|
بعون الله سيبقى الديربي اسم فقط من باب رفع العتب !!!!!!!!! بسم الله ... السلام عليكم ,,,, ما عسى أن يضيف موضوعي للمواضيع المطروحة بخصوص (ما يسمى) بالديربي؟؟؟؟؟؟ ثبت بما لا يدع مجالاً للشك <<< يا ولد على اللغة ... علو كعب الهلال على النصر في المواجهات الماضية من ثلاثة سنين <<<< لا تجيب سيرة الكعب ليكون فيه أخ نصراوي يشوف موضوعك ويتأثر :naughty:. ويش الجديد؟؟؟؟ الجديد والجد هو أني شاهدت مباريات النصر الأخيرة من بعد هزيمتهم ضد الهلال الأخيرة... وخلينا في مباراة الإتحاد في نفس المسابقة ..... النصر يلعب بروح جديدة غير عن مبارياته في الدوري وغير عن أداءه من قبل أربع مباريات تحديداً وفي العموم. أتمنى من لاعبي الهلال الدخول للمباراة والتركيز على الفوز ونسيان شي اسمه ديربي أو أن النصر منهزم من الهلال في ما يقارب العشر مباريات الأخيرة. لا بأس بأن نثق في أنفسنا ولكن ليس على حساب احترام أداء النصر الأخير اللي أحرج الإتحاد. المباراة مباراة كأس والأداء فيها يكون تسعين دقيقة وكل شي فيها وارد وفي لحظات. علاء الكويكبي وبرناوي وإلتون وريان بلال ... هم في ظني العناصر المؤثرة جداً وبنسبة أقل لاعب الوسط وأعتقد اسمه الشهري ومعه ربيع. جهزنا كل شيء كعائلة ليبية هلالية مع ان ابني (ثلاث سنوات) لا يزال مصر كل ما شاف مباراة حتى في الدوري الفرنسي يقول (اتحاد اتحاد) فقعني وفقع أمه:bx:. بس جاري عملية غسيل المخ والبداية تعلم كلمة (باص عيون) اللي ما تركب مع (اتحاد) زي مانتو عارفين. المبارتين الماضيتين للأسف لم أشاهدهما لظروف مرض البنت قليلاً. بس ألف مبروك . كوزمين : أتمنى أن تنسى تصريحك الأخير عن النصر بأنه فريق متواضع وخلينا بالشغل الصح في الملعب والتغييرات الصحيحة. رادوي : تحية اعجاب للاعب دخل في صلب الموضوع من أول مباراة ولم يخرج عنه إلى حد الآن ( ما شاء الله). ويلي: الجواد الأصيل يأتي من الخلف وهذا هو ويلي وسيزداد الرتم بعون الله مع هالأشقر. الشلهوب: لديه ما يقول بس عطوه فرصة. الفريدي: انتبه انتبه انتبه تراك نجم ولكن مع وقف التنفيذ. إن شاء الله نبارك لكم بالتأهل . ولكن اقول من الآن القادم أصعب ... يعني بعون الله في حالة اجتياز النصر سيكون النهائي أصعب من مباراة النصر سواء مع الحزم أو مع الشباب. أخوكم ابراهيم طرابلس ليبيا. |
اخوي تعجبني في صرااااااحتك الواضحة وان شاء الله نفوز تحياتي لك واكتب ولا تتوقف |
تسلم ياغالي الله يوفق الزعيم |
يعطيك العافيه ع الموضوع وان شاء الله نزف الزعيم للنهائيs13s |
اخوي ابراهيم الف شكر على موضوعك الجميل وان شاء الله الهلال في النهائي باذن الله |
تم تحرير الرد من قبل مشرف القسم |
أبراهيـــم هلا(ل)يبيا يا لبّى قلب قلب قلب قلبـــك يا شيـــخ , الله يشفي بنتــك , ويخلي لك ولــدك , أحبــّك فالله أخوي أبراهيــم :) وأقول لك إ‘ن الأدااء إلي أحرج فيه النصر الإتحاد , هو التكتل فالملعب , وليس التطوّر فالملعب , يعني تشكيلـة الفريق 7-2-1 ومن الإتحاد يكفي إنك تمسّك محمد نور , عشان تخنق الفريق الإتحادي , ولكن الهلال من تمسـّك ومن تخلي , تبي تمسّك ياسر , طيّب يالله يبغى له لاعبين , ويلي يبغى له لاعبين , سول لاعب واحد عشان عيونه صغيره مايشوف :) الفريدي لاعبين !! , التايب كم يبغى له واحد عشان يمسكـّه , كذا يكون الفريق النصراوي متشتت بين النجوووم وإن شاء الله إن الحسسسسسم هلالي من الشووط الأول , وبعديـن عماااان بنجومهاا كلّها ماقدروا يتخطّون هوساوي والمرشدي كيف بـ ربيع بلحالــه ؟ , ريّان بلال نجم صاعد ولكن عزيز بالمرصاد له هو وإلتون , أنا مدري ليشش فيه تخوّف من النصر وباوزاا مدربـه , أنا أقول باوزا ما سوّى شئ مع النصر إلا تكتييك واحد , الأظهره مايهجمون , 4 محاور , وهجوم ماتوصله كور , ولا تنسى إن الهلال 6 أهداف فالدوري في مرماه , يعني أكثر من 10 مباريات مرّت بدون مايدخل مرمى الهلال ولا هدف , وكأس ولي العهــد ولا هدف , فرصـه خطيره وحده إلي هي فرصــة أحمد الموسى , يعني بأذن الله الحسم هلالي مبكراً , وأتمنى لك مشهادة ممتعه مع العائلـه الكريمـــه .. أخوك محمد العتيبي :) |
يعطيك العافية أخوي فعلا سبحان الله اذا لعب الهلال مع كل فريق اخاف ولو خوف بسيط لكن مع النصر وبكل ثقة الهلال فائز فائز الله لايغير علينا وان شاءالله تبقى عقدة النصر الهلال ومشكور أخوي على الموضوع الرائع وشكرا......................... |
هلا بك وبأهل ليبيا ان شاء الله راح نفوز ولكن يجب احترام الخصم وبأذن الله راح نحسمها من الدقايق الاولى شكراً وسلامات لبنتك:) |
هلا اخوي ابراهيم .. بصراحه انا متابع لكتاباتك الرائعه :) إقتباس:
وهذا ما اخشـاه .. لأنك عندما تلعب مباراه قويه وتفوز هذا يعطيك دافع معنوي لتقديم الافضل . الشيء الوحيد اللي ابغـاه من اللعيبه هو التركييز فقط لاغير .. وحضوور الجماهير للتشجييع والمؤازره ، وبإذن الله راح نشوف الملعـب مليــان بالجمهور الهلالي غـدا ً ان شاء الله .. إقتباس:
ههههههههههههههه .. مصيره يكبر ويعرف وهو ان شاء الله انه هلالي بس تعرف الاطفــال كل شوي بكلمه :d شكراً ابراهيم :rose: |
بإذن المولى تعالى الفوز راح يكون هلالي على من يدعى بالنصر وسيكون لنجوم الهلال بصمه واااااضحه فقط نحتاج للتوفيق من الله عز وجل أخوي ابراهيم: الله يخليك عيالك وبإذن الله تفرحون بتأهل الزعيم وإبداع نجومه كل التحايا لك ،،، |
تسلم ياغالي الله يوفق الزعيم |
تسلم ياغالي الله يوفق الزعيم |
اخوي ابراهيم ,طرحك فائق الروعه. |
لا فض فوك اخوووي ان شاء الله نفرح بكرة بفوز الهلال ع النصر والتأهل للكأس والفوز بالبطولة |
| الوقت المعتمد في المنتدى بتوقيت جرينتش +3.
الوقت الان » 11:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd