[COLOR="Blue"]بسم الله الرحمن الرحيم
السلام عليكم و رحمة لله و بركاته

قبل شوي دخلتى منتديات النصر استنتجت ان جمهورهم ناوينها
تكفون يا الزعماء تكفون الحضور ثم الحضور ترى النصراويين هذه المباراة متفائلين كثير و حضورهم بيكون قوي
ما نبي نتهاون و بالاخير نتفاجا
املاوا المدرجات اهتفوا باسم الزعيم ادري الفريق على النجوم الي فيه الا انه الى الان ما قدم مستوى
لكن بيدينا نجبرهم يقدمون المستوى
تكفون خلونا صف واحد خلونا نتحد من اجل الزعيم نثبت للكل من الزعيم من الموج و ش تتوقعون بتكون ردة فعل اللاعبين اذا شافوا المدرج مليان و الكل يهتف باسم الهلال كلن بصوت و احد يا هلال
انسوا كل شيء و اهتفوا طول المباراة شوفوا الاتحاد و جمهموره شلون يهتف طول المباراة شوف النصر شلون جمهوره الفريق من 10 سنين و لا بطولة و يساندون و يحضرون و حنا الفريق يفوز و بطولات و بس لانه ما يقدم مستوى الملعب فاضي
يا الله الي برى الرياض يكلم اخوياه الحين و يحركون سوالف بالسيارة و فلة و وناسه تنامون بشقة ثم على الملعب
و تشجيع طول المباراة منها تفلونها انت و اخوياك و منها تشجع الزعيم وش وراكم اجازة
و اللي بالرياض يجمع اخوياه و عيال الحارة حتى البزارين يجيبهم طبعا الهلاليين بس و شجعوا الزعيم
خلونا نكون يد وحدة مع الزعيم يا الله تحركوا حنا طول هالموسم ما عبينا المدرجات فرصتنا وش شعور الشلهوب و المدرج كله يهتف باسمه و الله ن يسوي الهوايل و التايب نفس الشيء يا الله
الهلال اسعدنا ليل نهار ما نبي نخذله يوم احتاجنا تكفون خلونا نزف الزعيم لاغلى البطولا لا تتكاسلون
انا طالبكم لا احد يقول كل شيء ممنوع مو لازم اعلام و شالات بالصوت كلنا نهتف للهلال
حنا عشاقه يحتاجنا لازم نوقفمعه يا الله الي هلالي من قلب يحضر مو بس كذا حتى اذا سكتت الرابطة انت شجع الي حولك و الباقين يغنون معاكم
عاد لا حضرتوا الله الله بالمقاطع[/COLOR]