|
@@@وسعوا صدوركم مع النمر@@@ ذكر عن يوسف أنه مره المنتخب كان مهزوم في مباراة مهمة جداااااا وكان جميع اللاعبين متضايقين وحالتهم حاله أما أبويعقوب تعرفونه ينسى الكورة لما يطلع من الملعب فجأة يوسف شاف قدامه خالد مسعد المسكين جالس يصيح من القهر مسك راسه يوسف وقاله: يأخي قم حنا السعوديين ما صحنا تصيح أنت ..........هاهاهاهاهاها ================================================== ========== احد الحكام المتقاعدين قال لي عن سالفة ليوسف في مباراة كان هو حكمها....... يقول في مباراة الهلال وفريق احد من المدينة المنورة قبل تقريبا 15 سنة وكانت المباراة في المدينة المنورة يقول لما نزلوا لاعبي الفريقين لتحية الجماهير امام المنصة والدرجة الاولى ( طبعا معروف عن ملعب المدينة انة يوجد فية بس مدرجات درجة اوللى فقط ولا فية مدرجات ثانية مثل بقية الملاعب) وعندما قام اللاعبين بتحية الجماهير وخلصوا راح يوسف الثنيان لجهة المدرجات الثانية وطبعا مافية جمهور ولا مدرجات ولكن فية جبل كبير مرة وقام يوسف راح الين وصل عندة ورفع ايدينة للجبل وحياة؟؟ههههههههههههههههه يقول الحكم فعلا كان موقف يضحك للجميع؟ وفي نفس المباراة يقولي نفس الحكم موقف اخر مضحك ليوسف الثنيان......... يقول كان فية اوت للهلال وكان يوسف يبي يرمي الاوت لكنة تقدم عن مكان الاوت عشر خطوات تقريبا ولما جيت عند يوسف وقابلتة وجه لوجه وقلت لة يوسف ارجع لمحل الاوت الاصلي فرد علي وقال لي بالحرف الواحد( يابن الحلال احد خبلان مايدرون عن شي مشيها بس) فكان موقف مضحك ومحرج للحكم في نفس الوقت... ----------------------------------------------------------------------------------------------------------- خذوا هالموقف..... يقولون مره في احد تمارين الهلال كان المدرب عمر بوراس كان تذكرونه.....وكانوا معولين على الثنيان كثير لمباراتهم بكره مع النصر المهم الكل متحمس والمدرب متوتر مره والكل محترق في التمرين......المهم في عز التمرين استاذن يوسف الثنيان دقيقه من المدرب اللي يحسبه رايح لدورة المياه......وطلع يوسف من التمرين.....المهم ينظرون الرجال يرجع ربع ساعة ساعة ساعتين الى ان خلص التمرين وماجا وقامت قائمة النادي يدورونه على شان مباراة بكره......المهم الكل مختبص يدور هالثنيان.....وحرق اعصاب الليل راح وابو الشباب ماجا.....يوم جت الساعة 11 ليلا جاك الهندي حق الملابس يركض ويقول ثنيان نوم نوم.....وطلع ابو الشباب صاكها نومه في غرفة الكور..........ووقفوه ذيك المباره......يبقى ملح الكره السعودية ================================================== ============== موقف اخر للفيلسوف الثنيان ؟ في احدى مباريات المنتخب الودية في الدمام لعب المنتخب مع الاتفاق مباراة ودية وبعد ان انتهى الشوط الاول وقف الثنيان يسولف مع حارس مرمى الاتفاق فؤاد المقهودي عند مرمى الاتفاق لا وجلس مربع على رجلية يسولف مع فؤاد وترك المنتخب ولا راح معهم غرفة الاستراحة ولا سمع خطة الشوط الثاني ولاهم يحزنون ؟ وبعدين دخلو لاعبين المنتخب داخل الملعب للعب الشوط الثاني ثم راح ووقف في مركزة الجناح الايمن وسط ضحك الجماهير واستغراب كارلوس البرتو اللي قام يومي براسة يوم شاف الثنيان داخل الملعب ورفع ايدينة فوق معبرا عن استغرابة لتصرفات الفيلسوف؟ ================================================== ============ في معسكر للمنتخب السعودي كان يوسف مشارك أحمد جميل الغرفه في الفندق ، وبعد تمرين شاق ومتعب وتوترت فيه الأعصاب شوي ، قام يوسف وكتب لافته وعلقها على باب الغرفه مكتوب فيها ( ممنوع دخول السود ) ، وزعل أحمد جميل من هذي الحركه وكلمه ، والرجال ما قصر ، خلع اللافته . وفي اليوم الثاني رجع أحمد جميل الغرفه ولقى اللافته موجوده مرة ثانيه ، بس مكتوب عليها ( ممنوع دخول السود عدا أحمد جميل ) ... ها ها ها ها ================================================== ======= يوسف الثنيان له صديق قريب غالى قلبه أسمه إبراهيم القصيمي (إداري نادي الرياض السابق ) إبراهيم يحب أبو يعقوب حبا جما.. قام الأستاذ الحكير بوضع إبراهيم القصيمي ضمن الجهاز الإداري لنادي الرياض .. وفي أحد مباريات الهلال والرياض مررت كرة ماكره للثنيان فأحرز منهاهدفا جميلا فأنطلق يجري بأتجاه إحتياطي الرياض وبالضبط في أتجاه القصيمي ولم يكذب إبراهيم خبرا.إذ قفز فرحا وأحتضن الثنيان ومن يومهاوإبراهيم القصيمي خارج نادي الرياض |
ههههههههههههههههههههه رغم تحفظي على بعض المواقف ............... إلا أن الموضوع كان طريفاً وهذي حركات يوسف ؟؟؟؟؟؟؟؟؟؟؟؟؟؟؟؟؟؟؟؟؟؟؟ منول ؟؟؟؟؟؟؟؟؟؟؟؟؟؟ ولكن تبقى حركاته مقبولة حتى من غير الهلاليين ؟؟؟؟؟؟؟؟؟؟ شكرا لك ؟؟؟؟؟؟؟؟؟؟؟ ما نيب كاتبه اسمك يبي لي أحول على ال‘نجليزي .... وعجزانه ؟؟؟؟؟؟ |
يعطيك الف عافية يا بلاير |
يعطيك العافيه |
ههههههههههههههه لا وفي مره كانت مباره السعوديه والكويت في الرياض وجت ضربه ركنيه للكويت وكان على التنفيذ (بدر حجي)عاد جماهير السعوديه ما قصرت بدت ترمي عليه انواع القوارير ما قدر يلعب الركني ويحاولون اللاعبين السعوديين وقف الترجيم ولا قدروا وكان يوسف بالاحتياط عبدالرحمن الدهام قوم يوسف الثنيان عشان يهدي الوضع لشعبيته يوسف اشر لهم انهم يوقفون فلما ذهب الدهام اشر لهم مره اخرى انهم يبداون بالقذف ههههههههههههههه |
الله يوسع صدرك بالعافية |
الله يوسع صدرك مثل ماوسعت صدورنا |
| الوقت المعتمد في المنتدى بتوقيت جرينتش +3.
الوقت الان » 12:26 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd