25/02/2009, 08:27 AM
|
| زعيــم فعــال | | تاريخ التسجيل: 13/04/2007
مشاركات: 447
| |
| عندي، أتمنى احتراف أي لاعب سعودي، وهي مو صعبة لكن لعيبتنا يهايطون هم وأنديتهم (واحد يكسب ملايين وعند أهله، وشهو له يروح برا!) لكن ياسر وأمثاله الأمل فيهم كبير لأن احتمال بروزهم في ذيك الدوريات أكبر.
المشكلة أنك لا جيت تشاور الجمهور بيقول لك لا. لي سنتين في المنتدى وكل ما جاء طاري عرض الحجة هي هي "ذا وقته؟ بعد الآسيوية يحلها ألف حلال" وبصراحة ذيك الفترة كانت ترفع ضغطي سالفة الآسيوية ذي لأننا كنا نخادع أنفسنا ونماطل عشان ما يروح، بالضبط مثل ما هو صاير بسالفة المفرج والبلطان، جايك واحد توه معطل: ياخذون المفرج (اللي كل الجمهور كان ناقم عليه!) بشرط يعطوننا حسن معاذ أو شهيل!
حالياً، ما راح أتحسف إذا ما راح ياسر في حال قدر الهلال يوصل لكاس العالم للأندية، أما إذا الطموح كاس أمير وولي عهد ودوري، وفرق مثل أبها والرائد والفتح ورفحا بدون أي طموح حقيقي، فلا بصراحة ... يروح أحسن له!
وللي يقول وشهو بوخارست، يا أخي رادوي جايك من ضمك؟ ستيوا ذا يلعب على أبطال أوروبا قدام فرق فرق، مو صبهان وأم صلال وباختكور هاللي بزعمكم ما تقدرون تهزمونهم بدون ياسر!
عموماً، النادي في قمة عطاءه هالفترة، لكن لازم نعطي فرصة للوجوه الجديدة، عندنا العنبر والصويلح، ولو أنهم لا يقارنون بياسر، لكن إبقاؤهم معلقين في دكة الاحتياط، لا يلعبون ولا يروحون لأندية ثانية (بس كذا لعانة!) ما راح يفيد النادي، وبنحصل أنفسنا بفترة بعد ما يروحون المحترفين وبعد ما يعتزلون اللعيبة اللي عندنا نقول: وش هالورطة!
لكن إن بدينا نحسبها صح ونترك عننا العواطف، مثل لما عطينا الفرصة للفريدي عشان يبرز وما غيبناه من أجل الشلهوب، حصلنا أن عندنا جوهرة في طور التكوين.
عموماً، الله يكتب اللي فيه الخير وبالتوفيق للزعيم. |
الوضع المتطور
