22/02/2009, 09:34 AM
|
| زعيــم نشيــط | | تاريخ التسجيل: 13/08/2008
مشاركات: 618
| |
هذا الذي نلاحظه المنتديات الهلاليه مؤخرا
لو نلاحظ في المنتديات الهلاليه مؤخرا ، ظهر علينا حركة جديدة من بعض
جماهير الزعيم .
فقبل كل مباراة نجد موضوع ( سجل حضورك لمباراة الهلال مع ... )
وتتفاجئ في الردود اللي يقول أنا حاظر من الشرقيه و اللي من القصيم
واللي من جده وووووالخ.....
غير اللي يقولون حاظر من العصر .. تقول أنت الله يستر يمكن ما ألقى مكان لي !!
وتتفاجئ في المباراة أن بينك وبين أقرب واحد 10 كراسي
والسبب اللي أكتشفته( الاتكاليه)
كل واحد يقول يارجال بيحضرون هي وقفت علي أنا !!
تراي واحد من اللي سوو الحركه هذي
أنزل مواضيع بعض الأحيان تحفيز ومدري أيش و آخرها الديربي الأخير
ولا حضرت !! بسبب ظرووف
ولو كل واحد أتكل على الثاني ما راح يمتلي ربع الواجهه
وبدون مبالغه وليست معجزه أن يحضر 30 الف مشجع << عدد التذاكر المطبوعه
فقبل عده أشهر حضر 80.000 مشجع من العصر !!
غير 20.000 لم يجدوا مكانا لهم فعادوا لبيوتهم
و بعضهم يتعذر يقول) ماني فاضي أحضر من العصر في الملعب(
وتلقاه من أذان المغرب يدور مكان في المقهى وبخاشيش للعمال و إزعاج
، ولو حضر للملعب أفضل بكثير .
## الحضور الجماهيري له دور للاعبين نفسيا
فحينما يدخل لاعبي الفريقين أرض الملعب للإحماء ويجدوا جماهير فريقهم
متلونه بلون الفريق و تشجع وتحيي غصب عن اللاعب يتحمس وسجتهد
لإرضائهم , تخيل لاعب مأمل أنه يلقى المدرج مليان وفجأه يلقاه فاضي
أكيد بيتأثر أو يلقى جمهور الفريق الخصم أكثر طبيعي راح تنعكس سلبيا عليه
يا خي إذا المتابعين خلف الشاشات يتأثرون بقلة الحضور فما بالك باللاعبين
الله الله بالحضور ليس البدني فقط ، فتشجيعك و تصفيقك و مؤازرتك
هي الهدف من حضورك .
## ملاحظه أخيره
اللي بيحضر و لا يصلي فهذه مشكله كبرى فحاول ان تصلي
و إذا كانك خايف على مقعدك في الملعب ، فمقعد في الجنه أهم
خل أحد يحجزه لك الين تجي بعدين هو يروح يصلي و أحجزه له أنت
الموضووووع بسيط .
هل من الممكن ان نشاهد مثل هذه الصورفي المدرجات :
دعواتكم للهلال بالفووز على النصر .
تحياتي ... الكاسر وخصمه خاسر 20
اخر تعديل كان بواسطة » الكاسر وخصمه خاسر 20 في يوم » 22/02/2009 عند الساعة » 11:41 AM |
الوضع المتطور
