صباح القشطة ,,

معلومة قبل أرد أنا مااتابع لا زد رصيدك ولا بداية ولا أكاديمية الشيطان(ستار اكاديمي) ,,
لكن شفت لقطات لهذا وهذا ,,

1- بليز لا أحد يقارن بين برنامج ديني وبرنامج سخيف كله قلت أدب في قلت أدب ,,

2- كل برنامج وكل قناة وكل موضوع بحياتنا له إيجابيات وسلبيات ,
>> إذا قناة بداية عندهم سلبيات مو معناها خلاص نلغي إيجابياتهم ,,
>> على الأقل ارحم من سلبيات القناة اللي يدعمها ولد ديرتي للأسف ومن خلالها تشوفون ستار القرف ,,
>> مايحتاج نذكر اسمه !! أشهر من نار على علم ,,

3- موضوع التقليد على قولتكم : ترى ستار اكاديمي منسوووووخ يعني الفكرة مو لهم ,,
أعتقد الفكرة أصلها فرنسي ومن بعدها طلعت كم بلد نفس النظام منها :
لبنان والهند وأظن المغرب وغيرهم ,,
>>و بالأساس فكرة التقليد والنسخ ترى أغلب البرامج الموجودة حالياً منسوووخة وإنتم أدرى !!
مو مهم من قلد الثاني المهم مين اللي يطرح فكر راقي ؟
مين اللي يقدم الخير على الشر بهذه البرامج ؟

4- والله العظيم افرح لما أشوف شباب يتابعوا قناة بداية وزد رصيدك وكنت بين فترة وفترة
ادخل موضوع عشقها هلالي وانبسط لما أشوف ردود الشباب,,
يمكن لأن البنات متعودة منهم هالأمور الحلوة
>>>> بتنضرب من الشباب ,,
لا والله جد هذا الواقع كثير أشوف بنات يتابعوا برامج دينية وهالقنوات بس شباب من اللي حولي مره قليل ,,
عشان كذا كنت افرح أحس الدنيا بخير ,, وادعي لهم ,,

5- اللي مصر يقارن أوكي يقارن بس أتمنى شيء واحد ,,
>> مقارنتكم تكون بكل شيء بكل شيء مثل ماتتكلموا بالسلبيات تكلموا بالإيجابيات ,,
وقتها مين أفضل من الثاني من البرنامجين ؟؟

6- خارج النص :
نصيحة اللي يحب برنامج أكاديمية الشيطان بقولكم على فكرة سويتها لنفسي
وتركت هالبرنامج وغيره من البرامج التعبانة ومنها الفيديو كليبات الحمد لله ,,
>> كل ماشفت البرنامج حاول تطلع السلبيات حاول تركز عليها ,,
بلحظة راح تستحقر نفسك إنك تتابع برنامج زي كذا كله تسدح وتبطح هع !!
وبتقول معقولة أضيع وقتي على شيء زي كذا ,,

وكمان قول بينك وبين نفسك اش مستفيد من متابعتي هما اللي بياخذوا الفلوس والشهرة وكل شيء
أنا اش حـ استفيد ؟؟
في برامج نفس النظام بس فايدها إنك تتعلم كم معلومة عن دينك وترفهه عن نفسك بالحلال
بس هذه البرامج اش فايدتها ؟؟

>> انا شفت هنا وشفت هنا بصراحة ستار أكاديمي ماخرجت منه بأي معلومة
بس قناة بداية رغم إن كم لقطه أشوف منها بس والله أوقات استفيد ,,
>> ماأنكر إن فيها سلبيات تقهر بس لاتنسوا :
ترى الدعم المادي اللي تحصل عليه قناة LBC أكثر بكثير من الدعم اللي يوصل قناة بداية
والبركة بولد ديرتي المذكور أعلاه !!

ترى لا مطوعة ولا يحزنون بس الحمد لله الحمد لله بطريقتي هذه تركت أمور كثيرة مثل هالنوع ,,
وعقبال بقية الأمور الخايسة ,,