..|[ كرويف يدافع عن برشلونة ،، ويهاجم ريال مدريد |].. - صفحة رقم 2 - نادي الهلال السعودي - شبكة الزعيم

FLORINTINO · #16 03/03/2009, 12:03 PM

^ ^ ^

هلا محمد

.. شوف كرويف أسطورة على عيني وعلى راسي

بس أنـا أشوفه مهايطي وعنده (( ثقه مفرطة في النفس )) وايضـاً (( عدم احترام الخصم ))

شوف وش يقول وعطني رايك هل هذي فلسفة تدريبيه أو مجرد هياط

إقتباس


	وعلى الرغم من خفض الفجوة التي كانت موجودة بين برشلونة وريال مدريد من 12 نقطة الى 4 نقـاط خلال الـ 3 أسابيع الأخير الا ان هذا الأمر لم يعجب كرويف

يعني رجال يقول ذا الفريق الي فاز في 10 مباريات متتالية موب دليل على قوته وهو
أستفاده من الغير .. بالله هذا كلام يطلع من أسطورة !!

بـ النسبة لـ الخماسيات

فـ الظاهر كرويف اعتزل بعد ما أكل خمـاسية زي الحلاوة

الله يجازي زمورانو الي كان السبب

<--

شف تصريحه قبل مبـارة الـ 5-0 لنا في البرنابيو

إقتباس


	صرح مدرب برشلونة كرويف بتصريح ناري قال فيه " سندفنهم في البيرنابيو و هذه المرة للأبد "

خخخخخخخخخخخخخ طبعاً بعد ذا المبـارة اعتزل التدريب لـ أسباب صحيه

مرة ثانية .. حسبي الله عليك يا زامورانو

|| شبـح كابيلـو عــــــاد ||

L E A D E R _ 9 · #17 03/03/2009, 12:49 PM

عبدالله أنا وش سويتلك

أنا لما قلت عندك شك قصدي بأدائه وليس بتصاريحه .

لكن الله يهديك مدري ليه مقتبس هالكلام

، مثلا عندك مورينهو كل يومين
تصريح ناري بالاسواق

وناجح بعمله ويعد من أفضل مدربي العالم ، يعني اللي أشوفه أن التصاريح لاتعكس عمل المدرب يعني لاتحكم على مدرب من تصاريحه ، وعموما علشان ما أطول بالكلام مثل ما قلت لك أول هالتصريح يبقى مثير للجدل للمدريديين .

تعال تعال

يازين أيام زامورانو هذيك

بالاخير أنا أحترم وأقدر جميع ما قلته ياصديقي

تورام · #18 03/03/2009, 01:34 PM

ماهي غريبه على كرويف هذي التصريحات
غالبا تكون تصربيحاته ضد مدريد و لازم يجيب طاري المتعه لكي يقلل من اداء الملكي

فريق منهي الدور الاول و مثقل بـ الاصابات و لا عنده لا استقرار فني و لا اداري و في
النهايه يفوز بـ 10 مباريات متتاليه و لا يدخل مرماه الا 4 اهداف فقط و نطالبه
بـ المتعه !!! بـ اي منطق تتكلم يا كرويف !!!

عاشق كل هلالي · #19 03/03/2009, 01:51 PM

كرويف ياحليلك

صحيح أسطوره

مفهوم المتعه مطاطي جدا ! مـثلا كإيطالي

متعتي إن فريقي يـقفل المساحات ويلعب كتله وحده هجوميا ودفاعيا
وعند واحد ثاني المتعه بالمثـلثات والتمريرات القصيره واللعب من لـمسه !
وطبعا المتعه عند كرويف نظام لعب الإبتدائي سجل ثلاثه وخلهم لو يسجلون أربعه

أهم شي لعب ممتع !
طبعا بشكل عام إن كان فـيك عقده نـقص من فريق معين ! بتدخل أي شي تزينه بهالفريق ! مثـلا
عندما يتكلم إنه بيلعب بنهائي كأس الملك ولا بيتأهل دور الثمانيه ويقول فيها ليس مدريد يـبان إن يـشعر بالنقص
من كل مايـعمله وموب غريب هالشيء صراحه

صدقـا ماأدري وش دخل مدريد إلا إن كان كرويف يقصد
إننا أحسن منكم وأزين منك

وأنتو زلايب مازينتو مثـلنا

على العموم وجهة نظر تحترم ! والله يجازي من كان السبب بإعتزالك التدريب

FLORINTINO · #20 03/03/2009, 01:57 PM

محمد

( زامورانو )

انا ما اقصد بـ كلامي شي على كلامك

أنا اكلم محمد الي راد فوقك

بس انا لما كنت اكتب الرد انت كتبت ردك

<--

ولا كلامي موجه لـ محمد

هلالي الكتلان

منورين جميعـاً

محمد

L E A D E R _ 9 · #21 03/03/2009, 02:37 PM

^^

وين أصرفها هذي

عموما خلاص تأكدت الحين إنك بكامل وعيك وكل شي على مايرام

وحصل خير والمهم إنك طيب

BENZEMA10 · #22 03/03/2009, 04:26 PM

إقتباس

الرسالة الأصلية كتبت بواسطة THEO WALCOTT


	^^^ ابو عابد ,, تسمع بـ النرفزهـ انت ,, ياخي مشكله المدريديين >> لحد ينبرش , الكلام موجه لـ بنزيما فقط مشكور يا راعي الخبر

هلا والله بالأرسنالي الكتالوني المتعجرف

يا خي وش قصدك بالنرفزة أنا ما قلت شي علشان أنرفز أحد

أنا بس أرد على كلام هالمريض فقط ..
عوافي يا صديقي و الوعد العشاء إن شاء الله

إقتباس

الرسالة الأصلية كتبت بواسطة هلالي الكتلان


	. مهايطي ، مخرف ، مريض جداً هالآدمي ؟! بديت أشك ان اللي مصرح كحيلان ، ماهو يوهان كرويف أحد أساطير كرة القدم وأفظل لاعب بالعالم لثلاث مرات . من أفظل ماقاله : نعم لقد عزوزا دفاعهم ولكن أشك أنهم يستمتعون بالانتصار . درر ياأسطورة المتعة مع الفوز ، طبعاً هو يتكلم حسب فلسفته ولا أحد يقدر يتدخل فيها .! مازالت خماسيتك كلاعب وكـ مدرب عالقة في أذهاننا وأذهانهم يعني طريقة ترجمة الموضوع ووضع الفيس " " قدام كلمة أسطورة ماأدري وش قصدك فيها عبوود .! ،،

يا صديقي الصدوق

المسألة ما هي تاريخ و أفضل لاعب في العالم والكلام اللي ما يودي ولا يجيب ..
كرويف الأسطورة يبغى يلعب على الجانب النفسي وما هو عارف ..!!
يبي يشكك بقدرة الملكي بالفوز باللقب ..!! وبرضو ما هو عارف ..
مثلك تماما لما طلعت عن الموضوع وذكرت الخماسية وما أدري إيش بقصد الإستفزاز ومنت عارف كيف ..!!

إقتباس


	من أفظل ماقاله : نعم لقد عزوزا دفاعهم ولكن أشك أنهم يستمتعون بالانتصار .

يا حبيبي

تذكر موسم كابيلو ..!! أكيد تذكره ..
هل شفت أن الريال فريق فرجة و فريق متعة ..!! بالتأكيد لا ..
لكن اللقب لمن ذهب في النهاية ..!! وفريق المتعة أين محله من الإعراب في نفس الموسم ..!!

تعادل في النقاط بين الفريقين ولكن مالفرق ..!!
الفرق أن هناك فريق متعه خسر اللقب و فريق يشك كرويف بأنهم يستمتعون بالإنتصار فاز باللقب ..

بعدين شف عندك أساطير الريال { دي ستيفانو , خينتو } لما البارسا وسع الفارق إلى 12 نقطة
ما أحد طلع منهم وقال برشلونة يستفيد من تعثرات الآخرين لأن هذا شي بديهي و واضح ولا يحتاج فلسفة كرويف اللي تقول عنها ..

المهم يا صديقي

إنت تقول هذي فلسفة كرويف وما أحد يحق له يتدخل فيها ..

طيب أنا وجهة نظري و فلسفتي هي إن كرويف مريض جدا ولا أحد يحق له يتدخل فيها ..

عوافي

هلالي الكتلان · #23 03/03/2009, 06:23 PM

.

عبدالله

أجل اعتزل لأسباب صحية

والله يافيه واحد ببالي أتمنى اسمع اليوم قبل بكرا خبر اعفاءه من منصبه بناءً على طلبه

وبالنسبة للتصريح يمكن كان وده يلعب على الجانب النفسي اللي شفنا كيف الصحافة المدريدية واللاعبين استخدموه بعد أول تعثر لبرشلونة

BENZEMA10

ياصديقي المخلص

الله يسامحك أجل أنا مأعرف أستفز

، وأنا ماقلت ان طريقة لعب الريال خطأ وانه ماتحرز البطولات والمثال اللي ذكرته أنت أكبر شاهد بس أنا مجرد اني ذكرت أن كرويف يعشق الفوز والمتعة واللي ورثها للنادي .

أجل فلسفتك ان كرويف مريض جداً

طيب أبشر ماني متدخل فيها

لكم

،،

Hala Madrid · #24 03/03/2009, 06:47 PM

خالف تعرف !
...............................................

Mr.Barcelona · #25 03/03/2009, 08:08 PM

الـسلام عليكم ..

يعطيك العافية صديقي عبودي على الترجمة ..

أول شئ هدوا { اعصابكم } شوي

.. مانبي أيقافات ..

إقتباس


	ويقول الأسطورة الهولندية

آنا { صراحة ً } ماني مرتاح لـ هالفيس

.. كرويف أسطورة وماأحد { يقدر } يشكك في هذا الشئ مهما كانت { ميوله }

.. <<-- مايقصد أحد ..

//

بالنسبة لـ كرويف { المريض النفسي خخخخخ

} .. الرجال قال وجهه نظره وبس ..

واللي يبي يعرف وجه نظري يشوف كلام { حمود } ..

عوآآآفي عبدالله ..

Barca10 · #26 04/03/2009, 11:09 PM

مشكور أخوي عبودي المدريدي

على هالخبر ..

ولو إني مستغرب من الوجه الضاحك اللي وضعته أمام كرويف ولكن خلني أقول إن ذلك وجهة نظر بالنسبة لك , وهذا ينطبق على الأسطورة كرويف

في كلامه هي وجهة نظر ولا تحتمل كل هذا التشنج , يعني إن أعجبتك أوكي ما أعجبتك مو لازم تقلل من تاريخ إسطورة بسبب وجهة نظر من رجل كان في يوم من الأيام من أعظم اللاعبين اللي مروا على تاريخ الكرة إن لم يكن أعظمهم بعد مارادونا

من وجهة نظري وكذلك كان من أعظم المدربين يعني خلني أقول تاريخه كلاعب ومدرب يسمح له بقول مايريد على حسب نظرته الشخصية وليس مجبّر أن يقول مايحب الجميع ..

تقبل مروري وتأكّد إنك من المدريدين القلائل اللي لهم معزة خاصة لذا كان الإستغراب وتم الإيضاح ..

لك كل التقدير والإحترام

F-C-Barca · #27 05/03/2009, 12:37 AM

لـــــــــــــــــيه مهايطي

يمكــــــــــــــــــن لانه معذبكم على وقته اللــــه اعلم هع هع هع

FLORINTINO · #28 05/03/2009, 03:01 AM

إقتباس


	Barca10

حيـاك الله أخوي

بـ النسبة لـ الفيس ذا

والي وضعته امام كلمة اسطورة مو يعني اني اقلل من
كرويف كـ أسطورة .. انت لو تلاحظ في ردي الأخر كتبت انه أسطورة غصب
عن الجميع كـ لاعب و كـ مدرب له نظرته ومنهجيته الخـاصة والي أنا عن
نفسـي أفضلها في كرة القدم لأني أعشق لعب المتعه

وهذا الأسلوب ما يطبقه
حالياً سوا البرسا ،،

بـ أوضح لك ليش وضعت هذا الفيس ..

لما قريت كلمة أسطورة وشفت الكلام الي يقوله قلت في قرارة نفسي مستحيل يخرج
مثل هذا الكلام من أسطورة .. يعني لما يسـألونه ريال مدريد يحقق 10 انتصارات
متتالية ويقول هذا امر ما يعجبني فـ هنا بـ التأكيد هو انسان مكـابر ،، ياخي اساطير
الريال دي ستيـفانو وخينتو ما قالوا كذا على البرسـا بل بـ العكس طلعوا وقالوا ان
البرسـا هو المرشح الأول لـ الليغا وطريقة لعبه جميله .

لما يسألونه عن تقليص الفارق من 12 نقطة الى 4 نقـاط وكسر 8 نقـاط فارق بين
الفريقين ويقول ريال مدريد يعتمد على أخطاء الغير !! بالله في مشجع عـادي يقول
مثل هذا الكلام ؟؟

ياخي صدقني انا من النـاس المعجبين بـ يوهان كرويف ،، لكن بعض الأحيان
يطلع بـ طلعات تخليك تشك في لقب أسطورة .. وتقول يا ليتهم سحبوا ذا اللقب
منه لأنه بـ صراحة ما يعرف يتكلم و خصوصـاً عن الريال والبرســا .

شكراً لك اخوي .. وصدقني ما كتبت ذا الرد الا عشانك عاتب علي
في نقطة وحبيت أوضحها لك

فهد المتعاني · #29 05/03/2009, 03:06 AM

مو مشكلة ريال مدريد ان كان يفوز وبرشلونه يخسر
المشكله هو ان الريال تحسن مستواه والبرشا انخفض مستواه
اعتقد انه كلام واحد مقههههههههور
ومشكور اخوي

Barca10 · #30 07/03/2009, 06:57 AM

إقتباس


	عبودي المدريدي

إقتباس


	حيـاك الله أخوي

الله يسلمك يالغالي

إقتباس


	لما قريت كلمة أسطورة وشفت الكلام الي يقوله قلت في قرارة نفسي مستحيل يخرج مثل هذا الكلام من أسطورة .. يعني لما يسـألونه ريال مدريد يحقق 10 انتصارات متتالية ويقول هذا امر ما يعجبني فـ هنا بـ التأكيد هو انسان مكـابر ،، ياخي اساطير الريال دي ستيـفانو وخينتو ما قالوا كذا على البرسـا بل بـ العكس طلعوا وقالوا ان البرسـا هو المرشح الأول لـ الليغا وطريقة لعبه جميله .

أولاً أنا ماراح أكون في موقف دفاع عن كرويف ولكن خلني أقول هذي وجهة نظر نختلف في فهمها , إنت لو ركزت في الشق الأول من كلامك تجد نفسك متوافق مع فكرة كرويف من ناحية المتعة اللي يحب أن يشاهدها أي متابع للكرة لذا كرويف يقول إنتصارات الريال بهذه الطريقة لا تعجبني وهو يقول في نفس الخبر الريال فريق يجب أن تكون إنتصاراته توفّر للمتابع المتعة أتوقع هذا المغزى من خلال كلامه وسأنقل لك ذلك بين الفواصل (الا انه يرى ريال مدريد يعتمد على أسلوب لا يليق بـ مثل هذا النادي الشهير .) يعني هو ينتظر من فريق كبير بحجم الريال أن يكون ممتع في إنتصاراته أتمنى أن تكون الفكرة وصلت ..

أما من ناحية إشادة أساطير الريال ببرشلونة فأنا أتوقع ذلك منطقي جداً من ناحية الترشيح ومن ناحية اللعب الجميل فالبرسا كأدوات أنا أرى أنه الأفضل ومن ناحية اللعب الجميل فالكثير قالوها لم يتبقى فريق يلعب الكرة الممتعة سوى برشلونة ولا تعتقد أنني مكابر في ذلك و لكن صدقني هذا ما أراه أنا و أغلب المتابعين حتى غير المحبين لبرشلونة ..

إقتباس


	لما يسألونه عن تقليص الفارق من 12 نقطة الى 4 نقـاط وكسر 8 نقـاط فارق بين الفريقين ويقول ريال مدريد يعتمد على أخطاء الغير !! بالله في مشجع عـادي يقول مثل هذا الكلام ؟؟

في هذي ممكن أتفق معك بأن هذا هو حال الكرة على وجه العموم , من حق أي فريق أن يستفيد من تعثر خصومه وليس ذنب الريال أن يتعثر المنافسين كذلك ليس ذنب برشلونة لو حدث مثل ذلك , هنا أتفق معك أن مثل هذا الكلام لا يصدر من إنسان خبير ولكن صدقني أن المغزى واضح جداً اللعب على العامل النفسي كما تفعل الصحف المدريدية لبرشلونة يعني لو نظرنا نظرة أوسع لفهمنا المقصد وأنتفى التعجب ..

إقتباس


	ياخي صدقني انا من النـاس المعجبين بـ يوهان كرويف ،، لكن بعض الأحيان يطلع بـ طلعات تخليك تشك في لقب أسطورة .. وتقول يا ليتهم سحبوا ذا اللقب منه لأنه بـ صراحة ما يعرف يتكلم و خصوصـاً عن الريال والبرســا .

وأ نا معجب بارآئك

..

ولكن لا أعتقد أن مجرد كلام يصدر من لاعب ومدرب خبير يسمح لنا بأن نسلبه لقب أسطورة ..
لأن حتى مارادونا

لو لاحظت في بعض تصاريحه تقول معقولة هذا أسطورة التاريخ .. ولكن الكلام أحياناً يكون صادر من العواطف وليس بلغة العقل ولا يمكن أن نحاسب كل شخص على مايقول ..

إقتباس


	شكراً لك اخوي .. وصدقني ما كتبت ذا الرد الا عشانك عاتب علي في نقطة وحبيت أوضحها لك

العفو ياعزيزي

و أنا مقدّر جداً تقبلك لعتبي وتوضيحك على العين والراس و أخ عزيز وغالي