ثاني موضوع لي ..( هذا الموسم ).. جمهور الهلال بالرياض + صورة أعشقـها لـ سامي بن عبدالله الجابر
 

الســـلام عليكم ورحمة الله وبركاتـه



ألــف مبروك للزعماء التأهل لـ دور نصف النهائي والحمد لله وبالتوفيق لنا يوم الاثنين s13s

حبيت اتطرق لجماهير الهلال بالرياض ( بالعربي الحضور )

صحيح اتفق مع الجميع ان جمهور الهلال بالرياض حضوره اقل من المتوقع واكثر المباريات مقنع ( الى حد ما )


عموما انا ما راح التمس العذر للجماهير لكن .. عدم الحضور له اسبابه وذكرها اخـوي محمد الهلالي في موضوع سابق وانا اتفق معاه 100%


وازيد على موضوعه أنـي مره رحت للملعب أعتـقد مباراة الهلال والشباب ( نصف نهائي كأس ولي العهد الموسم الماضي ) وكانت معاي بطارية جوال احتياطيـه مخليها في المحفظـه .. العسكري الله يسامحه فتش في المحفظـه لين برد قلبه و شاف البطاريه قال ما تدخل .. قلت انا من عادتي اصور بالمباارة والبطاريـه اللي بالجوال لك عليها يعني ساعتين وهي قاضيـه وبالأصـل انا ناسيـها في المحفظــه بس حكم القوي ع الضعيف وراحت علي البطاريــه بس اهم شي الاقي مكان


انا بوجه موضوعي للي يكتبون بالمنتدى ،، عن جمهور الرياض بعدم جضوره وشن الهجوم على جماهير الزعيم بالرياض .. وتجريده من هلاليـته ( بعد المباراة ) :no:



ثم يجيك بعد اسبوع من المباراة يعني بالعربي ( لا طاح اللي براسه ) ينتظر اقرب مباراة و يكتب موضوع // (نطالب جمهور الهلال بالحضور )

تحطيم ثم تعزيز وفرض أوامر ... :clapping:

الصـراحه شي يزعجنا حنا كـ هلاليين اننا نشوف مواضيع كـاملـه تحاربنا :to:
البعض بيقول احضر وما راح تكون فيه مواضيع ...!!!


طـيب يا حبيبي انت خلاص تقول جماهير فاشلين .. لا تقول احضروا !!


بالنهاية اتمنى اني وضحت وجهة نظري بخصوص الموضوع .


أتمنــى كل التوفيــق للهـلال في مباراتـه القادمـه امام النصـر :ga:












صورهـ أعشـقها لـ سامي الجابر :smilie47: :









http://up110.arabsh.com/s/v4kg1t3muu.jpg


سـامي : أنت اكبر منهم ولا يهمك حكيهم :smilie47:

والله انك صادق بعض اللي يكتبون بالمنتدى يرفعون الضغط

انا كنت من سكان الرياض ولكني الان لست بالرياض لظروف الدراسة

ولكن بإذن الله سأحضر لمباراة النصر بحكم الاجازة

اتمنى من بعض من يكتب الرأفة بجمهور الرياض قليلا فوالله إن أمن الملعب لهم دور في قلة الحضور

يعني كأنه يقولك لا عاد ترجع للملعب

والله يحطون شروط تعجيزية للدخول

لا تدخل الموية الا بعد فك الغطاء

ممنوع الفصفص بأكياس

أحيانا ممنوع تطلع تصلي وترجع <<<<<< والله قد صارت

كأن الهلال فريق من بلد اخر

المباراة الوحيدة التي حظرتها ولم أجد نرفزة من رجال الامن هي مباراتنا مع العين الاماراتي ( اقصد هنا المباريات الكبيرة مع احترامي لجميع الخصوم )

لا اقول الا الله يعينا وسنكون كما عودناكم يوم الاثنين بإذن الله

شاكر لك اخوي على الموضوع وتقبل مروري

اشكــرك اخوي على تشريفك

والله يكون بعون جماهير الهلال