بنت تبي تتزوج لييييييييييش ؟؟؟؟ تعال وشوف الفضايح!!!!!!!! - نادي الهلال السعودي - شبكة الزعيم

fhss · #1 15/02/2009, 12:05 AM

بنت تبي تتزوج ليش ؟؟؟؟؟ تعال وشوفو الفضايح !!!!!!!
أبــــــي أعـــــــــــرس ...... زوجــــــــــــــــــــوني
نزلت هذهي الكلمات مثل الصاعقة على الأم

كانت صدمة لها

مع أن المفروض أن كل أم تفرح لما تسمع هالكلمة من واحد من عيالها

لكن سبب الصدمة كان أن هالكلمة ما صدرت من ولدها

لكنها صدرت من .... من ....

من " بـــــنـــــــتـــــهــــــا "

إيـــه " بـــــنـــــــتـــــهــــــا "

و اللـه الـنـشـبـه

أنربط لسان الأم

دارت فيها الدنيا

قامت تهوجس

الولد نقدر نخطب له ... لكن البنت بنوحل بها

من وين بنجيب لها رجـــل !!!!!

" يـمه ... ردي علي .. تكفين ... زوجيني "

صحيت الأم من الهواجيس الساخنة ... القاتلة ...اللي أصابتها من الصعقة السابقة

كانت البنت تهز كتف أمها .. و تترجى فيها :

" يـمه ... أفهميني ... أنا أبي أعـرس ... "

لكن الأم ما قدرت ترد بأي كلمة

كانت بس تناظر في عيون بنتها و تقول بينها و بين نفسها :

" هذي اللحظة إللي ما عملت حسابها .... الظاهر بنتي كبرت و أنا ما أدري ... "

رجعت البنت و رمت بنفسها على الكرسي بكل إحباط و قالت :

" أنتم ليش ما تبون تفهموني .. أنا خلاص كبرت ... صرت حرمه .. عمري الحين فوق العشرين سنة .. يعني حرمــــــــــــه .... أفهميني يـمـه الله يـخـلـيـك "

أخيراً تكلمت الأم و قالت :

" خلاص يا بـنيتـي ... فـهـمـتـك " ... و هـي قاعـده تفـكر وشــلـون تـبـي تـفـاتـح الأبـو في هالـمـوضـوع ... لا الـمـصــيـبـه !!!!

قربت البنت من أمها و قالت :

" يـمـه وشـهـو اللـي خــــــــلاص ... أنتي تـحـسـبـيـنـي الـين الحـيـن بـــزر ... بـتصـرفـيـنـي ؟؟ .. أنـــا حــرمــه .. أنا الـحـيـن صـرت حـرمـه .. و كـل صـديـقـاتـي اللـي مـعـي تـزوجـوا ...
يـمـه اللـه يـخـلـيـك حـسـي بـشـعـوري "

و الأم مسكينة يتقطع قلبها على بنيتها .. و تقول في خاطرها :

" الله يعينك يا بـنـيـتـي .. كل هذا في قلبك و متحملته "

و البنت أستمرت في صراحتها ...

" يمه أنتي أكيد تعرفين مشاعر أي بنت في عمري .. و أنا ما طلبت شيء خطاء ..

طلبت العــــــــــــــــــــرس بس .. "

و هوجست الأم :

" العـــــــــــــــــــرس بس !! .. إيه هين بس .. هو العـــــــــــرس ينقال عنه بس ؟؟ !! "

و كملت البنت :

" يـــــــــــــمه سامحيني على صراحتي

بس ما لي غيرك أفضفض له

أنتي لو تعرفين شلون إحساسي كلما فكرت في صديقاتي المتزوجات

أتخيل سعادتهم ... و أتصور شعورهم

فاهمتني يمه ؟؟؟ "

و قفت الأم في مكانها .. و حاولت إنها تكون صارمه عشان تنهي الحوار و قالت :

" خلاص يا بنت .. قلت لك خلاص ..

أنا فهمت و ماله داعي كل هالشرح

و إذا جاء أبوك تفاهمت معه ... أنتي تحسبين الموضوع سهل ..

بـيـنـجـلـط الـرجــــــــال فيها "

قامت البنت من مكانها .. و واجهت أمها و قالت :

" لا .. ما بعد فهمتيني .. و لا حسيتي باللي أحسه

أنتي عايشه في نعيم .. أنا أشوفك كل يوم تروحين مع أبوي .. و أنا محرومه من هالشيء ..

تحسبيني ما أفهم .. ما أحس

أعرف شعورك لما تكونين مع الوالد "

و مسكت كتوف أمها بين إيديها و حطت عينها بعين أمها و قالت :

" يـمـه أفـهـمـي لـيـش أنا أبـي أتـــــــــزوج .. "

الأم ما قدرت و دارت و جهها عن بنتها و قالت :

" يا بنت إســتــحــي "

لكن البنت كملت كلامها :

" يـمـه المسأله ما فيها حيــــــــــــــاء .. هـذي مـشـــــــــاعـر طـبـيـعـيـة ..

كـلـه كـــــــــــوم .. و منظر صـديـقـاتـي كـــــــــــــــوم ..

كل يوم أشوفهم الصباح يــجـيـبـونـهـم أزواجـهـم للـكـلـيـه

و أنا قـلـبـي يـتـفـطـر

أشوف أشكالهم مع رجالهم .. و أنـقـهـر ..

و أنا كل يوم أركب مع الســـــــــــــــواق للـكـلـيـه

يـمـه أنا كـلـي أحـاسـيــــــــــــس و مـشـــــــــــــاعـر

يـمـه أفـهـمـيـنـي عــــــــــــاد "

لكن الأم ما أسـتـحـمـلـت

طاحت على الأرض مـغـمـى عليها

و الظاهر إنها إنـجـلـطـــــــــــــــــت ..

جلست البنت على ركبتيها .. جنب أمها .. تحاول إنها تصحيها و هي تصرخ :

" يـمـه أفـهـمـيـنـي ... أنــا .... أنــا .... أنــا ....

أنــا أبــي أتــزوج عشــــــــــــــان ..

علشان ابي اركب قدام!!!!!!!!!!

شوق الكويت · #2 15/02/2009, 12:14 AM

ههههههههههههههههههههههههههههههههههههههههههههههههههههههههههههههههههههههههههههههههه

حلوه لاحووول فهمنا غلط

المسكينه خلوها تركب قدام

fhss · #3 15/02/2009, 12:17 AM

شاكر لك مرورك واله البال راح بعيد

الله يعين بس

بالتوفيق اجمعين

صِبآ نجّد · #4 15/02/2009, 12:18 AM

هههههههههههههههههههههههههههههههههههههه

الله لا يشغلنا الا بطاعته <<

مير مهستره هالبنت .. اذا هو متأزم وضعها ورا ما يسمحونلنا بالسواقه <<

بالمشمش

ههههههههههههههههههههههههههههههه

ولا عندي لها حل تركب قدام مع السواق .. لان وضعها شكلوو صعب

الله يوسع صدرك بالعافيه وسعت صدري بالموضوع ..

جوري الربيع · #5 15/02/2009, 12:20 AM

حللللللوة
يااااحليلها تبي تركب قدّام انا راح بالي بعييييد
عمومااا..مشكوووور،،،

fhss · #6 15/02/2009, 12:27 AM

ههههههههههههههه

دوووووم هالضحكه يارب والله يسعدكم دوووم

بالتوفيق اجمعين

الموهوووم · #7 15/02/2009, 09:39 AM

هههههه والله سالفه طووووووووووويله

من اليوم وطالع اختي ماهي راكبه الا ورا

بأحترم شعور العذارا

SUPER HILALY · #8 15/02/2009, 11:01 AM

هههههههههههههههههههههههههههههه
قوية
وانا متحمس وفاهم غلط

%%هلالي مدريدي%% · #9 15/02/2009, 11:57 AM

حرام عليك
دخلنا جو
وتعاطفت مع المسكينه
وكنت شوي وأروح أخطبها

لكن حلوه أخرتها

خالد عزيز6 · #10 15/02/2009, 12:05 PM

ههههههههههههههههههههههههه

والله يالبنت مرجوه <<< اجل هبلة امها عشآآآ، تركب قدآآم

الله يسعدكًـ

yazeed.k.a · #11 15/02/2009, 12:20 PM

ههههههههههههههههههههههههههههههههههههههههههههه
الله يرجك

هلالي فوق الجبال · #12 15/02/2009, 06:57 PM

ههههههههههههههههههه

مشكور اخوي

لكن لو تنزل كل يوم موضوع احسن من انك تنزل مليون موضوع بيوم واحد
لان كذا بنفقد حلاوة المواضيع
كاتب اكثر من 15 موضوع

1- المواضيع الجديدة الي قبلك راحت للصفحة الثانية
2- كل المواضيع نسخ ولصق وما فيه اي تعب حتى لو بسيط
3- العضو يتشتت ويدور موضوعه الي ممكن تعب بتنسيقه وما يلقاه بالصفحة الاولى
4- تخلي العضو ما يرد عليك او ما يشجعك على كتابة المواضيع لان كتابتها ما هي شيقة

هذا الي بغيت اوضحه لك وتقبل انتقادي و مروري و ردي بصدر رحب و وسيع

هلاليه نت · #13 15/02/2009, 10:18 PM

هههههههههههههههههههههههههههههههه

خلووووووووهآآآآآآآآآآآآ تزوج وتركب قدآآآآآآآآآآآآآآآآآم

BEST_01 · #14 15/02/2009, 10:34 PM

والله ان امها حبيبة بعد ... جالسة تسايس لها
كان قالت لها وش تبي مواصفات زوجها بعد عشان يروحون يخطبونه

مشكور اخيو على الموضوع ... وعن كل المواضيع ... لاني ما ضنيت اني بمرها كلها

وتقبل مروري

سنتياجو هلالي · #15 15/02/2009, 10:38 PM

كل ذا عشان تركب قدام ...<< مشكله , فهمت غلط خخخ

لا هنت خيوو ..

سلاآآم