في استاد الملز تسمع اصوات الجماهير الصفراء تصيح الى ان ينقطع صوتها

نادي الصحافة يا هــــــــــــــــــــــــــلال والجمهور يترنح مع التشجيع

اللي يثير شهوة الغرور في نفوس محبي الزعيم , ولكن في الاونة الاخيره ما عاد

نسمع هذا التشجيع اللذيذ من الجماهير الصفراء وكنها عارفه وضع صحافة الزعيم

وما صار لها من تردي هالايام حتى ان النطيحة والمتردية صارت تحسب من كتاب

الهلال تعالوا يا احبة الزعيم ناخذ جولة مع كتاب الهلال

1. الضويحي

كان قلم ناقد قوي وكان اذا تحدث في موضوع يخص الشان الهلالي أشبعه نقدا"

وتحليل وانت تقراء له تحس بمتعة التحليل ودقة الملاحظات اللي كانت تلامس

الواقع وترقى بالمضمون لكن فاجانا هذا الكاتب بالابتعاد عن نهجه وجاااب له

برج عاجي وقام ينظر من فوقه وتدخل في مواضيعه وتطلع بدون ما تعرف الهدف

والغاية من هذا الموضوع ونتمنى ان يرجع القلم الضايع الى اسلوبه الاول .

2. الدويش

عانى هذا الكاتب من التشابه اللي حاصل بينه وبين الكاتب الاصفر ولكن وللحق

يملك هذا الكاتب في السابق ملكات الكتابة الراقية واسلوب صياغتها اما اليووم

فهو مثل الاكلة البايته تحب تاكلها اذا كان ما فيه غيرها .

3. العجلان

ابو العذاريب قلم رهيب وهو من اجمل الاقلام الهلالية اذا اطلق لنفسة العنان

صااار مثل الثنيان وهو مجنح بحسن حمران (واحد قديم ) قلم لازال يعطي بسخاء

لكل ما هو ازرق وما اقدر اقوله الا يا بعد حيي يا الشمالي ;) .

4. الدوس

كاتب لا يهش ولا ينش وكل فترة وله اسلوب يصلح صحفي اكثر منه كاتب .

5. حمد الدوسري

الله يذكره بالخير كاتب تحب تقراء له والهلال فايز والا مهزوم يبرد قلبك من جد

اسلوب السهل الممتنع ( الله يا اكثر اللي ينضغطون منه ).

6. صالح السليمان

كاتب كل هلالي وكل هلالي يعشقه , المحامي الاول لحقوق الهلال ورجمة الصواريخ

اللي ما يوقف في وجهه اي مستصحف او كويتب يذكرني بالفياقرا اذا وقفت قدام

الاشارة وجمبها جلنت .

7. الجاسر

وش يبي ذا ابصم بالعشرة ان فيه واحد لاعب عليه وقايل له ان الجمهور يتفاعل

مع كتاباتك محترف في تقطيع الهلال ولو ما اعرف انه هلالي كان ما اصدق انه

من محبي الزعيم .

والبقية في العدد القادم .