هلا ومرحبتين بالغالي سور الصين ,,,,

اول شيء فيه خشه مثل ذي==> :) بعد الجمله اللي انت اقتبستها , فيه قبلها كم خشه :) يعني الخشش ذي يقولون ان لها تعبير معين ومفهوم , وبعدين اشوفك ( تتهكم ) :):):) والظاهر اني بشتكي لأبو بدر واقول له :( , ( اربه ينتصف لي :bigrazz: :bigrazz: ) , والجد عاد , ما ضنتي بنحتاج لتصويت نعرف عن طريقه ان ابومحمد يؤدي واجبه او لا , لأن الدعوى باينه وواضحه ( لــ اللي يبي يعرف :) )

وليه هم مايجون للنادي ( اللي هم اعضاء شرفه ) إلا بدعوه رسميه , وبمرسول من الرئيس , هذا ناديهم ياغالي وهم اهل الدار , والفرش فرشهم يجلسون عليها ويرقدون لو ( بغو ) :) ,,,

ليه وش فيهم المصاريا :mad: :mad: ؟؟ ترى يسمونهم ( الفراعنه ) ويقولون انهم اللي بنو الاهرامات :) , ياعزيزي المصاريا على قولتك هم من يملك ان ( يقول ) خصوصا في ما يخص الدول العربيه فلهم باع طويل ولهم كلمة مسموعه , اخذهم لشيء وتركم الشيء الاخر لنا ليس محور النقاش , فالنقاش يدور عن (( المصيبيح )) الان ذِكري لتصنيفه كان لتأكيد ان اداؤه لواجبه اثمر عن ان يحصل على شيئا لم يحصل عليه الاخرين ,,,,

ياغالي مجرد اختيار فهد في هذا الوقت وبعد ان ( جارت عليه ) بعض الناس ( الله يجيرنا منهم :) وبعد ماحدث للمنتخب يؤكد انه يقوم بواجب كبير يراه الاغراب وتجاهله الاحباب , وبعدين وش سالفة خويي وخويك :mad: , ليه انت ما انت خويي :) ؟؟

وانا وش علي من الاسماء اللي معه ؟؟ وبعدين هذا مجلس تطوير بأمر من سمو ولي العهد ماضنتي انهم بيختارون احد ماهو كفؤ , وإلا بتشكك فيهم مادام المصيبيح حديهم :):) ,,,

تحياتي ,,,

أتمنى من الإخوة الذين ينتقدون فهد المصيبيح ان يذكروا لنا عيوبه بشكل واضح وصريح بعيداً عن المواضيع الإنشائية التي لا تحتوي على حقائق .

لأنني اعتقد ان العيب الوحيد لفهد المصيبيح هو عدم تفرغه للفريق الاول

هلا وغلا بجدار الطين اللي كلامه زين الزين :)

سبحااااااااااااااان الله , ما امداني ارسل ردي على السور وإلا انت راد لكن اليوم خميس وكلنا متفرغين :) ,,,,

الحمد لله والشكر البلد مليانه وهذا من فضل ربي علينا ,,,

ودك تتعرف بي :( :( ليه وش انا مسوي :):)

وليه احرجك ؟؟ انت اللي كاتب الموضوع وانت اللي قلت الكلمه , وانت اللي مفروض تفسر معناها وتامرنا نفهما زي ماتبي طال عمرك :)

هالحين جاء صب القهوه , يقولون الكبار ( وانشد ابوبدر ) لاتصب القهوه إلا بعد ما تقول اللي عندك وتاخذ حقك , وبعد ما تاخذ حقك ( صب قهوه لنفسك وتقهو ) وخل اللي يبي قهوه ( يصب لنفسه ) :):)
هههههههههههههههههههههههههههههه انا اللي بضحك هالحين , منول نقول لكم العبره في الانجاز <== تراه الكيف , وكنتم تعارضون , وهالحين يوم ( ماصملت ) بكلامك :razz: :razz: جايني تقول كيف وكم :)
ياحبي لك وانت مضيع صحيح,, لا والله ياغالي هذا عيب اللي ما يدري وش قال :)

اي شق واي رقعه ؟؟ وجوالي مانيب معطيكياه الين تعلمني وش انا مسوي :(:( , ومسألة انزل بمستوى تفكيري تراها صعبه لأني اخاف اتعود على كذا :) :razz: :razz:

هالفقره كانت ردك على كلامي هذا : (( هيه انت يالاخو , الموسم الماضي كان الرئيس هو الوحيد الموجود واللي (( يدفععععع)) وكان قايم بكل المصاريف الماديه من عقود ورواتب وغيره وهذا كلام صحيح , فلا تلخبط الامور الله يحييك ويطول لنا عمرك , والوقت اللي حنا فيه الان الرئيس ما نشوفه لا يدفع ولا يجي وهنا يكمن الفرق وعليك التمييز بين الموسم الماضي وهالحين وبالتأكيد بتشوف فوارق كثيره ( إن كنت تبي تشوف ) وبعد ما تقراه وتقرأ ردك شف وين الشق ودور له رقعه :):):)

الله يرجك ياشيخ , وانتم تبونه يصير مسباح بيديك ؟؟ تنتقدونه وتسبونه وتبونه يسمع منكم بعد افااااااا , لو انكم مقدرينه ومثمنين انجازاته اللي ساهم فيها ودفعه للملايين كان يمممممكن يسمع كلامكم , وبعدين رمضان ما يجي لا قبل ولا بعد ربيع الاول , وعلى فكره تراي بالشهور العربيه ( مدفلجججج ما اعرف لهن ابد وكلها من ارامكو :(

اجل فهمتها :) ؟؟ زيييييييييييييييين اجل ليش تقول تفكيرك فيه شيء , هذا حنا طلعنا زي بعض :) وتفكيرنا واحد ,,,

ههههههه لا ابد ,الكبار يقولون ( وانشد ابوبدر اذا تبي :) ) ان اللي يذكر الشين لازم يذكر الزين علشان يكون عادل ومنصف <== مالها علاقه بالاسامي لا تلخبط :)

افاااا شكلك ما انت متابع ابد !!!!!!!!!!!!! وين راح ابو2 :):) ,,,

تحياتي ياجدارنا ,,,

الأخ جدار الطين...

أولاً إسمح لي أن أبدي إعجابي بإسمك الكلاسيكي الجميل...



بغض النظر عن المصيبيح... جملة شدتني ودب الرعب في صدري بعد قرائتها...


الله يستر....!!!



وإن شاء الله يكون المجد لجمهور الهلال في لقاء الإياب...



تحياتي،،،،


أخوكم،

أبوسعد

هلا بعوامنا الغالي
الله يستر من الجدار لا يشوف شغلنا:D :D
طولناه بموضوعه !!

والله تبي الصراحة أنا ماعرف للخشاش بالمرة ولا أدري وش معانيها إلا هاللي هاج كشرته هذا :D فهو واضح إنه يضحك وإلا الباقي ياليت تعطينا دروس خصوصية لو عن طريق الرسايل الخاصة علشان نعرف معاني الجمل اللي يكون فيها خشش :dead: :D

صراحة أنا ما أدري وش قصك مع أب بدر ماطق عود عود قلت أبو بدر :confused: لكن صحيح كل سر جاوز العشرين شاع;)
بهذي معك ميه بالميه, لكن المشكلة بهاللي مهوب مقتنعين وراكبين روسهم وأظنك تعرفهم زين ;)
ياحبك للعناد اللي على غير سنع :D
أقول لك الرئيس مهوب موجودبالاضافة إلى أنه مستغني ولا يبيهم يجون يعني روحتهم للنادي مافيها فايدة !!
المقصود يالغالي نريد اجتماع موسع ومنظم داخل النادي يتم فيه دعوة جميع أعضاء الشرف ( على طريقة شركة أرامكو:D ) وإذا تم الترتيب لهذا الاجتماع وتأخر أعضاء الشرف عن الحضور ساعتها سنعذر الرئيس , أما أن كل عضو شرف يلقط شماغه ويروح للنادي دون تنسيق فهذي ماله فايدة !!
فهمت وش المقصود وإلا تبي تعاند بعد ؟؟
أقول وش جاب بسم الله لعشانا :D
أجل ترى يقال عنهم أنهم مع من غلب !!!!
يعني ماهنا تكانة !!!
ياخوي تراي عارف إن النقاش يدور عن المصيبيح !!
والله أنك بلشه :D يعني تبي تقنعن إن المصاريا يعرفون شغل المصيبيح أزين من جماعتنا !!!
هذا الوقت وذاك الوقت مارايح يصير شيء جديد !!!
المشرف العام على المنتخب هو هو ماتغير والضحية الصغار وترى العملية نسبة وتناسب !!!!
يعني هذا من ذولا وهذا من ذولاك علشان كل يرضا !!!
إلا خويك :D
بس خوي عن خوي يفرق :D
قصدي خويك الشري :D
أفا أنا قلت شيء ؟؟
أكيد إني غلطان ؟؟
مادام الدعوى فيها سياسة فكنا :D

تحياتي

هلا والله بسورنا ,,,

ههههههه انا ماعلي منكم , انتم تسألون وانا ارد , يعني ما اقدر اشوفكم كاتبين شيء واتجاهله وهذا من غلاكم :)

شف انا بشرح لك بعضهن , الاول اللي مبيسمه مرتفع فوق تقل ( محماس قهوه ) :) هذا معنا انه يضحك ومثل ابو كشره اللي انت جايبه , والثاني اللي مبيسمه نازل تحت تقل صاج القرصان :( هذا معناه انه خجلان , والثالث اللي معقدن حواجبه كنه رفيقن لي ماهوب عندي هالحين :mad: هذا يعني انه مولِّع يعني لا تقرب منه ولا تحارشه والباقي خل الجدار يعلمك :razz: :razz: ,,,

ياخي هالرجال ( متمثني بالعمر ) :):) وبصراحه له قدر ومقام , وانا شخصيا اعتبره مرجع لنا يعني لا صار ماصار مالنا إلا ابو بدر ( الله لا يخلينا منه ) قل امين , وبعدين اثرك رايح في عينها ;) ;) ,,,

زيييييين ها يالله علِّم رفيقك وقل بلا تصحيح وتمحيص خلو المصباح يشتغل وينور لنا دربنا وادعموه وساندوه ,,,

ياخوي هم ماجو والرئيس موجود ,مسألة انه يقدم لهم دعوه فالرئيس اعلن كم مره عن هالامر لكن ردود افعال بعض الاعضاء ماكانت على ما نتمنى , يعني ماضنتي ان المطلوب من الرئيس ( يركب موتره ويمر عليهم واحد واحد ويقول لهم تمو على الاجتماع :) ) اعضاء الشرف ملاّك للنادي من حقهم ابداء الرأي ومن واجبهم الحظور والدعم ,,,,
هههههههههه ياخوي بسم الله نبدا بها عشانا وغدانا وش فيك انت :) ؟؟ وبعدين المصاريا لهم كلمه بهالامور , وبعدين اذا ذاكرتك زينه , تدري وين تم تنصيب رئيس الاتحاد العربي ؟؟ إلا هنا تكانه وناس لها كلمه وقاله ,,,

بالله اجل تدري ان المصيبيح هو محور النقاش :) , وبعدين المصاريا كان عندهم كم اسم ومن بين هالاسماء ابومحمد وكان لازم يختارون واحد واختاروه , في رأيك وش سبب اختيارهم ؟؟ هل هو عناد فيكم انتم او انهم شافو وسمعو عن الاشادات اللي يحصل عليها مضافا لها الانجازات اللي تحققت تحت اشرافه على الفريق , وجماعتنا منهم !!!!!!!!! ( الله يرحم الحال :) ) ,,,

ليه مايصير شيء , إلا نتوقع انضباط غير عادي في لاعبي المنتخب , ونتوقع ان مدير المنتخب راح يكون صاحب شخصيه قويه بيحترمها اللاعبين ونتوقع يتغير امور كثيره واقل شيء فيها اصابع لاعبينا ماراح يجي فيها شيء :) , وبعدين وش معنى المصيبيح هو اللي صار من ذولا ليه ماهو واحد ثاني ؟؟
الله يديم الخوّه , وعلى كذا اجل انت خويي الطيب :razz: :razz:

:sad: :cry: :( <=== خق سور الصين وتراي عقب كلامك ماني بعيد عنك :no: :no:

وانا بعد :)

هلا بالغالي جدار الطين (( جدار الذهب))

صراحة انا من اشد المعجين في كتاباتك ولا يفوتني شي منها

يمكن تذكر بعض المواضيع التي قمت انا في كتابتها او التعليق عليها

والتي كانت تتحدث عن الامير الانيق وموزع الحليب.. لكن

الان أقول وبكل صراحة ان فهد المصيبيح لا يلام ابدا على ما يحدث

للهلال بل انه يشكر على ما يقوم بة من اعمال (( صراحة لولا الله

ثم ابو محمد كان راح الهلال في خريطها )) مثل مايقولون. تقول ليش

واقول لك ان الهلال يوجد فيه فراغ إداري لا يوجد في اي نادي بالعالم

مع ذلك ابو محمد ظابط الامور .. ولا لو الامور وعلومها عند الأمير

الانيق والشاب الوسيم (( سعود)) كان الهلال الله يخلف على هلالنا

ولك وللجميع تحياتي (((((( السمح )))))))))))))))))))

الفيصل الهلالي ..
مساك الله بالخير ..
هناك عيوب أكيد أنها وردت تباعا في موضوعات سابقة .. لذلك أعذرني الآن وثق تماما انني احترم وجهة نظرك ..
==========
هلا والله بابو العواميم ..


مايامر عليك عدو;)
فعلا أبو بدر ( كبير ) لكن أفهم من كلامك إنك ( صغيّر ) .. عيّر بماهو عار ;) هذا عند قبائل الهوتو والا التوتسي ؟؟؟؟ علمن أول مرة نسمعه .. تسولف وتضارب وبعدين تخلي الضيوف يصبون قهوة لانفسهم ؟؟؟ وش يقرب لك حاتم ؟؟:D :D أنت تتكلم جاد ؟؟؟ يعني المصيبيح هو سبب ما تحقق للهلال من إنجازات ؟؟ أشوف الجمعان بإيران رفض الخروج وخربت وزنية ( الانضباط ) وضاعت البطولة .. ياأخي لم نقل أن المصيبيح ليس له دور .. ولكنك تغالي .. اللا عبون لهم نصيب الأسد من الإنجاز .. ولك في نهائي آسيا وما فعله نواف مثال .. ذكرتني بأيام ( فك وافك ) قلت لك مضيع رجعت تقولي مضيع ..أقول صب قهوة لنفسك:D :D :D :D ولو مغرور وشايف نفسه !! أين أنت من ( خاطبوا الناس على قدر عقولهم ):yes: وحدة زينة وحدة لك عليها .. أجل اليمنى للنقد واليسرى للسب ؟؟؟:confused: :confused: أحــــــــلى يشتغل بأرامكو .. من قدك يا عم ؟؟؟
بالرد الجاي علمنا كم الراتب ههههههههههه:D :D ساعة حتى فهمتها والحقيقة إني اتصلت بصديق وشرحها ب 30 دقيقة بس:razz: :razz: :razz: أجل ما قلتوا أبو اثنين ما يعتد برأيه ولايؤخذ أبدا .. علشان كذا نطيته وجيت لكلام الفطاحلة ..:bluesky:

عموما ياغالي .. كل التحية لك .. بس ودي أسألك سؤال المليون :


من القائل :

( أنا أرد إذا أنا موجود ) ؟؟؟؟؟؟؟



حتى لو حذفت الاجابات الأربع واستعنت بالجمهور ما فيه فايدة مالك إلا تتصل ( بخــــوي )
:smilewink :smilewink :smilewink :smilewink :smilewink
&& ملاحظة ياالعوام &&
أشعر أن موضوعنا حاد عن الطريق وخرج عن المسار كثيرا .. لذا أنا سأتوقف إلى هذا الحد .. وسمها ما شئت

==========
أبو سعد ..
بالفعل الكلمة للجمهور وبحول الله البطولة هلالية ..
تحياتي ..

=========
السمــــح ..
وجهة نظر احترمها وعلى عيني وراسي هذا رأيك ..
تحياتي ..

هلا بجدارنا يالله انك تحييه ,,,

انا ياغالي ( يافع :) ) ,,,,

لا ياافندم هذي من خصال قبائل ( الهونولولو ) وهي لها جذور في شمال المنطقه الوسطى للملكه وتشتهر بتصدير الحنيني والخس :):):) , وبعدين من يقول اني اتضارب واتلافخ مع احد واخرتها اقوم اصب له قهوه ( امحق طبع :( ) ,,,

وانت تتكلم من جدك ؟؟؟؟؟ يعني المصيبيح ماله منكم إلا الشين وإلا الزين ماهو حوله , يعني تبي تقول ان ماله في الانجاز شيء ابد , وكل اللي له هو الامر الشين وبعدين دوره كبير جدا مثله مثل اللاعبين والمدرب وانتم ماشاء الله في الشينه المصيبيح السبب وفي الزينه ماله شين ابد ( اقول قم يالله صب قهوه بس :) ) ,,,

بصراحه انا كنت ابي اقول لك ( انك داج ولا عندك سالفه :) ) لكن قلت الطفها شوي بس :):)

مغرور لا , لكن وش هالمنطق يعني تبيني اذا تكلمت مع ( خبل ) اصير خبلن مثله !!!!

ايه اذا قلت لواحد انك متشدد في عملك فهنا انت تنتقده , لكن اذا قلت له انت ( مدمر ودكتاتوري ومتسلط ) فأنت هنا قلبت لليسرى :)

:eek: :cry: :( إلا ممكن سؤال , انت امس سألتني كم جوالي واليوم ودك تعرف الراتب , ممكن تعلمني وش تبي ؟؟ وممكن تصارحني وش انا مسوي :( :(

إن ما نفعك الصديق واعانك لا خير فيه , والاهم انك اخيرا فهمت ..

ههههههههههه هذا ماله علاقه برأي ابو2 , هذا كلامه بس ,وهو توضيح لكلامك عن من قال حليب ,,

اللي قال هالكلام واحد لكن تراه قاله في ( قلطه ) وكانت هالجمله طرف في بيت شعري مكسور ومعووج ,,

ههههههه الموضوع من ساسه ماله وجهه , لكن ماعليه ياغالي توقف متى واين شئت .

تحياتي ,,,,