|
سؤال؟ ورجاااااء وبأمااانه لجمهور الزعيم بسم الله الرحمن الرحيم أول شي/الف الف الف مليووووووووووون حمد وشكرلله على التوفيق والفوز بالبطولة..والف الف الفة شكر لكل من حضر اليوم المباراة واقوله الله يوفقك ويييين مارحت.. ثاني شي/رغم اننا فزنا وهذا هو الأهم..لكن مافزنا إلاّ بصعوبة..وانا شخصياً توترت بشكل غير طبيعي واعصابي تلفت لدرجة انه لما جبنا الهدف جتني زي الصدمة..ماعرفت افرح..بس رفعت يدي وانا ساكته ولانطقت حرف واهلي طبعاً (100)علامة استفهام؟؟؟..:bigeek: المهم السؤال ..واللي بيرد عالموضوع رجاااااءًيجاوب ع السؤال بأماااااااانه وبالمنطق... الحين سؤالي/يا((جماهير الزعيم))..هل من المنطق في مباراة نهائية أطلع لاعب متحرك ومسوي إلى حدٍ ما قلق للمنافس وادخل لاعب لما اشوفه يركض كأنهم مصورينه بالحركة البطيئة؟؟!!!!!!!!!!:no:..مع ان الفريدي بعد هو يرفع الضغط ببروده..لكن والله وايييييييد ارحم..طيب تبغى تبدل لاعب مقصّر..تدخل لاعب اردى منه..ليش مادخل الشلهوب..أو الصويلح اقلها اقلها سريعين وفيهم ((رووووووح))وبالذات الشلهوووووب..صحيح ان الشلهوب متراجع مستواه شوي..بس الشلهوب في اسوأ مستوى له ماوصل مواصيل..ســـــــول..اللي بجد بجد..عبء ع الفريق وربي عبء. ..وكوزمين..حبيبنا ماقلنا شي..وممتاز..وذكي..بس ياخي غثنا بها الــ((سـول))يعني وبعديييين؟؟ وش ينتظرون منه؟؟؟؟!!!!!!!!!!!!!!!!ا؟؟انا الحين موناقده على كوزمين وبس.. انا ناقده على كل الهلاليين..ليش ساكتين على هالوضع!!!! صدقوني ماخذ خانه ع الفاضي وبوجوده الفريق ناقص ومايعوضه إلاّ ويلي والأضهره وإلاّ هو مارجيت منه خير... وقسماً بالله الصغير والكبير ناقد عليه ..اللي يفهم كوره واللي مايفهم كوره..ناقدين عليه.. حتى أمّـــي فديتها..يوم شافته..[[[قالت: منهو هذا وش فيه يالله يالله يتحرك؟؟شكله مكسور..:to:انا طبعا اول شي ضحكت(شر البلية مايضحك):no:قلتلها لايمه هذا لاعب كوري جديد..قالت امي:كوري!! اللي اعرفه انهم سريعين الكورييين وهذا كأن من قاعد يدفّه!!!:no:]]].....إلخ ..شفتوا وشلووووون واااااااااااااضح ان ماعندك احد؟؟ ثاني شي/رجااااااااااااااااااااائي ياجماهير الزعيم لاعاد تجيبون معكم (طيران )للملعب والله مززززززززعجه ومستفزه ومالها اي داااااااعي..كأننا بزواج..والله العظيم افضل واجمل طريقة في التشجيع هي الهتافات والتصفيق..روووووووووووووووعه..جنآآآآآآآآآآآآن,,تكفي..بدل هالطيران ..وقسم مزعجه واحيانا اضطر اناظر المباراة ع الصامت بسببها..هااااه وش رايكم؟؟؟ ألف شكر بعد الله لكل من ساهم اليوم في فوز الزعيم :alzaeem: |
أأرجوووووووووووووو الرد لازم يكون لكل واحد فيكم رأي شخصي |
والله انهم المتردية والنطيحة |
بالنسبة لسول انا معك انه لاعب لايقدم و زيادة عدد و بالنسبة لقولك ان الشلهوب متراجع مستواه بالعكس الشلهوب الآن افضل و مستواه متقدم و انا فعلاً تمنيت حينما اخرج الفريدي ادخل الشلهوب تحريك لخط الوسط و ليس تغيير الخطه ككل عموماً اتمنى تدارك هذا الامر المباراة القادمه امام الشباب أيضاً |
أنا استغربت من فعل كوزمين قلت الان سيخرج الفريدي ويدخل العنبر الا وتجي الصدمة بدخول ابطىء كوري في العالم سول وزاد استغرابي دخول الخثران مكان طارق التائب قلت بس خلاص البطولة راحت ولكن المخلص فهد المفرج انهاها قبل نهاية الشوط الاضافي الثاني واعتقد سبب دخول الكوري أن كوزمين يستفيد منه في جهتين الجهة الاولى هي أن يلعب كلاعب خامس في وسط الملعب في حال ارتداد الهجمة و الجهة الثانية أن يلعب مهاجما مع ياسر القحطاني في حال كان الهجمة للهلال |
انا أتوقع انه بيبدع هالكوري البطيئ لما يجون اهله لأني سمعت انهم بيجون بعد 40 يوم من جيته لرياض يالله معاد بقى شي < يتلكم عن نفسه خلصنا من موضوع سول :d الف مبروك لكل زعيم وزعيمه وطالب وطالبه على هذا الإنتصار على طاري الطلاب بكرهـ بيداومون اليوم الي هو بعد شوي ولا احد مقروشهم لا إتحادي ولا نصراوي ولا حتى اهلاوي لان النصراوي عطيناهـ إجازهـ :d والإتحادي مهو احسن حال من النصراوي :d والأهلي ما اتوقع بعد الفتح بيقول شي :d اما الشبابي قله المفرج وبيسكت :d الف الف مبروك وتسلم هاليدين جمهور الزعيم الله يعطيكم العافيه على الدعم الي قدمتوهـ طول المباراهـ مع انه كان يرفع ضغطي فيكم انكم تسكتون شويات وماتنلامون صراحه بس بعد القول حبيتكم واتمنى منكم انك ماتكتفون بهذا الدعم ولاكن باقي الدوري يا جـن الملاعب وبالتوفيق لزعيمنا شطحه الحين شلون يلعب الهلال الخميس مع الشباب والجمعه مع الوحدهـ :d ولا عشان عندنا ولي وعندهـ لياقه قالوا معليه وطنيه :d يعني شوفوا لنا حل يلي وعلمونا تسلم هاليدين الي شطحت علينا |
اولا ً الف مليون مبروك الكأس الغالية . ثانيا ً : وبكل صراحة سووووووووول ما في راسه كورة ابد - كأني مدرب - ترى ما يبلها مدرب ما شاء الله الجميع مدربين وبالنسبة لخروج الفريدي حتى لو كان متحرك كلنا يعرف الفريدي لاعب عصبي ويحب الكروت وقبل خروجه بقليل معطيه حكم المباراة كرت اصفر وعلى شان كذا المدرب مخرجه اما ليه ما هو ملعب الشلهوب ترى الف علامة استفهام على المدرب من هذه الناحية ؟؟؟؟؟؟؟ |
سول ما في راسه كوره حده يكون سواق تمنيت انه مدخل العنبر بدال السلحفاة سول وبصراحه كوزمين كانت تبديلاته غير موفقه والف شكر لك اختي ع الموضوع |
ياحب بعض جماهير الهلال للهم والنكد .. اللحين فريقكم محقق بطولة ما راح عليها ساعات وانتم مواضيع مالها داعي ولا هي من اختصاصكم مستكثرين كلمة مبرووك .. ؟؟ |
كان الاجدر ان يشارك الشلهوب مكان الفريدي و ليس الكوري البارد |
إقتباس:
|
إقتباس:
والموضوع له علاقة بمباراة اليوم..والف حمد وشكر..فرحنا وانشاءالله دووووووم فرحتنا بس ماكانت راح تكون هالفرحه... لولا الحظ ابتسم للمفرج..وقعنا في اخطاء كبيرة ولازم نتحاشها قريباً..والفوووووز جا متأخر جدّاً |
إقتباس:
و المفرج عريس الليلة.... نجي للتبديل.. توقعنا يطلع الفريدي يدخل العنبر ، الشلهوب<<< أبطال... غيره بس إلا هالكوري اللي ما يعرف يتحرك... من جد هذا الشخص عالة عالفريق مع انه مو من عادتي اني أقول على أجنبي من بداياته عاله بس أتوقع ان هذا ما عنده شيء يقدمه....ماخذ مكان عالفاضي..لو خلوا الفريدي أصرف... إقتباس:
وبعدين ما أتوقع ان المفرج منتظر شهاده منك... والجمهور الهلالي يحب الكيان الهلالي ويتمناله البطوله حتى لو لعب مين ماكان... يسلموووووووووووووووو الأميرة |
والله سيوووووول رافع ضغطي لو اني بالجوازات سويت له تأشيره ذهااااااب بلا عووووده |
اشكرك ع الموضوع فعلا الشلهوب افضل ولكن المشكله |
إقتباس:
بس في مباراة كرة قدم..مززززعجه ياااخي.. عموماً شرّفني مررووك |
الموضوع ماله داعي الهلال فايز الحمدلله الاعبين بذلوا جهدهم كانوا ماسكين اللعب اغلب المباره وش تبونهم يسووون مافيه توفيق كوره بالقائم من ويلي وضغط والحمدلله كانت المباره هلاليه انا اوافقك على ان سيول لايملك من الكره الا تاريخ فقط بارد وكوره مقطوعه هو والفريدي تقول يلعبون تمرين مو نهائي يرفعون الضغط اما بالنسبه للمفرج الفضلل لله ثم للزوري صاحب المجهود الخرافي بالجهه اليسرى وملك الخانه اليسار راوغ مدافع الشباب ووضعها على راس المفرج انت وضميرك يعني كوره سهله لو انزل سجلتها براسي ههههههه <<اخس ياسامي الجابر ماعلينا اهم شي البطوله هلاليه ترى كاس اسيا قرب فكروا بالقادم من البطولات واتركوا عنكم هذي المواضيع سيول سنصبر عليه لعيون ابو مساعد وفترة الانتقالات باقي عليها كثير وش الفايده من هالمواضيع الله يهدي صاحبة الموضوع اقدر لها خوفها على الهلال كلنا نوافقها الراي ولاكن ما باليد حيله اسف على الاطاله |
[FONT="Book Antiqua"]:مشكووووووووووووورين يالغوالي ع الردوووووووود:rose::ga::smilie47: وعلى مايبدو ان الأغلبية متفقين على فشل ((ســـــول)) مع الهلال...:alzaeem: أجل ياجماعه معقوووووووله احنا كلنا مانفهم كووووووووره؟؟؟!!!!!!!!!!!!!!!!!!!!!::to:to::to::to:[/FONT] |
اكيد اختي الاميره الزرقاء كلامك صحيح ويدل على عشق للهلال ولاكن ماباليد حيله لو الامر بيدي لاشوت سيول من النادي شوتت الكوره ههههههههههههه بس مانقدر نجيب لاعب الا بوقت الانتقالات ادري ان المباره مأثره فيكم حتى انا والله اتابعها وانا واقف وارتفع ضغطي وهذي حلاوت المباريات وكرة القدم اذا مافيه تعب ماتحس بطعم البطوله لاتنسوا ان الشباب بيقابلنا بعد خمسه ايام يسعى للثائر فكروووا بالقادم والدوري صعب جدا ويبي تفكير وشغل وتعب غريب الجمهور مبارة نصف النهائي الحظور اقوى من النهائي اغرب جمهور جمهور الهلال مزاجي |
إقتباس:
اليوم فزنا بصعووووووووووووبه..والله لايقدّر كان ممكن نخسرها صح؟؟ وسول مولازم نجيب غيره..يقعد بالأحتياط اذا هم يبون يحللون الدراهم ويقعدونه الين يقطن عشان مايرجع يستانس مع اهله..(*_~) وعندنا البديل الصويلح والمؤشر شاب متحمس وبيثبت نفسه والشلهووب فديتهوعندنا بدلاء كثيييير .زاهم شي هو مايلعب..يعني الحين ينقالكم (سول)مهاجم؟؟؟!!!! |
بسم الله الرحمن الرحيم يالغاليه الاميرة الزرقاء اتمنى اني اجاوب على اسألتك باللي اعرفه الفريدي لعب اليوم دور اجهاد حسن معاذ من بداية الشوط الاول وكان ينزل عند الزوري ويطلع يهجم حتى يتعب معاذ لان معاذ خطير عند المرمى وصاحب قدم قويه ونجح الفريدي بالمهمه حتى ان معاذ لم يسدد الا مره او ثنتين وبعدها انخفض المخزون اللياقي عند الفريدي وكان لابد انه يستبدله باي لاعب قوي في الاحتكاك لان معاذ يجيد الالعاب الخشنه علشان كذا يكون سول افضل من الشلهوب بالالتحامات . نرجع لسول كلنا نتذكر ويلي اول 4 مباريات وش كانت ردة الجمهور العظيم بالمنتدى والان انظري وش يكتبون عنه اتمنى اننا نصبر عليه . والان الحمد لله الهلال شبه متكامل ولا نحتاج لعيبه جدد علشان كذا نصبر عليه والاسيويه احس انه يبي يسوي شي واتمنى من الجمهور عدم تجريح الاعب في الملعب والله حتى الامير عبدالرحمن صايره في خاطره حركة الجمهور على سول . الطيران وما ادراك ما الطيران هذي اتمنى انها تكون من الممنوعات في الملعب لان ما فيها الا وجع الراس اسف على الاطاله واتمنى اني اكون وفقت بالاجابه |
إقتباس:
ثاني شي..ألحين _سول_صاحب احتكاكات؟؟؟؟!!!!!!..ياأخي انت حتى لو لاحضته وقت هدف المفرج هو كان خلفه..شفته كيف كان مسوي؟؟!!>>أتصوّر لو وصلت له الكوره كان رجعها للخلف.. يا أخي هذا آدمي بسوء تحركاته وبطئه وثقله..يقووووووووووول:لاتلعبوووووووووني..>>بس للأسف محد فاهم.. ثالث شي:الله لايقوله ..ويلي كان مثل سول..؟؟!! لامعليش..انا فعلاًكنت احد المعترضين على قيمة الصفقه..لكن لا والله الرجال أقلّها متحمس..يحاول..يذب كم كوره..لكن هذا لا والله قلتها وبقولها مارجيت ولا برجي منه خير.. |
لـــــــحـــــــــــــــــــظــــــــــــــــــــــــــــــــــــــــــــه/ ألــــــــــــــــحيـن لـــو ســــــــــــــــول لعب لأحد الأنديه الأوروبية..بنفس الطريقة هذي..تتوقعون بيخلونه يبقى معهم مثل مابقى معانا وفي مرحلة حسم زي المرحلة اللي قاعدين نمر فيها؟؟؟؟؟؟؟؟؟؟؟؟؟؟ بالكثير مبارتين يعطونه فرصه يتسنع فيها..ولاّيضف..هذا احتراف..يعني يتكيف بأي مكان واي زمان ..مو لعب عيال.. |
..لكن هذا لا والله قلتها وبقولها مارجيت ولا برجي منه خير..[/B][/COLOR][/QUOTE] طيب نتحمله على شان الامير عبدالرحمن بن مساعد ولا نقسي عليه |
والله المشكلة في راس الاعب في التمرين ما فيه احسن منه لكن في المباراة مادري وش يجيه |
إقتباس:
إقتباس:
الــــــــلــــــــــــــــــــــه يــــــــــــصلحك بــــــــــــس[/QUOTE] |
إقتباس:
ولاهو وقت النقد الان وقت الفرح وبعدها نلتفت وبالنسبه لسوول حدق ولا حرج ( لاعب الاعاده البطيئه ) اما النقطه الثانيه وهي اللي بجد تقهر يا زين التشجيع بالطبول ولا انك تتمنين شي ويكون فيه تعب ناس عشان يكون مدرج خيالي بالاهازيج وتتفاجئين ببشر تطالب الجماهير بعدم التعاون عشان تتابع المباراه عموما ماهو وقته الف الف مبروووك الفوز وان شاء الله الاداره تغير نظرتها في سوول |
أنا ارى بأنه الخطا الوحيد الذي وقع فيه المدرب كوزمين هو أخراج صناع اللعب ( التائب والفريدي) وإشراك سول الذي لا يفقه في الكره الا اسمها وكذلك الخثران الذي يميل الى النواحي الدفاعية أكثر من النواحي الهجومية مما قتل الهجمات الهلالية الى أن اتى الفرج من الله ثم من المفرج. |
| الوقت المعتمد في المنتدى بتوقيت جرينتش +3.
الوقت الان » 06:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd