®©™سلااااااااااااااااااااااااام ™©®


حياكم الله جميعاً


والله حالة

ريفو البرازيلي يسولف عن الضبان


هذي طال عمركم من سوالف خذ وخل ولا تدقق بالحيل

يعني اسمع ووسع صدرك

الهدف زرع الضحكة على خششكم الشينة فقط



روى لنا اخونا نقلاً عن خاله ابو براهيم

( دايم يسند عليه في مثل هالقصص .... يقولون اذا كذبت فــ سنّد )

يقول ان خاله كان رايح يتمشى في الصمان مع صديق له اسمه ابو حمد

جلسوا بهاك المحل يستريحون يوم طب عليهم واحدن من اهل الشمال

قلط وتقهوى ثم قال ماعندكم سوالف او علوم؟

قالوا : لا .... عطنا كان عندك

قال الشمالي : كنت طالع قبل كم سنة اتقنص واصيد ضبان

ومسكت لي كم ضب ... وانا اللي اربطهم بهاك الخيشة واحط الخيشة بحوض الونيت

وامسك الطريق ابي الديرة ... ويوم وصلت حول المزفلت وقفت شوي ... ونزلت من الموتر

يوم سمعت صوت آذان !!! يا ولد من وين الصوت ؟؟ مافي المكان احدن غيري !!

وانا اتلفت وادور من وين الصوت ؟ اثاريه من حوض الونيت

شوي واشوف يد الضب طالعه من الخيشة

فتحت الخيشة وطلع واحدن من الضببة

قلت له انت اللي تذن ؟؟؟!!!

قال الضب : ايه وودي انزل انا واخوياي اللي في الخيشة علشان نصلي

قلت ابشرررررر ..... وانا اللي انزلهم من حوض الونيت

ويصفون الضببه يصلون .... وقال لي الضب تقدم خلك امام لنا

قلت له : ابدددددد والله ما يصلي بنا غيرك ... انت شكلك راعي طاعة وتوك مذن

ويتقدم الضب ويصلي بنا

وعقب الصلاة والتسبيح والتهليل قال لي الامام (الضب) : رجعنا للخيشة هالحين

قلت : ابددد ما يصير .... وشلون ارجعك للخيشة وانت توك مصلي(ن) بنا

وانا اللي افكهم بالبر واقول لهم ارجعوا لبيوتكم تراكم عتيقين


( لا تستعجلون الجاااااااااي ادهى وأمرررررررررر )


قال ابو حمد : معقولة الضب يتكلم ويصلي بكم ؟؟؟!!!

رد الشمالي : يعني قصدك اني اكذب ؟؟؟

طمر خوينا ابو براهيم ورد علي خويه ابو حمد وقال : يبو حمد ترى الرجال صااااااااادز وما كذب

اسمع هالسالفة اللي صارت لي

كنت مره اتمشى بالصمان

واشوف هاك الضب المنطلق .... وانا اللي اجيب البندق وامدها ابرمي الضب

شوي ويوقف الضب ويرفع يده ويقول : تكفى يبو براهيم مهيب هي

تكفى لاترميني

قعد الضب يناظرني وهو رافع(ن) يده

حتى اني شفت الشعر في ابط يده

يوم شفت ان الضب عرفني وقال لي تكفى وانا اللي اتركه يروح



قال الشمالي : هالحين الضب عرفك ورفع يده ؟؟؟!!!!!

قال ابو براهيم : يعني عادي يذن ويصلي بك الضب؟؟

قال الشمالي : انا اشهد انك ما كذبت يبو براهيم




صورة للي يكذبون هالسالفة





®©™وسلااااااااااااااااااااااااام ™©®

هههههههههههههههههههههههههههههههههههههه

خخخخخخخخخخخخخخخخخخخ

قل آمين الله يرفع عنك

عسى مهيب تطوّل بس

اجل فيهم مطاوعة ؟؟

بس وش لون تسذا ماتجي.. مطوّع ومسبل << العكره طويله خخخخخخخ

الله يرج عدوّك على هالسوالف الزحفان

ههههههههههههههههههههههههههههههههههههههههه

يذكرنن هالسواليف بسواليف واحد لازم يصيرن السواليف عن بطولاته

ألا عمركم شفتو واحد راي لسوريا من القصيم ب5ساعات ونص؟؟

إقتباس يقولون اذا كذبت فــ سنّد

والا يقول لك :

انا وحياة فلان عشان مايمديك تسأله



ياحبي للضبان

والا يقولك واحد جاء بيذكي (الذكاه - اي قطع الرقبه مع مراعاة الاتجاه الى القبله وقول بسم الله والله اكبر) له ضب والا ويحط يده على رقبته يحاول يوخر اليد يقلبه يمين يسار ماش مصمل الضب اليد على الرقبه ويقول وانا اتركه يروح ..

والا سالفة بعض الناس << وجه يعاين في عبدالرحمن
يقول لك ذكينا لنا ضبين وماامدانا نقطع الرقبه والا وينطلقن منا وحنا نلحقهن يقول مطاردة صارت في الحارة والضبان بدون راس

إقتباس الرسالة الأصلية كتبت بواسطة أنطونيـو والا سالفة بعض الناس << وجه يعاين في عبدالرحمن يقول لك ذكينا لنا ضبين وماامدانا نقطع الرقبه والا وينطلقن منا وحنا نلحقهن يقول مطاردة صارت في الحارة والضبان بدون راس

ههههههههههههههههههههههههههههههههه

الشمالي ::: وأبو براهيم

محترفين فقش

آجل آلضـب مصلـي فيهــم

إقتباس ( دايم يسند عليه في مثل هالقصص .... يقولون اذا كذبت فــ سنّد )

آنت قـديم يآبو شنب على آيآم آبوآبرآهيـم

آلحيـن آلنآس آذا بـ تسند هالقصص تسندهـآ للفلآن بن فلآن الله يرحمه

سؤال ..
هل فعلاً الضب هذا حقيقي ؟؟

..
يا أخي مدري كيف تأكلونه !! للعلم يسبب رائحه للفم كريهه جداً وتستمر معاك

شكرا لك

^^^

هذه فوآئـد لحـم الضـب , بعد بحثـي في آحد الموآقع

إقتباس يقول ابن القيم رحمه الله تعالى في الطب النبوي: "لحم الضب, تقدم الحديث في حله ، ولحمه حار يابس ، يقوي القدره الجنسيه , وحده بالبصـر ." بالنسبة للحم الضب فإنه قد أجريت العديد من الدراسات العلمية لتحليل عناصره ومكوناته ونسبها ومن أبرز تلك الدراسات هي تلك التي أجراها الفريق البحثي الطبي من جامعة الملك سعود حول التركيب الكيميائي ومحتوي الأحماض الدهنية والكوليسترول في لحم الضب. وقد نشر هذا البحث في مجلة الجامعة العدد 748. وقد كانت نتائج الدراسة تبين نسب مكونات لحم الضب مقارنة مع لحوم الغنم والإبل والدجاج والبقر. وكانت النتائج كالتالي: - بلغت نسبة الدهن الكلية حوالي 12% وهي نسبة أقل من نسبة الدهون الكلية في بقية أنواع اللحوم في الغنم والإبل والدجاج والبقر. - ولكن نسبة الكوليسترول في هذه الدهون عالية جدا لدى الضب مقارنة بنسبتها في بقية أنواع اللحوم في الغنم والإبل والدجاج والبقر, بل بلغت ضعف نسبة الكوليسترول, وبينت النتائج أن إناث الضب فيها نسب أعلى من الكوليسترول في اللحم وأن النسبة تكون أعلى في فصل الشتاء من فصل الربيع. - بالنسبة لتوزيع الدهون في أطراف وذيل (العكرة) وظهر الضب فقد تبين أن نسب توزيع الدهون متقاربة. - البروتين يشكل نسبة 82% من لحم الضب تقريبا. - كانت توصية الباحثين في نهاية البحث هي بالتقليل أو تجنب أكل لحم الضب تفاديا لارتفاع معدل الكوليسترول في الدم وما يشكله ذلك من أمراض متعلقة بالقلب وتصلب الشرايين لما يحتويه لحم الضب من نسبة كوليسترول عالية. طبعا هذه التوصية تزيد أهمية للأشخاص المعرضين لمشاكل الأوعية الدموية وتصلب الشرايين كالمدخنين, ومرضى السكري, ومرضى ارتفاع ضغط الدم, ومن يعانون من السمنة أو ارتفاع الكوليسترول بالدم, أو المصابين بمشاكل تروية عضلات القلب, كذلك النساء بعد سن الإنجاب.

بعد آذن صآحب الموضوع ابو شنب