26/02/2009, 07:18 PM
|
| زعيــم مميــز | | تاريخ التسجيل: 19/01/2007 المكان: غربـة
مشاركات: 2,040
| |
|
مين يوديني لـ ( كوسوفــا ) .. عند صـــديــــقــتــي .. !
بسم الله الرحمن الرحيم السلام عليكم ورحمة الله وبركاته ,  صـبــ مسـاء الخير ـــاح    كنت أسمع واقرأ من زمان .. للمفكرين والعلماء أقوالهم عن الإسلام والمسلمين .. وسمعتهم يقولون ( وجدنا الإسلام في الغرب ولم نجد المسلمين , ووجدنا المسلمين في الشرق ولم نجد الإسلام ! ) ما كنت مصدقة 100% الى أن تأكدت أخيراً من صحتها ! ولكم هالقصة اللي حدثت لي .. بتخليكم تستغربون وتقولون ( وش هالإسلام اللي نعرفه ) ( وش هالنعمة اللي عايشين فيها ومب حاسين )! (( قصـتي )) كنت جالسة ع المسنجر , واسولف مع وحدة من البنات .. فـ سألتني ( تلعبين بلياردو ؟ ) قصدها ع النت , قلت لها ( لا والله .. اذا عندك موقع عطيني رابطه يمكن يعجبني واسلي نفسي فيه ) فـ عطتني الرابط جزاها الله خير , واكيد الكل يعرفه Gamezer دخلت وسجلت اسمي بالإنكليزي -احسب أنه بس بالإنكليزي - ودخلت ... قلت يالله بشوف واستكشف هالموقع , يوم دخلت الا ماشاءالله يا كثر الـ room's بالعربي ينطقونها "رومات "  . المهم .. استكشفت اللعبة ولعبتها مع الكمبيوتر .. تعرفون أخاف اتفشل اذا لعبتها مع احد ثم يطيح وجهي .. وهكذا استمرت الأيام وانا مطنشة هاللعبة , الين ماجاء ذاك اليوم الي كان الطفش فيه واصل حده ! قلت يا بنت ادخلي البلياردو .. فـ دخلت , وكنت فاضية ولا وراي شيء .. طبعاً تعرفون لما تجيك دعوات للعب , فـ كانت تجيني دعوات للعب والمشكلة أني ما أعرف العب .. ولعبت مع ناس من الوطن العربي و البرتغال ومن امريكا ومن المانيا .. قسم ان وجهي طاح وقلت بلاش يا بنت هالمصخرة احس اني فشلت السعودية .. كنت أقول لنفسي ( والله يا احنا فاشلين بكل شيء وحتى باللعب فاشلين ) المهم .. يجيك ذاك البرتغالي يكتب لي كلام ما افهمه !! قمت كتبت له ( تعرف انكليزي ؟ ) ما رد علي وطلع !! بغيت اعطيه بوكس على وجهه من القهر ! المهم جتني بالأخير دعوة النيك نيم بالإنكليزي , وعدد نقاطه فوق الـ 100 ومدري كم , أنا قلت يا حبيبي .. !! اللحين يبي العب معه عز الله فزت ! قلت يالله يا بنت جربي وش بتخسرين اللحين .. وأنا اقبل الدعوة ونبدأ اللعب .. , طبعاً كالعادة لعب يفشل .. أهلي لو شافوا لعبي بيتبرون مني على طووول ! , المهم البنت -الي تلعب معي- حست اني مــاااااااش .. قامت كتبت بالإنكليزي طبعاً "السلام عليكم " , أنا وقتها انصدمت! رديت عليها السلام , وكملنا اللعب .. شوي شوي بدينا نسولف اشياء عن اللعبة , وأنا بالي مشغول ( شلون قالت لي السلام عليكم ... هي تجامل يوم شافت بلدي السعودية ولا ايش بالضبط ؟ ) وأنا الى الآن ما أعرف هي من أي بلد .. فـ سألتها ( أنتي من وين ؟ ) قالت ( من كوسوفا ) , , أنا هنا عرفت السر .. وكملت هي وقالت ( أنا مسلمة والحمدلله ) , قلت يالله فرصة اني أتعرف عليها فـ عطتني ايميلها واضفتها ع المسنجر .. وصرنا ( أصحاب ) ع قولة أخوانا المصريين ... في صحبتي - القصيرة الأمد - معها عرفت أشياء كثيرة جداً , وعرفت قد ايش احنا عايشين بعالم غريب - قد لا يمت للدين بصلة - ! مثلاً .. :: * مرة من المرات وكـ عادة الكثيرين دخلت عليها بالمسنجر وقلت "Hi"  , أما هي ردت علي وقالت "السلام عليكم ورحمة الله وبركاته " .. عبارتها هذي خلتني أضحك على نفسي من جد! * كل ما قالت شيء أتبعته بـ "ماشاءالله " مب مثل ناس عندنا يقولون "يااااااي ..واااااو " بدون ما يقولون ماشاءالله ! وكل ما قالت انها بتسوي حاجة تقول "إن شاءالله " مو مثل بعض الربع يقولون "اييييه أكيد أني بسوي كذا "! واثق الأخ ! لا وعندنا ناس ما يقولون غير "كفـو .. تسلم " - وأنا منهم طبعاً - أما هي ما تقول غير "بارك الله فيك "! ولا تقولون لي أنها تقول كذا لأن هذي هي الكلمات المتعارف عليها في الدين أو باللغة العربية , هي تقدر تقول "Nice, Cute,good" لأن احنا اصلاً نتكلم بالإنكليزي ! * من الأشياء الجميلة أنها ما تعرف اللغة العربية , لكن تقرأ القرآن وبالتجويد .. وهذا يعني أنها متمكنة من القراءة , وهي بنفسها قالت أنها تعرف تقرأ عربي بس ما تعرف اللغة , قلت لها خلاص اجل بغير الـ Topic عشانك .. فـ ضحكت وغيرته والله عشانها وحطيته My Dream is success  * قالت لي أن عندهم "مُحدث " وهي تدرس على يده الدين , وقالت أنها تطمح الى التفقه أكثر بالدين . * تقول أنها حجت سنة 2004 وأنها تتمنى زيارة الحرمين الشريفين في أقرب فرصة , حتى أنها سألتني كيف ممكن تطلع إقامة .. * قالت أنها تتمنى العيش بالسعودية , وهذا أكثر شيء لفت نظري .. في البداية حسبتها تلمح عشان أطلع لها فيزا و أجيبها السعودية , لكن بعد كذا شعرت بقوة رغبتها في العيش في السعودية حتى أنها قامت تسألني عن طريقة حياتنا .. شعرت أننا بنعمة كبيرة جداً يتمناها الآخرين , فـ هي جلست تشتكي لي من تعامل الناس مع المسلمين , وخصوصاً لما كانت عايشة في اوروبا وبعد احداث سبتمبر بالذات , صاروا المسلمين منبوذين وهي ما حست بالآمان والراحة غير في بلاد الحرمين. ( الله يديم هالنعمة علينا يا رب ) من الطريف .. أني قلت لها " صعب أنك تتأقلمين مع المجتمع السعودي , لأنه ثقافة مختلفة تماماً عنكم " قالت لي " اولاً احنا مسلمين , وثانياً ليش صعبة .. لا تنسين أن بلال الحبشي و سلمان الفارسي صاروا أخوان للصحابة " جاني الضحك صراحة .. هي شايفة الموضوع سهل وعلى بالها أن هالزمن زي زمن رسول الله صلى الله عليه وسلم . في هذا النموذج من المرأة المسلمة , عرفت كيف يكون الدين ( معاملة ) !! من يوديني لـ كوسوفا ؟!
اخر تعديل كان بواسطة » عقد الياسمين في يوم » 27/02/2009 عند الساعة » 01:26 AM |
الوضع الشجري
