وش فيـكم على كحيـلان ؟؟... وش جاكـم على فلذات اكبادنـا النصـراوييـن ؟؟
حيـــــــــــاكم
انا ودّي افهم شي واحد بس.. الى متى وانتم متعصبين كذا ؟؟ 
ياجماعة وش فيكم على شقيقنا نادي النصر ؟؟ 
وش فيكم على حبيب قلبي كحيلان 
.. وهـ بس فديت ذيك الخدود 
وش جايكم على اشقائنا وتوأم ارواحنا وفلذات اكبادنا النصراويين ؟؟ 
تراكم ظالمينهم وحاقرينهم بعد... عيب عليكم
صدز انكم مصاصين دماء يامتوحشين 
خافوا ربكم في كحيلان... اتقوا الله في هالانسان النقي والشريف 
تراه اشد براءة من البزر اللي يحوق في صحن سيرلاك 
قلبوووووش والله يا ( كحّولي ) 
اشغلتونا ببيان النصر... كأنّكم ماصدقتوا على الله تشوفون بيان ؟؟
وش فيه بيان النصر... ماقالوا الا الحق والكلام الصحيح
تعالوا نفصفص البيان ونقشّمه حبه حبه.. فصفصايه فصفصايه :
أولاً: إن ما ورد في تصريح المدرب المطرود يسيء لنادي الهلال قبل نادي النصر، فالجميع يعرف أن النصر والهلال يجمعهما تنافس رياضي شريف منذ أكثر من خمسين عاماً وقبل أن يولد هذا المدرب، وسبق لكل منهما أن فاز على الآخر ولم يرتبط فوز الهلال بوجود كوزمين اولاريو كما لم ترتبط خسارة النصر من شقيقه الهلال بوجود هذا المدرب.
شفتوا كيف ؟؟
كلام يوزن بالذهب.. يالبى قلب اللي كاتبه 
احلى شي لما قال : يجمعهما تنافس شريف منذ اكثر من خمسين عاما 
وانا اشهد انه شريف.. بل هو قمّة الشرف... بل هو من فئة ( العذارى )
ما اقول الا الله يرحم اللي وصف علم الهلال بعلم اسرائيل قبل 15 سنة...
ثانياً: إن إلغاء عقد المدرب الذي صدر من الاتحاد العربي السعودي لكرة القدم جاء بناءً على تجاوزات المدرب التي رآها وسمعها الجميع والتي لا تمثل المبادئ والقيم والأخلاق الرياضية ولا الأخلاق الإسلامية، ولكنه حاول أن يبرر فعلته بكلام سعى من خلاله لاستعطاف بعض الجماهير لمعرفته بالتنافس الذي يجمع النصر والهلال ليكشف بذلك عن زيفه وزيف من أوهموه بأن النصراويين هم من اخترعوا هذه المشكلة للتخلص منه!!
هنا طبعا فيه غلط بالصياغة..
لأنه مافيه شي اسمه ( الاخلاق الرياضية ولا الاخلاق الاسلامية )
اسمها الاخلاق السعودية
ثالثاً: إن نادي النصر طوال تاريخه لم ولن يمارس حرباً ضد أحد كما ذكره كوزمين في تصريحه؛ لأن هذه ولله الحمد ليست من مبادئنا ولا أخلاقياتنا كسعوديين أولاً، وكنصراوين ثانياً فنحن نؤمن بأن الرياضة فوز وخسارة والأيام تداول بين الأندية ولكن تفكيره الضيق وردة فعله على ما اقترفه بنفسه جعلاه يتخبط ويهذي بما لا يدرك ولا يعي.
أووومّا بهذي... انا اشهد وابصم بالعشرة واختم عليها بختم ( يعتمد )
مباديء واخلاقيات النصراويين يشهد بها القاصي والداني...
القريب والبعيد
الحضري والبدوي
الابيض والاسمر
ابو شماغ وابوغترة 
راعي اللاندكروزر وراعي الباترول الكل الكل.... كلنا نقول ( منبع الاخلاق.. يانصر ) 
رابعاً: نود أن نذكر المدرب المطرود بأن نادي النصر عاد إلى تحقيق البطولات بعد غياب عبر بوابة فريقه الذي كان يشرف عليه ويدربه، ويومها رفض كوزمين الحديث وغادر الملعب على عجل.
من جد
حتى اني اذكره ذاك اليوم.. ماتشوف الا غباره يوم يفرك
والغريب ان النصراويين كل ابوهم كانوا طبيعين جدا... وما شفناهم فرحانين بعد المباراة 
طبعا لأنهم متعودين يدقّون خشم الهلاليين.. خصوصا بالنهائيات
خامساً: بالنسبة لقوله إن الاتحاد العربي السعودي لكرة القدم الذي يرأسه الأمير سلطان بن فهد ونائبه الأمير نواف بن فيصل يعمل ضد نادي الهلال فنحن نترك الرد على مثل هذا الكلام غير المسؤول للمسؤولين في الاتحاد السعودي لكرة القدم وأشقائنا في نادي الهلال لإيضاح الحقيقة.
واشقاؤكم في نادي الهلال معكم قلبا وقالبا لابوووك لآآآبو آآآبو اللي خلّفك ياكوزمين 
انت كفو تجيب طاري النصر على لسانك ؟؟
ما يهبى الا انت يا صبي الرومان 
وهـ بس ياكحيلان... يالبى خدودك ياحفيد سلطان 
فديت النصراويين كلهم فديت عبده برناوي وشراحيلي وخوجلي وهزازي وبرحي وخلاص وسلّج فديت طلّـو وشنطته ومكياجه وكل اغراضه وشبّاصاته 
فديت ابو البلوتوث كله واللي خلّفوه 
+ 
+ 
من بكرى لعيون النصر.. سماعتين بلوتوث.. في كل اذن وحده 
ومن بكرى باروح لعيادات ديرما وانفخ خدودي واركّب لي مضخّم صوت بوسط بلعومي.. يستاهل كحيلان 
الوضع الشجري
