|
ما حدث في مطار الطائف (للأسف) بسم الله الرحمن الرحيم ..... السلام عليكم ورحمته وبركاته ... أخواني وأخواتي أعضاء هذا الصرح العظيم.....امابعد بينما كنا اليوم ننتظر وصول نادي الهلال السعودي في صالة مطار الطائف حذث مالم يكن يخطر على البال والخاطر فقد فوجئنا بمنع رجال الشرطه لنا من السلام على لاعبين الفريق بالرغم من اننا لاقينا المتاعب حتى وصلنا الى صالة الاستقبال فقد منعنا في البدايه من دخول المطار ثم جاء واحد من الشبابوجزاه الله خيرا دخلنا بواسطته ثم بعد انتظار طويل سمح لنا بالدخول الى صالة الاستقبال فقام احد اصدقائي بسؤال احد رجال الشرطه (ليه دخلتو الباص عند الطيارة (طبعا ماهو باص الطياره بل باص نقل اللاعبين)) فرد عليه بكل بجاحه (هم اللي طلبوا ندخله<<<يقصدون اداره الهلال.بعدين لو يحبونكم ما قالو دخلوه) شوفوا الاسلوب والله انني حسيت انني في نص ملابسي وقلت ياليتني ماجيت وبعدين قلت والله قلت انه ابو فيصل مايطلب هالطلب ورغم هذا كله لحقناهم للأنتر كونتيننتال<<<<لزقه عنزروت>>>> وبواسطه هذا الولد دخلنا للأنتر بعد وياسلام عليك يالأنتر لو ننشال عن الأرض شالونا يعني ياعسكر وإنتر الطااايف مانقدر نشوف هلالنا الا بالوااااااسطااااااااااااات حسبي الله ونعم الوكيل قبل الختام ,,, شكرا لأخوي محمد أبو لما على أخلاقه الرفيعه وهذا المعروف عنه تحيااااااااتي........... |
$$ والله أخوي مشكله بس ماأتوقع شبيـه الريح يقول كذا هذا العسكري مطلع من عندهـ لايـهمك يبون يخربون بيننا << يحس انه عسكري مندس خذهـا مني وانا أخوكـ $$ |
لزووووووووووووووووووم سلامة اللاعبين وابعادهم عن الضغوط وبكرة ان شاء الله يجملوها |
يرجال انا من الطايف وعارف اللي بمطار الطايف واسلوبهم عشان كذا مارحت لكن ليتني ادري متى بيمشون من الطايف بمشي معهم للملعب بخاويهم في الطريق |
وسع صدرك ياخوي مافيه شي يستاهل وبعدين هذي واضحه اكيد ان العسكري مو هلالي ومنقهرررررر من شبيه الريح وكرمه مع الزعماء قال خلني اجيب شي يقهرهم منه مادرا انه شبيه الريح اكبر من كذا بكثيررررر >>> ما اتوقع انه بيمنع الاعبين من السلام |
واله غريييبه ياخوي في مطار جده رحت واخذت صور مع اللاعبين وبكل راحة وهدوء |
الله يوفق الزعيم وتشوفهم يبدعون بالملعب |
الله يهديهم العساكر دائما اسلوبهم زي كذا |
والله هاذا الي يكره الواحد في استقبال الاعبين والله مااقدر اقول شي >>>>خايف من التوقيف مره ثالثه |
السلاااااااام في الملعب بكره |
اليوم انا رايحه للطائف بس مايمديني اوصل الاطايرين لمكه بعد ماروح لمكه لين هم راجعين الرياض بس راح تكون انفاسهم قريبه مني هههه والفوز ان شاء الله هلالي |
والله قسم اني كنت جاي من الديره عشان الهلال بس للاسف عموما الموعد في مكه |
قهررررررررر اانا بالطايف بس مادريت انه بيوصلون اليوم |
من شدة حرص العسكر على الزعيم :) |
ولا تزعل يابطل .. هذي صارت لي في مطار جده , وتصدق العسكري شكله يانصراوي ياإتحادي والمشكله وأنا أنتظر اللاعبين يحلف بالله إنهم ماراح يجيون مع هذي الصاله اللي انا فيها ,المهم ماخلص كلامه الا اللاعبين جايين مع نفس الصاله وبرد وجهه........... طول بالك وان شاالله الفوز بكره راح ينسيك اللي صار لك في المطار....... وإذا تبي النصيحه ( ماعندك واسطه لا تروح وتتعب نفسك )........... تحياتي لك................ |
| الوقت المعتمد في المنتدى بتوقيت جرينتش +3.
الوقت الان » 03:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd