المرأه والطفل الصغير .. يحسبان ( الرجل ) على كل شي قدير - صفحة رقم 2 - نادي الهلال السعودي - شبكة الزعيم

فديت السعوديه · #16 27/02/2009, 01:04 AM

صباح \ مساء الخير

الأطفال دائما يحبون القوي فتلاقيهم يتفاعلون مع افلام كرتون وغيرها

عشــان كذا اي شخص يحبونه ويحسون انه مسئول عنهم يبغونه اقوى واحسن واحد

حتى لو هالشي خيال ولد اخــوي اذا هاوشته يقول ترى ابوي يقـــدر يكسر بيتكم

بأصبعه

اما بنسبه للحــــريم فيعتــــــمد على شخصيتها فيه حريم انانيات واهم شي عندها

تواكب العالم بالطيب او بالغصب وتلاقي تشجيع من الغيــر

بالمقابل فيه حــريم ثقتها بنفسها اكــبر وتعيش على حسب حالتهم الأجتماعيه يعني

قنوعه

؟؟؟

وبعدالرجال بهم حقهم فيه رجـــــال طماعين وانانين يعني يقدرون يعيشون اسرهم بوضع احسن

بس كل شي عــــندهم وشوله وماله داعي ها النوعيه يستاهلـــون الي يجيهم

والله يقــــوي الحريم عليهم

لأنه بيموتون وبيخلون كل شي فليش الواحد

يبخل على نفســـــــــــــه ؟؟؟ اما الي مــــايقدر الله يرزقه بالمال والزوجه القنوعه

دمـــــــت كما تحب

سينمائي الزعيم · #17 27/02/2009, 01:27 AM

إقتباس

الرسالة الأصلية كتبت بواسطة الأميرةالزرقاء


	يآآآآآآآآآآآآآآآآآآآآآآآآآآآآآبعدهم ياشييييييييخ..أمس كنا نتكلم بهالموضوع بس مدري اي منتدى ؟؟الزعيم أو القناص والله انته خطيييييير..مشكوووووور وطروق يستاهل كل خير.. تحياتي لك ولكل جمهور الزعيم..تكفووووووون اللي يقدر يروح الملعب لايتردد..تكفوووووووون.. والله لو اني ولد مايردني إلاّ الموت.. بالتوفييييييييييييق

لا موقع الزعيم بس

فصلت علم ليبيا و بالنص رقم 14

موقع الزعيم و و النمر لعيون ابو الطل

عقد الياسمين · #18 27/02/2009, 01:37 AM

هـلا بك اخوي بو طلال ,

والله هالموضوع دايم افكر فيه

, والى هذا اليوم لا يوجد نتائج مُقنعة .. اذا استثنينا طبعاً ( الفلسفة )

..
الصدق أني ( يوم كنت صغيرة ) كنت من جد أحسب أبوي يقدر يحارب العالم بيد ويمسكني بيد ثانية

بس يوم كبرت و طحت على رجلي مرة - ادى هذا الى كسرها وتجبيرها لعدة شهور- جاء بابا يشيلني يوديني للسيارة لكن للأسف كان الموضوع أصعب من المتوقع

عرفت أن بابا ما عنده سالفة

يعني أنا وهي أنا ... وأنا وش ! كلي نتيفة صغيرة

ما يعرف يشيلني

المهم ..

من حق المرأة تشوف زوجها ( قوي ) ويقدر على كل شيء .. مثل ما الرجال يشوف أن المرأه المفروض تقدر على كل شيء ! أقصد هنا .. شغل البيت والحمل والإنجاب والتربية والــخ ..

و كل رجال يشوف مرته أو بنته أو أخته .. تقدر تعمل هالأشياء صح ولالا !!

عاد لا يسوون الرجال حالهم ( مُنصفين ) من هالناحية !!

مو علينا يا اخوي الصغير

اتمنى أن أكون قد انتصرت لبنات جنسي

بس عطوني جائزة الإنتصار تكفون

<<< متأثرة بـ حفل جوائز الأوسكار

يعطيك العافية أخوي الصغير ..

marsal · #19 27/02/2009, 01:49 AM

تبي الجد ان عنوان موضوعك رائع و لو تركت العنوان دون ان تكتب موضوع كان يكفي

معليش باستغل موضوعك وبدخل شوي جو سياسي

نفس هذا التفكير بتاع المراه والطفل الصغير هو تفكير الشعب بشكل عام يعتقدون ان الحكومه على كل شي قدير

سبب مقولتي ان كنت اقراء احد ما يطالب بالقضاء على ايران وقبلها بشهور بحرب اسرائيل وقبلها ب 5 سنوات بالتحالف مع العراق على امريكيا

وقبلها ب 8 سنوات بالتحالف مع طالبان على التخالف كامل

اتوقع ان اعضاء الحكومه يقرون مقالتنا ويقلون ان الشعب والمواطنين يعتقدون اننا على كل شي قدير

شاكر ومقدر

بركان أزرق · #20 27/02/2009, 03:27 AM

ماشاء الله عليك ابو طلال

على كثر هالمواضايع اللي تكتبها يحسبك الواحد

عاطل وعزوووبي

ما دروا انك

موظف وراعي بيت و طلال صار شااايب

ماشاء الله تبااارك الله

h_s y t_2008 · #21 27/02/2009, 05:09 AM

حيا الله أبو طلال

أنا أذكر الصغير يهايطون بإخوانهم فضلا عن أبوه عاد اللي يسمع بإخوه تقول الإنترتيكر وإلا حسام غالي

لكن ودي أعلق على المرأة

السؤال اللي ودي أسئله اللحين عند المجتمعات الغربية نفس الحكاية ?

من وجهة نظري
إذا كانت الحياة الزوجية تعتمد على التفاهم بين الزوجين وتقديرهم لبعض والإحترام المتبادل

وإذا الرجل والمرأة مقتنعين بالشئ هذا ولو تقول لهم هذا الكلام قالو:صحيح

ليش على أرض الواقع مايطبق الكلام ليش أدنى طلب يرفضه الزوج لظروفه يسبب خدش لعلاقتهم

ليش يعتبر الرجل إعطاء الزوجة حقوقها نوع من الضعف في شخصيته

كل هذا بسبب:][أنه الشخص مايملك إستقلالية لرأيه إن أي شخص يقدر يؤثر عليه كلمة توديه وكلمة تجيبه واللي يبي يرجع لرد الأخت "أحلاهم وأتحداهم" يعرف وش أقصد][

أبو طلال دايم مواضيعك ممتازة دايم مبدع "ماشاء الله تبارك الله"

تحياتي....

H_S Y T_2008

alhawey · #22 28/02/2009, 10:09 AM

هلا أبو طلال

ما راح أقول إلا واحد شي >> عبدالرحمن رحيمي

الله يرزقني زوجة تشوفني قادر على كل شيء، وعيال يشوفون أبوهم أقوى الناس..

اعتبرها ميزة كبيرة يحظى بها الرجل.

شكراً لك

خاص بالحيل: المشكله بالرجال اللي يخلفون المواعيد

صدى الامس · #23 01/03/2009, 12:05 PM

هلا ابو طلال ..

المشكلة مهيب بالبزر .. البزر تقول صغير وباتسر يكبر ويفهم !!
لكن المشكلة بالحرمة وشلون تفهم ؟؟!

.!

ومن الاساس من قالك تتزوج

.!!؟؟
ناس تطب بالنار همن تجيك تشتكي ههههههههههههههههه !!
ما اقول الا هذا جزاك ياللي تدور الشقى

.!!

AzYzZ · #24 04/03/2009, 07:25 PM

صدقت با أبو طلال والأولين ما خلو لتالين شي وهو مصداق لكلامك حيث قالوا
البزر والمره والأمير يحسبون الرجل على كل شىء قدبر

ملاحظة / خلك 0000000 ولايهمك مقص الرقيب

ابو طـــــلال · #25 04/03/2009, 09:00 PM

أحس إن موضوعي هذا سخيف ... ليتكم تقفلونه تكفون

كتبته بلحظه ( غضب ) هع هع هع >>> على قولة بعض الردود >> مهوب صدى الأمس

قفلوووه بس .. وش حنا بلى الحرمة والطفل الصغير ...

=====

ياويل تسبدي بس ياكوزمين ... وش جاهم هالنصراويين ؟؟ را ضعين مع إبليس لابارك الله بالردي فيهم

باسكن روبنز · #26 04/03/2009, 09:17 PM

اهلين ابو طلال

زين اني لحقت ارد قبل يتقفل الموضوع

ايه يحق للحرمة

على قولتك تتدلع على زوجها

اجل تبي الزوج هو الي يتدلع على زوجته

وبعدين هذا شي حلو ومعناه ان المرأة تشوف زوجها كل شي وانه يقدر يسوي اي شي

حتى الرجل يطلب من المراة اشياء فوق طاقتها حمل وولادة وتربية

ومذاكرة عيال وطبخ وتنظيف ويتدلع ومايبي من طبخ الخدامة

هذه غير ان كانت موظفة

من جد تعب << الي يسمعها يقول مجربة

تبي الجد كل واحد يتدلع على الثاني وهذه حلاوة الحياة

متآبعه بصمت · #27 04/03/2009, 09:51 PM

على الأقل المرأة عندها قلب [يرحـــم] ويرضى بأقل شيء

لكن الرجال .. ما أقول ألا الله يستر عليهم .

حتى ظلالي هلالي · #28 04/03/2009, 11:25 PM

إقتباس

الرسالة الأصلية كتبت بواسطة ابو طـــــلال


	أحس إن موضوعي هذا سخيف ... ليتكم تقفلونه تكفون

إقتباس

الرسالة الأصلية كتبت بواسطة ابو طـــــلال


	كتبته بلحظه ( غضب ) هع هع هع >>> على قولة بعض الردود >> مهوب صدى الأمس قفلوووه بس .. وش حنا بلى الحرمة والطفل الصغير ...

ابو طلال يا شين مواضيع لحظه الغضب ذي

واسألني عنها

تسجل بتاريخكـ وتحسب عليكـ وأنت داج فيها << اقعدي بس انتي والتاريخ

إقتباس

الرسالة الأصلية كتبت بواسطة ابو طـــــلال


	ياويل تسبدي بس ياكوزمين ... وش جاهم هالنصراويين ؟؟ را ضعين مع إبليس لابارك الله بالردي فيهم

كوزمين

لاتقلب المواجع يابو طلال

نجي بنوسع صدرونا هنا شوي ونبعد عن الجمهور

عطني واحد منهم مب ردي اصلا

ما اقول إلا يكرم ابليس عندهم

الله يسامحكـ

يوم اني رديت على موضوعكـ بتقفلهـ