باقي [[ تكــه ]] ونوصل النهائي ... ياجمهور [[ نـجــد]] ابغاكم بكلمة رأس... ويازعماء.. الجااار قبل الدااار - نادي الهلال السعودي - شبكة الزعيم

هلالي مكـــه · #1 20/02/2009, 10:38 AM

في موضوعي السابق... قلت انتهى دور جمهور تبوك .. واتى الدور لجمهور مكه والغربيه عاااامه

وبالفعل كان جمهور مكه بالموعد ... جمهور اينما ذهب الزعيم فهم خلفه .. ونادي عنده هالجمهور

اكيد ابداعه راح يتواصل ... والأزرق أكـل [[ الوطني]] والتهم [[ الوحده]] في ليله من ليالي الزعامه

المتفرده .. هدف وحيد ربما يراه الكثيرون غير كافي ... ولكننا حصلنا ع الأهم وهو التأهل لدور الاربعه

وباقي خطوه .. وإلا خلونا نقول باقي [[ تكــه]] ونوصل للنهائي ..

في مكه كان الزعيم كعادته ... وكان جمهوره كعادته... وكان الانتصار حاضرآ كعاااادته ..

قالوا وقالوا وقالوا ... وبالنهايه : لايصح الا الصحيح ...

أســـامه هوساااوي : يسلم رأسك.. انت من المبدعوون القلائل الذين يعملون في صمت

وصمتك غير .... وحديثك غير... وفي ومخلص لشعار الزعيم .. وتوج

مجهوده بهدف اوصل به فريقه لدور الأربعه .. وكفى ياابن مكـــه.

بالأمس كان الحضور مميزآ ... ويومآ بعد يووم يؤكد جمهور الزعيم بأنه الجمهور الأكثر والأوفى

وفي كل مدينه يتواجدون ويحضرون ويساندون ويؤازرون .. وكأن جميع الملاعب هي ملاعب

الزعيم ... وهي بالفعل كذلك ..

ياسر القحطاني : غالبية جمهور الأزرق كان يتمنى منك التسجيل في مباراة الوحده .. ولكن

بعد مباراة الأمس قلت في نفسي [[ زين انه ماسجل ياسر]] اتعلمون لماذا؟

لأن ياسر يصوم ويفطر على شباك النصـر ... وبمشيئة الله فطورك يوم الاثنين [[ ماله مثيل]]

يابو سعيـــــــــد.

تأهل الجــار ... ورددت في بالي : [[ جــابك الله جــابك الله]] فرد الاعتبار هو اول اهتماماتنا..

قبل عام انتصروا في نهائي [[ بطولة المدراس]] وحتى اليوم وهم يتغنون بهذا الانتصار ..

وكلنا نعلم ظروف تلك المباراه وغياب النجوم ... أما الأثنين فنجومنا جاهزون .. ولن نرضى

بغير الفوز [[ بمشيئة الله]] لنقول لهم ان تلك البطوله هي [[ زكاة بطولاتنا]] واننا نبحث عن البطولات الكبيره لأننا كبار بفريقنا وتاريخنا وانجازاتنا ونجومنا ...

قبــــل الختـــــــام :

ياجمهور [[ نجــــد]] كلمة رأس شوي : شفتوو جمهور تبووك؟ وشفتونا بمكـه

كيف؟

تكفوون مانبغى نشوف الأثنين كرسي فاضي ... وابغاكم تقولون : حتى حنا مثلكم

نعشق الزعيم ونحبه ... وكلي ثقه بتواجدكم وحضوركم .. صحيح اني عاتبتكم

مرات ومرات ومرات .. ولكن ابغى ردكم علي يوم الاثنين يكون قاسي .. وصدقوني

لولا ظروف عملي كان تواجدت اول واحد بالملعب .. لكن انا متأكد ان نجد فيها من يكفي

ويوفي .. بالاضافه لجماهير الهلال الحاضره من الشرقيه والشمال ... وصدقوني

مباراة الاثنين غيررر... وان شاءالله بتواجدكم ومؤازرتكم راح يكون زعيمنا غيرررر..

خاتـــــــمــــه:

جميـــل صباح الجمعه .. فهذا اليوم هو عيد المسلمين ... وجميل لأنه مشرق

بإنتصار الزعيــــم .. فليلة البارح كان الفرح طاغيآ ... وهذا الصباح يتواصل الفرح

... ويااااارب يكون صباح الثلاثاء مكتسي اللون الأزرق والأبيض .. لأقول لكم وقتها

بمشيئة الله : صبااااااااحكم زعاااامه ... ومبروك التأهل ..

دمــــــــــتم بزعـــــاااامه ............ ودامت الزعااااااامه زرقاااء...

للجميع حبي وتقديــرررري..

رووووح الهلال · #2 20/02/2009, 01:23 PM

السلام عليكم

الهلال والنصر
يوم الاثنين

يالهو من يوم ويالها من سهره

شاهدنا النصر يفوز على الاتحاد ومن متى النصر يفوز على الاتحاد المهم ماعلينا

النصر اصبح فريق جيد جدا يملك عناصر ممتازة وفريق محترم

على الهلال ان يحترم النصر ويلعب بتكتيكه الخاص

مازلت اقول ان الهلال افضل فريق في السعودية الان

اهل تبوك كثر الله خيركم زفيتم الزعيم لربع النهائي بحضوركم الجميل كالعادة

اهل مكه والغربيه كثر الله خيركم زفيتم الزعيم لنصف نهائي بحضوركم
الممتاز

جاء دورنا وجاء وقت الصلح والعهد والوقوف مع الهلال انتظرووونا في الدره

ندري انه ارهاق يانجوم الزعيم بس نبيها للعيوننا نبي البطولة يانجومنا

الله الله بالحضور ياجمهور الزعيم وترا المبارة على ارض الهلال لاتنسوون ذلك

ننتظر يوم الاثنين بااحر من الجمر

ويالله يارب ياكريم يارحيم ياغفور تنصر الهلال وتجعل البطولة من نصيبه

بالتوفيق

الســـــيف · #3 20/02/2009, 01:29 PM

اجااازة ومحد له عذر ,,

وان شاء الله نشوف الدرة مليااانه ...

هوس المدرجات - H50 · #4 20/02/2009, 01:31 PM

يعطيـك العافية ياهللالي .. مكة وماقصرتم والله بمكـه

جمهور الهلال .. في الرياض وفي كل المناطق القريبة راح يزف الهلال للنهائي ان شاء الله

ويكون رده اقسى من القساوة ،، عليك

وصدقني جمهور الهلال لو حضر ربعه " ماراح تشوف شبر " .. فاضي

لكن الاتكالية ذبحتنا وصرنا للاسف " مقصرين " مع الكيان ..

===

الله يوفق هلالنا بكل مكان ..

وياجمهور الهلال في المقاهي " وانا اولكم في بعض المباريات " ..

اتمنى نستحي على دمنا ،، لو " شوي " ..

ونعترف بتقصير البعض وتخاذل البعض الآخر ..

ونعطي هلالنا ساعات من اوقاتنا تزفه للنهائي ..

ولكل البطولات القادمة

===