زوجة أبي ضربتني ,, - نادي الهلال السعودي - شبكة الزعيم

امبراطورة الامارات · #1 06/04/2009, 01:29 PM

السلام عليكم و رحمة الله و بركاته

محمد بن زايد يزور طفلة عذبتها زوجة أبيها

محمد بن زايد وكريمته شما يزوران الطفلة في مستشفى المفرق. وام

أكد الفريق أول سمو الشيخ محمد بن زايد آل نهيان ولي عهد أبوظبي نائب القائد الأعلى للقوات المسلحة أن «مجتمع الإمارات بما يحمله من قيم ومبادئ عريقة ومتوارثة مستمدة من الشريعة السمحاء هو مجتمع مترابط أسرياً يعطف على الصغير ويحترم الكبير ويعطي للطفولة حقوقها وللإنسانية عزتها». وكان سموه زار طفلة مواطنة في مستشفى «المفرق» تبلغ من العمر تسع سنوات، تعرضت لمعاملة سيئة على يد زوجة أبيها المواطنة، مصطحباً معه كريمته الشيخة شما بنت محمد بن زايد آل نهيان للاطمئنان على حالتها الصحية، وطالب سموه بتوفير أقصى درجات الرعاية الطبية لها من جراء آثار التعذيب التي تعرضت لها في أنحاء جسدها النحيل كافة. وأضاف سموه أن «السلوك الشاذ الذي لا يمت بصلة إلى مجتمعنا وعاداتنا وتقاليدنا الأصيلة والخارج عن كل الشرائع السماوية التي أنزلها الله سبحانه وتعالى وكل القوانين الوضعية التي وضعها الإنسان هو سلوك دخيل يجب علينا التصدي له».

وعبر سموه عن اعتزازه وتقديره للأجهزة الأمنية كافة ليقظتها وسهرها على توفير الأمن بأشكاله كافة للمجتمع.

http://www.alittihad.co.ae/index.php

أين الرحمة في قلوب هؤلاء ؟؟!!

انها طفلة بريئه لا ذنب لها مالذي جنتها ؟؟!!

أين والدها عنها ؟؟!!

أتمنى من كل شخص يقرى موضوعي ,, ان يوجه كلمة مثل هالزوجات
اللي ما ترجم عيال زوجها من زوجه ثانيه ..
و كلمة للأب الذي لهى عن بيته و رعيته ..
و سيسئل عنهم يوم القيامه

همسة لزوجة الاب : يمينك نوت بالشر و خنجرك عيا ,, غريبه كيف يرجمني جماد,,و انت ما ترحم ؟؟!!

الراوية الأزرق · #2 06/04/2009, 02:03 PM

هاذي والله مشكلة العنف الأسري منذ الصغر يؤدي الى الأضطراب النفسي وتفكك في المجتمع وهنا المصيبة

ياما نحصل مثل تلك الحالات في مجتمعنا بدون علاج

تشكررراتي لك

بريماكس · #3 06/04/2009, 02:04 PM

حياااااك الامبراطوره

...لاحول ولاقوة الا بالله .. الله يكون بعون هالطفله الصغيره .. شذنبه طيب ؟؟؟؟

بيض الله وجهه خالي

ابوخالد محمد بن زايد ( قلب )

ياحظكم فيه يادلع وياالامبراطوره .. الله يحفظه يااارب .. شخصيه محبووبه من الجميع الله يحفظه ..اوجه كلمتي للزوجات اللي مثل هذي ان تتقي الله في ما تعمل .. وان تتخيل ان ابنته يعمل به كهذا .. هل ترضى ؟ ؟؟؟مشكوره يالامبراطوره وحيااااااااااااااااااج الله ،،،

إقتباس


	يمينك نوت بالشر و خنجرك عيا ,, غريبه كيف يرجمني جماد,,و انت ما ترحم ؟؟!!

مواصل يالغلااا

dal3_uae · #4 06/04/2009, 02:08 PM

إقتباس


	يمينك نوت بالشر و خنجرك عيا ,, غريبه كيف يرجمني جماد,, و انت ما ترحم ؟؟!!

ياني اموت بهالابيات ... مالت مواصل ما ادري المشاغب >> المهم واحد منهم ..

::

بالنسبة لهالقضية ... شفته في اخبار الامارات في قناة دبي واخبار علوم الدار ...

صراحه كسرت خاطريه هالبنت ...

محد يدري عنها ابدااا ... اصلا ما عندها اهل يمكن غير ابوها ...

الله يسامح هالزوجه الثانية ... لازم اتكون ام رحومه على عيال ريلها

المفروض عيال ريلها يكونون شرات عيالها ..

بس شكلها هالزوجه مالها عيال فما تعرف معنى الامومة ...

بس ما عليه يوم لك ويوم عليك
باجر بيون عيالها ... وبيسوون نفس اللي سوت حق هالبنت الله يشفيها

بصراحه ناس متخلفه شوي .. اكيد انها مريضة هالحرمة ...

::

الله يقومها بالسلامة يا رب ..

والله يخلي بو خالد اللي حرص على رعايتها ..

ومشكورة امبراطورة الامارات على هالموضوع اللي تنبهين الجميع فيه ...

هلالي من ارض اليمن · #5 06/04/2009, 03:22 PM

يبدو ان هذه الصفحة مخصصة للأخوة من دولة الامارات الشقيقة

سأكتفي بالقول : ان يميني نوت بالشر .. وقلت لها : عيب .. استحي يا قليلة الأدب

مع كل الأحترام والتقدير لحبيب البر والجمر والشاص

امبراطورة الامارات لا يسعنى القول لتلك الزوجة سوى : ايش تركتي لأبليس !!

يعطيك العافية ،،،

Hictar · #6 06/04/2009, 03:25 PM

حياج الله إمبراطورة
وينج من زمان عنج
حتى ربيعتج دلع غايبه ، ويت معاج

نشف حلقي من كثر ما نطقت ( حرف الجيم )

بريمكاس
دلع
إمبراطورة
طارق
ترا البيت أصبح حصري

حمد الاحبابي · #7 06/04/2009, 04:16 PM

عرفت الخبر اليوم من الولدة وبصراحة خبر يهز المجتمع

والله يكثر خير ولى العهد

hilali-arsenali · #8 06/04/2009, 04:35 PM

عندما تتجسد قسوة القلب في صورة امرأه
حسبي الله عليها
اسأل الله ان يحرمها اطرافها انتقاما لتلك الصغيره

dal3_uae · #9 06/04/2009, 05:38 PM

يبدو أن الموضوع سينلقب إلى شات >>>> القاضيه على غفلة

إقتباس

الرسالة الأصلية كتبت بواسطة هلالي من ارض اليمن


	يبدو ان هذه الصفحة مخصصة للأخوة من دولة الامارات الشقيقة

أفااا ليش ..؟؟

أنا متأكده تمام التأكد >> شلت راضيه وحطت متأكده

المهم متأكده انه الامبراطورة ما حطت هالموضوع الا عشان الكل يشارك فيه ...
مب بس الاماراتيين ...
لأنه الموضوع مب بس موضوع الشيخ محمد بن زايد ... الموضوع عن زوجة الاب >> صح امبراطورة

يزيدنا شرف يا ابن اليمن بردودك في المواضيع الاماراتيه او السعودي او الكويتيه او حتى الامريكيه

إقتباس

الرسالة الأصلية كتبت بواسطة مواصل من عام 1413هـ


	حياج الله إمبراطورة وينج من زمان عنج حتى ربيعتج دلع غايبه ، ويت معاج نشف حلقي من كثر ما نطقت ( حرف الجيم ) بريمكاس دلع إمبراطورة طارق ترا البيت أصبح حصري

أنا مب غايبه .. نص نص

ظروف وانا اختك

الله يعين بس

بعدين كيف حصري ما فهمت ..؟؟
يعني ما تبانى نقتبسه وله كيف ..؟؟
بعدين شسمه

عندك القصيده كامله ..؟؟ وله بس هالبيت ؟؟

اخاف ارمس عن حرف ( ج ) والموضوع صدق ينقلب جات

::

بريماكس

إقتباس


	ياحظكم فيه يادلع وياالامبراطوره .. الله يحفظه يااارب .. شخصيه محبووبه من الجميع الله يحفظه

>>>>>>>>>> لا تخاف مو لك

>> عن تنصدم

>>>اسلفك قلب

؟؟
ليش صاير بخيل وما تحط قلب عند اسم محمد بن زايد

::

عذرااا يااا امبراطورة ع المداخله ... رغم الشغل اللي واصل لين فوق راسي .. وما عندي وقت ..
لكن شسوي اللي فوقي جبروني اني ارد عليهم

بعدين انا امون صح ..؟؟

السموحه منج

ســعــود · #10 06/04/2009, 06:19 PM

الله يلعنها

لا تجووني وتقولولي حراام اللعن

وربي اللعن قليله فى حقها حيوانه

اشكرك اختي على النقل اللى مايسر

ريكيلمي · #11 06/04/2009, 07:06 PM

المسألة هذي كثرت في السنة الأخيرة بشكل لا يصدق

الواحد المفروض يحمد رب العالمين ان رزقه طفل

ناس كثير يتمنون الأطفال و ما كتب الله لهم

ما أدري متى يفهمون بعض الناس أن الأطفال أمانة في أعناقهم

زعيم عرعر T · #12 06/04/2009, 07:22 PM

يالله حي أهل الامارات

اما بالنسبة لطفلة

والله حرام عليها زوجة ابوها ياخي وين الرحمة

طفلة صغيره مثل هاذي وش ذنبها ؟

لاحول ولاقوة الا بالله

ألف شكر اختي

غلاهم وماخذه حلاهم · #13 06/04/2009, 07:41 PM

ياربيه ماأدري كيف يقوى قلبها على كذا

طفله هي مالها ذنب والله مهما كانت حتى لو كانت بنت زوجك

بس الشرهه على زوجها مدام عارف أنو زوجته تطق بنته لاتقولون شدراه أثار الضرب تبان وخاصه انها دخلت المستشفى

بس بعض الاحيان يكون الاب مسحور

وأنا وحده من صاحباتي تعرف وحده تطلقت بسبب السحر وتزوج وحده غيرها مو حب فيها من السحر وتطق عياله قدامه لين ماصار واحد منهم مجنون

من كثر ماطقته

والزوجه مفروض يسون فيها زي ماسوت للبنت العين بالعين والسن بالسن والبادي أظلم
الرحمه غيرزه في الانسان بس هاذي والله أعلم حيوان بهيئة انسان حتى الحيوان والله يرحم أكثر منها ومن اشكالها

هاذي الساعه المباركه الي جمع أهل الأمارت بهالموضوع

الســفيرة · #14 06/04/2009, 07:42 PM

يالله كيف قلبها يقدر يقسى كذا

وش راح تخسر لو عاملتهم معامله عيالها ؟؟بالعكس بتاخذ اجر وخاصة اذا كانو ايتام

واجد قصص نسمعها ونشوفها حولنا من حريم ربو عيال ازواجهم زي عيالهم ،، لما كبرو بروهم اكثر من عيالهم

حسبي الله ونعم الوكيل والله يجازيها على فعلتها

Msh3al_37 · #15 07/04/2009, 09:24 AM

عندكم وعندنا خير.. ياما سمعنا قصص هنا بالرياض عن انتهاك حقوق الطفل من الزوجه الثانيه والأب