لماذا كوزمين يشرك سول باول الدقايق؟؟؟ - نادي الهلال السعودي - شبكة الزعيم

@عمر العتيبي@ · #1 21/02/2009, 05:44 PM

بسم الله الرحمن الرحيم

كلكم رأيتم سول في المباريات االخمس اوالست الي مضت والتي لم نشاهد منه المستوى المأمول طبعا انامن اول ماجاء وانا داري
انه ماراح يفيد الهلال بشي ولاهو بافضل من العنبر لاني رأيت مستواه باالاونه الاخير تاريخه بالاصح لم يفيد اي نادي لعب فيه وكان اغلب المباريات حبيس دكة الاحتياط ولاادري لماذا اختار كوزمين هذا الاعب هذا ماهو موضوعنا موضوعنا هو لماذا كوزمين يفضل سول على العنبر هل العنبر مصاب طبعا العنبر ليس مصاب والكل يعرف طيب هل العنبر لايهدف طبعا كلنا يعلم كم هدف للعنبر 7 اهداف طيب هل العنبر انخفض مستواه طبعا لا وزود على كذا كلكم سمع القاء مع الامير عبدالرحمن بن مساعد عندما قال سول لم يقدم المستوى المامول منه حتى ابومساعد موراضي على المستوى الي يقدمه هذا الاعب طيب لماذا كوزمين يصر على سول بادخاله ويجازف فيه انا اسميها مجازفه عندك لاعب بحجم العنبر مشالله عليه مستواه تحسن وكوزمين يدخل الكوري من اول الدقايق ويخليه يلعب 70 دقيقه اذا ماكان التسعين دقيقه في اغلب الاحيان انا الى الان لم القى اجابه وسبب اشراك الكوري من اول المباراة كلكم شاهدتوا العنبر في مباراة الوحده مااقول ابدع لاكن تحركاته حلوه افضل من تحركات سول ...
*اتمنى من كوزمين يقوم بادخال العنبر من الدقايق الاولى وسول اخر الدقايق لان المباريات الباقيه كلها مهمه لنا وماتحتاج اي تفريط...
تحياتي لكم

طـآيــرن بـآلعـجٌـه · #2 21/02/2009, 05:48 PM

اذا كاان العنبر افضل من سيوول

اجل الصويلح كيف !!

بالتوفيق للزعيــــــم !

ViP.HiLaLi · #3 21/02/2009, 05:50 PM

الله يرجع الصويلح بالسلامه ويفكنا من العنبر وسيول

@عمر العتيبي@ · #4 21/02/2009, 05:55 PM

إقتباس

الرسالة الأصلية كتبت بواسطة مجنون18الصويلح


	اذا كاان العنبر افضل من سيوول اجل الصويلح كيف !! بالتوفيق للزعيــــــم !

اتمنى ماندخل العاطفه على حساب الهلال الصويلح والنعم لاعب ممتاز ومهاري وسريع لاكن يااخ مجنون الصويلح الاعب توه راجع من اصابه ومستحيل يرجع لمستواه بيوم وليله افضل لاعب يكون بدل لسيول العنبر ووجهة نضرك احترمها ومشكور على التفاعل مع المشاركه تحياتي لك ...

دخون ازرق · #5 21/02/2009, 06:07 PM

سيول مهماتة بالملعب غير الي نعرفها انا ونت ويدركها المدرب جيدا
سيول له قدره كبيره على اشغال دفاع الخصم ان كا بالقوه البدنيه او بالتحرك بدون كوره
وهذا يسهل على ياسر التحرك بالهجوم بكل سلاسة
تحياتي

هلالي من كل دمي · #6 21/02/2009, 07:05 PM

مو مهم سيول او العنبر اهم شي الفووووووووووز وسلامتكم

احم احم14 · #7 21/02/2009, 07:29 PM

أقول وش رايك تجلس بدال كوزمين

ياشين بعض الاعضاء لاصار كل واحد يحب له لاعب يبغاه اساسي

انا من وجهة نظري انه سوول افضل من العنبر بمراحل

يكفي انه يتعب المدافعين بتحركاته ويستلم الكوره صح ويمرر

وزد عليها يعطي ياسر المجال لتهديف

تحياتي لك

سبحان الله وبحمده عددخلقه ورضاء نفسه وزنة عرشه ومداد كلماته

● • ѦẐỔẐ »~ · #8 21/02/2009, 07:35 PM

مو مهم سيول او العنبر اهم شي الفووووووووووز وسلامتكم

alzaeem yasser20 · #9 21/02/2009, 07:39 PM

اعتقد ان سيول عنده الكثير ليقدمه لكن ما تأقلم مع الفريق زي ولي وتفاريس وكماتشو احتاجو لفترة للتأقلم ويمكن تكون مباراة النصر انطلاقة قوية للاعب مع الزعيم....

@عمر العتيبي@ · #10 21/02/2009, 07:44 PM

إقتباس

الرسالة الأصلية كتبت بواسطة احم احم14


	أقول وش رايك تجلس بدال كوزمين ياشين بعض الاعضاء لاصار كل واحد يحب له لاعب يبغاه اساسي انا من وجهة نظري انه سوول افضل من العنبر بمراحل يكفي انه يتعب المدافعين بتحركاته ويستلم الكوره صح ويمرر وزد عليها يعطي ياسر المجال لتهديف تحياتي لك سبحان الله وبحمده عددخلقه ورضاء نفسه وزنة عرشه ومداد كلماته

اخوي اشك انك هلالي تقولي سول افضل من العنبر اذا الامير اعترف وقال ان سول ماقدم المستوى المامول وقال انا لست راضي عن مستواه
تجي تقولي اني احب العنبر والله هالكلام ماحبيت اني اشووفه اذا احنا نحب الاعبين فاحنا المفروض نعتزل تشجيع الزعيم ونبقى نحب الاعب هذا المفهوم من كلامك اخوي اتمنى انك ماتستعجل بالرد وتفهم قصدي قبل لاترد انا همي مصلحة الزعيم قبل كل شي وشكرا على مرورك...

ولد جازان هلالي · #11 21/02/2009, 09:43 PM

كلامك 100\100 نفس الكلام لي ابي اقووووله

احم احم14 · #12 21/02/2009, 11:36 PM

إقتباس

الرسالة الأصلية كتبت بواسطة هلالي@عنيزهـ


	اخوي اشك انك هلالي تقولي سول افضل من العنبر اذا الامير اعترف وقال ان سول ماقدم المستوى المامول وقال انا لست راضي عن مستواه تجي تقولي اني احب العنبر والله هالكلام ماحبيت اني اشووفه اذا احنا نحب الاعبين فاحنا المفروض نعتزل تشجيع الزعيم ونبقى نحب الاعب هذا المفهوم من كلامك اخوي اتمنى انك ماتستعجل بالرد وتفهم قصدي قبل لاترد انا همي مصلحة الزعيم قبل كل شي وشكرا على مرورك...

حلوه اشك انك هلالي عشانك تقول سول افضل من العنبر

اسمح لي كلامك مضحك لاتزعل من

يعني لازم اقولك العنبر افضل عشان اكون هلالي ..!!

ياخي وجهة نظر انا اشوف انه سول افضل مو لازم اقولك ايه كلامك صحيح هذا شي راجع لي

بعدين كلامك ذا شفته عشر طعش مره طبعا ماكان موجهه لي

بس اشوف اغلبية الاعضاء اذا مااعجبهم موضوع او رد احد الاعضاء قاله اكيد انت منتب هلالي يعني بس انت الي هلالي

كل شخص مسئول عن الي يكتبه ويعبر عن وجهة نظره بس مايحق لك انك تشكك بهلاليته لأنه مع احترامي لك يمكن يكون هلالي قبل تكون هلالي ويحب الهلال اكثر منك الي حاب اوصله لك ابعد عنك التشكيك لكل شخص يختلف معك

انا منب مدرب عشان العب الي اشوفه بس انا من مشاهدتي ل سول اشوف انه افضل من العنبر هذي وجهة نظر انت تشوفه افضل هذا شي راجع لك

سالفة اني اقول كل شخص يحب لاعب ويحب انه يشوفه بالملعب لاني اشوفك تقول ابي العنبر اساسي وفيه عضو ثاني يقول ابي الصويلح الي فهمته انه كل واحد يبغى الاعب الي يحبه

بجي معك بتصريح عبدالرحمن بن مساعد هو قال ماقدم المستوى المأمول منه ماقال سيئ ولا راح يلعب مره ثانيه
والدليل انه يلعب المباريات الي راحت هذا وش معناه..؟؟

معناه انه فيه مدرب هو الي يقيم ويعرف من الي يخدم الفريق
اتوقع ماجبت شي من عندي

تحياتي لك واتمنى مايزعلك كلامي

سبحان الله وبحمده عددخلقه ورضاء نفسه وزنة عرشه ومداد كلماته

طير الشووق · #13 21/02/2009, 11:47 PM

اعتقدان وجود سول مع ياسر القحطاني بالمقدمه .. يتيح لياسر فرص لتهديف
ويسار سجل اكثر من هدفين من صنع سول ..عطو الاعب فرصه وثقه

كوزمين مدرب ذكي ..ماراح تطوفه هالي كتبته بموضوعك
وهو أدرى بمصلحه الفريق لا انا ولا انت ولا حتى سمو الفريق يعرف وش يفكر
فيه المدرب صراحه كوزميين داهيه

مشكور اخووي .. واعتقد ان سول راح يقدم مستوى ..والعنبر خله يلامج
الدكه .. لين الله يفرجها ههههههههههه

سالم 14 · #14 22/02/2009, 02:25 AM

سول تحركاتة كويسة

وصنع اهداف

ياريتك لوتجي يمي

Lover Sami · #15 22/02/2009, 08:29 AM

شكراً لك
الصراحة شاهدنا مستوى العنبر في مباراة الوحدة كان تأثيره أكثر من تأثير
سيول خلال المباريات اللي شارك فيها ،
اتمنى ان يكون آما الصويلح آو العنبر في الهجوم بجانب القناص
و ان لانشاهد سيول ،