|
عاجل جدآ : لأدارة نادي الهلال قبل مواجهة دور الأربعة ............ ( الجمهور يناشدكم حل المشاكل قبل الحضور ) ............... بسم الله الرحمن الرحيم السلام عليكم ورحمة الله وبركاته : محبي الهلال سيلبون الدعوة إن شاء الله التي وجهها رئيس نادي الهلال صاحب السمو الملكي الأمير : عبدالرحمن بن مساعد لمساندة الزعيم و الوقوف بجانب اللاعبين و إن شاء الله الجمهور الهلالي لن يقصر أبدآ . لكن نحن نتمنى من أدارة النادي حل مشكلة الجمهور مع مدير ملعب درة الملاعب المهندس سلمان النمشان الذي جعل الجماهير تمتنع عن حضور المباريات لقوانين غريبة من أغربها : منع دخول المشجع بعلم فريقه للمدرجات سواء شال أو علم و خلافه ؟ و غيرها من تصرفات جعلت المشجع الهلالي يكره حضور المباريات بالملعب حيث يجلس بالبيت أفضل من أسلوب التطفيش الذي يتم أتخاذه مما يجعل المشجع يحتاج لساعات لدخول مدرجات الملعب الجدير بالذكر أن الهلال سيلعب مبارياته في بطولة دوري أبطال آسيا على نفس الملعب إن شاء الله فيجب حل المشاكل حتى لا نتفاجأ بغياب الجماهير . نتمنى من أمين عام نادي الهلال أحمد الخميس طرح هذه النقاط في الأجتماع التنسيقي لمكتب رعاية الشباب بالرياض لمناقشة الترتيبات لمواجهة الهلال و النصر في دور الأربعة ضمن بطولة كأس ولي العهد التي ستقام يوم الأثنين 28/2/1430هـ على ستاد الملك فهد الدولي بمدينة الرياض إن شاء الله . |
إقتباس:
وانشاء الله مانشوف مضايقات زي كلعادة وياليت الموضوع يوصل للإدارة حتى يتم تدارك ذلك ولا يصير فيه محابه لجمهور الجار.... .......................................................... |
صحيح صراحه معاملة سلمان النمشان لجماهيرالهلال تختلف عن معاملة جماهيرالفرق الاخرى |
كلام في الصميم وفعلا ادارة الملعب بقيادة النمشان واتعليمات الغريبه ومن ثم رجال الامن وتعسفاتهم واستفزازاتهم للجمهور الهلالي لابد من وجود حل لها.. واول مره اشوف نظام بالعالم يمنع دخول الشالات والاعلام الا عندنا وبمباريات الهلال خصوصا نتمنى تسهيل مهمة جمهور الزعيم |
دايم تتحفنا بمواضيع لها فايده وبنفس الوقت ممتعه يانقوشي الله لايحرمنا من ابداعاتك ,,,,,,,,,,,,,,,,, يالغالي انا كتبت موضوع وقالولي انه تحت التقييم وش السالفه اول مره يسوونها ؟؟؟؟؟؟؟؟ |
لا عادي شال بس الشال يكون ما كتب عليه الا الزعيم يعني لا اسم لاعب ولا شي وخذلك الشال ابيض وازرق افضل شي في الشالات وبخمسه ريال وشكله احال من الي كتب عليه يا سر 20 ومن ذي الاشياء وياليت تحضرون مباره الاثنين تكفون بدون اعذار الهلال محتاجكم |
النمشان همه الوحيد ان جماهير الاندية الثانيه ماتقول انه هلالي فلذلك يطلع حرته فينا بس ان شاء الله هذا مو عذر الملعب بيكون فوووووووووووووووووووووووووووووووووووووول ^_^ |
نتمنى الإدارة تقوم بهالخطوة .. طلبات الجماهير .. سهلة وعادية .. هي دخول الفلينات ودخول الشالات والسماح بالخروج اوقات مابين الشوطين .. او الدخول بالاعلام ذات العصي ( مع الرابطة فقط) حتى لايساء استخدام العصي .. اتمنى السماح بالشالات لكل الجماهير والسماح بالفلينات دام مافيها اساءه وايضا .. الاعلام ذات العصي (للرابطة فقط) .. ويكون تعهد مكتوب بعدم اساءة استعمالها .. تحياتي لك .. وباذن الله .. 50% فـــل " يوم الاثنين " ..و من كل الديـار .. راح يحضر الجمهـور البـار .. لمساندة الزعيم وسحق الجار .. اخوك : هوس المدرجات |
اخوي هوس المدرجات ليه تقول 50% فل مو هي بارضنا ولنا 60 مادري 70%؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
هل هي من الاساس محاولة لتطفيش جمهور الهلال ؟!! قوانين غريبه ومضحكه يعني الحين الشال ليه يمنع ؟؟ بأشنق به احد مثلا!! والا بس شوفوا ترى عندنا قوانين :to: |
صراحة حضور المباريات هنا في الرياض عبارة عن هم مو وناسة والله ! لازم الادارة تتخذ خطوة جريئة من اجل الحد من هذه المحاولات لتطفيش الجمهور الهلالي |
صدقني محد درى عنك الله يعين ,, |
تسـلم يانقوشي واتمنى هذا الموضوع يوصل للإدارة لأن هذي مهزلة وان استمرت الجمهور لن ييحضر.! |
اتمنى السماح بالشالات لكل الجماهير وياليت تحضرون مباره الاثنين تكفون بدون اعذار الهلال محتاجكم واتمنى حضور جماهير كبير |
والله ودي أجي المباراة بس أنا بروح المدينة المنورة يوم السبت دعواتكم لي يا زعماء |
| الوقت المعتمد في المنتدى بتوقيت جرينتش +3.
الوقت الان » 08:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd