استميحك عذراً يا نائب الرئيس انت غلطان - نادي الهلال السعودي - شبكة الزعيم

سامي قول · #1 23/02/2009, 03:47 AM

السلام عليكم ورحمة الله وبركاته .

إلى سموه بكل احترام وتقدير ياليت مانسمع بكره الديباجه اللي فيها اهانه للجمهور الزعيم واكبر قاعده في جماهيره في الرياض ان جمهور الرياض مايحظر وماادري ايش اوكي يمكن جمهور الشماليه او الجنوبيه او الشرقيه او الغربيه يحظر بكل كثافه اذا جاء الفريق عنده اكيد يبي يسوي زحمه لان الفريق يجي مرتين او ثلاث في الموسم اما الجمهور اللي في الرياض يحظر جميع المباريات اللي تصير في الرياض واكثر ...
واخاف بكره تنطبع الفكره هاذي على كل الأجيال يعني تصير عاده ويعني لو نلاحظ طال عمرك ان الصحافه تكتب عن الكلام هذا وصرنا كأن الجمهور جمهور أطفال مايحظر عشان اختبارات ولا عشان برد!
حتى الصحافه الصفراء صارت تفسر الكلام اللي ينقال في البيت الهلالي !!
يعني يانائب الرئيس انا احظر من 11 سنه في المدرجات واحظر في برد في صيف في ليل في نهار في اختبارات ولا دوام ولا مريض اذا جيت طال عمرك وقلت احنا نعتب على الجمهور في الرياض انه مايحضر اكيد اذا كان الفريق نازل مستواه ابسط شي اني اعبر ان الفريق نازل مستواه وان احنا محنا راضيين عليه مانحظر .
وقالها الامير بندر بن محمد في اكثر من قناة لانه يعرف جمهور الرياض وقال هاذي رساله للاداره ان الجمهور ماهو راضي على الفريق ..

ياسمو الأمير لا تظلمنا فقط احنا اللي نحظر اكثر المباريات في الموسم يعني لو جينا واحنا زعلانين وتكلمنا على النجوم اللي نحبهم مثل الفرق الثانيه احنا جمهور راقي فقط نجي عشان نشجع مانجي علشان نشتم ونتكلم ..
* ملاحظه بكره مباراة الهلال الدعوه للي يبي يحظر من جمهورنا اللي مايحظر فقط ! اما اللي يحظر تعالوا كأالعاده ..

تقبلوا تحياتي ..

هلاليه بذوق سامي · #2 23/02/2009, 04:07 AM

جمهور الشماليه او الجنوبيه او الشرقيه او الغربيه يحظر بكل كثافه اذا جاء الفريق عنده اكيد يبي يسوي زحمه لان الفريق يجي مرتين

مو عذر انك ماتحضر لأن أغلب مباريات الهلال في الرياض

سامي قول · #3 23/02/2009, 04:10 AM

إقتباس


	جمهور الشماليه او الجنوبيه او الشرقيه او الغربيه يحظر بكل كثافه اذا جاء الفريق عنده اكيد يبي يسوي زحمه لان الفريق يجي مرتين مو عذر انك ماتحضر لأن أغلب مباريات الهلال في الرياض

اختي انا كأشخص احظر جميع المباريات واحياناً اللي جنب الرياض بس انا اتكلم عن بعض الجمهورفقط ..

شكراً على مرورك ...

قنـاص الجـوف · #4 23/02/2009, 04:13 AM

والله يالغالي مانلومه ولا نلوم اي واحد ينتقد جمهور الهلال بالرياض

يعني زعيم اسيا وبعض مبارياته بالرياض مايتعدى الحضور 1000 مشجع

وكلام الامير يبغى بعض الجمهور يستحي على دمه الي جالس بالمنتديات يطالب الاداره بلاعبين ويطالب ببطولات وهو مايحضر

اي ادارة ماتجي الا يكون همها كيف اسعاد الجمهور ولكن الرجال انصدم بالحضور لا تلومه

واخيرا

استميحك= استبيحك

تحياتي

حبي ياسر · #5 23/02/2009, 04:24 AM

شوف اذا تكلم صاحب السمو يعني يعتب عليكم مو يظلمكم ولا يبي يقلل منكم 1#انتو اكبر قاعده جماهيريه للهلال في الرياض 2#انت ارقى جماهير الزعيم3#لو منتو اكبر قاعده ما وضع الهلال في الرياض 4#انا من جمهور الزعيم بالجنوب وبتحديد ابها واول مباره لزعيم كنت بلملعب وترى الهلال كبير كبير واي شخص في الهلال اكيد يخاف على الزعيم ويبي مصلحته مو يظلم ركز على الكلمه هذي يمكن كان غلط منك بس انتبه من الزلات القويه لانه يحبكم انتم الوقود الحقيقي ...... تحياتي احبكم وهو يحبكم

سلنقر · #6 23/02/2009, 04:25 AM

وقت موضوعك غريب وغير مناسب الان

انا متأكد ان جماهير الزعيم بتجي اليوم بكثافه....

يارب الفوز هلالي....

Alzaeem wolf · #7 23/02/2009, 04:27 AM

سمو الامير ماقال شي غلط

تكلم من واقع

الله ماشفناه بالعقل عرفناه

يعني تبي تقنعني ان جمهور الرياض السنه هذي يحضر

مثل كل سنه

يعني مع احترامي لك ولموضوعك

لكن عمر ادارة الهلال ماتقول ديباجات وبصراحه اكثر ما ازعلني في موضوعك كلمة ديباجه عيب تطلع من رجل عاقل وناضج

الديباجه ماتطلع الا من ضعفاء والامير نواف بن سعد مو ضعيف

يعني ارجوا منك انتقاء الكلمات الصحيحه واختيارها بكل دقه

دمت بخير

abdulaziz54 · #8 23/02/2009, 04:27 AM

الفريق نازل مستواه ومتصدر الدوري وينافس على كاس ولي العهد !!؟

عجبي !؟

Maha` · #9 23/02/2009, 04:49 AM

بس يا خوي مثل ما نطالب الفريق بالمستوى والنتيجه هم بعد

يطالبونكم بالحضور

وصدقني اللي يحب الهلال بيحضر في اصعب الظروف حتى لو الفريق

كان سيء

وبالتوفيق للزعيم اليوم

سامي قول · #10 23/02/2009, 04:54 AM

إقتباس


	لكن عمر ادارة الهلال ماتقول ديباجات وبصراحه اكثر ما ازعلني في موضوعك كلمة ديباجه عيب تطلع من رجل عاقل وناضج

الديباجه اذا عندك علم أخوي معناها الكلام المكرر يعني سموه كررها والصراحه انا وغيري من جمهور الرياض ومعنى غيري اكثر من واحد اعرفهم شخصياً متضايقياً من الموضوع هذا

إقتباس


	الفريق نازل مستواه ومتصدر الدوري وينافس على كاس ولي العهد !!؟ عجبي !؟

أخوي الله يرضى عليك انت قاري نص الموضوع ولا اقل بعد!!

تشرفت بردودكم الكريمه ..

Alzaeem wolf · #11 23/02/2009, 05:04 AM

اخي الكريم عندي علم بالديباجه

الكلام المكرر اللي مامنه فايده

او الكلام المكرر اللي يقال لتغطيت افعال وتقديم اعذار

او تكرار كلام غير منطقي ولا يقبله العقل

وممكن تألف لشرح الديباجه معجم لغوي

لكن مهما تعددت معانيها

ما اتوقع ان ادارة الهلال او مسئول في الهلال يكرر كلام مامنه فايده لجمهور الهلال ونادي الهلال هذا اللي حبيت اوصله لك

شملاني تبوك · #12 23/02/2009, 05:08 AM

نعم كلامك بالقلب لاكن اخوي انت عندك جماهير بالاختباراة ماتروح للملعب وانا ادرس بالجامعه وتابعة مباراة الهلال والاهلي بجدة وتابعة الهلال و والنصر بالرياض وكلها وقت اختباراة كيف اللي بالرياض واذا قلت له ليش ماتحضر قال زحمه ولا بعيد 50 كيلو ولا العسكر بالملعب لا و لا ولا والف لا انت ما أنت بنت تقول العسكر اللي بالملعب وحنا نجي 1800 كيلو تقريبا من تبووك الورد من اجل الفريق الذي يتعب من اجلنا او اللي يقول زحمه اذا زحمه وانت هلالي من قلب امش لو الصبح عن الزحمه انت من اهل الرياض وتعرف متى تمشي

والله والله لو فية حملات تطلع من تبوك انا اظمن لك بالالاف يطلعون من تبوك وارجو انها تاصل للرجل الوفي احمد العجلان والى الادارة الهلالية ياعزوتي يا أهل الشمال اذا عشقو الشئ يكون العشق من قلب

وانشاء الله انكم تبيضون وجه الامير شبية الريح بكرة الله يبيض وجيهكم ....

0(لولي)2 · #13 23/02/2009, 05:10 AM

والله ياخوي مع احترامي للك أعتقد إن كلام أبو سعد مو خاطي ولا فيه عذر للجمهور

اذا افترضنا إن القاعد الجماهيريهلنادي الهلال بالرياض =100 الف فقط وفيمباراة الشباب لم يحظرالا 1000 شخص

هل تلوم الأمير اذا عاتب الجمهور

وبصراحه ياخوي وقت موضوعك غير مناسب لأن غداً مباراة حسم

احمد الصانع · #14 23/02/2009, 07:33 AM

الاميــر مآقآل هالشي الا لمصلحه الهلال

اسمحلي موضوعك مآ آعجبني

تقبل مروري