هلا بالغالي


ضيقت صدري ياشيخ بسالفة اتصل عليه المكتب يوم وصل الشرقية


معي توكيل من الوالد، ومقدم على شغاله من 6 شهور بالضبط وإلى الحين ما جت!!، والمشكلة إن راعي المكتب كاتب على ورقة طلب الاستقدام وفي خانة الملاحظات العامة " العميل خاص وهام جداً " أحس إنه دربان


والمشكلة، نشتكيهم لمن؟؟، لا تقول لوزارة العمل أو مكتب الاستقدام التابع لها، لأني أتوقع إن الخدامه توصل قبل لا يأخذ خطابك رقم وارد عندهم!!



الزبده إنه يمكن أسافر منتصف الأسبوع الجاي!!

وش رايك؟؟، ألعب عليهم وأسوي كمين يقال إني مسافر الحين وأنا ما سفرت أغديهم يتصلون وأجدع همه

إقتباس ** والله يا أن حقين مكاتب الإستقدام صار عندهم قابلية لـ ( إستقبال ) كل أنواع الشتائم بشكل جبار ويحسدون عليه << وأنا هنا أسجل إعجابي بقوة التحمل اللي عندهم

غير إن عندهم أساليب تصريف متعوب عليها، تخليك تلخبط بين مسميات الأوراق والإجراءات وتضطر تصدقهم!!

وصلت أوراقها لمكتبنا هناك!، ما بعد طلعت أوراقها من السفارة!، أخذت فيزة العمل بس باقي إجراءات تأشيرة الدخول!!، الجهاز أمامي يبين إنها دخلت السعودية!!، ومن هالخرط!..

إقتباس ** الله اكبر .. الحين الحرمة اللي ما عندها شغالة صارت ( مخفة ) وفي نفس الوقت ( سنعة ) .. << الصدز أن حنا في اخر الدنيا يا ناس

إي نعم هذا الحاصل، كثير منهن ماخذتها رفاهية ودلع وتقليد ومجاكر!!، أجل وحده ما غير هي وزوجها وبزرين معهم ساكنين بشقة، وتسمعها تصيح وتشتكي من الظلم ونفسيتها تعبانه لأن زوجها رافض يجيب خدامه!!

إقتباس ** لو سمحوا لنا ( أننا ) نجيب شغالات من دول هالحمر العطر ( روسيا وطقتها ) تتوقعون حريمنا بيصجونا بهالشغالات ؟ أو ييرفعون راية ( السنعً لنا لا لغيرنا )

، إن حصل فالظاهر إن الوحده فيهن تبي تبدأ تلبس عباتها وتطلع للشارع معها سطل عشان تغسل سيارة بعلها الحبيب

الجانب المشرق هنا، إنه فيه نساء يرفضن تماماً دخول الخادمة للمنزل وتعتبر أن الاهتمام به وترتيبه هو من اختصاصها وجزء أساسي من مسؤولياتها، وعموماً إن طلبت خادمة فلها الحق في ذلك..


في الجانب الآخر، هناك نقطة هامة هنا، و تتعلق بالتربية وخلق روح التعاون بين أفراد الأسرة وزرع ثقافة النظافة ووحسن الترتيب والتنظيم لحاجياتنا ومقتنياتنا والاعتماد على أنفسنا في كثير من الأمور..

والحقيقة أستغرب من رجل ما عمره كلف نفسه يضف طاولة الأكل بعد ما يخلص أو حتى يغسل له بياله أو فنجال، وبنفس الوقت ينزعج ويزعل إذا زوجته قالت أبي خدامه!!



شكراً لك

والله وصارت قصه وبانتظار الجزء الجديد

من اول كنا نعاني من هالمشكلة .. بس حالياً صارو الخدم يعمرون عندنا ..
يقعدون كثير .. وما نخليها تروح الا لما تجي وحده بدالها < --- حركات اخوي

ومشكور خيّو عـ الموضوع التوحفه

هلا بك أكثر شبوط ..
والمجلس منور بوجودك يالغالي ..

ياخي عيوني تقلبت

السمسار الهلالــي

إقتباس هلا ومسهلاً

يا هلا والله وغلا ..
أرحب

إقتباس رديت عليك هناك وراح أرد هنا لقلمك الرائع يا ابا راشد

ميرسي يا cd


السمسار ..
أسعدني مرورك

سوليدره

إقتباس هلا بك اخوي ..

هلا بك يا معلمة

إقتباس من جد مشكلة الشغالات عويصة ع قولتهم .. بس اعرف صاحب مكتب يقول احنا مضطرين نتأخر احياناً يعني شي خارج عن ارادتنا !

طيب خارجة عن إرادتهم ميب مشكلة ..
لكن .. لا يلعبون على الناس ويقولون لهم ( 3 ) او ( 4 ) شهور ويلطعنوهم 9 شهور ..

إقتباس واحنا اللحين طالبين شغالات من الفلبين من رمضان الماضي والى الآن ما جو طبعاً .. أنا عن نفسي فقدت الأمل ..

والله شوفي ..
عشنا وشفنا ..
لكن رمضان تراه توه قريب ..

إقتباس اللحين صارت موضة الهروب !! وحنا هربوا من عندنا 3 شغالات الله يقطع العدو

يؤ
وانتم تسوون بهم
يابوي 3 شغالات نحاشوا مرة وحدة ..
أكيد أنكم لاعبين في حسبتهم لعب

إقتباس بس ابشركم جميعاً انا مقررة انا مانيب جايبة شغالة في بيتي بالمستقبل البعيد الا عاد اذا صار الوضع يحتاج ..

طيب واذا كنتي تداومين ..
وعندتس ثلاث بزور ..
ورجلتس يداوم .. وش بـ تسوين ؟

سوليدره
منور الصفحة يابت