سالفتي يوم اني في بطن امي... - نادي الهلال السعودي - شبكة الزعيم

fhss · #1 15/02/2009, 03:42 PM

السلام عليكم ورحمة الله وبركاته

كيفكم عساكم بخييير

احم احم

الووو الووو 1 2 3 الكل معايه..

في البدايه يوم اني كنت نطفه كنت احسب نفسي من كريات

الدم البيضاء الين ما جا يوم وقالت الدكتوره لأمي

((مبرووووك انتي حامل))

يومتها عرفت اني مشروع انسان

قلت ياليييييل النشبه الحين بطلع لعالم ثاني كله حساب وعقاب واختبارات

المهم... حاولت اني اغير التخصص زايده بنكرياس لكن مافي امل

قلت امري لله وش اسوي هذا اللي الله كاتبلي

وبعد 4 شهور من المعاناه سمعت امي تقول لبوي وش رايك نروح نشتري ملابس للبيبي

قلت وش عند امي مستعجله علي

ومن سوق في سوق الين وصلنا البوادي

قلت افااااااااا من اولها البوادي وين مذركير ووين الكشخه

بعد ما الفرفره اكتشف انها شرت ملابس بنات

وانا اللي اناطح في بطنها ابيها تغير رايها

وهي مدهره من فستان في فستان

وانا اعيييييييط

بعد اسبوعين سمعت ابوي يقول وش رايك نروح نشوف تيس ولا عنز

قلت من بدايتها ذب

ويوم وصلنا عند الدكتوره وحطت الجهاز قمت اتميلح انا

قالت امي يحليييييييييله يجنن

قلت اي والله بوريك اللي يجنن خلني اطلع بس

قالت الدكتوره مش باين حاقه

لعنبو دارها دكتوره عالفاضي

المهم يوم ان ابوي يسأل امي...كم باقيلك يا ....طوووووط <<كنت بجيب العيد وقول اسم امي

قالت 5 شهور...قلت والله اني باكل زق لا انيس ولا ونيس

ومرت الايام والليالي الين جا يوم 11/12/1409هـ << تاريخ ميلادي

وانا جالس العب بالحبل السري شبرا امرا

ويوم اني اطيح وانقلب على راسي وامي تعييييييط من الالم

ويجيك ابوي ماشي مليون وياخذ امي للمستشفى

ويقول للدكتوره حانت الساعه

عاد انا تجمع الدم في راسي من الشبرا امرا الله لا يعيدها من لعبه

ويوم ان الدكتوره تقول شهيق وانا اوصل للقفص الصدري

حشا مكنسه موب رئه وشوي اللي تقول اني منطلق من مدفع الحرم

وازحلق بين المعده والامعاء بسرعه 280 km/h

وما اوقف اللي في بطن جارتنا فتحيه كانت مع امي في الغرفه

والاقي بهجت موجود داخل

قلت وش عندك هنا..؟؟

قالت انت الي وش عندك

قلت ذا مو بطن طوووووط << ترا لو طولت السالفه بكب العشا

قال لا لا شكلك منت من ذي الديره

قلت اجل وين اقرب مخرج

قال تشوف النور الصغير...قلت ايه...قال ادهر من هناك

قلت وراك ما تجي معاي..؟؟

قال راسي ما يطلع

قلت والله من الكشري اللي تدقه كل يوم

قال رح بس لأتوطى في بطنك

والا اتذكر ان الدكتوره ما قطعت الحبل السري

وامي لاصقه في المصريه جارتنا ام بهجت

خرجت من بطنها بدون اي صعوبه نظرا لضعف جسمي وكبر جارتنا فتحيه المترامية الاطراف

للمعلوميه...القصه من مخيخي

سي يو

ما يستفاد:

1) هدئ السرعه عشان لا يسيرلك عواقب وخيمه<<دايما اسمعها (وخيمه لكن مدري وش معناها)

2) اذا جاك مولود جديد رح تأكد هو ولد ولا بنت عشان لا تخسر فلوس عالفاضي

3) اخيرا وليش اخرا اذا كان دوامك شفتات وبعيد عن اهلك ياأنك
بتاكل هوا

يالله حبايبي

شاو