|
الام ماتت والقصيده سلمها الدكتور لأبنها وهو يستلم الجثة!! قصيده مؤثرهـ جداً بسم الله الرحمن الرحيم يارب لا تحرمنى اميمتى وارزقنى برهاااا ورضاها يااخوان نصيحة لله الزم رضا الوالدة قبل فوات الأوان الام ماتت والقصيده سلمها الدكتور للولد وهو يستلم الجثة هذهـ قصيدة لأم تعيش في دار المسنين تنثر كل أحزانها بصوت الامومة لولدها الذي رماها وتركها من أجل خاطر زوجتة التي رفضت العيش مع أمة.....؟؟ وتمر ثلاث سنوات ولم ترى فلذة كبدها ولو مرة واااحدة فكتبت هذة القصيدة .... يامسندي قلبي على الدوم يطريك ×× ماغبت عني وطيفك سمايا هذي ثلاث سنين والعين تبكيــك ×× ماشفت زولك زايرآ يا ضنايا تذكر حياتي يوم أشيلك وأداريك ×× والاعبك دايم وتمشي ورايا ترقد على صوتي حضني يدفيك ×× ماغيرك أحدآ ساكنن في حشايا وليا مرضت أسهر بقربك وداريك ×× ماذوق طعم النوم صبح ومسايا ياما عطيتك من حناني وبعطيك ×× تكــبر وتكــبر بالامل يا مـنايا لكن خسارة بعتني اليوم وشفيك ×× وأخلصت للزوجة وأنا لي شقايا أنا أدري أنها قاسية ما تخليك ×× قالت عجوزك ما أبيها معايا خليتني وسط المصحة وأنا أرجيك ×× هذا جزا المعروف وهذا جزايا ياليتني خــدااامةً بين أياديك ×× من شأن أشوفك كل يوم برضايا مشكور ياوليدي وتشكر مساعيك ×× وأدعي لك دايمآ بالهدايا حمدان يا حمدان أمك توصيك ×× أخاف ماتلحق تشوف الوصايا أوصيت دكتور المصحة بيعطيك ×× رسالتي وحروفها من بكايا وأن مت لاتبخل علي بدعاويك ×× وأطلب لي الغفران وهذا رجايا وأمطر ترااب القبر بدموع عينيك ×× ما عاد ينفعك الندم والنعايا -- لا إله إلا الله محمد رسول الله اللهم أصلح حالنا وإجعلنا أبنائاً بارين بوالدينا يارب العالمين اللهم آمين اللهم آمين |
دمعت عيوني وأنا أقراها هذا قلب متحجر الله يسامحــه ... بس بيعيش وهو يحس بحســره اللهم أعننا على بر والدينا |
قريتها من قبل بس حبيت اقراها مره ثانيه لانها روعه تسلم يالغالي والله يرزقني رضا امي وابوي |
اللهم اغفر ذنوبنا جميعنا وارحمنا برحمتك يآآرب العالمين .. |
إقتباس:
|
قصيدة رائع وتشكر عليها،، !! |
-- لا إله إلا الله محمد رسول الله اللهم أصلح حالنا وإجعلنا أبنائاً بارين بوالدينا يارب العالمين اللهم آمين اللهم آمين |
الله يزرقنا رضا والدينا مشكور ع الموضوع والقصيدة المؤثرة |
موضوع مؤثر جدا جدا جدا كادت ان تنزل دمعتي عند قراءتها |
يا لطيف يا لطيف .. :no: ما اتوقع أن هالقصة حقيقية , أتوقع الشاعر انتحل شخصية أم وكتب هالقصيدة حتى يذكر الأبناء بأمهاتهم ويرقق قلوبهم . لكن اكيد بر الوالدين فوق كل شيء بالحياة .. الله يعينا على برهم ولو أننا مارح نسوي أقل القليل بحقهم . يوم قريت العنوان تذكرت شيء وصتني عليه ماما ولا سويته :to: رحت اسويه ورجعت اقرأ الموضوع :d يعطيك العافية وتسلم ع النقل المفيد , |
الله يعطيك العافيه على الموضوع ,, |
دمعت عيناي يوم قريت هالقصيده مؤثره جدا يالله انك تعيننا على بر والدينا والله يتوب على حمدان |
بصراحه مدري شلون قدرت امسك نفسي بصراحه قصيدة مؤثرة |
وشذا ماعنده قلب يغضب امه ويرضي زوجته يالله انك تعينا على بر الوالدين |
| الوقت المعتمد في المنتدى بتوقيت جرينتش +3.
الوقت الان » 07:09 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd