|
عطني حظ الزعيم ورمني بالبحر نعم هذا هو كلامهم عند كل هزيمه يدخلون ويبربرون الهلال خدمه الحظ والهلال فريق تحكيم و و و و الخ استغرب الحظ ست سنين ودايم واقف معنا ضدكم لو على قولتكم ان الحظ خدمنا كان هجمة ياسر اليوم صارت قول او المفروض ان الشوط الاول مخلصينه بثنين على الاقل وتقولون الحظ ليش ماتعترفون ان الهلال افضل من فريقكم ليش تبحثون عن اعذار واهيه عند كل هزيمه قبل كنتم تقولون ان النصر ليس بمستواه ولا كان وقف الزعيم عند حده وخسرتو وبعد التعاقدات مع عناصرجديده اجانب قلتم راح ندق خشوم الهلال وخسرتو وبعد الهزيمه قلتو لو دخلو محترفين الجددمن بداية المباراه لهزمنا الزعيم وخسرتو وبعد ان هزمتو الاتحاد جن جنوننكم توقعتو ان الزعيم مثل الاتحاد سوف يخسر من فريقكم البطل برغم ان حتى فوزكم على الاتحاد بصعوبه ليش ماقلتو انكم فزتو بالحظ كما فزتو على الفيحا بصعوبه وهو فريق الدرجه الثانيه لاعبنا شوط ونص ونحن ناقصين ومع هذا سيطرنا على المباراه يمكن فريقكم ماضغط غير اخرعشرين دقيقه ومع هذا فاز الزعيم لاتنكرون وتكابرون على نفسكم الزعيم يبقى زعيم في كل حالاته ومايهزم الا الزعيم نفسه والحمدالله على الفوز مقتطفات الديربي 1_والله ان زغبي ماكذبت وانا اشهد انه صادقه بكل شي قالته كفو كفو ياجماهير الزعيم والله اني حقدت على المخرج ماجاب المدرج كامل كان يجيب نصه ويقطع الصوره ابيها يكمل للاخير ابي استمتع بالموج الازرق وياليت من عنده صور للجمهور يحطها هنا وبذات حركة الامواج المكسيكيه 2_التائب عيني عليك بارده بهذلتهم سحبتهم وهذا اوانت راجع من اصابه تكفون ياأدره شوف لنا حل مع التائب نبيه معنا للعتزال :d وترا فكرة استخراج لي نيفيز جواز سفر اسيوي ماهي بطاله مين يكره التائب ونيفيز رادوي وويلي مع بعض ابصم بالعشره راح يكون الهلال نار 3_ويلي حلال فيك خمسين مليون ويكفي تقبيلك لشعار يالاشقر والله انك يوم بعد يوم تكبر بعين الهلاليين والحين كل الفرق تحسدنا عليك 4_سيول نصبر عسى فيك خيروان شاءالله انك تقدم اكبر من كذا ونتمنى ذالك بس مو كانك زعلت لما طلعك المدرب ولا ملامح وجهك كذا :razz: 5_قولولي ياجماهير الزعيم اللي شفت بالمدرج الهلالي صحيح ولالا مابي انصدم معقوله جماهير الزعيم تتخانق مع بعض ولا فيه مشجع اغمى عليه اتمنى ذالك صعب علي هالمنظر يصير بينكم تشمتون فينا العذال عبدالرحمن بن مساعد شبيه الريح تستاهل الفرحه وجعلك دوم مبسوط يارب العالمين جماهير الزعيم خلاص لازم من بكره ننسى مباراة اليوم وتصير عيونا على مباراة الجمعه ونجيب الكاس الغالي على قلوبنا وتكمل الفرحه برايفت للمحياني ماغلطت لما اخترت الهلال عرفت تختار والله وبأذن الله نشوفك بالزعيم قريب اشكرك يارب العالمين على الفوز وبشكر تدوم النعم ومع السلامه يازعماء |
يعطيك العافية على الموضوع .. بالنسبة للمشكلة اللي صارت في المدرج انه فيه مشجع نصراوي دخل بين الجمهور والعلم عند الله يمكن يبغى يحتفل بالهدف .... |
يعطيك العافية على الموضوع .. بالنسبة للمشكلة اللي صارت في المدرج انه فيه مشجع نصراوي دخل بين الجمهور والعلم عند الله يمكن يبغى يحتفل بالهدف .... ههههههههههههههههه صح عليك |
الحمد لله يا رب على هالتوفيق . . والله يستاهل أبو فيصل هالفرحة الله يجعلها دوم يا ربي |
مشكورين يالغالين يعني المشجع كان نصراوي لكن كيف وصل للرابطه شي غريب |
يااخي لاتتناقش معهم انا كنت اول مثل نظامك اتحمس واجادل لكن المشكله انك تجادل اجساد دون عقول عشان كذا اذا قالوا حظ قل ايه حنا محظوظين مانفوز الا بالحظ واذا قالوا تحكيم قل احسن شيء اننا نفوز بالغش اصلا الفوز بجداره ممسوح من قاموسنا قلهم كذا عطهم جوهم اهم شيء تكون مقتتنع بفريقك ولاعليك من احد |
عاشق الزعيم مشكور ياخوي بس انا بنت مو ولد وانا مقتنعه بفريقي لكن استغربت بعقليتهم الرجعيه |
قولولي ياجماهير الزعيم اللي شفت بالمدرج الهلالي صحيح ولالا مابي انصدم معقوله جماهير الزعيم تتخانق مع بعض ولا فيه مشجع اغمى عليه اتمنى ذالك صعب علي هالمنظر يصير بينكم تشمتون فينا العذال حتى انا مستغربه مثلك؟؟؟؟؟ |
المشكله انه كان فيه مشجع نصراوي مع جمهور الهلال وكانوا مايبغونه يجلس عشان ماتصير مشكله |
الحمد لله على كل حال ويوم عن يوم يثبت ويلي ورادوي انهم صفقات ناجحه ولله الحمد |
مشكوره اختي ع الموضوع وجمهور الزعيم ما قصر اليوم :d وبالنسبه لموضوع الاكثر جماهيريه اتوقع اي واحد حضر في الملعب اليوم يقدر يوصف لك الشعب الهلالي اللي ما كفته المقاعد لدرجة انهم جالسين على الدرج و المساكين يقولون انهم اكثر جماهيريه :razz: |
يالبيه كلامك والله صحيح موضوع مفرووووض يثبت تسلم والله |
إقتباس:
|
عذر البليد وانا خوك هذا هم جمهور البصر من عرفتهم |
من جد أنا توي طالع من منتداهم (لا تخافون عقمت نفسي قبل اجيكم) والله يا هم ارفعوا ضغطي يعني ما ادري هم يستهبلون والا صادقين بس ما يستوعبون من جد ارحمهم ,, الله يكون في عونهم وأنواع السب في التايب وانه عديم الاخلاق مثل رئيس ليبيا انا قعدت استوعب وش سوا التايب لهم قلت يمكن انه سوا حركه ما شافها الا هم بس تذكرت اني في معقل جمهور النصر يعني مو غريبه عليهم الانحطاط الاخلاقي والدخول في الذمم ولا بعد يقولون ان كوزمين وسامي تكلموا مع الحكم بين الشوطين واكيد انهم قالوا له ترا بنزيد قيمة الشيك وانه ما انهزموا الا بسبب الحظ والتحكيم ما حسب لهم ضربتين جزاء ولا طرد التايب اما فريقهم بسم الله عليه كامل مكمل وما فيه بلاء ما اقول الا حسبي الله ونعم الوكيل بس للامانه فيه ناس منهم عقلاء ويردون ردود واقعيه أخيرا احمدوا ربكم انكم هلاليين تراها نعمة كبيره |
| الوقت المعتمد في المنتدى بتوقيت جرينتش +3.
الوقت الان » 09:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd