناسب والجدر بالمشاركة . ولكن السؤال المحير : لماذا لم يشارك اللاعبان أحمد خليل وعبدالله شريدة ؟ |
والله ان كانوا جاهزين فهذي كااااااااااااااارثه |
اخوي نقوشي انا تقابلت شخصيا مع مدرب الفريق ماتورانا اكثر مره قبل مباراة الاتحاد وبعدها وكان ماتورانا معجب بشده باللاعب خالد عزيز وبندر المطيري ويقول هؤلاء اللاعبين اللي لازم يحترمهم المدرب وعشان كذا اتوقع انه لعبهم لانه معجب فيهم وياما مدربين اعجبو بالمسعري |
شكرآ لمن رد على الموضوع وماطرحت هذا الموضوع إلا لمصلحة الزعيم . |
الوقت المعتمد في المنتدى بتوقيت جرينتش +3.
الوقت الان » 10:30 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd