نادي الهلال السعودي - شبكة الزعيم - الموقع الرسمي - المقلب الذي حد من المتميلحين ( واقعي)

من باب الميانه الموضوع بدون مقدمات

هذه الواقعه حدثت في احد الاعوام وكان سببها الطفش والنجاسه مع بعض:d ( زي كبتن ماجد وياسين)
في هذا الوضع تصير الحاله جدا مستعصيه والعواقب لا تؤخذ في الحسبان الزبده : :d

مجموعه منحرفين من الشباب عايشين في عالم قاسي بسبه الروتين وهم عاد مايبيلهم شي من ناحيه النجاسه :d

الشباب تاكين بالاستراحه (عبدالعزيزاللي هو انا:d - وليد - ابراهيم الحوطي - ابو عويس - سيف الدب -والضحيه ابو عابد :d)

طلعنا كلنا للثمامه في يوم من الايام موترين وبالطبع مرينا من شارع التخصصي وكان فيه زحمه عند الاشاره

المشهد :

ثلاثه في السياره الاولى وثلاثه في الثانيه السياره اللي انا فيها كان معي وليد والسياره الثانيه كان فيها ابو عابد اللي كان مدنّق ( منزل راسه) يدور بلوتوث كوود الله يرزقه :d

شافه وليد وغير نكه وحط نك ( دلوعه نجد ) وابو عابد مع المحاولات حصّل نك وليد وارسل له
جلسنا نضحك عليه في السياره وهو مايدري انه وليد
قلنا يا عيال خلونا نكبر الفلم شوي ونتوسع :naughty:

سيف : وشلوون؟
انا : خلونا نسحبه هالخروف ونضحك عليه:naughty:
وليد: انا اعرف واحد يحبك صوت بنت خلني اكلمه

وفعلا دق وليد على خويه الخال ( عثمان ) وعااد هالخاال دارس معنا في الكليه وينهبل على هالاشياء
شرحنا له الوضع وقال خلوه عندي والله لأسحبه لين يحلق شعره :d

رحنا ورجعنا وآخر الليل بالاستراحه دق جوال ابو عاابد وفجأه قااام وطلع للغرفه الثاانيه

تذكرنا الموضوع وجلسنا نضحك وعلمنا باقي العيال السالفه واتفقنا نخلي الخال يسوي الفلم حقه :d

مرت الايام على هالحال ابوو عاابد صار يشتري عصير خلاط ماعاد يجوز له الببسي شسالفه؟ :d
الولد تغير وصار يقفل الغرفه ويرضع مع الخال :razz:

ومع الوقت تعلق ابو عاابد وتوهق الخاال :d
الخال يبي ينهي الموضوع بس قال بعطي الشباب خبر

قال ابي انهيه بس بأكشن شوي:ap:

طبعا ابو عاابد بيموت ويقابل البنت اللي حبها

واعده الخااال الصبااح عند المستشفى الجاامعي انه بيقاابله وعلمنا
وطلعنا حنا بالسياره ووقفنا بالمواقف ننتظر ابو عاابد لحظه وصوله
وصل البطل
شغلنا الكاميرا :cr:
الخال واقف عند البوابه بسيارته بس كاان رااكب في المرتبه اللي وراا ولابس عبايه على اسا انه جايه مع السواق والشوفه من بعيد :biggrin2:

ابو عاابد يلمع براطمه السودا من التتن ويمس الشماغ اللي يمكن يجرح اصبعه من قوه النشا :d
ويطلع جواله ويدق على حبيبه القلب
الخال يرد عليه ويقول شفني في الهوندا البيضا اللي واقفه وانا راكبه ورا بس سواقنا قريب لا تجي :d
قال اييه شفت السياره بس افتحي القزازه على الاقل وطلعي وجهك ابي اشوف لو بوهه :d

الخال قمط العاافيه
قال ما اقدر السواق قريب
ابو عاابد يقوول طيب اشري بيدك قبل ما ارووح
الخاال رضخ للأمر الواقع ولوح له بيده الكريهه :d

والعيال يصورون لحظات لميس متى ياخذها يحيى :d

فجأه ال اوابو عاابد يسعبل من هول الموقف

شاف يد كبيره جدا تسلم عليه
انصدم وقال في دااخله شكلها شينه بخربها وبقرب اذا صارت كويسه بعدي وبدخل المستشفى واذا صارت شينه بسحب عليها :d

وبدون تردد سارعت خطوات رجليه الى الهوندا
الخال توقع انه انكشف الموضوع
نزل بالعبايه سريع سريع
ويركض لمرتبه السواق
ابو عاابد بغا يصيح يوم شاف اللي يركض وخال وسيقانه تلمع ( مدهن قبل ما يجي ) :d
بغى يصيح من الروعه واللخمه والغبنه

وانحاش البطل والعيال يصيحون من الضحك
لدرجه انهم فاتحين الباب وطايحين في الشارع من الضحك :naughty:
بدو العالم ينتبهون والناس تناظر وش ذولا اللي يضحكون عند مستشفى؟

ابو عاابد بدون تردد شاف الكاميرا بغى ينهبل
جاك مسرع واكسر ام الكاميرا من ضيقه الصدر :d
ويحلف ويقسم اننا بزارين ومالها داعي الحركه ومن هالكلام بصوت عالي والعالم تناظر تبي تعرف شسالفه

وبعد ما رجعنا للاستراحه ابو عاابد مايرد على العيال
ولا يجي الاستراحه
وبعد ماهدا الوضع
جااك البطل مدخل معه عجراا وفواتير :d

وسددو يا عيال اللذينا :d

وهكذا تقاطو العيال بما فيهم ابو عاابد وسددنا الفاااتوره حتى المكالمات اللي مالها دخل سددناها عشان يرضى :d

وهذي القصه اقسم انها واقعيه وليست من نسج الخيال .

وبسسس