إيه الشجاعة تغلب الكثرة وأنا أعطيك الدليل ** " الزعيم " يدرع (بالنصر) ولا يحسب حسابها !!
 

ما نبي نضيـّق صدور أخواننــا النصراويين .. اللي يقولون : والله قهر ما ندري من اللي ناقص حنــا وإلا أنتم ؟؟! فنحب نقول لهم في هالمناسبة صدقونـّي أنتم (كاملين) وعددكم 11 لاعب عدا ً ونقدا ً .. و أخاف أقول لكم سالفة (حمير جحا) تزعلون وإلا تفهموني غلط !! يوم جحا يلخبط ويعدهـّن أول مرة ويحسبهن ناقصات !! يوم عد مرة ثانية لقاهن كاملات !! لذلك عدوّا مرة ثانية وش يبي يضركم ؟!


طبعا منول نحسب أي واحد رجلينه كبار .. وعليه خشم .. وإلا به طقوق بسيقانه .. وحدى ضروسه منسكر .. إنه ( فتيـّت ) وإنه لاعب موهبة !! طبعا كنا ندربي دمجنـا .. ولا ندري وش الطبخة !! و كان فيه واحد من الشباب .. يقول لنا : إن كرة القدم ( ثقافة ) و ( فكر ) و ( إدارة وقت وجهد ) !! المهم إنـّـا زاعلناه كلنـا وقلنا له يا إنك تعقل وتترك هالفلسفة وهالخرابيط !! أو لا عاد تماشينـا !! طبعا خويـّنا كان أشهب وكان مثقف .. ومن عقب هالسالفة وحنـا صايرين نعيّره ( أبو الأشهب الدؤلي ) !!

ومع الوقت والإثباتات .. تبيـّن لنا إن كلام (الأشهب) صح !! طبعا تعرفون الرحالة البرتغالي ( ماجلان) اللي دق سلف لسفينتـه .. و لفّ العالم كله ورجع لنفس النقطة اللي بدأ منها من الجهة الثانية من الأرض!! وأثبت للعالم ( إن الأرض كروية الشكل ) ؟! فـالإثبات دايم يقطع الشك باليقين !! ولا يعطيك فرصة تتفلسف !!


الأمريـّكيين دايما يردّدون حكمتهم اللي تقول :
( The Age is just a number )
الترجمة : ترا العمر مجرّد رقم !!
المعنى : العبرة موب بالعمر لأنه العمر (رقم) العبرة بـ وش سويّت بهالعمر !! ووش أنجزت ؟! فيا كثر ما نشوف ناس أعمارهم ما تعدّت الـ30 سوّوا اللي ما سوّاه أبو ( 50 ) و أبو ( 60 ) !!
يعنـي الزبدة ( بالإنتاجية ) !! وأترك عنـّي الخرطي الفاضي !!

-------------------------

و ( كوزمين )

أخرص الجميع !! وتفوّه بنظرياته ( المثبتة ) !!
فالأرقام :

10


11


90


في الحقيقة ليس لها أي قيمة !! إذا نظرنا لها من منظور ضيـّق على أنها أرقام صامتة !! وإلا لتشابهت جميع عناصر هذا الكون التي يحتويها (جدول مندليف الدوري ) !!

فـ 10 عناصر هلالية (تفوق بقيمتها ) 11 عنصر آخر !!

** فالهلال من العناصر (الفلزية) المتماسكة الصلبة !! التي لا يمكن فك جزئياتها وترابطها بسهولة !! فتركيبته ليست (فيزيائية خالصة ) فحسب وإنما هي خليط كيمائي معقد !! يحمل ( وزن ذرّي ) أعلى بمراحل من أقرب العناصر لديه !! ولديه (وزن كتلي) لا يمكن مجاراته !! فـ ذرة هلالية واحدة .. حينما تتفاعل مع عنصر آخر تحت ضغط جوي طبيعي لمدة ( 90 دقيقة ) ربمـّا تسبب لـ (جزيئات العنصر الآخر التلف !! و تلاشي جميع خصائص ومكونات هذا العنصر ) !! لأن هذا التفاعل كفيل بتوليد طاقة انفجار مشـعة وهائلة بإمكانها تغيير المسارات الإلكترونية التي بطبيعة الحال ستصعق نواة هذا العنصر لتساويه بالمعامل صفر !!


** فمن الظلم أن نساوي :

( 10 لاعبين ) يحملون ثقافة مختلفة !! وتركيبة مختلفة !! وفكر متجدد وراقي !! وتكتيك عالي ومنضبط !!

بـ ( 11 لاعبـا ً ) يعرجون لهوا ً وعبثا !!



فالرقم ( 10 ) .. لن يكون له قيمة إذا تم تجاهل ما يلي :

- دهاء كوزمين !!
- مهنية (الجهاز الطبي والفني واللياقي) !!
- حنكة عبدالرحمن بن مساعد !!
- التفاف أعضاء شرفنا !!
- صدق (زعامة جماهيرنا) !!
- توفيق من بيده ملكوت كل شيء !!


والرقم (11) لن يتفوق أبدا ً .. إذا أخذنا بالإعتبار :

- بكائية كـتـّابهم !!
- تخطبـّات إداريهم !!
- تغييب عقول جماهيرهم !!
- تضخيم قاماتهم !!
- غوغائية طرحهم !!



------------------------------


شكرا ً ( كوزمين ) !!
شكرا ً ( أبا مساعد ) !!
شكرا ً ( ياسر و رفاقه ) !!
شكرا ً ( عبداللطيف الحسيني) !!
شكرا ً ( لمن استنشق عطر الزعامة تحت أروقة استاد الملك فهد ) !!



و ها نحن سيدّي ( سلطان بن عبد العزيز ) نجدّد لك الولاء مصافحين !! ونحـّث ُ الخطا نحو يمينك جاديّن مخلصين !! فلتسلم يمين ٌ أنت (سلطانها) !! و لتعلو ( قامة ٌ ) أنت سيدّها !!

** فمن الظلم أن نساوي :</B>

( 10 لاعبين ) يحملون ثقافة مختلفة !! وتركيبة مختلفة !! وفكر متجدد وراقي !! وتكيتك عالي ومنضبط !!</B>

بـ ( 11 لاعبـا ً ) يعرجون لهوا ً وعبثا !!</B>

^
^
^
لله درك :clapping: ومن جد لاعبين النصر كأنهم يباررون الفتح مع احترامي له :d
ولكن هذا الهلال وستضل العقده ولن تزول بحول الله
.
.
.
منى عيني يجي هلالي ويتكلم عن النصر بحجمه ان النصر فريق مايستاهل يفوز عالهلال بس الهلال كبير برجالاته >> وياليت يطلع لنا واحد مايعرف بالدبلوماسيه شي.
ابي اتكلم عن النصر واقول انه مايستاهل يفوز على الهلال
العام الماضي فاز عالهلال ولكن الهلال بالصف الاحتياطي واالنصر بالفريق الاول ماعدا 3 لاعبين , ومع ذلك " بالقوه فاز "
.
..
لو النصر يوصل القمر ويجي محترفين من كوكب بلوتو مع الهلال " حتموتو"

الحمدلله على السلالالالالالالالالالالالالالامه


ياخي اشتقنالك

الله يخلي فوزنا على النصرررر الي رجعك للكتابه الرائعه

تقبل تحياتي

الهلال كبير والكبير ما يعرف لا عشره ولا حدعش

نسيت الموسم قبل الماضي يوم نلعب اماام الأتحااد كنا ناقصين لاعبين مع ذالك جبناا هدف الفووز من الشلهووب وفزناا بالمباارة الصراحه مافيه فريق عربي يواازي الهلال وسلم لي على ولي وراادوي و الزوري هم نجوم الهلال وكل الهلال نجووم

الله ع السطور الذهبيه ..كلمات راائعه منك أخوي مغااط ..
الكره فن ومهاره وتكتيك ليست عربده وطقها والحقها

مشكور أخووي ,,

مشكووور اخوي مغــاط .. على كتاباتك الرائعه,, نرجوا المزيد..

تقبل مروري

ابدااااااااااااااااااااااااااااااااااااااااااااااااع ( مع اني نص الكلام مافهمته )

إقتباس:

** فمن الظلم أن نساوي :</B> ( 10 لاعبين ) يحملون ثقافة مختلفة !! وتركيبة مختلفة !! وفكر متجدد وراقي !! وتكيتك عالي ومنضبط !!</B> بـ ( 11 لاعبـا ً ) يعرجون لهوا ً وعبثا !!</B>

يا عيني يا عيني , :clapping:

كفيت و وفيت اخوي مغاط , تصدق سمعت عنك من أول وتحمست اقرأ لك شيء, وهذاني اقرأ s13s


يعطيك العافية على هالإبداع , بس لو أنك وفرته لـ أقلام زرقاء بالعدد الجاي مو احسن :d:razz: ... يؤ نسيت شدخلني :to::d


يسلمو ,

اهلاً واسهلاً يامغاط نيوتن والله ياعندك فلسفه بالفيزياء ماااااااااااشاء الله عليك
وبالفعل كوزمين اثبت انه مدرب بمعنى الكلمه
وبالتوفيق للزعييييييم يوم الجمعه

الحمدلله على الفوز اللي تحقق و عقبال الكاس

آآآآآآآآآآآه يا مغاط:rose:

عذبتني والله .. :smilie47::smilie47:

بس باتحداك ..:d

وراح أكتب مواضيع أحسن من مواضيعك...:d:d:smilie47::smilie47::rose::rose:

:dفي الاحلام:d