نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى المجلس العام (http://vb.alhilal.com/forumdisplay.php?f=1)
-   -   乂 البنت الكيوت ..... بين مصطلحات الهجولة والهياط 乂 (http://vb.alhilal.com/showthread.php?t=730782)

Hictar 04/03/2009 03:27 PM

乂 البنت الكيوت ..... بين مصطلحات الهجولة والهياط 乂
 
السلام عليكم ورحمه الله وبركاته
صباح الخير / مساء الخير
على حسب القارئ


تعودت قبل ما أكتب أي موضوع إني أهيئ نفسي بالبداية
فأنا ما أحب أكتب إلا بالدوام لأسباب
أولاً : أضيع وقت الدوام
ثانياً : الجو يكون هادي وبإمكانك تكتب معلقات وما يقطع حبل أفكاري إلا ( القهوجي أبوناصر ) ببثارته :d
طبعاً أكون مجهز بورقة بيضاء وقلم أسود وأبدأ بكتابة رؤوس أقلام براس الورقة ، والفكرة تكون جاهزة بمخي وما يبقى علي إلا المقدمة.
ما يكرهني بكتابة المواضيع إلا إذا تذكرت إن وراي ( كتابة مقدمه ) أو ( الرد على الردود ) !!!.
فكتابة المقدمه تتعبني كثير لأني أحاول قد ما أقدر ( إني أقفل الثغرات وأحصر الفكرة ) لأن أي كلمه بإمكانها تفتح موضوع ثاني !!.
فأجلس على المقدمة لحالها يمكن ساعتين ( أزيد فيها وأنقص ).
أما بموضوعي هذا فراح أغير الروتين شوي
راح أكتب بالورقة البيضاء بدون رؤوس أقلام وبدون مقدمه وبدون فصحاء
تقدرون تسمونها ( فضفضه - بربره ) إنت ومسمياتك.
( وعندي إحساس إن الموضوع راح يكون طويل للغايه ، لأني وصلت لنص الصفحة بدون ما أبدأ الموضوع ) !!!.
لي زميل بدوامي بأحد الأقسام الثانية توه ( رّجيج )
والرّجيج ( هو اللي توه ما صحى عقله )
كل ما جلست معه أسمع مصطلحات غريبه ( تنرفزني ) ، وأحاول أغير الموضوع علشان ما أنفجر عليه!!.
يمكن هالمصطلحات تكون عاديه بالنسبة للكثير منكم ، بحكم إنها دارجة على لسان الكثير
لكني ( أتقزز ) منها وخصوصاً مصطلحات ( الهجولة والهياط ) !!!.
على كثر ما سمعت أو قرأت بالمنتديات عن مصطلطحات ( الهجولة والهياط ) إلا إني إلى الآن ما أعرف وش معناها ، إلا عن طريق إستنتاجاتي الشخصية!!.
فالهجولة بما فهمته ( وأتمنى التصحيح لي إن كنت غلطان ) : تدور حول ( التفحيط والدوران بالليل ) !!.
والهياط : تدخل على ما أظن بمعنى ( رفع الصوت والتحدي )!!.
والمعروف إن اللغة الفصحى تطورت إلى لهجات مع محاربه الكثير للمثقفين لعوده اللهجات إلى اللغة إلى أن اللهجات تطورت ووصلت إلى المصطلحات.
هالتطور الغريب باللهجة ممكن إني أتقبله من ( رّجيج أو مراهق ) على إنه يقزز ( السمع عندي ).
لكن تسمعها أو تقرأها من إنسان راشد هذي المصيبة!!!.
أقسم بالله إني أضفت ( تسمعها ) أعلاه لأني وقت كتابه ( إنسان راشد ) دخل علي القهوجي ( أبوناصر ) وقالي : إنت لا تهايط ، وهو رجال بعمر 43 !!!.:confusedw:
تخيلوا أن مصطلح ( هياط ومهايطية ) قرأت عنه قبل أشهر في مقال لكاتب صحفي بجريدة الرياض!!.
يمكن هالكاتب الصحفي حاول إنه يكون قريب للقارئ بإضافة مصطلحات ( الهياط والمهايطية ) ، وكان بإمكانه إضافة أحد اللهجات العامية ودمجها مع الفصحى لتوصيل الفكرة وجذب القارئ!!.
إن كان إنتشار هالمصطلحات بالشكل السريع لمناطق المملكة على إختلاف لهجاتها وتداولها على لسان الراشدين وأحد كتّاب المقالات ( وطبعا هم مو مقياس على الجميع )!!.
لا تستغربون يطلع لنا بكره مسؤول أمني يوجه ( بحضر الهجولة ليلاً ) !!.
أنا ما أدري عن أسباب تسابقنا على كل مصطلح جديد ومحاولتنا بنشره وإنتشاره
هل هو الملل من اللهجه ، أو إختصارلكلمتين ودمجها بكلمه وحده؟!!!.
( على أني أجزم إن لكل مجموعه مصطلحات خاصة فيهم وأنا منكم ) لكني ما سعيت لنشر مصطلحاتي الخاصة.
إن كان السبب الإختصار والدمج ، فسمعنا بكلمه قديمة ( ظهرت فجأه وإندثرت في وقتها ، ويمكن لحد الآن فيه ناس يستخدمونها ) وهي ( ميد )
وهي بالأساس زياده مالها مبرر بالجمله !!.
مثال :
أحد يقولك ( قل لميد أخوك .... ) ، وكان بإمكانه يقول ( قل لأخوك ... ) !!.
طولت بالموضوع لأني وصلت لنهاية الصفحة الثانية وهذا أسوأ شئ بعدم الإستعداد !!.
وراح أختم الموضوع بسؤال أتمنى اللي عنده إجابه عليه ينورني ويزيد ثقافتي العصرية.
دائما ما ألاحظ بالمنتديات أو الشات ( نكات غريبه ) وخصوصاً للبنات مثل :
( بنت كيوت ... ) !!!.
أنا سمعت عن ( الهجولة والهياط ) وإستنتجت المعنى بنفسي ، لكن ( كيوت ) عجزت أفسرها أو أستنتج معناها!!.
هل هي صفات خارجية بالبنت مثل :
جميله - مقشع - خديجة - ريانه - نحيفة - دبا ....... إلخ
أو صفات شخصية بالبنت مثل :
الطيبة الزائد - الدلع الزائد - على نياتها ...... إلخ
إذا كانت صفات شخصية فيمكن أكون أنا بعد ولد كيوت!!.




خارج النص :
إذا تأخرت بالرد لا أحد يلومني :d

بلد الوليد 04/03/2009 03:55 PM

cute او كيوت :d كلمة انجليزيه تعني كيوت :d! يعني شلون بشرحها لك مدري :d
مثلا هذي البنت كيوت :d يعني بنت مملوحه وتملك وجه طفولي :d:smilie47:
اما من ناحيتك انت :d فأنت طبعا ولد كيوت:d:smilie47:
وابو ناصر مهايطي بس ولو كيوت :d:smilie47:
على العموم معك فيصل تخصص مصطلحات :d اذا صعب عليك شي اسألني :d
بعدين هي تكثر عند الشباب دايم
السبب انها شي حلو واحسن من كلام الشياب حقكم :d
بعطيك من المصطلحات مثلا :
قروشه - سبيكه - صص :d مثلا اذا احد قالك ياعبدالله انت صص قصده انك دلخ :d - اما الهياط الي تسأل عنه :d هو الهياط :d!
مثلا تمشي بسيارتك ولفيت على احد
وجيت تعتذر منه وجلس يهاوش يهاوش
ووقفك على جنب وقروشك
وفي الاخير مسكته ودلكته دلك :d هذا واحد مهايطي:dعني مسوي فيها :d
اما الهجوله هي الفرفره والدوران بالشوارع
وبرضو تجي كـ تفحييط
وهذي الكلمه بطلوووها خلاص :d
إقتباس:

أحد يقولك ( قل لميد أخوك .... ) ، وكان بإمكانه يقول ( قل لأخوك ... ) !!.
هههههههههههههههههههههههههههههههههههههههـ
هههههههههههههههههههههههههههههههههههههههـ
عبدالله ياخي هذي مو مصطلح غريب :d
هذي يقولها اهل الخرج والدلم وماجاورها اكثر شي :d اسألهم ويعلمونك :d
المهم اول مره ارد من زمان مدري شلون رديت :to:
عبدالله وحشتني سواليفك s9s ووحشه شووفتك اكثر s9s
بـ كل ليله مع طيفك s9s حبيب الرووح انا أتحسر أتحسر أتحسر :cry::smilie47:

هلالية بحتَهـ 04/03/2009 03:58 PM

خخخخخ :d
بآللهـ مسببلَك آزمَهـ هذآ المَوضٌـوع ؟
وآللهـ صرآحهـ موضوع جآ فـ وقتهـ ..
لآن معظَم معظَم آلنآس كذآ ..
عندّهم لهجآت مآ آدري مِن فين جآيبينَهـآ !
وآللهـ عشآن مآ نكذب ..
آنآ آحيآنآ آستَخدم مصطلحآت غريبَهـ ..
لَكن بين نآسي واهلي أوكي متفقين عَ كلمَهـ غريبَهـ آي شَي بيننـآ ..
وآحيآنآ ..
تكُـون كلمآت معروفَهـ ..
بَس آستخدآمهآ فـ مكآن مُش مكآنهآ ..
يعنِي زَي مثلآ آذآ آلشي مو حلوو ..
( يُـوووهـ مرررهـ بيضْ .. مررررهـ بيئَهـ )
جد هذي المصطلحيـن منتشرهـ وبقووووة ..

بَس خلآص النآس تعودَت عليهآإ ..
يعنِي حتّى آلصغآر آحيآنآ ..
وحتى آلكبآر وحتى آحنـآ ..
بآللهـ كلمة ( فلّهـ )
آلكل يعرفهآ ..
نفلهآ ..
وفلهـ ..
أوكي دحيـن آتحدّى لو آحد مآيعرفهآ ..
رغم آنهآ كلمة دخيلهـ علينـآ ...
قبل آول مآكنآ نعرفهآ
لكنهآ آنتَشرت ..

وكيـوت ~
يعني مدري ..
يعني شَي حلو
نآعم خخخخ :d
اللهـ يعطيك آلعآفيهـ ..
كفيت ووفيت ومآقصرت
لآعدمنـآك يآرب

شبوط 04/03/2009 04:23 PM

هلا وغلا ورد مجفف:d
عامل الوقت لايسعني
ان اعلق على كل ماكتبت
ولكن حروفك ستظل في
ذاكرتي ولاهنت يالغالي:rose:

باسكن روبنز 04/03/2009 04:33 PM

هلا بمواصلنا القديم << احس اني مغبرة :d

شوف وانا اختك (cute ) يعني البنت اللطيفة حسنة التعامل لبقة ذوق يعني أنـا باختصار :smilie47::d

الي فعلا مو عارفه لي حنا نقولها كلمة ( مير:d ) ايش فايدتهاااا!!!:to:

عقد الياسمين 04/03/2009 04:42 PM

ياهلا بك .. مساء الخيرات يا باشا ,,

أجـل تقول ورقة بيضاء وقلم أسود :d .. يا عيني ع الإهتمام .. الا يازين مفكرتي و ( النقر ) على الكيبورد ..عفواً ( لوحة المفاتيح ) :d
بعدين ترى ما يحتاج مقدمة ! بتألف كتاب أنت ولا ايش .. لا تسو مثل ابن خلدون كتابه بيوصل 1000 صفحة وهو مجرد مقدمة لسلسة كُتبه ! :d

* *

بالنسبة لك أخوي .. فهذا يعود لـ بيئتك ومجتمعك , ممكن أنت تسمع كلمات معينة وتحسها جديدة عليك لكن هي فالأساس دارجة عند مجتمعات أخرى .

و ما أختلف معك بقضية أنه تطلع لنا كلمات جديدة بين فترة وفترة ويصيرون العالم ( مبسوطين ) فيها:d كل ما قلت له سالفة الا يدخل هالكلمة بالموضوع :d هذي مشكلة البزران :laugh: تعرف اللي جايب شيء جديد فرحان فيه ويبي يقوله :d

لا وأنت الصادق .. في مصطلح ظهر قبل فترة .. يا أخي حتى الحريم الكبار صاروا يقولونه متأثرين ببزرانهم :d بس هم طبعاً صاروا يقولونها عشان يكون التفاهم مع عيالهم أسهل ..
والكلمة هذي هي ( يمدي ) ,البزران اللحين يقولونها ع الطالعة والنازلة :d
"يمديك تسوي كذا ؟" "ما يمدي علييييك " "يمديني أحطها هنا ! " :to:

طبعاً مصطلح ( مـدى ) باللغة من "معجم القاموس المحيط" لـ الفيروز آبادي يعني : الغاية .
و أمدى العرب : أبعدهم غاية في العز .
وأمْـدَى : أسَـنّ , وأكثر من شرب اللبن .

وفي "لسان العرب" للإمام ابن منظور : { مدى} أَمْدى الرجلُ إذا أسَنّ , قال أبو المنصور هو من مدى الغاية . ومدى الأجل منتهاه . والمدى : الغاية .

قال الشاعر :
مُـشْـتَـبِـه مُـتَـيّـه تَـيهـاؤهُ *** إذا المَـدَى لم يُـدْرَ ما ميـداؤُه


هاه تبون كتاب "إصلاح المنطق" ولا ما يحتاج :razz:

<<< من كتب أختي حفظها الله :d :to: ولا أنا ترى ما عندي سالفة :d

المهم .. أن فعلاً كلمة "مدى ويمدي " الدارجة الآن مالها دخل بالمصطلح الحقيقي ولا أي صلة بالمعنى !
صحيح أن كثير من الكلمات في اللغة تغيرت بفعل الزمن والحضارات والثقافات , لكن تصل لدرجة أن المعنى يتغير !


إقتباس:

cute او كيوت :d كلمة انجليزيه تعني كيوت :d! يعني شلون بشرحها لك مدري :d
مثلا هذي البنت كيوت :d يعني بنت مملوحه وتملك وجه طفولي :d:smilie47:



صح عليك اخوي بلد الوليد .. الا أنت وش اسمك الحقيقي نسيته :razz: نرجع للموضوع.. كيوت كلمة انكليزية تعني : جميلة , واحياناً تجي في جملة ويكون معناها
"عُمر جميل " أو "حياة جميلة " .
طبعاً تُقال للجنسين , لكن في السعودية يقولونها للبنات أكثر لأنها أرق و أهدى :d


هذا والله أعلم ..


يعطيك العافية أخوي , أنت والبنت الكيوت :d


شوق الكويت 04/03/2009 05:16 PM

اهلين اخوي والله دوامك يونس مافي شغل شكله :bx:

صراحه موضوعك طويل لكن حلو ومجبورين نرد عليك يالغالي :d
هذه سالفه المصطلحات منتشره وايد وبكل مكان ...بقولك جم كلمه منتشره عندنا بالكويت


اي شي = مو معقوله
إسكب = اسحب
حمص= يعني شخص سوري لبناني فلسطيني اردني :ap: مع الاحترام لهم طبعا
اوفر= زايد عن حده
ستايل = شكل
مود= مزاج


وكثير غيرهم وطبعا اللي باللون البنفسجي اصلهم انجليزي بس مدري ليش معلقين عليهم عندنا


وكل كلمه يعلقون عليها الشباب خاصه والبنات وبعدين تروح مع الايام وصراحه انا تعلمت مصطلحات كثيره يديده علي (سعوديه ) من منتدى الزعيم مثل نفلها ومير و هياط هجوله ومااتذكر والله وايد :bx: فديت كلامكم بس


وكيوت قالوها قبلي هي البنت اللي وجها طفولي وناعمه وصوتها خفيف ودلوعه وبعطيك معلومه اي بنت تقول عن نفسها كيوت تراها العكس:razz:



يسلموووو على هالمواضيع
اختك شوق الكويت:rose::rose:

كان هنا 04/03/2009 05:40 PM

وعليكم السلام ورحمة الله وبركاته
بصراحة هالمصطلحات " كوم " و "تهون" .. واسمك كوم ثاني ..
اجل احد يسمي مواصل من عام الف واربعمية وثلثطعش ؟
متأكد انك يوم سجلت كنت داري انك بتسجل بموقع ؟:d ..

المصطلحات الي قلتها ما اشوف فيها غرابة .. لكن يبدو أنك مبطين عن العالم الخارجي :d ..

إقتباس:

خارج النص :
إذا تأخرت بالرد لا أحد يلومني :d

At7da : d

A.K.N 505 04/03/2009 05:41 PM

أهلا بمواصل ،،،:smilie47:

الحمد لله ، كنت أعتقد أني الوحيد الذي لا تستهويه هذه المصطلحات ، خصوصا ما كانت غنية بحرف الهاء و الكاف و الياء ،لا أسمعك الله أيا ً منها :d

أما ما يتعلق بالـ (كيوت):smilie47: ... فلا أنصحك و بشدة أن تصف بها نفسك :yes:

دمت بخير ,,,

ريـ ـ ـ ـ ـان 04/03/2009 06:12 PM

يعطيك العآفيـه اخـي << عجزت أعرف أسمكـ :ap:
*
*
أكيـد الشاب يحاول يجيب شي جديد لأخويآه (يزجّر) فيه عندهم ومنها المصطلحآت , صرآحه في مجتمع الشباب بحآيل فيه كثييير من المصطلحآت الغريبه واللي أول مره أسمع فيها لكن مره بحثت عنها وطلع له اصول في اللغه العربيه ..#! ومن هالمصطلحآآت ::

1- مآقس < تقال للشي اللي مهو زين أو الرجال الخآيس وبحثت عنها في لسان العرب وطلع لها معنـى :)

2- خقق < وهذي مره أحد الأعضآء نزل موضوع عنهـا وعن معنآها وللأسف طلع معنآها مآقـس :bx: جــدا ً

3- لاذع < تقآل للرجآل اللي نص عقل وبحثت عنها بلسان العرب وطلع معناها غير اللي تقال له , لأن معناها باللغه العربيه أنه الطعم اذا كآن سئ جدا ً يقال عنه (لاذع) لكن عند الشباب يطلقونه على أشخآآآص ..#!

4- كويّس < وهذا كلنا نعرف من وين جايبينها الشباب :d من الهنود طبعا ً :d

5- شرف < تقال لشي ممتآز مثـل :: والله أنّه شرف ..#!

6- خآثر < هذي يرددها كثير من الشباب لكن ما أعرف معناها انا اخبرها تقال للشاهي اذا سويته تخليه يخثر , وبعد أخبرها بكتاب العلوم تخثّر الدم :to:

هذي أكثر الكلمات اللي أسمعه عند الشباب لكن المشكله اذا تغلغلت هالمصطلحات بالمجتمع ووصلت أن يكون كاتب بجريده يكتبهآ أو الوالدين يحفظونها ويرددونها بمجالسهم فأعتقد هذي المصيبه :)

بالنسبه لكيوت فهي كلمه انقليزيه Cute وتطلق على الفتآة المزيونه :) يعطيك العآفيه على الموضوع الخآثر :d:rose:

Hictar 04/03/2009 06:45 PM

أولاً : حبيت أمسي على اللي ردوا وخصوصاً ( باسكن روبنز ) الغاطسة من سنه أقل أو أكثر وأقولها ( الله يحييتس )
وبمسي على على المتواجدين
:d <--- ما تحسون إنه تاكي بغرزه
والغرزه هي جلسه المحششين بمصر :d

بس حبيت أوضح نقطه ( ما أحد فهمني فيها ) بخصوص كلمه ( كيوت )
إني أعرف معنى كلمه ( cute )
لكن ما عمري سمعت أحد يوصف بنت بأنها كيوت ( إلا عندنا ) !!.
ربعنا أو بناتنا ( أثابهن الله ) عرفوا إن معنى كيوت = جميل
أضافوها للبنت الجميله ، وصار مصطلح
هذا كان الرابط بالموضوع!!.
تخبرون إنتوا البرستيج يتطلب :d

بتسألوني وين هي المشكله
المشكلة لما تجيك بنت ( مقشع ) ما تدري عن معالم خشتها إلا بماجلان !!.
وتقولك أنا بنت كيوت !!.
أو سمراء وخنفره
من السمار اللي فيها تقدر تشوف ( بياض مخها ) لو بتنزل راسك وتطل من تحت خشمها!!.
وتقولك أنا بنت كيوت !!!.:confusedw:

________________

وللأخ ريان
أنا إسمي عبدالله طال عمرك
وعبودي إذا بتضيف لي كلمه كيوت :d

...][ هلالي الخبر ][... 04/03/2009 07:22 PM

يالله حيووو
احس موضوعك بطل كالعاده :d



شووويات وبرد على موضوعك ياعبود بيك :d

htlr 20 04/03/2009 07:30 PM

هلا والله بالمواصل <-- عبود الكيوت اذا تبي :d

شرايك فيني اعرف امدح :d

والله شف وانا اخوك (كيوت) منذ مبطي ما كنت اعرف معناها

لكن بينما كنت اشاهد فيلماً مربالفلم كلمة كيوت

عدت لورى شوي // طلع انه فيه بنية قالت لواحد من عيال الفصل سوو كيووت //

الترجمة : لطيف جداً <-- عكس اللي عندنا :d

فبذالك الفلم تمت استنتاجياتي وهي :
1- كيوت تطلق على كلى الجنسين .
2- كيوت تجي بمعنى الاعجاب او جميلة او لطيفة
3- الغرب عندهم ذرابه <-- عندنا على طوول احبتس :d

هذا يا عبدالله ما استطعت ان اجمعه لك من كتيب مخي الكبير

تقبل مروري

اخوك/ نايف :rose::rose:

عقد الياسمين 04/03/2009 07:34 PM

إقتباس:

الرسالة الأصلية كتبت بواسطة مواصل من عام 1413هـ (مشاركة 11323204)
بتسألوني وين هي المشكله
المشكلة لما تجيك بنت ( مقشع ) ما تدري عن معالم خشتها إلا بماجلان !!.
وتقولك أنا بنت كيوت !!.
أو سمراء وخنفره
من السمار اللي فيها تقدر تشوف ( بياض مخها ) لو بتنزل راسك وتطل من تحت خشمها!!.
وتقولك أنا بنت كيوت !!!.:confusedw:

________________


ههههههههههههههههههه :fun34:



اقولك شيء .. مب ناقص الا شخص واحد يجي ويكمل الذب :ab:


أحلـى هلاليه 04/03/2009 07:54 PM

ياكثر المصطلحات اللي اسمعها بعضها تعجبني وبعضها احس مالها داعي..

وطبعا المصطلحات ترى تختلف من عالم البنات الى عالم الاولاد..

الله يعطيك العافيه


الوقت المعتمد في المنتدى بتوقيت جرينتش +3.
الوقت الان » 02:27 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd