نادي الهلال السعودي - شبكة الزعيم - الموقع الرسمي - نصراوي يحب خشم هلالي + شيء أول مرة يحدث لرئيس الهلال + نقاط ضعف الشباب

السلام عليكم << ردو السلام ياأخوان السلام سنة ورده واجب :yes:

الله يوفق الهلال يوم الجمعة يارب
والشباب فريق قوي بس ضعيف << كيف صارت :d

المهم
فريق الشباب قوي بالأطراف ضعيف بالعمق الدفاعي
قوي بالوسط مع هبوط حاد في مستوى عبده عطيف
واجيد بالمحورين
هجومه ضعيف بوجود عجب الغير مقنع والشمراني اللي هابط مستواه

بإختصار أتمنى من كوزمين وهو العارف ان يتم الضغط على مستوطي الدفاع الشبابي
لان صديق لاعب ضعيف مقابل المهارة ويستخدم العنف
أما القاضي فهو ضعيف جدا جدا في الكرات العالية والرقابة اللصيقة

اما الوسط

عطيف يعاني من هبوط المستوى
اما كماتشو فيفقد قوته عند الرقابة اللصيقة

وكوزمين سيد العارفين وان شاءالله يتوفق بالتشكيلة

وان شاءالله الفوز هلالي

’’

موضوع الأمير عبدالرحمن بن مساعد

والذي اتمنى من الجمهور الهلالي
ومن لاعبين الهلال بالأخص
تقدير هذا الأمر
وتقديم البطولة هدية بسيطة للأمير الغالي

الأمر الجديد على شبيه الريح هو
هو
هو
هو

يعتبر هذا النهائي أول نهائي للأمير عبدالرحمن بن مساعد منذ توليه رئاسة الهلال

وأتمنى من كل قلبي ان تزُف الجماهير الهلالية الكأس الغالية الى أميرها الغالي
فجمهور الهلال قادر على مواصلة الهدير والتشجيع بحماس منقطع النظير
وجمهور الهلال يعتبر الرقم الصعب في بطولات الهلال القادمة
ولاعبي الهلال قادرون على تقديم الفوز هية للأمير الغالي
وهذا أقل مايًقدم لسموه
فدعمه الكبير والعطاء السخي من سموه يحتاج من الجميع التضحية وبذل الغالي والنفيس
لتقديم هذه البطولة هدية للأمير عبدالرحمن بن مساعد

’’,,,’’

نجي لسالفة النصراوي اللي حب خشمي :d

ياجماعة الربع شوفو بقولكم شي << يابن الحلال استخدم كلمة إسمعو مو شوفو :to:

اقولكم اسمعوني كلبوكم <<< كلبوكم ياقدم الكلمة :d

<< هذا العضو فريقه كسر راس ناس تحب الهياط :d

لذلك انا مبسوط جيد جدا وممتاز وباقي إختبار القياس << بينجلد لانه ذكّر البعض هع هع هع

الحمدلله عدت المباراة على خير

ماهو خوف من الخسارة لاوالله
بس لان النصر فريق يدبل التسبد
اذا فزنا إزعاج
واذا فازو إزعاج
واذا تعادل او ي شي
إزعاج

وانا رجال << قل والله :ap:

عاد اقولكم انا رجال احب اتابع كورة سنعة
فزنا مبروك
خسرنا نفكر بالقادم
لكن فريق شاي الربيع وشاي لبتون يدبلون التسبد << مكرر :d

لكن يوم فزنا نبي ننبسط لبرهة << سامعها من عايض القرني :laugh:

وترا الفوز على النصر ماهو فوز وبس
انما << هذي من سلمان العودة :d
انما تهجيد للهياط والطهبلة والبربسة أو البربرة << إختر إحداهما وترا الفرق حرف :razz:

على طاري مانشستر والإنتر << ابوووها الإنبراشات كلها ياشيخ :bx:

يقولون سامي دخل على الحكام وعطاهم شيك

وعلى طاري سامي بقولكم سالفتي انا ونصراوي بأحد الكوفيهات الشوبات << مرحوم يامن علمك اللغة العربية

تراها قصة طويلة شوي
يعني الفاضي يقراها واللي مشغول لايقراها

المهم

انا أتابع مباراة النصر والإتحاد
وجنبي نصراوي
ويسولف ويسولف << والله ياهم راعين بربرة مادري وش قصتهم

المهم الأخ ساعة يهذر
والمباراة حامية
سألني قال وش تشجع
قلت فريق النواعير << من الإسم واضح انه إسم فصيل بالجيش :d
المهم قلت ماشجع أي فريق سعودي
قال أكيد نصراوي قلت وش معنى قال لأن النصر عالمي << المشكلة انه يقولها وهو مقتنع بكلامه :bigeek:
قلت انت ياإنت داج يإني انا داج والإحتمال الأول هو الوارد على حسب تقرير منظمة الصحة العالمية
قال أجل وشو
قلت ولاشي
المهم هالنصراوي حجر لي وجلس يحلفني وش أشجع
قلت ياليل الصدمات
الحين أقوله وش أشجع يقوم يهرب من الكوفي شوب :fs:
وانا ماهمني يهرب والا لا
انا همني الحساب << مايبي يحاسب :d
المهم قلتله هلالي
قال إحلف قلت إحلف قال لا صدق إحلف قلت صدق إحلف
قال بالله هلالي قلت إيه
والله وقتها شوي والا يجلس بحضني قلت اكيد الأخ فاقد حنان وعبير وريم :cb:
المهم جلس بحضني وقال من أفضل ماجد والا سامي
قلت كح كح كح كح كح كح كح صديق جيب هوا << مايعرف يمثل :d
قلت انتم للحينكم على هالموضوع
قال بالله وتالله لتجوابن ياهذا
قلت أخس ياعكرمة بن طليفحان << امش هذا والله الإسم :laugh:
قلت يالغالي
هذا له وقت وهذا له وقت
هذا له عصر وهذاك له مغرب قصدي عصر
وكل واحد له إنجازات
قال لا بالله قل الحقيقة
قلت الحقيقة ان المباراة انتهت وفاز الإتحاد
قال ماعلي من المباراة والخسارة
أهم شي قلي من أفضل
قلت ياإبني << هذي من القرني
قلت يابعدي ابي اروح وراي الدوري الياباني :smilie47: << قديييييييييييييييييييم
قال لاوالله ماتروح لين تقول
عاد انا كإنسان هلالي وفاهم وأستبق الأحداث
قلت بقلبي ان قلتله سامي أفضل بيصجني ويحاول يهدني إلى الصراط المستقبم
قلت ياولد قله ماجد وفك عمرك
انا قلت ماجد أفضل الا وانا ماشوفني
ويني ويني ويني مالقيتني
واناديني واناديني وقلت صديق صوت لي مادري ويني
الا طلع الرجال يده فوق راسي واليد الثانية من ورا راسي وقرب يحب خشمي
قال والله انك كفووو قلت قل والله :bigeek:
ويصافحني ويشكرني
قلت الله ياسامي أثريك مسوي أزمة :d
قال والله إنك عقلاني وأخلاقك سعودية << هذي من من من اممم من أوباما ( صرف عمرك لايدق علينا )
المهم قال عطني إيميلك
قلت ينهار إسوِد
قلت ماعندي<< أحسن كذبة بالتاريخ
قال وش دعوة تراني ماني هكر
قلت يارجال انت أخطر من الهكر
بكرا على المسن كل دقيقة تسألني عن ماجد وسامي
مافي إيميل
قال طيب وين ألقاك قلت أنا ماني لاقيني << قلبها شاعر المليون :d
المهم قال انه يدخل منتدى العالمية بشبكة الزعيم
قلت له انا هناك بعد قال خلاص حط إيميلك شان أضيفك
قلت ياإبني << هذي قلنا من القرني خخخخ
قلت له انا ماعطيتك هنا أروح أكتبه بالشبكة
قلت عموما الشبكة ممنوع تحط إيميلك
قال ليش قلت عشان ماتضيفون أعضاءنا وتسألونهم عن ماجد وسامي :d
قلت صديق كم الحساب قال النصراوي علي الحساب
قلت يابن الحلال << يدينه على راسه مو ناوي يدفع :d
قال لاوالله انت قلت حقيقة للتاريخ
قلت يلعن ام الفلة ياحسام وش رايك كل يوم تجي لمقهى وأقولك ان ماجد أحسن من سامي وتدفع الحساب :d
قال وش تقول قلت لا قهر ماجد ماسجل هدف اليوم .
طلعت من المقهى قبل تطلع روحي :d

توته توته خلصت الحتوتة

بعد هالقصة الطويلة ياشباب نبي نركز على النهائي ونترك النصر بحاله

إدعمو لاعبينكم بس لاتعورونهم :d

شجعوهم وآزروهم وساندوهم
وان شاءالله الفوز هلالي
متى ماكنا على قلب واحد وبعد توفيق الله
بإذن الله الفوز هلالي
وان شاءالله نفرح سوياً
وان شاءالله نفلل ملعب الملك فهد كالعادة
وان شاءالله هدير الموج الأزرق يكون مُرعبا للخصم