سلام سلام سلام تحيه الاسلام الوه الوه الوه شراب برتقان على طاري البرتقان يازينه وله طعم ثاني فالصمان <<<< اداره الموقع صراحه مقصره بحق اعضاءها المفروض يحطون الفيس اللي يقول حبتين متعيجز ادوره
اول شي اعذروني على اطاله الموضوع لاني ادري ما عندكم شي فاضين خلصتو اختبارات والله يوفق الجميع دنيا واخره ..

ومبروووووووووك فوز فريقنا على فريق هذوليك جاك الموت يا نصر
وقفه من اجل النصر لا تنسون تحضرون يوم الاثنين الامسيه الشعريه بنادي النصر قصائد مرثيه الله يستر يفوز النصر تحطون الخساره علي واصير مفرج جديد خخخخخخخخ الا نرجع لموضوعنا بس
ومساء او صباح الخير سيداتي ووسادتي ومخدتي ووسادتي <<<<< له فقده فالصمان ( المخده ) مخدتي تراب بوجه العدو
هذي فايده التراب مهب تحطون الكوره وتشوتونها ويصير التراب كله بعيون الحيطه ههههه
.. وحياكم الله جميعا في هذي المحاضره بعنوان رحله الى الصمان .. <<<<<<< ذكرتكم بالكليه
ياللي ورى قم وخل عنك النوم ولا اطلع برى محروم من محاضره اليوم .. يالصخره لا تنغزه خله ولا تراك معه محروم من المحاضره ..
الا على طاري الصخره يوم رحت للصمان شفت صخره غريبه مدري وشلون جايه بتلقونها تحت بس اصبروا الين تتحمل الصور .. الصخره المنتدى يا المزعج ترا مواضيعك كثيره بتدخل موسوعه غينيس للارقام القياسيه مع رابح صقر بكثره جلساته وانت بكثره مواضيعك ههههههههههه
المهم ومالكم بالطويله <<<<<<< وش عقبه هــع <<<< يا شين كلمه هع تجيب المغص فالحلق
بالله انطقوها ما تحسون ان واحد خانقكم .. او انك ماكل شاورما عالصبح ومكثر مايونيز وعععع الله يكرم النعمه الا صدق فيه ناس تفطر رز عالصبح غير ايام الاعياد <<<<< هذي يسمونه شطحه مهب شطه خخخ
اول ما وصلنا اكيد نزلنا الاغراض ما يبيلها مخ ولا ..؟ ودق علينا اسامه الرحيلي يسلم على صديقي دحوم <<<< فضيحه
برايفت لاسامه .... يالله ..والله اللقافه قلت لاسامه بس عناد منيب قايل شي برسل له عالخاص هع هع هع
الا يوم انك تدق عليه تونا واصلين مره وحتى الحطب ما نزلناه من الموتر
المهم شبينا عالعشا واللحم شوف اللحمه وهي تتطبخ ..


شفتوا الدارسين فوق اللحمه بعض البنات ما تدري وشو الدارسين يلخبطون بينه وبين الديرمه الديرمه تنحط بخشه العجايز بروايه اخرى مسواك الحريم .. والدارسين ينحطن بالقدر <<<< شرح مبسط لبنات الجيل الجديد الله يستر علينا وعليهم ويوفقهم دنيا واخره ويرزقهم جنه الفردوس وش بعد من ادعيه اللي انا حافظهن يارب يفوز الهلال <<<<< هذا اللي جيدا فيه الله المستعان
المشكله نسيت اصور العشاء خخخخخخخ بس والله يا هو عشاء ..
ياليت الي قلبه ضعيف ما يكمل بصراحه مدري وشلون كتبتها
وقت الاكل اكلت شي يقرمش قلت وش هالطعم الزين اللي اخبره ما فيه كشنه ولا سلطه بصراحه مدري وشو اللي يقرمش خخخخخخ
يوم ركزت شوي بالطعم <<<< كيف التركيز ..؟ يا بنات لا تقرون تراي مالي دخل قسم بالله علمتكم
مدري شكلها ابو جعل بس اللي خلاني اقتنع انه مهب ابو جعل ان ما فيه ريحه خخخخخ بالاخير صارت حشره بس الحمد لله ان فيه بيبسي خخخخخ بلعتها تسنه دواء بس بصراحه شي مقرف وع <<<<<< بالله ..<<<<<< اقول لسانه مهب تسنه زوليه عزايم
وع لا ما اصدق اني ماكل حشره وع لا مستحيللل
ويازينه من شاهي تشربه يرقى للمخ على طول مهب للبطن خخخخخخخخ شاهي حطب مهب شاهي خدم وغاز
ولا شاهي مع مكسرات <<<<< ما يقصد الحشرات خخخخخ وع <<<< يقاله متاثر
ودي اشوف البنات اللي يقرون الموضوع خخخخخ عليكم اشكال وش اسوي من قالكم تقرون الحتسي جتكم حاله تسمى قشعريره <<<<<< مستانس تخيلو انكم تاكلون ورق عنب يابس نفس المشكله <<<<<< يبي يكرهكم في ورق العنب . قد شفتو بنت تكره ورق عنب يمكن نفره وحده من الف نفرات مثل الرجاجيل الي ما يحب الرز
ونمنا وعينا من الله خير وجو بصراحه خياالي من زود انه الجو خيال الدخان بتاع الحطب يرقى على فوووق مهب فالعيون ودموع ... يعني مثل دخان النار في الافلام كرتون هع
ونمنا وقمنا على صياح الديك
وسوينا قهوه وهذا فنجالي

سوينا فطور فول وتونه وحلاوه طحينيه وعسل وجبن ووحليب زنجيل وشاهي للي ما يبي حليب وبريق فاضي للي ما يبي لا شاهي ولا حليب فيه شي نسيته بس اييييييه صح الخبز




بعد الفطور رحنا نتمشا وشوفو هالصور
شوفو الجو الربيعي من ناحيه حراره الطقس بس الجو مهب صافي مره





يوم قمنا نتمشى وشفنا قطيعات من الخروفات والغنمات كثيرات مرررره <<<<<<< كيف الجمع ههههههه
بس للاسف فيه عنصريه كلهم مع اوباما


وشفنا بعارين بعد يازينها زيناه وخيول وحمير الله يركمكم والله الخيل له هيبه يذكرني يوم الزير سالم اخ يالزير سالم بس <<<<شطحه ثانيه
تبون صوره بعارين ..! .؟ بنزل الصوره بدون ما اشاوركم والله عندهم بعارين واجد بس الخيل ما فيه الا واحد وصعبه اصوره لانه بينفضحه استر عليه ازين

ركزو ببطن الناقه .... بالعه (لي) عماره ما شاء الله وش هالعرق ما شاء الله ..
اوه تذكرت يوم الزير سالم وهو سكران ما صدق ان اخوه ميت خخخ قاعد يضحك والله مسخره اخوه ميت وهو يضحك هالسكير
المهم وكان واحد مزعجنا يبي يشرب حليب بعير <<<<قصدك حليب نياق ( خلفات )
تراه مهب انا

والحمد لله اننا لقينا واحد من الرعاه ووعطيناه الدله وما قصر ملاها لنا

شفتو ( اللي ) اللي في بطنها وش كبره

انا بصراحه خفت اشرب لان الحليب يسووي بلاوي خخخخخ ومشوار عاد ما فيه سويسرا وفالاخير قال واحد وسع صدرك اشرب تراك فالبر والجو دافي يعني منت شايل هم
قلت لا مستحيل قال واحد طلع الكشنه اللي كلتها من بطنك وصراحه جابها عالجرح وشربت معهم الشكوى لله طحت من عيني كل يوم <<<<<< شطحه ثالثه
شربنا ووكل واحد اخذ جواله يحط منبه بعد نصف ساعه عشان المفعول يبدا خخخخخ
وحسيت ببطني.. اسمع اصوات ذكرتني باصوات حفريات الرياض هههههههههه وبعد نص ساعه كل واحد مسك له جبل وجهه
الحمد لله ان عددنا اربعه كل واحد مسك جبل ووجه واحد غرب والثاني شمال والثالث جنوب والرابع شرق انا مسكت الشرق لاسباب امنيه
نصيحه اللي يطلع البر لا يشرب خلو الكشنه في بطونكم الين توصلون للديره ههههههههه
اللي قلت لكم غريبه .. ياليت تركزون عالكتابه وتقرونها ..

وشفنا دحل مشبك الحمد لله انه مشبكه ولا لو يطب الموتر راح فيها والله اللي ما يعرف معنى دحل مشكلته والله .... واللي قاهرني شي واحد خخخخخخخخ الدواسر ما خلو شي الا وكتبوا فيه خخخخخخخ يلموني فيهم والله <<<<<< دوسري
بس والله العظيم انه مهب انا اللي كاتبها هههههههههه لان الكتابه واضحه انها قديمه مره ..هذي صورتين للدحل



ومشينا وشفنا ضب اعور سبحان الله شكله ضب ياباني خخخخخخ شكله غريب هذي صورته من بعيد عشان الذوق العام خخخخ




بعد اخذنا كم لفه على كم فيضه وروضه من بعض مناطق الصمان جلسنا شوي نسوي غدانا مكرونه



وهذي بيالتي بعد الغدا



تخبرون البر ما فيه لا تلفزيون ولا نت ولا شي لعبنا لعبت القوااطي ولعبه تحدي طبعا قبل الغدا اللي يطق القوطي اخر واحد يقطع البصل طبعا كالعاده اخوكم فالله هو القناص دايم بس تواضعا مني قطعت البصل عنهم شوفو القوطي ورا طبعا اللي فالصوره مهب انا


وفيه صور كثيره بس ما ودي اطول عليكم صراحه مع انكم فاضين ما عندكم لا شغل ولا مشغله جالسين قدام هالخبوتر وتلف عيون وبس هذي صورتين اهديها لكم
الاولى عباره عن بعير وش اسوي له يقول صورني ورها للشباب



وهذي الورده للبنات






واعذروني عالاطاله

سلامون عليكمو

السلام عليكم ورحمة الله وبركاته


مساء الخير والإحساس والطيبه .. مساء مايليق إلا بترووكي


جمعه مباركه علينا وعليك يا أستاز تركي ..


سبق وأن أخبرتك في جلسه سابقه أن العضو يمتلك موهبه إن كان قادراً على التحدث بهذه الطلاقه وبهذه السلاسه ..


ماشاء الله عليك أسلوبك فكاهي ، وخفة دمك عفويه وغير متكلفه .. يعني ماتعصر نفسك علشان تطلع نكته

وهالشي يجذب الشخص للقراءه لك .. ويجعله يندمج سريعا بالموضوع وما يلقى نفسه إلا وهو مخلص الموضوع رغم طوله ..

السر كله بأسلوب الكاتب .. وإن كنت مميز بصراحه ..


...//



بصراحه الطلعه واضح أنها كانت ممتعه .. وبوجهة نظري المتواضعه أن نجاح أي طلعه من هذا النوع يعتمد على أربعة أمور مهمه ..:

1 - القطه << أهم شي وأساس كل شي بالحياه

2 - أن يكونوا أخوياك من النوع اللي يصمل على اي شي .. لا قلت لهم نمشي الصمان .. قالولك بكل حماس ../ قداااااااام

3 - أنه يكون عندكم واحد يعرف ينسق طلعات .. ويكونوا البقيه يلتزمون قدر الإمكان ..

4 - أن تخلو الشله من الشاب اللي لا بغيتوا تطلعوا مكان .. قال لكم ../ ( والله مدري بشوف وضعي) .. أو ..( والله للحين مدري ).. أو .. (احتمال اجي واحتمال ما أجي ...) هؤلاء الأشخاص وشاكلتهم رح يحبطون المنسق ويحبطون الشله كلها وتصيرون منتم عارفين راسكم من رجولكم ، وماتعرفون بتطلعون ولا لا .. وتفركشون الطلعه كلها ..

وما شاء الله واضح من الصور وخاصة من الليمون والبصل وعلبة التونه .. أن منسقكم ممتاااااااااااز




لي تعليق على كم صوره ..




أبعرف مين اللي قام بتظبيط الصينيه ؟

ياحليله يقاله مسوي ديكور .. حاط قطعة ليمون بأقصى اليمين وقطعة بأقصى اليسار .. وقطع بالوسط .. والبصل متناثر بالوسط بطريقة فنيه جداً


وواضح من تواجد ( بيبسي ) و ( سفن ) و ( حمضيات ) أن التنسييييق كان جامد والله .. لو المنسق نظام مشي حالك كان جاب كل شي بيبسي وقال يخب عليكم .. لكن واضح انه رااايق ويجيب على حسب كل واحد وش يبي ..


ياخي بالله عطني رقم المنسق خلني اتعرف عليه ؟


لا بس ماشاء الله المكرونه شكلها ( زاااكيه ) .. وزاكيه يعني لذيذه بس بالفلسطيني ..


وبالعافيه على قلوبكم يابعدي ..



//






ماشاء الله فطور محترم والله .. وكأنكم في البيت قاعدين .. فلفل حاطين مع التونه بعد علشان يزين طعمها ..



بالعافيه ..










ياخي الصوره هذه مافهمتها ..

الرجال قاعد يحلب الناقه من البزبوز .. لكن راس الناقه هذا وش يبي مستلم البزبوز الثاني ؟ لا والمصيبه أنه يمزمز مزمزه


مثل ماأخبرتك سابقا ياتركي أخيك في الله ماله بهالأمور .. فياريت توضح






يآآآه عالفضاوه .. قنص القواطي اعتبرها لعبة الفاضيين الطفشانين ..

ورا ما أخذتوا معكم أونو أو حتى مونوبولي << جوك ياصديقي

إقتباس وبريق فاضي للي ما يبي لا شاهي ولا حليب

هذا زي المحشش اللي يحط جنبه كوب به مويه وكوب فاضي علشان لا عطش يشرب .. ولو ما عطش مايشرب


//


التصوير كان جميل وواضح ياتركي .. والتعليقات كانت أجمل ..


والله يحفظك يارب ويسعدك .. وعساك استانست بهالطلعه الحلوه..


والحمدلله أن موضوعك مادخل ضمن قائمة الإنتظار .. مثل خويه السابق وانت فاهمني اكيد


تقبل مروري يالغالي ..

دمت بأجمل حال


إبراهيم

8

8

<< يبي يحوس الكشته

مايمديك يالصتيمه خلاص قضت الحفله

قضت

اجل -->

تركي.. بالعب معك لعبة القوطي

. . . . . . . . . . . . . . . . . . . . . . TURKI_15 << فوق حصاة

شف.. تراي مخرب السالفة وفاضحك.. بس قايل للاعضاء انك كاشت للبرحة اللي جنب بيتكم

بس خل عنك... كيف نكهة الجعل

ماحسّيت بالطعم الطازج

بس تراك ماعلمتنا منهو الـ -->

والله ياللحمه بالقدر شكلها خااااااااالع

وبعدين فشلتنا الله يفشل العدو... ماتعرف وشو هالعرق اللي تقل ( لي ) بالبعرور

هذا عرق رئيسي يغذي البعرورات بالـ(خل )

علشان كذا مايجوز تاكل كبدة حاشي بالحلّه الا اذا صبيت عليها خل

شكل كشتتكم وناسه يا أبضاي

وراكم ما اخذتوا ( يبـس ) معكم

بس ترى فيه صوره ناقصه من الرحله.. شكلك نسيت تحطها << فيس طايرتن بوهتـه

7

7

7



8

8

تراي مانيب اقصد احد << فيس بريء جدا


دوك --> << وزّع على الشباب اللي راحوا معك

&
.

اهليين تركي كشته ولاا اروووع واحلاا مابالكشته هالصووره



خيييال جوكم خقق ,,



وبعديين فيه احد يتغدآآ مكرونه

خلنا من المكروونه توزيعكم للسلطه شي ثآآني ماعندكم وقت ابد

ع العموم والله ان طلعتكم تهبل عقبال مانطلع حنا

ياله سي يــا

.

&

إقتباس الرسالة الأصلية كتبت بواسطة R D H السلام عليكم ورحمة الله وبركاته مساء الخير والإحساس والطيبه .. مساء مايليق إلا بترووكي جمعه مباركه علينا وعليك يا أستاز تركي .. سبق وأن أخبرتك في جلسه سابقه أن العضو يمتلك موهبه إن كان قادراً على التحدث بهذه الطلاقه وبهذه السلاسه .. ماشاء الله عليك أسلوبك فكاهي ، وخفة دمك عفويه وغير متكلفه .. يعني ماتعصر نفسك علشان تطلع نكته وهالشي يجذب الشخص للقراءه لك .. ويجعله يندمج سريعا بالموضوع وما يلقى نفسه إلا وهو مخلص الموضوع رغم طوله .. السر كله بأسلوب الكاتب .. وإن كنت مميز بصراحه .. ...// بصراحه الطلعه واضح أنها كانت ممتعه .. وبوجهة نظري المتواضعه أن نجاح أي طلعه من هذا النوع يعتمد على أربعة أمور مهمه ..: 1 - القطه << أهم شي وأساس كل شي بالحياه 2 - أن يكونوا أخوياك من النوع اللي يصمل على اي شي .. لا قلت لهم نمشي الصمان .. قالولك بكل حماس ../ قداااااااام 3 - أنه يكون عندكم واحد يعرف ينسق طلعات .. ويكونوا البقيه يلتزمون قدر الإمكان .. 4 - أن تخلو الشله من الشاب اللي لا بغيتوا تطلعوا مكان .. قال لكم ../ ( والله مدري بشوف وضعي) .. أو ..( والله للحين مدري ).. أو .. (احتمال اجي واحتمال ما أجي ...) هؤلاء الأشخاص وشاكلتهم رح يحبطون المنسق ويحبطون الشله كلها وتصيرون منتم عارفين راسكم من رجولكم ، وماتعرفون بتطلعون ولا لا .. وتفركشون الطلعه كلها .. وما شاء الله واضح من الصور وخاصة من الليمون والبصل وعلبة التونه .. أن منسقكم ممتاااااااااااز لي تعليق على كم صوره .. أبعرف مين اللي قام بتظبيط الصينيه ؟ ياحليله يقاله مسوي ديكور .. حاط قطعة ليمون بأقصى اليمين وقطعة بأقصى اليسار .. وقطع بالوسط .. والبصل متناثر بالوسط بطريقة فنيه جداً وواضح من تواجد ( بيبسي ) و ( سفن ) و ( حمضيات ) أن التنسييييق كان جامد والله .. لو المنسق نظام مشي حالك كان جاب كل شي بيبسي وقال يخب عليكم .. لكن واضح انه رااايق ويجيب على حسب كل واحد وش يبي .. ياخي بالله عطني رقم المنسق خلني اتعرف عليه ؟ لا بس ماشاء الله المكرونه شكلها ( زاااكيه ) .. وزاكيه يعني لذيذه بس بالفلسطيني .. وبالعافيه على قلوبكم يابعدي .. // ماشاء الله فطور محترم والله .. وكأنكم في البيت قاعدين .. فلفل حاطين مع التونه بعد علشان يزين طعمها .. بالعافيه .. ياخي الصوره هذه مافهمتها .. الرجال قاعد يحلب الناقه من البزبوز .. لكن راس الناقه هذا وش يبي مستلم البزبوز الثاني ؟ لا والمصيبه أنه يمزمز مزمزه مثل ماأخبرتك سابقا ياتركي أخيك في الله ماله بهالأمور .. فياريت توضح يآآآه عالفضاوه .. قنص القواطي اعتبرها لعبة الفاضيين الطفشانين .. ورا ما أخذتوا معكم أونو أو حتى مونوبولي << جوك ياصديقي هذا زي المحشش اللي يحط جنبه كوب به مويه وكوب فاضي علشان لا عطش يشرب .. ولو ما عطش مايشرب // التصوير كان جميل وواضح ياتركي .. والتعليقات كانت أجمل .. والله يحفظك يارب ويسعدك .. وعساك استانست بهالطلعه الحلوه.. والحمدلله أن موضوعك مادخل ضمن قائمة الإنتظار .. مثل خويه السابق وانت فاهمني اكيد تقبل مروري يالغالي .. دمت بأجمل حال إبراهيم

وعليكم السلام ورحمه الله وبركاته يا هلا والله ببرهوم

جلسه سابقه خخخخخ متاثر برابح صقر
اربعه امور
القطه سهله جدا خاصتن اذا كان احد الاشخاص عنده عده البر جاهز كامله .. ( قدور وبهارات ودلال واباريق ) بتكون القطه عاديه واذا نظرنا للقطه عز الله محد طلع للبر
ومن ناحيه الصامل مخططين قبل الطلعه بيومين وبعدها توكلنا على الله .. التخطيط بس يومين وتمارين مغلقه
زي ما ذكرت اذا كان واحد عنده عده البر جاهزه وكامله خلاص انحلت جميع المشاكل
بالنسبه لرقم اربعه هذي بصراحه مهب كلام رجال الكلام الرجال وحده قال قدام يعني قدام مهب يرجع بكلامه واذا كان عنده ظروف يعتذر بدري احسن وعلى فكره حنا خططنا على فضاوه اكثر الشباب .. كلهم اجازه وفاضين الا انا عندي دوام واخذت اجازه لعيون الصمان

اللي قام بتظبيط الصينيه اخوكم كاتب الموضوع
رقم المنسق عندك بجوالك
بالفلسطيني اجل عندكم مكرونه مثلنا

اوما التونه بصراحه طعم خيال

البزر اللي مستلم البزبوز الثاني لو مهب فيه هالببزر ما شربنا حليب لان الناقه معروف ما تدر الا وقت الصباح واخر العصر او اذا كان البزر على كلامك يرضع منها.. والراعي استغل فرصه البزر يبي لك دوره وطلعه للصمان

اونو وومانيبولي ما نعترف فيها فيه بلوت

من ناحيه التصوير بقول الحقيقه نصها من اخوي والنص الباقي مني ..

الحمد لله استانست وعقبال ما تطلع معنا

واللـــه ياخوي كنت بنزل موضوع مشابه له بس عن كشتاتي طول فتره المطر وان شالله اني بنزلها بس بعد الاذن منك


الشي الثاني لو انك بدال هالقوطي مالعبتو بلوت واللي تقوم عليه يقطع البصل مهوب احسن

الشي الثالث ماشالله اللحمه شي قامت سعبولتي تقطر

الشي الرابع تصدق اني مارحت للصمان هالسنه

الشي الخامس << كنك كثرت لا بس الشي الخامس مشكور عالصور الرائعه

إقتباس الرسالة الأصلية كتبت بواسطة الـصـخـرة 8 8 << يبي يحوس الكشته مايمديك يالصتيمه خلاص قضت الحفله قضت اجل --> تركي.. بالعب معك لعبة القوطي . . . . . . . . . . . . . . . . . . . . . . TURKI_15 << فوق حصاة شف.. تراي مخرب السالفة وفاضحك.. بس قايل للاعضاء انك كاشت للبرحة اللي جنب بيتكم بس خل عنك... كيف نكهة الجعل ماحسّيت بالطعم الطازج بس تراك ماعلمتنا منهو الـ --> والله ياللحمه بالقدر شكلها خااااااااالع وبعدين فشلتنا الله يفشل العدو... ماتعرف وشو هالعرق اللي تقل ( لي ) بالبعرور هذا عرق رئيسي يغذي البعرورات بالـ(خل ) علشان كذا مايجوز تاكل كبدة حاشي بالحلّه الا اذا صبيت عليها خل شكل كشتتكم وناسه يا أبضاي وراكم ما اخذتوا ( يبـس ) معكم بس ترى فيه صوره ناقصه من الرحله.. شكلك نسيت تحطها << فيس طايرتن بوهتـه 7 7 7 8 8 تراي مانيب اقصد احد << فيس بريء جدا دوك --> << وزّع على الشباب اللي راحوا معك

تلعب معي لعبه القواطي بس غسل يديك زين لانك بتقطع البصل
اجل برحه جنب بيتنا خخخخخخ كلن يرى الناس بعين طبعه
جعل مثل طعم العلك اللي عطيتناه يوم مباراه الهلال والشباب
الشيف اللحمه اخوي يبس خخخخخخخخخ والغدا انا

يبس موجود معنا وهو ملح الكشته
وش هالورد كثيرات خخخخخخخ حنا اربعه بس وبعدين الفلوس وشي ذي يا كثرهن كثرها شكلك تاجر تصير صديقي وحتى لو انك سعودي عادي وش رايك ااكشتبك للصمان <<<<<<<<< ناوي يزرف الدراهم بس ولو بااايخه فلوسك كلها قديمه <<<<<<< ما غار ابد

اقول تراي منيب حاضر مسرحيه يوم الاثنين بشوفها فالاستراحه قسم بالله اخويااي يفشلون الله يفشلهم اجل م ك و 777 قدام 3الاف متفرج اجل لو قدام 70 الف وش بيصير وجهي

دووك حطها بين الدراهم مهب لك

آلله آلله يآ تركي اجل كآتشيـن




مآ شآء آلله فطور محترم , آل اقول هذيتس البيآله هو حليب نيدو





شهيتـن بآلشـآهي



تصدق عآد آزين مآ بالصوره البريييتز ( الآبريق ) المحترق





يآخي مآلك دآعي كآن جآيب صوره قريبه جدآ<< ( حب استطلآع )




آلآ اقول الي كآتب على الحصآه هنآك وش يحس فيه

إقتباس الرسالة الأصلية كتبت بواسطة رنـــــد & . اهليين تركي كشته ولاا اروووع واحلاا مابالكشته هالصووره خيييال جوكم خقق ,, وبعديين فيه احد يتغدآآ مكرونه خلنا من المكروونه توزيعكم للسلطه شي ثآآني ماعندكم وقت ابد ع العموم والله ان طلعتكم تهبل عقبال مانطلع حنا ياله سي يــا . &

اذكر اني راد عليك وسويت ارسال الرد بس انقطع الاتصال ولا ادري نزل الرد ولا لا بس شكله ما نزل لاني ما شفته <<<<<< ذكي هالولد

اهلين وسهلين ومرحبتين

الصوره هذي انا اللي مصورها وجعني بطني متحمس ولعلي انبطحت ونغزتني حصاه وتعورت شوي بس كل شي يهون ..

المكرونه متى توكل الصبح ولا الفجر يا غدا يا عشاء ولها طعم فالصمان ..
توزيع السلطه سوينا تنسيق واجتماع مغلق لمده ربع ساعه وتم مناقشه السلطه والصحن الكبير جنبي
وشهوله تطلعون فيه عقارب وثعابين وضبان وابو جعل وكل الحشرات اجلسو بالدار ازين <<<<< يخوفكم الحين

مشكوره عالمرور والورده خذيها قبل ما يجون البنات