يابو فيصل قسم بالله العضيم هاذا الي صار قدامي - نادي الهلال السعودي - شبكة الزعيم

وربي مانسيتك 15 · #1 17/02/2009, 10:03 AM

بسم الله الرحمن الرحيم
الي خلاني اكتب هاذا الموضوع الان هو قرب موعد مباراه الوحده وذكرني بالي حصل امامي قبل كم شهر ونا حاضر
مباره الاتفاق مع الهلال ذهاب الدوري في الدمام المهم انا باختصر الموضوع ومافيه اني كنت جالس في مقعد جماهير الاتفاق مع العلم اني هلالي صمييييييييم بس تذكرون المباراه وزحمت جماهير الزعيم مالقيت مكان الاعند جماهير الاتفاق وبصراحه كانو قمه في الاخلاق المهم ونا جالس التفت على الصراخ والضرب عينك عينك بينهم واشغربت ليش صار هالشي بينهم مع انهم كانو رابطه وحده ومعهم الطبول المهم صار مشهد ولله العضيم قدامي
هو ان في لحضه الضرب هرب مجموعه قبل يجون رجال الامن وهم اربع شباب اعمارهم تراوح بين 14و15 و 16 وبينهم واحد لابس فنيله اتحاديه قسم بالله من يوم دخلو الملعب ونا ملاحضهم وحاس ان وراهم وشفتهم وهم يدخلون ويتسللون بين جمهور الاتفاق ولله على ماقول شهيد المهم هدى الوضع ولقافتي خلتني ماتابع المباره زين وقرب من اهل الفرقه وسأل واحد منهم وش الي صار ضحك وقال لا هذولا مجموعه بزراين اتحاديين دخلو بينا وكان اذا قرب اي لاعب هلالي حذفوه بالقوارير قلت طيب ليش قال قديمه قلت وش يبون بالضبط قال انت اتفاقي و منت عارف ان مبارتنا الجايه مع الاتحاد هنا بالدمام واذا حصل اي حاجه من الجماهير تنقل مبارتنا لجده على طول قلت لاولله انا هلالي ضحك بصوت عالي قلت ليش عشان جاي بينكم تضحك قال لاولله اضحك عشان انت هلالي ومنت عارف
ان الحركه صارت فيكم السنه الي فاتت قدام الوحده واضحه وضوح الشمس عشان المباره الي بعدها مع الاتحاد
قلت ماقدر ادخل في الذمم بس كلامك معقول ....
والي خلاني اكتب هاذا الموضوع الان هو اني تذكرت الي صار وهاذا كلام زميلي الاتفاقي قريب ويصير صحيح اذا حصل
يوم الخميس اي خلل من الجماهير

محور ارتكاز · #2 17/02/2009, 10:05 AM

الله يعطيك العافيه يابطل على الموضوع المهم بس ياليت المسئولين في الرئاسه ولجنة الانخباط قصدي الانحطاط اسف الانضباط يقرونه..

انا متأكد تماماً بأن مايحصل من شغب في بعض الاوقاات من قبل بعض الجماهير هم مدزوزين من اشخاص خذ 500 ريال وسو كذا وانا واثق من اللي اقوله..

لكن الشكو لله وحسبي الله ونعم الوكيل..

قلب الزعيم النابض9 · #3 17/02/2009, 10:10 AM

ياخوفي ان بكره بيصير عمل مخطط له

لاكن الله مع الزعيم

قديم هلالي · #4 17/02/2009, 10:09 AM

هذا صحيح يجب على إدارة الهلال أن تنتبه لهذا الموضوع شكرا أخوي على المقال الطيب

وربي مانسيتك 15 · #5 17/02/2009, 10:53 AM

إقتباس

الرسالة الأصلية كتبت بواسطة قديم هلالي


	هذا صحيح يجب على إدارة الهلال أن تنتبه لهذا الموضوع شكرا أخوي على المقال الطيب

انت اطيب اخوي واشكر جميع من قام بالتعليق

موديل توب · #6 17/02/2009, 10:07 AM

الحمدلله النية وماكانت عليه نية نادي الاتحاد بنقل المباراة نقلوها وحصلنا على الدوري واذا في حق للهلال او حق لأي نادي باذن الله راح يرجع ...

اما بنسبة للمشجيع فهم يمثلون انفسهم في الأول والاخير ويدل على الفكر لديهم فالرياضة قبل ان تكن كرة تكن اخلاق ..