20/02/2009, 03:24 PM
|
 | في انتظار تفعيل البريد من قبل العضو | | تاريخ التسجيل: 27/08/2006
مشاركات: 567
| |
|
مهم وعاجل لكل الجماهير إلي من خارج منطقة الرياض وبيحضر مباراة الإثنين أمام النصر طلبتكم وتكفون أدخلوا
بسم الله الرحمن الرحيم
.
السلام عليكم ورحمة الله وبركاته
.
.
أول شي ألف ألف مبروك تأهل الزعيم لنصف نهائي كأس ولي العهد وهذا ليس مستغرب على
نادي الهلال ولأجل المحافظه على اللقب وبإذن الله نتأهل للنهائي يوم الإثنين القادم ونفوز بالكاس
.
إلى جميع أخواني الهلاليين إللي من خارج سكان منطقة الرياض والله ما كتبت هالموضوع إلا
لخوفي عليكم من المصايب اللي صارت لكثير من الناس وهم جايين لحضور مباريات الهلال
إلى الرياض وكلنا نشوف الحوادث إللي سمعنا عنها لبعض الجماهير الهلالية بسبب السرعة
والنهاية (( ماتوا )) الله يرحمهم .
.
أنا أعرف هذا قضاء وقدر ولكن لازم الإنسان يكون حريص وما يكون مستعجل عشان يتابع
مباراة يودي حياته بكارثة لأجل المباراة !! يا أخوان تكفون طالبكم إللي راح يحضر للمباراة
من برى الرياض أنه ينتبه ثم ينتبه ولا يسرع وإن شاء الله راح يلحق على المباراة .
.
كل واحد له أهل يحبونه ويخافون عليه كيف هالمشجع يكون له قلب يسرع ويعرض نفسه للمصائب
ويقلب حياة أهله هم وكدر لا سمح الله لو صار له شي !!! يا شباب فكروا قبل أي شي بأنفسكم وبأهلكم قبل أي شي وأعرف أنك سواء مشيت مسرع أو مشيت السرعة المحددة راح توصل إن شاء الله يعني
هي هي لكن وش الأفضل لك تاخذ حذرك وتمشي السرعة المحددة وتوصل بالسلامة وإلا تسرع وبأي
ظرف يصير بك شي وتفقد حياتك !! وش الأفضل لك هذا إللي أتمنى تجاوبني عليه .
.
بالنهاية ما ودي أحط لكم صور حوادث الطرقات الشنيعة عشان ما أضيق صدوركم ولكن أللي أبيه منكم كلكم تعاهدون أنفسكم قبل أي شي أنكم تمشون بركادة وتتركون السرعة إللي والله ما يجي من
وراها إلا المصايب وما أقول إلا الله يوصلكم بالسلامة وترجعون لأهاليكم بخير وعافية وصدقوني
ما كتبت هالموضوع إلا حبي لكم وما نبي نفقد أحد ولا أهاليكم تفقد عيالها الله الله بالركادة ياعياااال .
.
.
وتذكر دائمآ قولة تعالى { "وَلاَ تُلْقُواْ بِأَيْدِيكُمْ إِلَى التَّهْلُكَةِ" }
.
. |
الوضع الشجري
