لاتفرحون .. لاتستانسون .. سلطان نايم - صفحة رقم 2 - نادي الهلال السعودي - شبكة الزعيم

ابو طـــــلال · #16 02/03/2009, 02:17 AM

إقتباس

الرسالة الأصلية كتبت بواسطة الغدير الازرق


	ابوطلال ياخووك تعبنا وحنا نقوول سلطان ونواف نيام اييه طييب متى يصحوون يمال نومة أهل التسهف إستحقاق ابن همااام لرئاسه الاتحاد العربي مايبيلها كلااام وهالشي مفروووغ منه .. ياحبيلك يابن هماام ياجعلي فدى جبهتك وعلى فكرة حسب ماسمعت برنامج المجلس على قناة الكأس بيستضيفون ابن همااام خلال الأيام الجايه وبيتكلمون عن الأحداث اللي صااارت وجااااااك يامهنا ماتمنى ..!! واسمح لي يابوطلال اقووولك (كلنا إيراااااان ) ليس حباً فيها لكن كرهاً بمنتخب سلطان .. حتى لو كان غالبية لاعبي المنتخب من الهلال فمصلحة الهلال فووووق كل شي أنا منتخبي الهلال

انا مااتكلم عن ( اللحوج ) اخوي طلال ...

أتكلم عن السعوديين .. عيب عليهم يشجعون ضد منتخبنا ..

اما انت تقدر تشجع اللى تبي .. وأتوقع لو يلعب منتخب ( لحج ) أكيد بتشجعة حتى لو شفت منه انواع الظلم والقهر

لحجي .. حبيلك

لاعمري أشوفك قايلن هالحتسي انتف خواجبك

ابو طـــــلال · #17 02/03/2009, 02:19 AM

إقتباس

الرسالة الأصلية كتبت بواسطة أنا الهلالي والنعم


	شكرا لك .. و كل التوفيق للمنتخبات كلها على منتخب سلطان و نواف التعيس ..!!

لاتنسى لاعبين الهلال هناك ...

تحياتي لك

Fahoooood · #18 02/03/2009, 02:21 AM

إقتباس

الرسالة الأصلية كتبت بواسطة ابو طـــــلال


	مانعالج خطاء .. بخطاء أكبر منه ... لايكون ناسين إن المنتخب السعودي كله لاعبين ( هلاليين ) !! شلون تشجع الهلال ضد الهلال !!؟ هذا المنتخب .. والوطن والوطنية مايحددها سلطان بن فهد .. رغم اني مقدر شعورك وحاس باللى إنت حاس فيه .. ومتأكد إن حسك الوطني أكبر من أصحاب المناصب والتصريحات الكاذبه ! بس برضه .. لاتخلي لحظة إنفعال تخليك نادم طول العمر .. والله يمسكونها علينا العالم ونصير مضحكة !! يسموننا .. المنتخب السعودي اللى حصل على كاس آسياء ثلاث مرات .. وتاهل أربع مرات لكاس العالم .. وجمهور السعوديه هتفو ضده !! >> يعني وصمة عااار على جبين كل سعودي ... فيه أكثر من حل .. وممكن نتناقش بالحلول .. إلا التشجيع ضد منتخبنا ..

من حر مافيهم

حرقة النار

حتى ظلالي هلالي · #19 02/03/2009, 02:23 AM

إقتباس

الرسالة الأصلية كتبت بواسطة ابو طـــــلال


	مانعالج خطاء .. بخطاء أكبر منه ... لايكون ناسين إن المنتخب السعودي كله لاعبين ( هلاليين ) !! شلون تشجع الهلال ضد الهلال !!؟ هذا المنتخب .. والوطن والوطنية مايحددها سلطان بن فهد .. رغم اني مقدر شعورك وحاس باللى إنت حاس فيه .. ومتأكد إن حسك الوطني أكبر من أصحاب المناصب والتصريحات الكاذبه ! بس برضه .. لاتخلي لحظة إنفعال تخليك نادم طول العمر .. والله يمسكونها علينا العالم ونصير مضحكة !! يسموننا .. المنتخب السعودي اللى حصل على كاس آسياء ثلاث مرات .. وتاهل أربع مرات لكاس العالم .. وجمهور السعوديه هتفو ضده !! >> يعني وصمة عااار على جبين كل سعودي ... فيه أكثر من حل .. وممكن نتناقش بالحلول .. إلا التشجيع ضد منتخبنا ..

أوكي يابوطلال انا معاك في هالنقطهـ انها تصير بصمه عار

لكن الي صار هذا كلهـ مو عار علينا ..؟!
كيف كلام الرومان عنا الحين ..!
بتصرف فردي من شخص
انقلبت رومانيا كلها علينا

ماراح يقولون الاتحاد السعودي فيه وفيه
لا بيقولون السعوديهـ سوت وفيها .!

استبشرنا خير يوم بدت القناة الرومانيهـ تنقل مبارياتنا
قلنا بيتغير الوضع سواء للرياضه وإلا للدين وإلا لكل شيء

لكن بعض الناس وجيههم مب وجيه نعمهـ للأسف

يعطيكـ العافيهـ ابو طلال

ابو طـــــلال · #20 02/03/2009, 02:29 AM

إقتباس

الرسالة الأصلية كتبت بواسطة Fahoooood


	من حر مافيهم حرقة النار

الله يلوم اللى يلومهم .. بس ولو إلا التشجيع ضد منتخبنا

ابو طـــــلال · #21 02/03/2009, 02:33 AM

إقتباس

الرسالة الأصلية كتبت بواسطة حتى ظلالي هلالي


	أوكي يابوطلال انا معاك في هالنقطهـ انها تصير بصمه عار لكن الي صار هذا كلهـ مو عار علينا ..؟! كيف كلام الرومان عنا الحين ..! بتصرف فردي من شخص انقلبت رومانيا كلها علينا ماراح يقولون الاتحاد السعودي فيه وفيه لا بيقولون السعوديهـ سوت وفيها .! استبشرنا خير يوم بدت القناة الرومانيهـ تنقل مبارياتنا قلنا بيتغير الوضع سواء للرياضه وإلا للدين وإلا لكل شيء لكن بعض الناس وجيههم مب وجيه نعمهـ للأسف يعطيكـ العافيهـ ابو طلال

ترى كوزمين غرقنا من المدح ... وذ كر بتصريح ولأكثر من مره إنه يحمل حب للمملكة .. ويكن للملك محبة وللشعب السعودي كافة ..

وتراه تكلم عن أسباب هالفضيحة ... وذكر .. إن النصر له يد في الموضوع ...

يعني رايتنا بيضاء عند خوالك الرومانيين لاتخافين

والرومان مايعممون .. ورادوي موجود للحين .. اللى نقلت قناة رومانيا المباريات علشانه ..

المصيبة إن صاحب القرار يدري ان المنتخب أكثر من نصه هلاليين .. طيب مايفكر ان هالقرار بينعكس على نفسياتهم في المباريات الخاصه بالمنتخب !!

يالله يهديه .. مدري من وين يفكر هالشخص

حياااك

حتى ظلالي هلالي · #22 02/03/2009, 02:53 AM

إقتباس


	وتراه تكلم عن أسباب هالفضيحة ... وذكر .. إن النصر له يد في الموضوع ...

وش الي رفع ضغط هالنصراويين

وخلاهم يطلعون بيان عن كوزمين

يالبى قلبهـ مشغلهم حتى وهو مطرود

إقتباس


	يعني رايتنا بيضاء عند خوالك الرومانيين لاتخافين

ابد خوالي الرومان

وعماني السويد

إقتباس


	المصيبة إن صاحب القرار يدري ان المنتخب أكثر من نصه هلاليين .. طيب مايفكر ان هالقرار بينعكس على نفسياتهم في المباريات الخاصه بالمنتخب

ابو طلال
الي همهم يوقفون الزعيم الي ماقدروا عليهـ بالملعب ..
ماهمهم لا منتخب ولا غيرهـ ..

ابو طـــــلال · #23 02/03/2009, 12:28 PM

إقتباس

الرسالة الأصلية كتبت بواسطة حتى ظلالي هلالي


	وش الي رفع ضغط هالنصراويين وخلاهم يطلعون بيان عن كوزمين يالبى قلبهـ مشغلهم حتى وهو مطرود ابد خوالي الرومان وعماني السويد ابو طلال الي همهم يوقفون الزعيم الي ماقدروا عليهـ بالملعب .. ماهمهم لا منتخب ولا غيرهـ ..

ورى ماتروحين للمجلس ترى بيجون ضيوف الليله

على طاري النصراويين .. عساهم ماياخذون هالبطولة التنشيطيه بعد ..

ودي أشوف وجه سلطان ونواف بعد ماياخذ الهلال الدوري بإذن الله ..

هذي والله الصفعة الصدقية .. مهيب تشجيع ضد منتخبنا ..

حياااج إختيه

L7ǿǾǿй · #24 02/03/2009, 12:29 PM

وجد الزعيم20 · #25 02/03/2009, 12:46 PM

إلا التشجيع ضد منتخبنا ..

ياخي المنتخب ماهوب لهم

كل اللي نبيه انكم ماتحضرون بالملعب

ناظروا بالبيت

خلوا ابو خطط مهروسه يتفشل قدام العالم

الفيدرالي الهلالي · #26 02/03/2009, 12:56 PM

ان رفعتها لشارب وان طمنتها للحيه

ان قلنا بنشجع الامارت عشان منتخب الخطط المدروسه والظلم الي حاصل

تذكرنا ان سبعه من لاعبينا مع المنتخب

وان قلنا بنشجع المنتخب عشان الاعبين الهلاليين تذكرنا الظلم الي صار والغبنه والقهر ورحيل السير كوز مين

فا انا من ناحيتي بشجع الحكم اصرف <<< مو وقت ضرافتك

Miho · #27 02/03/2009, 01:02 PM

هالمنتخب ماغير اصابات وارهاق

لو هم ياخذون اللاعبين قبل المباراة بيومين ميخالف

بس ياخذونهم قبل المباراة باسبوعين ومستحييل ينتهي معسكر بدون اصابات

والمشكلة الكبرى اذا خسر المنتخب قالوا بسبب لاعبي الهلال

الدنيا بلوووو · #28 02/03/2009, 06:54 PM

إقتباس


	تخيل كوزمين يدرب الإمارات .. ويفوزون علينا .. وش بيكون موقفك ياسمو أمير الرياضه والخطط المدروسة !

ياريت الله يسمع منك وقبل المباراة باسبوع
ابي ادعي ربي انهم
يتعادلون معنا مو عاد يفزون
علينا لانهم اقل من انهم يفزون علينا
والتعادل راح يهني الامال في التاهل ان شاء الله علشان
سلطان فهد
يعرف انه الخطط المهروسة ما نفعته

واذا انهزمنا بعد مو مشكلة وقتها سلطان فهد
راح ينفجر من الغضب وتعرف الاخ سلطان فهد
اذا عصب ما عاد يشوف
ويبدء يقول كلام ما يدري عنه تعرف
الحكمة والنحكه عندهم معدوهم على امل انه
يلتفت على اليسار(مكان الشيطان)
كذا ويشوف ابو سماعة بلوتوث ويصطره على افمه
ويقولن هذا اللي انت تبيه يا الهيس الاربد
طردنا ذا المدرب وجاء الحين هو
يطردنا من المنصب اللي حنا فيه

اما موضوع تشجيع المنتخب الاماراتي
ضد منتخبنا فكرة غير ايجابية بالمرة
وكلام غضب يا اخواني لا تصيرون مثل
سلطان فهد ولا نواف فيصل
الغضب والحقد والغيرة احرقت عيونهم

فتاه هلاليه · #29 02/03/2009, 07:33 PM

أبو طلال

من موضوعك الأول وأنا كنت مأيدتك

كلنا ابن همام

معليش بس فيه نقطة حبيت أعلق عليها

إقتباس


	هذا المنتخب .. والوطن والوطنية مايحددها سلطان بن فهد

وهم بقوا فيها وطنية يا أبو طلال؟
هذولا قتلوا اخر ذرات الوطنيه ( الرياضيه ) الباقيه عندنا

ثلثها راحت فـ ( اتصال سلطان )
وثلثها الثاني فـ ( مباراة كوريا )
وثلثها الأخير فـ ( كوزمين

)
من زمان كارهه المنتخب بس هالمرة بقلب عليه وبشجع ضده وكيفه خل أزيد الخطأ خطأين

ولا عاد تحضرون مباريات منتخب بالملعب
خلونا نعلمهم منهو جمهور الهلال

خلونا نطلع فيهم الـ ( كبت ) و ( الغبنه ) اللي عيشونا فيها
خلونا نعلمهم وشلون ( قتل الأفراح ) صدق

ماعمرنا سوينا مثل هـ التصرفات
وطول عمرنا ( مثاليين ) حنا وإداراتنا

ماحناب زي غيرنا اللي كل يوم يتفلت وكل يوم يصيح على كل شارده ووراده

لكن !

هم اللي حدونا وقهروا ( بن مساعد ) وشبه ( هدموا ) كل اللي بناه وتعب عليه

,,
ومن شاف هالصورة غسل يده من اتحادنا الموقر

أجل هذا شكل رئيس نادي فريقه كان ماخذ بطولة ؟

بس الجد مـاينـلام شبيـه الـريـح علـى هـالـوضـع
شخـص يـدفـع دم قلبـه عشـان نـاديـه

يكـون بـالقمّـه ويحصـد البطـولات بحقـوق مشـروعـه
ولمـا صـار هـالشـيء وكـان الفـريـق
فـي قمـة حضـوره إداريـاً وفنيـاً ولعيبـه وأتـم عـافيتـه
تجـي تقتـل الجـانـب الفنـي ويقيلـون المـدرب
إدارة+ لعيبـه - مـدرب فيـه خـلل بيكـون طبيعـي
والمشكلـه وقـت هـالمصيبـه اللـي حلـت فينـا
بـوقـت حصـاد محلـي وعلـى ابـواب الأسيـويـه
بتجيـب مـدرب كبيـر عليـه الكـلام مـن بـراااا
زي مـاصـار مـع كـوزميـن
طبيعـي يبيلـه فتـرة شهـر أو اثنييـن
حتـى يتعـرف علـى انظمـة اتحـاد المهـازل
نـاهيـك علـى تعـرفـه علـى لعيبـة الفـريـق ووضعـه
مالك إلا بتجيب مدرب لك عليه مثلاً
أحد المدربيين اللي أقالتهم الأندية السعـوديه
القهر ان الهلال ومن ايام الثنيان وسامي في التسعينات
ماأكتمل زي ماأكتمـل فـي الـوقـت الحالي
وأخرتها تجيك طعنّـه من اللي انت تحت مظلته (الإتحاد السعـودي )
بتشتكي تشتكي على مين؟
هذي اعلى سلطه محليه وهي من أصدرت القرار
كيف اغتالوا فرحتنا ببطولة
شكوااانا لله
وبأذن الله يكون الدوري من نصيبنا

,,
وعلى طاري هالصورة

مخليتها تغبر من يوم ماكنا نطرّ نائب الرئيس وعضو الشرف النصراوي
أنهم يعطونّا لاعبينا الدوليين .. عشان يلعبون في الأسيويه مع هلالنا
وهو يتشرط بالأعداد .. كأنه دافع فيهم شي !

.

,,

دارية كلامي خارج عن صلب الموضوع

بس شيء بقلبي على الإتحاد السعودي وحبيت أطلعه وموضوعك أقرب مكان

[وفورزا إيران

]
( الله من فيس بيقول وش هالهياط؟؟

)

ابو طـــــلال · #30 04/03/2009, 09:07 PM

إقتباس

الرسالة الأصلية كتبت بواسطة وجد الزعيم20


	إلا التشجيع ضد منتخبنا .. ياخي المنتخب ماهوب لهم كل اللي نبيه انكم ماتحضرون بالملعب ناظروا بالبيت خلوا ابو خطط مهروسه يتفشل قدام العالم

المنتخب والوطن مهوب لهم ...

ويجوز عدم الحضور هو العمل الأصلح والأفضل ...

لكن تشجيع ضد منتخبنا (( لاء ) قوية

شكرا لك