|
إقتباس:
ثانيا اهنيك على الرد وكنت ودي اكتب موضوع من زمان عن وزن ياسر الذي الان لايعرف يراوغ مثل اول اتمنى من ياسر انه ينحف والله لاسرعه ولاتسحيب ويحب يجيب هدف حلو على حساب فريقه واخرتها قدام الوحده ثلاثه اهداف ضيعها لان يبي يجيب هدف عالمي اللخ يهديك ياياسر |
اللهم وفق الهلال فوق كل ارض وتحت كل سماء واجعل الفوز حليفه |
تابط سرا كلامك صحيح 100% انا الصراحة الخايف منه كثير هو ياسر الي مستواه رجع بشكل مخيف واصبح ثقيل جدا لايستطيع اللحاق بالكورة او مجارة اي مدافع حتى لو كان بطيء حتى الاهداف الي سجلها هذا الموسم كلها قدام الباب مباشرة ولافيه اي مجهود شخصي مثل المواسم الي طافت حتى الهجمات قدام الباب مباشرة اصبح يضيع بشكل كبير ودقة التسديد اصبحت ضعيفة اتمنى ان ياسر ياخذ هذا النقد من باب الجد ويحافظ على نفسه لان المنتخب ايضا ف حاجة خصوصا فيهذا التوقيت وشكرا لكم عل اثارة الموضوع |
انا من وجهة نظري ياسر مستواه طبيعي مادام ماغاب عن التهديف هذا هو المطلوب اما الفريدي هذا واضح جداً تدني مستواه والشلهوب المدرب الى اللحين ماعطاه الفرصه والتايب زي ماقالوا الشباب توه راجع من الاصابه وانشاء الله يرجع من بوابة النصر ( تفائلوا بالخير تجيدوه ) |
يا جماعة مشكلة ياسر لا تظهر وتختفى خلف وسط قوي جدا بل عالمي هذا الي يخلي ياسر ما تظهر مشكلته لكن مع المنتخب تظهر بشكل واضح وقوي والدليل شوف مستواه مع المنتخب والله ميح ميح والله يا ياسر كل ماشفت مبارياته مع المنتخب خاصة في خليجي 16 وتحركاته القوية الي تزعج المدافعين اتحسف على الماضي لكن ان شاء الله يرجع احسن من اول وهذا الي نبيه من ابو سعيد |
إقتباس:
|
مشكور يالغالي على هذا الموضوع وكلامك سليم 100% وخاصة ياسر والفريدي |
صراحة الدوري السعودي هذا الموسم و اغلب اللاعبين السعوديين منخفض مستواهم اما طارق لظروف الايقاف و الاصابات |
تكفون لاتتكلمون عن اللعبية قبل المباراة والله ينهبط ازود وازود وان شاء بأسرع وقت يرجعون مستووياتهم |
ياسر مانزل اهم شئ يجيب قول وهو ماشاء الله مو مقصر كل مبارة جايب قول التايب ايقاف ثم اصابه يبغى له وقت عشان يرجع زي اول الشلهوب والله رجع لمستواه بس ماأعطي الفرصه عشان يبدع الفريدي صغير بالسن ويحتاج توجيه وماعليه اي كلام نجم ماشاء الله |
بلاه من الكد اللي كادينهم الإتحاد السعودي سفر + تغيّر جو + فرق الأوقات + مواعيد النوم + مشاركات لمدة 90% دقيقة بكل مباراة = إرهاق |
انا معاك اخوي في كلامك اللي قلته بالنسبه للطارق اتوقع الايقاف والاصابه اثرت عليه والفريدي احس انه لاعب مزاجي بصراحه مافهمته والله يوفق الزعيم ان شالله |
التايب تو راجع من الاصابة وبعدين شوف لمن يمسك كورة بمبارة الوطني ولا الوحدة شوف كم لاعب معاه بس لمن يلعب المبارة كاملة لو الفريق الخصم كلهم مراقيبن التايب يهبلبهم الفريدي يلعب بدون روح اتمنى من الامير عبدالرحمن يشوف حل معاه والله قرفنا دوم يلعب بدون روح الشلهوب عمره كبير لاكن بدأ مستواه يرجع شوي شوي ياسر بس هابط مستواه من ناحية المهارة الفردية بس من الحاسة التهديفية لسى والمهاجم مو لازم يكون عنده مهارة فردية عالية عندك فان نستيلوي قبل موسمين اخذ افضل مهاجم وهو ما يعرف الا يقنص بالمرمى ودليل ان المهاجم لا يحتاج لمهارة فردية ما اخذ الجائزة روني او ايتو لان حاسة فان نستيلوي التهديفية اعلى من حاستهم وياسر هاذا الموسم نفس الحال اسف ع الاطاله |
مع احترامي لك ولنقدك الهاديء والبناء الا أنني أختلف معك تماماً في مقارنتك مستوى وتأثير ياسر( حتى مع انخفاض مستواه) بالبقية فياسر صحيح مستواه أقل من الثلاث سنوات الماضية لكنه مازال هداف الفريق وأهدافه حاسمة وسبب هبوط مستوى ياسر هالموسم كثرة الإصابات والمشاركات ومع ذلك كما قلت هو الهداف فياسر هالموسم حسم عدة مباريات للهلال مثل مباراتي النصر والوطني وغيرها من المباريات فمن الظلم مقارنة هبوط مستوى ياسر ( النسبي ) مع الهبوط الكبير في مستوى الفريدي والشلهوب ! يكفي ان ياسر ضحى هالموسم كثيراً للهلال والمنتخب من خلال لعبه وهو مصاب وآخرها في مباراة الوطني ومع ان النجم الكبير والمؤثر ياسر لعب مباراة الوطني وهو مصاب وحاط رباط ضاغط على فخذه الا ان الكبير كبير وحضر النجم الكبير في الوقت الهام والمناسب وحسم المباراة بهدف رائع فأتمنى بدل ماننتقد في نجم يضحي كثيراً من أجل وطنه وناديه ويقدم الكثير للهلال ندعمه معنوياً ! |
إقتباس:
ياسر سجل هدف رائع مع النصر أتحدى أي لاعب سعودي يسجل مثله وهالهدف يدل على مهارة عالية والمهارة أقصد فيها مهارة استلام الكرة بصدره مع انها صعبة وبعد ذلك وضع الكرة في المرمى بدقة وهدف ياسر في الوطني يدل على انه مهاجم متميز سواء في تمركزه أو في تحركه داخل الصندوق ومن خلال هالتمركز الرائع والتحرك الذكي جدا خلق لنفسه مكان مناسب جدًا للتسجيل ومن بعد هالتحرك الرائع والذكي والمتابعة الممتازة لعكسية سول وضع الكرة بكل دقة في المرمى فبعد هالهدفين اللي ذكرتهم على سبيل المثال لا الحصر .. وين ضعف الدقة في التسديد اللي تقول ؟! أما كلامك عن انخفاض سرعة ياسر عن أول فصحيح والسبب معروف الرجال مسوي عمليتين في بطنه وبعد رجوعه من العمليتين لعب عدة مباريات وفي فترة وجيزة مع الهلال والمنتخب فجاه تمزق في الفخذ فياليت الاخوان يخفون شوي على أحد كبار النجوم المهمين والمؤثرين في الهلال من ناحية الحسم ! |
| الوقت المعتمد في المنتدى بتوقيت جرينتش +3.
الوقت الان » 12:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd