|
كوزمين عليك فلسفة! .. .... ... ... بدايةً مبروك الفوز أخاف أذب على الحكم يعطيني كرت .. فنترك موضوع التحكيم على جنب! الله يكفينا شره وشر كروته .... لفترة قريبه جداً كنت أقول عن كل مدرب عيونه ملونه وشعره أشقر أشعب ولمن لا يعرف أشعب هو شخص متختخ (متين) وبخيل يحب الدراهم! ولا عليه من أكبر شنب بدءً من الولي براسه ما بالكم بالشعب! كنت اعتقد أن التدريب في الملاعب السعودية عبارة عن صره ودراهم يملئ بها المدرب صرته! ... ويضعها في الحزام جنب سرته! يقحش فلوس ويمشي! ... لا يعمل فيها لمستقبل فريق ... إنما لمجد شخصي في فترته ... ويذهب لأقرب دولة خليجية بعد إقالته أو استقالته! ويكرر السيناريو في هذا البلد! ... .. . لكن مع كوزمين أولاريو الوضع غير.... لتدريب وللعمل المقدم قيمه ومردود! بل المجد والمستقبل (ما اقصد القنوات الفضائية ) المجد الذي يعيشه الفريق حالياً بالتتويج وتقديم عطاء مقنع وانسجام تام بين خطوط الفريق! والمستقبل بإسقاطاته الرائعة لأسماء شابه ! مدرب جاي يشتغل ويبني فريق لمواسم! فعدوني عاشق لهذا الشخص أو مقتنع بعمله أو مطبل لكم ما شئتم من الخيارات السابقة! لكن له فلسفه ونظره ... وتحسب له عدم إشراك المفرج المبتعد عن هذه المباريات الحساسة وأجوائها. ويحسب له قطع الماء والكهرباء عن الفريق النصراوي! تغيرت خانات لاعبي النصر بل تشكيلتهم (كل أبوها) ولا هزت شعره هلاليه! .... ... ... أحد الزملاء الهلاليين عطانى كوع في نهاية القفص الصدري! يقول:- يا برد قلبك يا خالد الحين المرشدي مطرود وباقي شوط وعشر (يقولها وهو يطالع ساعته) وأنت مرّوق عل أخر وش سالفتك وش تحس فيه بالضبط؟! قلت أحس أن المباراة بالمخبى الى فوق (الجيب) ولو يلعب رودوي لحاله مع الدعيع بنفوز! النصر ينطبق عليه المثل الشعبي :- يكبر ... بالرقع! نفخ إعلامي من قبل مباراة الاتحاد لأكون أكثر تحديداً ! (هذا وهم يقولون ما عندنا إعلام أجل لو كان عندهم وش بيصير؟!) لا بل هناك من أصبح يقارن برناوي بـ ربرتو كارلوس! يا عمي هذا النصر سيم سيم والله لو يجبون المصرقع مورينو حق الانتر! خلنا في المباراة ولا يشوفك الحكم تكوع والله أن يطب علينا ويعطيك كرت! ..... ... .. يسلم راسك ... يا من جبته من رومانيا ... أنا يطربني شخصياً اللي يتمصع في الملعب لشعار ناديه وجمهوره! ما بالكم إذا كان محترف أجنبي! وش بقى وما سواه الروماني رودوى ؟!.. ولا يهون ولي وباقي لاعب الهلال! ... ... .. غصباً علينا يا سمو الأمير بنفرح ؟! ليس لفوزنا علي النصر ... هو طبيعي جداً دون تعالي على كرة القدم! بل لبنائك فريق برتبة فريق أوربي إيطالي تحديداً تنظيم دفاعي راقي لا يجيده سوى كوزمين ولاعبي الهلال وفاعلية هجومية بوجود الكاسر والتايب ورفاقهم! وسنفرح يا سمو الأمير لأنه أول نهائي بوجودك يا شبيه الريح وبوجود نائبك! وسنزف فريقنا لأول بطولة في هذا الموسم إن شاء الله أمام فريق يفرض احترامه بوجود الأسماء الدولية السعودية والمحترفين المتألقين الأجانب! سنفرح يا سمو الأمير لارتباط الزعامة بنا وارتباطنا الوثيق بها! ولأن منصات التتويج تعشقنا حد الثماله! سنفرح بكل بساطه لأننا هلاليين ولأنك رئيس نادينا! ... .. . بيض الله وجه جمهور الزعيم ... أنتم من أرعب اعتي الفرق الأوربية والأسيوية في الدرة! قادرون بعون الله على الوقوف خلف زعيمنا للوصول إلي جميع البطولات القادمة بل وحصدها جمعا ! ... وعذروني لانتشائي طرباً ... بفوز أقل ما يقال عنه بأنه مستحق ... وجل ما يقال عنه أن الهلال قادم نحو أولى بطولات الموسم ! ... بعد كل مباراة أسجد لله شكراً كوني هلالي بالفطرة الكروية السليمة ... .... من القلب النابض لدماء الزرقاء أكتب لكم ... بأسلوب بسيط بعيداً عن التكلف أملاً أن يصل لكم ... و يصيب كبد الحقيقة ويرسم على محياكم ابتسامه فعذراً على التقصير! خاتمة مبروك الفوز وعقبال الكاس يوم الجمعة بحول الله وقوته! نادي الهلال صاحب التسمية الملكية الأوحد ملاحظة :- ما ورد أعلا ه وجهة نظر كاتب الموضوع أحبك يا هلال:smilie47: غصب(ن) .. عن الراضي والزعلان. |
عزيزي خالد قد اخالفك الراي عزيزي ولكن يعيب على كوزمين عدم قدرته على التصرف اثناء المبارايات واخرتها امام النصر ما يتعامل مع احداث المباراه صحيح انه يحط تكتيك رائع بس اذا صار شي بالمباراه يفقد كل شي ودمتـ بعز |
صح لسانك وتسلم على هالكلمات كأنك تقول اللي بقلبي000 ومعا لنطالب بالتجديد لمدة طويلة مع هذا الداهية والى الامام يازعيم |
صح لسانك وتسلم على هالكلمات كأنك تقول اللي بقلبي000 |
يعطــــيك العافية خـــــــــــالد إقتباس:
|
انا اشهد والله كوزمين هذا داهية بكل ما تعنيه الكلمه تخيل انهمدرب غيره كان حاس الخطه حوس وطبب المفرج ونكبنا الحمد لله على كل حال وعقبال الكاس ان شاء الله |
كوزمين داهيه امنا بالله بس ياترى بيقدر على الشباب يوم الجمعه ولالا ... الله يسترررررر |
قالها كوزمين : سأكون في الهلال ثلاث صفوف متكافئه ، ولن أجعل الهلال يحتاج لفتره لكي يعود مجددا << يقصد إذا اعتزل لاعبوه اللي موجودين الان موضوع اصاب وجسد كبد الحقيقه |
إقتباس:
وانا اشهد انهم مكبرينها بالرقع |
مبروك علينا الفوز والتأهل لنهائي وعقبال البطولة ومبروك علينـا وجود مدرب .. داهيه .. منظم .. ولاعبين محترفين على قد المسؤليه . شكرا لكـ خالد |
مبروك الفوز وان شاء الله الكآس زعيمي تعال ليش ماحضرت المباراة :naughty: |
تسلم يدك.... والنصر يبطي يفوز على عمه الزعيم،،، اما كوزمين لا نملك الا ان نقول شكرا لهذا الداهية......... وعقبال الكأس ان شاء الله.. وتقبل مرووووووووووووووووووووري |
بيض الله وجه جمهور الزعيم ... أنتم من أرعب اعتي الفرق الأوربية والأسيوية في الدرة! قادرون بعون الله على الوقوف خلف زعيمنا للوصول إلي جميع البطولات القادمة بل وحصدها جمعا ------------------------------------------- حقيقةً من القلب شكراً لكل من حضر وآزر فهذه جماهير الزعيم التي طالما عوّدتنا على حضورها المميز وإثبات كثافتها على مستوى المملكه بل الخليج بأكمله ..:clapping::clapping::clapping: :smilie47::rose::smilie47::rose::smilie47::rose::smilie47::rose::smilie47::rose::smilie47: ومبرووووك للجميع الفوز وعقبال الكأس يااااااارب .. شاكره لك أخوي الطرح الرائع .. |
كوزمييييييييييييييييييييييين صحيح من سماك الداهيه |
إقتباس:
الظاهر انك ماشفت المباراة ياعزيزي ,, كيف عدم قدرته على التصرف ؟ !!1 واللي سواه اليوم ما يعتبر تصرف سليم؟ فريقك ناقص لاعب من الشوط الاول وقدر يحافظ على النتيجه وكان بالامكااان مضاعفتها بفرصة ياسر!!!!! عزيزي لا تصير من نوعية " خالف تعرف" تحياتي |
| الوقت المعتمد في المنتدى بتوقيت جرينتش +3.
الوقت الان » 03:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd